”سايابىر كەزدە سايابىرلاماۋدىڭ“ سىرى نەدە
− الدىڭعى 2 ايداعى شينجياڭ ەكونوميكاسىنىڭ جارقىن تۇيىندەرىنە شولۋ
انار بۇلت \ شينجياڭ گازەتىنىڭ ءتىلشىسى گاۋ فىڭ
زاتتاردىڭ يمپورت - ەكسپورت جالپى سوماسىنىڭ سايكەس مەزگىلدەگىدەن ارتۋ قارقىنى بۇكىل ەل بويىنشا 1 - ورىندى، ادەتتەگى الەۋمەتتىك مەجە ەسەپ كىرىسىنىڭ سايكەس مەزگىلدەگىدەن ارتۋ قارقىنى بۇكىل ەل بويىنشا 2 - ورىندى، كولەمنەن جوعارى ونەركاسىپتىڭ ارتقان قۇنىنىڭ سايكەس مەزگىلدەگىدەن ارتۋ قارقىنى بۇكىل ەل بويىنشا 4 - ورىندى، تۇراقتى مۇلىككە قوسىلعان قارجى جالپى سوماسىنىڭ سايكەس مەزگىلدەگىدەن ارتۋ قارقىنى بۇكىل ەل بويىنشا 5 - ورىندى يەلەدى... 1 -، 2 - ايلاردا شينجياڭنىڭ كوپ ءتۇرلى ەكونوميكالىق كورسەتكىشىنىڭ ارتۋ قارقىنى بۇكىل ەلدىڭ الدىڭعى قاتارىندا تۇرىپ، 2023 - جىل ءۇشىن جاقسى باستاما اشتى.
جايشىلىقتا كليمات سەبەبىنەن، الدىڭعى 2 اي شينجياڭنىڭ ءوندىرىس قيمىلدارىنىڭ سايابىر تارتاتىن كەزى سانالادى. الايدا بيىل شينجياڭنىڭ ەكونوميكاسىندا ”سايابىر كەزدە سايابىرلاماۋ“ جاعدايى جارىققا شىقتى، مۇنىڭ استارىندا نەندەي سىر جاتىر؟ بيىلعى باستاما جىلدا شينجياڭنىڭ ەكونوميكاسىندا نازار اۋدارۋعا تاتيتىن قانداي جارقىن تۇيىندەر بار؟
”8 ءىرى كاسىپ سالاسى شوعىرى“ ونەركاسىپتىڭ ارتۋ تىرەگىنە اينالدى
2 - ايدا مەملەكەتتىك ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگىنە قاراستى جۇندۇڭ، حۇڭشاچۋان، حيشان سياقتى 3 كومىر كەننىڭ كۇنىنە وندىرگەن كومىرى 270 مىڭ تونناعا جەتىپ، تاريحتاعى جاڭا جوعارى دەڭگەيدى جاراتتى.
اتاۋلى سەرىكتەستىكتىڭ ءوندىرىس قولباسشىلىق ورتالىعىنىڭ مەڭگەرۋشىسى جاۋ نانفاڭ بىلاي دەدى: 1 -، 2 - ايلاردا سەرىكتەستىك 14 ميلليون 600 مىڭ توننا كومىر ءوندىرىپ، قارقىن جوسپارىنان 3 ميلليون 290 مىڭ توننا اسىردى؛ وزدەرى وندىرگەن كومىردەن 14 ميلليون 530 مىڭ توننا ساتىپ، قارقىن جوسپارىنان 3 ميلليون 220 مىڭ توننا اسىردى.
ءوندىرىستى ارتتىرىپ، قامداۋدى قامتاماسىز ەتۋ ساياساتىنىڭ جەبەۋىندە، بيىل الدىڭعى 2 ايدا شينجياڭنىڭ كومىر قازۋ جانە شايۋ - سۇرىپتاۋ كاسىبىندە ەكى ورىندى سانمەن ارتۋ جۇزەگە اسىپ، وڭدەلمەگەن كومىردىڭ ءونىم مولشەرى 75 ميلليون 634 مىڭ 900 توننا بولىپ، سايكەس مەزگىلدەگىدەن ％2. 24 ارتتى؛ وڭدەلمەگەن كومىردىڭ ساتىلۋ مولشەرى 72 ميلليون 780 مىڭ توننا بولىپ، سايكەس مەزگىلدەگىدەن ％4. 24 ارتتى.
