ياڭ پەيجۇن:
ادامدارعا شىن پەيىلىمەن مامىلە جاسادى، شىنايى سۇيىسپەنشىلىگىمەن ادام الىپ قالدى
− جۇندۇڭ اشۋ رايونىنداعى جاستار ①
انار بۇلت \ شينجياڭ گازەتىنىڭ ءتىلشىسى گو ليڭ
3 - ايدىڭ 21 - كۇنى شينجياڭ يحۋا حيميا ونەركاسىبى شەكتى سەرىكتەستىگىنىڭ (تومەندە قىسقارتىلىپ ”شينجياڭ يحۋا“ دەلىندى) 108 مەتر بيىكتەگى ۋرەا تۇيىرشىگىن جاساۋ مۇناراسىنا شىعىپ، كوز الدىنداعى ەڭسە كوتەرىپ تۇرعان وسىزاماندانعان كاسىپ سالاسى جاڭا قالاسىنا كوز تاستاعان ياڭ پەيجۇننىڭ كوڭىلى كولدەي تولقىدى. 12 جىلدىڭ الدىندا ول سەرىكتەستىككە العاش كەلگەندە بۇل ارا كوز جەتكىسىز قۇبا ءشول بولاتىن.
ياڭ پەيجۇن شينجياڭ يحۋا پارتيا، ۇكىمەت كەڭسەسىنىڭ مەڭگەرۋشىسى. 2011 - جىلى شينجياڭ داشۋەسى حيميا، حيميا ونەركاسىبى شۋەيۋانىنان وقۋ تاۋىسا سالىسىمەن شينجياڭ يحۋا سەرىكتەستىگىنە جۇمىسقا تۇرعان. ”مەن جوعارى مولەكۋلالى ماتەريالدار جانە ينجەنەريا ماماندىعىن وقىدىم، بۇل كاسىپپەن شۇعىلداناتىن قىزمەت ورىننىڭ دەنى شەت - شالعايدا، سوندىقتان دا ىشتەي دايىندىعىم بار“. ياڭ پەيجۇن ”ادام الىپ قالۋ“ قازىر ءوزىنىڭ باستى قىزمەت جاۋاپكەرشىلىگى ەكەندىگىن ايتتى.
شينجياڭ يحۋا جۇندۇڭ ەكونوميكالىق - تەحنيكالىق اشۋ رايونىنا ىرگە تەپكەن تۇڭعىش كاسىپورىن، جۇندۇڭعا العاش بارعانداعى ءتۇرلى قيىنشىلىقتار ياڭ پەيجۇننىڭ كوكەيىندە سايراپ تۇر. ”ىشتەي دايىندىعىم بولسا دا، وسى اراعا كەلگەننەن كەيىن ناشار ورتاعا ۇزاق ۋاقىتتا ارەڭ ۇيلەستىم“، - دەدى ياڭ پەيجۇن.
تاقتا ۇيدە تۇرىپ، شىلىڭگىر ىستىققا، قاقاعان ايازعا ءتوزدى، اۋەلى، بەت - اۋىز جۋعان سۋدىڭ ءوزىن اياق جۋۋعا، كىر جۋۋعا الىپ قويدى، بىردەن - ءبىر مەملەكەت تاس جولى سەرىكتەستىكتەن 40 نەشە كيلومەتر قاشىقتىقتا، تۇتاس جىلدا نەگىزىنەن جاڭبىر جاۋمايدى، جىل بويى قۇمدى بوران ازىنايدى، ءبىر كۇنگى تەمپەراتۋرا پارقى 20 سەلتسي گرادۋسقا جەتەدى... كوپتەگەن جاس جاپالى ورتاعا شىداماي بۇل ارادان كەتتى.
4 جىلدا ياڭ پەيجۇن زاۆودتىڭ تەحنولوگيالارىن تۇگەلدەي ۇيرەنىپ، قوسىلىستى اممياك جۇيەسىنەن حلورلى ءسىلتى جۇيەسىنە دەيىن، جەر بەتىندەگى قۇبىر سورەسىنەن جەر استىنداعى جاسىرىن قۇبىر جولىنا دەيىن ول ءاربىر جۇمىس ورنىندا الما - كەزەك ىستەپ شىقتى. ”بۇل ارادا ۇيرەنۋدىڭ توتەنشە تاماشا تەكشەسى بار، قام ەتەر شارۋا جوق، بەرىلە ۇيرەنسەڭ بولعانى“، - دەدى ياڭ پەيجۇن.
جۇندۇڭ اشۋ رايونىنىڭ قورشاعان ورتاسى ۇزدىكسىز جاقسارىپ جاتسا دا، قىزمەتكەرلەردىڭ ورنىقسىزدىعى دامۋداعى ولقىلىققا اينالدى، سونىمەن جوعارى ەڭبەكاقىمەن ادام ىستەتتى، قىزمەت مىندەتىن ءوسىردى، قورشاعان ورتانى جاقسارتتى... كاسىپورىن ءتۇرلى تاسىلدەرمەن ادام الىپ قالدى.
