ءبىر سەكۋند عانا ۋاقىت جۇمساپ، نەشە مىڭ مۇناي قۇدىعىنان قالىپسىز جاعداي بايقالعان قۇدىقتى تاۋىپ شىعا الاتىن بولدى
شينجياڭ مۇناي الابى سيفرلانعان، زەردەلىلەنگەن ”ەڭ زەرەك ۇلكەن ميدى“ تۇلعالادى
انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى ياڭ چۋ - ي 3 - ايدىڭ 26 - كۇنى قارامايلىدان حابارلايدى. ءبىر سەكۋند ۋاقىت ىشىندە ءسىز نە ىستەي الاسىز؟ شينجياڭ مۇناي الابىنىڭ قىزمەتكەرلەرى جونىنەن العاندا، تەك ساۋساقتارىن قيمىلداتسا بولعانى، ءبىر سەكۋند ۋاقىت ىشىندە نەشە مىڭ مۇناي قۇدىعىنىڭ ىشىنەن قالىپسىز جاعداي بايقالعان قۇدىقتاردى تاۋىپ، قالىپسىز جاعداي بايقالعان قۇدىقتارداعى ماسەلەلەردى اتتاپ باسپاي - اق دالمە - ءدال، جوعارى ونىمدىلىكپەن تابا الادى.
3 - ايدىڭ 23 - كۇنى ءتىلشى شينجياڭ مۇناي الابى مۇناي ايىرۋ ەكىنشى زاۆودىنىڭ وندىرىسكە قولباسشىلىق ەتۋ ورتالىعىنىڭ ورتالىق مەڭگەرۋ بولمەسىنەن قىزمەتكەر رۋان سىيانىڭ جالاڭ قۇدىق ماسەلەسى جونىندە تۇجىرىم جاساۋ جانە ساپالىلاندىرۋ جۇيەسىنەن پايدالانىپ، ءبىر سەكۋند ىشىندە - اق 3000نان استام مۇناي قۇدىعىنىڭ ىشىنەن جۇزگە تاياۋ قالىپسىز جاعداي بايقالعان قۇدىقتى تاۋىپ شىققاندىعىن كوردى.
قالىپسىز جاعداي بايقالعان قۇدىقتى جىلدام تابا الۋ شينجياڭ مۇناي الابىنىڭ سيفرلاندىرۋ، زەردەلىلەندىرۋ تەحنيكاسى مەن مۇناي - تابيعي گاز الابى كاسىبىن تەرەڭدەي توعىستىرعاندىعىنىڭ ارقاسى.
قالىپسىز جاعداي بايقالعان قۇدىقتاردى تەكسەرۋ، وعان تالداۋ جاساۋ قىزمەتىنىڭ كولەمى كەڭ بولۋ، ولشەمى بىركەلكى بولماۋ، الدىن الا تۇسپالداپ تەكسەرۋ بارىسى كۇردەلى بولۋداي مۇناي - تابيعي گاز قۇدىعىن باسقارۋداعى قيىن ماسەلەلەرگە مەڭزەس جۋىق جىلداردان بەرى، شينجياڭ مۇناي الابىنداعى تەحنيكتەر جالاڭ قۇدىقتىڭ ءوندىرىس شەشۋشى بۋىنىن نەگىز ەتە وتىرىپ، ۇلكەن ساندى مالىمەت نەگىزىندە كىناراتتارعا تالداۋ جاساۋ سىندى جاڭا تەحنيكا مەن 60 نەشە جىلدىق ءوندىرىس تاجىريبەلەرىنە ۇشتاستىرا وتىرىپ، مۇناي - تابيعي گاز، سۋ قۇدىعى ماسەلەسىنە تۇجىرىم جاساۋ جانە الدىن الا تۇسپالداۋ جۇيەسىن زەرتتەپ اشتى.
بۇل جۇيە ءداستۇرلى جالاڭ قۇدىق باسقارۋ ۇلگىسىن بىردەن وزگەرتىپ، ”ساندى مالىمەتتەردەن كوبىرەك پايدالانۋدى، قىزمەتكەرلەردى از سابىلتۋدى“ جۇزەگە اسىردى. قىزمەتكەرلەر تەك مەڭگەرۋ بولمەسىندە وتىرىپ ءتىنتۋىردى باسىپ قانا دەر كەزىندە نەشە كيلومەتر قاشىقتىقتاعى جالاڭ قۇدىق ءوندىرىسى جونىندەگى ساندى مالىمەتتى باقىلاپ ولشەي الادى، سونداي - اق جۇيە ارقىلى قالىپسىز ساندى مالىمەتكە تالداۋ جاساپ، اۆتوماتتى تۇردە ماسەلەگە تۇجىرىم جاساپ، قالىپسىز جاعداي بايقالعان قۇدىقتاردى ىرىكتەۋ، ماسەلەگە تالداۋ جاساۋ، كىناراتتاردى ءبىر جاقتى ەتۋدەگى ”ءبىر كنۋپكامەن“ تۇجىرىم جاساۋدى جۇزەگە اسىردى.
وسى جۇيە قولدانىلعاننان كەيىن، داعدىلى ماسەلەلەردى دەر كەزىندە بايقاۋ مولشەرى ％95تەن اسىپ، كىنارات سالىستىرماسى ％38 تومەندەدى.