كومىر قازۋ جانە شايۋ - سۇرىپتاۋ كاسىبىنىڭ ارتۋدى جۇزەگە اسىرۋى شينجياڭنىڭ الدىڭعى 2 ايداعى ونەركاسىپ ءوندىرىس جاعدايىنىڭ شاعىن كورىنىسى. ساناق ساندى مالىمەتىندە كورسەتىلۋىنشە، 1 -، 2 - ايلاردا شينجياڭدا كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％8. 8 ارتىپ، ارتۋ قارقىنى بۇكىل ەل بويىنشا 4 - ورىندى يەلەگەن.
ءۇش ۇلكەن تۇرگە ءبولىپ قارايتىن بولساق، كەن قازۋ كاسىبىنىڭ، جاساۋ كاسىبىنىڭ جانە ەلەكتر قۋاتى، جىلۋ كۇشى، جانار گاز، سونداي - اق سۋ ءوندىرىسى − قامداۋ كاسىبىنىڭ ارتقان قۇنى وتكەن جىلعى سول تۇستاعىدان جەكە - جەكە ％3. 13، ％7. 4، ％2. 11 ارتقان. كاسىپكە ءبولىپ قارايتىن بولساق، ونەركاسىپتىڭ 40 ۇلكەن كاسىپ تۇرىندە 25 كاسىپ ارتقان قۇننىڭ ارتۋىن جۇزەگە اسىرىپ، ％5. 62تى ۇستاعان. وڭىرگە ءبولىپ قارايتىن بولساق، تۇتاس رايونداعى 14 ايماقتىڭ (وبلىس، قالا) جانە ءوندىرىس - قۇرىلىس بيڭتۋانىنىڭ ونەركاسىپ وندىرىسىندە 11 تۇرىندە ارتۋ جۇزەگە اسىرىلىپ (ءوندىرىس - قۇرىلىس بيڭتۋانىن قامتيدى)، 9 ايماقتىڭ، (وبلىس، قالا) ارتۋ قارقىنى بۇكىل رايوننىڭ دەڭگەيىنەن جوعارى بولدى.
اۆتونوميالى رايوندىق حالىق ۇكىمەتى زەرتتەۋ كەڭسەسى جالپىلىق باسقارماسىنىڭ باستىعى چىن دىفىڭ: اۆتونوميالى رايوننىڭ ونەركاسىپ وندىرىسىندە ”ءساتتى باستامانى“ جۇزەگە اسىرۋى ”8 ءىرى كاسىپ سالاسى شوعىرىنىڭ“ تىرەكتىلىك رولىنىڭ كۇشتى تەبىن بايقاتۋىنىڭ ارقاسى ەكەندىگىن ايتتى.
بيىل جىل باسىنان بەرى، شينجياڭ مۇناي - تابيعي گاز ءوندىرۋ، وڭدەۋ، كومىر، كومىر ەلەكتر، كومىر حيميا ونەركاسىبى، جاسىل كەن، استىق - ماي، ماقتا جانە توقىماشىلىق، كيىم - كەشەك، جاسىل ورگانيكالى جەمىس - جيدەك، كوكونىس، ساپالى مال شارۋاشىلىق ونىمدەرى، سونداي - اق جاڭا ەنەرگيا، جاڭا ماتەريال سياقتى ستراتەگيالىق سيپاتتى جاڭادان گۇلدەنگەن كاسىپ سالاسى سىندى ”8 ءىرى كاسىپ سالاسى شوعىرىن“ ارقاۋ ەتىپ، وسىزاماندانعان كاسىپ سالاسى جۇيەسىن جەدەل جەتىلدىردى، قۇردى. قاتىستى كاسىپورىندار دامۋدىڭ كومەسكى كۇش باسىمدىعىن جارىققا شىعارىپ، ءتۇيىندى نىسان قۇرىلىستارىن جوسپارلادى، ”8 ءىرى كاسىپ سالاسى شوعىرى“ ونەركاسىپ ءوندىرىسىنىڭ ارتۋىنا تىرەك بولاتىن ورتان قازىققا اينالدى.