ياڭ پەيجۇندا ءبىرىنشى شەپتە جەتىلۋ كەشىرمەسى بار بولعاندىقتان، 2019 - جىلى سەرىكتەستىك ونى پارتيا، ۇكىمەت كەڭسەسىنىڭ مەڭگەرۋشىلىگىنە تاعايىنداپ، باستىسى، ”ادام الىپ قالۋ“ قىزمەتىن ىستەۋىن ۇيعارادى. ”ابزال ساياساتتان سىرت، ادامدارعا شىن پەيىلمەن مامىلە جاساپ، شىنايى سۇيىسپەنشىلىكپەن ادام الىپ قالۋ كەرەك“، - دەدى ياڭ پەيجۇن.
جۇمىسشى - قىزمەتشىلەردىڭ تالاپ - تىلەگىن شەشۋ كەرەك! ياڭ پەيجۇن مىندەتكە تاعايىندالعاننان كەيىنگى تۇڭعىش ارىندى جۇمىسىن باستادى. ول تاماقتى جاقسارتۋدان كىرىسىپ، اسحاناعا قوسىمشا قاراجات بەردى، تاماقتىڭ ساپاسىن جوعارىلاتتى، ءۇي جالاقىسىن ارزانداتتى، ۇساق تاعامدار ەنگىزدى، ۇساق تاعامدار دۇكەنى ساتاتىن تاۋارلاردىڭ بازار باعاسىنان تومەن بولۋىنا مۇمكىندىك جاسادى، تاعى تاماقتى جىلى ساقتاپ جەتكىزەتىن اۆتوكولىك تە ساتىپ الىپ، جۇمىسشى - قىزمەتشىلەرگە تاماق جەتكىزدى.
قازىر شينجياڭ يحۋانىڭ زاۆود اۋماعىندا جۇمىسشى - قىزمەتشىلەر اسحاناسىنان سىرت، ەرەن بازار، كوكونىس دۇكەنى، ميفىن دۇكەنى، مايعا قۋىرىلعان تاۋىق دۇكەنى سياقتىلار دا بار. جۇمىسشى - قىزمەتشىلەردىڭ تاماقتانۋ ماسەلەسىن شەشكەننەن كەيىن، ياڭ پەيجۇن كوپشىلىكتىڭ كاسىپتەن سىرتقى ۋاقىتتارىن بايىتۋعا دا قامدانىپ، سەرىكتەستىك شىنىعۋ بولمەسىن، يوگا بولمەسىن، قاۋىرسىن دوپ الاڭىن، باسكەتبول الاڭىن، بىلياردحانا، وقۋ بولمەسىن، پىسىرۋ ءۇيىن، كوفەحانا سالدى. ”بارلىعىن قىزمەتكەرلەردىڭ تىلەك - تالابىنا ساي كوبەيتتىك“، - دەدى ياڭ پەيجۇن.
سوڭعى جىلدارى اۆتوكولىك ساتىپ العان قىزمەتكەرلەردىڭ قاتارى بارعان سايىن مولايعاندىقتان، زاۆود جىل سايىن جاڭا اۆتوتۇراقتى كوبەيتتى، قىزمەتكەرلەردىڭ اۆتوكولىك ۇيرەنۋىنە قولايلىلىق جاساۋ ءۇشىن، 2 - مازمۇندىق ساباق جاتتىعۋ الاڭىن ارناۋلى قۇرىپ، ۇسىنىس ەتكەن جاتتىقتىرۋشى كاسىپورىندا تۇرىپ ۇيرەتتى.
ءتىلشى زاۆود اۋماعىنان اماناتتاپ بالا قارايتىن ورىندى دا كوردى، بۇل ارادا اماناتتاپ بالا قاراۋ ۋاقىتىنا شەك قويىلماعان، ءار كۇنى ساعات 6دان ساعات 24كە دەيىن. قىزمەتشىلەردىڭ شارۋاسى شىققاندا بالالارىن قالاعان كەزىندە اپارۋىنا بولادى، اماناتتاپ بالا قارايتىن ورىندا ارناۋلى كوڭىل اشۋ قۇرىلعىلارى بار، تاعى سابيلەر تاربيەشىسى سەرىك بولادى.
قازىر ياڭ پەيجۇن بەيقۇت ۇيگە قاتىستى جۇمىستاردى ءبىتىرۋ قىزمەتىمەن قاربالاس ءجۇر. ءۇي جيھازى، وتباسى ەلەكتر جابدىقتارى تولىق، ەرەكشە اشەكەيلەنگەن 198 ۇيگە كەرەك - جاراق الماي كوشىپ كىرسە عانا بولدى. ”بۇل ۇيلەر ەرلى - زايىپتى قىزمەتكەرلەرگە ارنالعان، قازىر كوپتەگەن جاستاردىڭ ءۇي ساتىپ الۋعا قاجەتى ارتۋدا، تاعى ءبىر ءبولىم ۇيلەر وزىندىك قۇن باعاسىمەن قىزمەتكەرلەرگە ساتىپ بەرىلەدى، قىزمەت ىستەگەنىنە ءبىر جىل تولعان سايىن 10 مىڭ يۋان قايتارىپ بەرىلەدى، ەڭ جوعارى شەگى 100 مىڭ يۋان“. ياڭ پەيجۇن بىلاي دەدى: جاستىق كوكتەمىم مەن كاسىبىمدى جۇندۇڭعا قالدىرۋ مەنىڭ رياسىز تالعامىم، بۇگىنگى تاڭدا اناعۇرلىم كوپ جاستىڭ وسى ارادا قالۋى ءۇشىن، ارتقى شەپتى قامتاماسىز ەتۋ قىزمەتىن ويداعىداي ىستەۋدەمىن.