شينجياڭ مۇناي الابى تاعى ءونىم مولشەرى وزگەرىسىنە تالداۋ جاساۋ ءارى الدىن الا تۇسپالداۋ جۇيەسى سياقتىلاردى زەرتتەپ اشىپ، ”پاراسات جولىندا“ ىلگەرىندى - كەيىندى كوپ ءتۇرلى قولدانىلمالى جۇيەلەردى زەرتتەپ اشتى، دەر كەزىندە سەزەتىن، اۆتوماتتى مەڭگەرەتىن، اشىق كورۋگە بولاتىن، زەردەلى تالداۋ جاسايتىن وسىزاماندانعان مۇناي الابىن ۇزدىكسىز تۇلعالادى.
ءونىم مولشەرى وزگەرىسىنە تالداۋ جاساۋ جانە الدىن الا تۇسپالداۋ جۇيەسى − شينجياڭ مۇناي الابى دەربەس زەرتتەپ اشقان ءونىم مولشەرىنىڭ اينالىم جاعدايىنا قاداعالاي نازار اۋدارۋ، ءونىم مولشەرىنىڭ وزگەرىسىنە زەردەلى تالداۋ جاساۋ جانە الدىن الا تۇسپالداۋ، شارالارعا تالداۋ جاساۋ مەن كومەسكى قۋاتتى اشۋ، وندىرىلەتىن مۇناي مەن جىبەرىلەتىن سۋ مولشەرىن سايكەستىرۋدىڭ قوسىمشا جوباسى ءبىر تۇلعالاندىرىلعان، زەردەلىلەنگەن قولدانىلمالى جۇيە، قازىر 13 نەگىزگى ساتى ورىندارىندا جالپىلاستىرىلىپ، جيىنى 110 مىڭنان استام رەت قولدانىلدى.
اتالعان جۇيە ساندى مالىمەت ساناعى، ەسەپتەۋ، گرافيك سىزۋ قاتارلى نەگىزدىك قىزمەت مولشەرىن زور مولشەردە قىسقارتادى، قىزمەتكەرلەر جەلىدە مۇناي الابىنىڭ اينالىم بەتالىسىن ماكرولىق جاقتان مەڭگەرىپ، ءونىمدى ارتتىرۋ بەتالىسىن تەز ارادا مەڭگەرە الادى؛ سونىمەن بىرگە ءونىم مولشەرىنىڭ وزگەرىس سەبەبىنە تالداۋ جاساۋعا جۇمسالاتىن ۋاقىتتا اۋەلگى 3 كۇننەن 30 مينۋتقا قىسقارىپ، كونە اۋماقتاردىڭ ءوندىرىس حاۋىپسىزدىگى، ورنىقتى ءونىم الۋ ونىمدىلىگىنە پارمەندى ينفورماتسيالاندىرۋ تىرەگىن ازىرلەيدى.
مۇناي - تابيعي گاز ساقتاۋ، تاسىمالداۋ قىزمەتىن باسقارۋدا قاراستى اۋماق تۇيىندەرى كوپ، جەلىسى ۇزىن، كولەمى كەڭ، باسقارۋ اياسى كەڭ، بويلاي كىرۋ تىزبەگى ۇزىن بولۋداي اينالىم ەرەكشەلىگىنە مەڭزەس، شينجياڭ مۇناي الابىنىڭ تەحنيكتەرى ”زەردەلى قۇبىر، زەردەلى پۋنكت الاڭىن“ كۇش سالا تۇلعالاپ، پۋنكت اۋماعىنىڭ ءوندىرىس ساندى مالىمەتىن دەر كەزىندە اۆتوماتتى جيناۋ، مالىمەت كەستەسىن جەلىدە اۆتوماتتى جاساۋ، جابدىقتاردى الىستان مەڭگەرۋ سياقتى اۆتوماتتى تەحنيكالىق وزگەرىس ەنگىزۋدى، قولدانۋدى بار كۇشپەن ىلگەرىلەتتى، ”پۋنكت - قامبانى جالپىلىق شارلاۋ، تەكسەرۋ، از اداممەن نەمەسە ادامدى قاجەت ەتپەي - اق كەزەكشىلىك ىستەۋ، ءوندىرىستى رەتتەۋ - مەڭگەرۋ ورتالىعىن شوعىرلى مەڭگەرۋ“ سىندى جاڭاشا باسقارۋ ۇلگىسىن بىرتىندەپ قالىپتاستىردى.
قازىر شينجياڭ مۇناي الابى زات ينتەرنەتى مۇناي - تابيعي گازدى ساقتاۋ، تاسىمالداۋمەن قامتۋ مولشەرى ％100كە جەتتى، ادامدى قاجەت ەتپەي - اق كەزەكشىلىك ىستەۋ شارت - جاعدايىن ازىرلەگەن پۋنكت تۇيىندەرى ％70تەن اسىپ، 75 مۇناي - تابيعي گاز پۋنكتى ءتۇيىنىنىڭ ءوندىرىس ساندى مالىمەتى، توڭىرەك حاۋىپسىزدىگىندە ”ءبىر ەكراننان بارلىعىن تۇگەل كورە الۋدى“ جۇزەگە اسىرىپ، مۇناي - تابيعي گاز ”كۇرە تامىرىنىڭ“ ىركىلىسسىزدىگىنە جان - جاقتى كەپىلدىك ەتىلدى.