ساندى مالىمەتتەردە كورسەتىلۋىنشە، الدىڭعى 2 ايدا رايونىمىزدىڭ ”8 ءىرى كاسىپ سالاسى شوعىرى“ ونەركاسىپتىڭ ارتقان قۇنىن سايكەس مەزگىلدەگىدەن ％7. 9 ارتتىرۋدى ورىنداپ، ارتۋ قارقىنى كولەمنەن جوعارى ونەركاسىپ ارتۋ قارقىنىنان 9. 0 پايىز جوعارى بولىپ، كولەمنەن جوعارى ونەركاسىپتە ۇستاعان سالىستىرماسى ％4. 92كە جەتكەن.
ورتانى ساپالىلاندىرىپ، قىزمەت وتەۋدى كۇشەيتىپ، قارجى قوسۋ كومەسكى كۇشىن قاۋلاتتى
”شينجياڭ دامۋ كوكتەمىن قارسى الدى، كەزەكتە قارجى قوسۋدىڭ ەڭ تاماشا وراي مەزگىلىندە تۇر“. 2 - ايدىڭ 24 - كۇنى اشىلعان اۆتونوميالى رايوننىڭ كاسىپورىنشىلار اڭگىمە ماجىلىسىندە ماجىلىسكە قاتىناسقان كاسىپورىنشىلار جابال وسىلاي دەدى. شينجياڭنىڭ كەلەلى نىسان قۇرىلىستارىنىڭ جەدەل ىلگەرىلەتىلۋى، تۇراقتى مۇلىككە قارجى قوسۋدىڭ تاماشا باستاما اشۋى دا وسىمەن سايكەسىم تاپتى.
شينجياڭنىڭ بازارلانعان، زاڭمەن باسقارىلاتىن، حالىقارالىق شارۋاشىلىق - ساۋدا ورتاسىن بار كۇشپەن تۇلعالاۋى كاسىپورىنشىلاردىڭ سەنىمىن نىعايتتى. شارۋاشىلىق - ساۋدا ورتاسىن ساپالىلاندىرىپ، دارەجەسىن ءوسىرۋدىڭ 3 جىلدىق ارەكەتى اتقارىلدى؛ ساياسي - زاڭ ورگاندارىنىڭ زاڭمەن باسقارىلاتىن شارۋاشىلىق - ساۋدا ورتاسىن ساپالىلاندىرۋعا قاتىستى 50 تارماقتى شاراسى شىعارىلدى؛ ۇكىمەتتىك قىزمەت وتەۋ رەفورماسىن جەدەل ىلگەرىلەتىپ، ساندى مالىمەتتەردەن كوبىرەك پايدالانىپ، بۇقارانى از سابىلتتى... تيانشان الابىندا باسەكەلەسە ۇيرەنىپ، باسىپ وزاتىن، شارۋاشىلىق - ساۋدا ورتاسىن جابال ساپالىلاندىرۋ رايى كۇن سايىن قويۋلادى.
دامۋ ورلەۋى كوتەرىلىپ، وعان ىلەسە قارجى قوسۋ اياق الىسى جەدەلدەدى
3 - ايدىڭ 19 - كۇنى دۇنيە جۇزىندەگى ەڭ ۇزىن جوعارى قارقىندى تاس جول تۋنەلى − تيانشان شىڭلي تۋنەلىنىڭ شىعار اۋزىنىڭ وڭ - سولىنداعى نەگىزگى ۇڭگىر بىردەي 5000 مەتردەن استام قازىلدى.
تيانشان شىڭلي تۋنەلى − G0711 جەلىسى ءۇرىمجى − لوپنۇر جوعارى قارقىندى تاس جولىنىڭ مەڭگەرۋ سيپاتتى ينجەنەرياسى. بيىل جىل باسىنان بەرى، بۇل نىساننىڭ قۇرىلىسشىلارى كۇندى تۇنگە جالعاپ، كوكتەم مەرەكەسىندە دە جۇمىستى توقتاتپاي، قۇرىلىسىتىڭ ءتارتىپتى، ورنىقتى ىلگەرىلەۋىن كۇش سالا قامتاماسىز ەتتى.
كەلەلى نىسان قۇرىلىسى − ىشكى سۇرانىستى كەڭەيتۋدىڭ، قارجى قوسۋدى جەبەۋدىڭ، ارتۋدى ورنىقتىرۋدىڭ ”ورنىقتىرعىشى“. رايونىمىز نىسان قۇرىلىسىنىڭ ”بۇيداسىن“ مىقتى ۇستاپ، كەلەلى نىسانداردى ”جوسپارلاۋ“ دەڭگەيىن، ”ىلگەرىلەتۋ“ تەبىنىن، ”قىزمەت وتەۋ“ قابىلەتىن جانە ”تياناقتاندىرۋ“ قارقىنىن كۇش سالا جوعارىلاتىپ، ءونىمدى قارجى قوسۋدى دالمە - ءدال كەڭەيتتى.
ساندى مالىمەتتەردە كورسەتىلۋىنشە، 1 -، 2 - ايلاردا شينجياڭدا تۇراقتى مۇلىككە قوسىلعان قارجىنىڭ جالپى سوماسى (شارۋا وتباسىلارىن قامتىمايدى) سايكەس مەزگىلدەگىدەن ％7. 10 ارتىپ، ارتۋ قارقىنى بۇكىل ەل بويىنشا 5 - ورىندى يەلەگەن، مۇنىڭ ىشىندە ونەركاسىپكە قوسىلعان قارجى مەن نەگىزدىك قۇرىلعىلارعا قوسىلعان قارجى سايكەس مەزگىلدەگىدەن جەكە - جەكە ％3. 22 جانە ％3. 32 ارتقان.
بۇل كەلەلى نىسانداردىڭ جەتەكتەۋ، دەم بەرۋ جانە ءونىمدى قارجى قوسۋداعى شەشۋشى رولىن ۇزدىكسىز ساۋلەلەندىرگەندىگىنىڭ، ەكونوميكانىڭ ساپا جاعىندا ءونىمدى جوعارىلاۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتكەندىگىنىڭ جەمىسى. بيىل شينجياڭ جالپى 400 ءتۇيىندى نىسان ورنالاستىردى، وعان جالپى 2 تريلليون 700 ميلليارد يۋان قارجى قوسىلدى، 300 ميلليارد يۋان قارجى قوسۋدى ورىنداۋدى جوسپارلادى، ول سۋ يگىلىگى، قاتىناس، ەنەرگيا، كاسىپ سالاسى، حالىق تۇرمىسى سالاسىن قامتىدى.
اناعۇرلىم كوپ نىسانداردىڭ قۇرىلىس جۇمىسىن جەدەل قالپىنا كەلتىرۋىن، باستاۋىن جەبەۋ ءۇشىن، اۆتونوميالى رايونداعى ءار دارەجەلى ۇكىمەت تاراۋلارى قىزمەت وتەۋ تانىمىن، دامۋ تانىمىن كۇشەيتىپ، نەگىزگى ساتىنى ىشكەرىلەي ارالاپ، نەگىزگى ساتىعا زەيىنىن اۋدارىپ، كەڭەسۋدى، ۇشتاستىرۋدى كۇشەيتتى، جەتەكشىلىك ەتۋ قىزمەت وتەۋىن جاقسى ىستەدى.
2 - ايدىڭ 10 - كۇنى جۇمىس قالپىنا كەلتىرىلگەننەن بەرى، شينجياڭ ليشين ەنەرگيا جارنا شەكتى سەرىكتەستىگىنىڭ چارقىلىق اۋدانى ميلان 50 مەگاۆاتتىق جەل ەلەكتر نىسانى ستانسيا ءىشىن بەزەندىرۋ جانە ەلەكتر اسپاپتارىن ەلەكتر كوزىنە قوسىپ بىرىكتىرىپ ۇيلەستىرۋ قىزمەتتەرىن جەدەل ىلگەرىلەتتى.
”بايىنعولين موڭعۇل اۆتونوميالى وبلىستىق دامۋ جانە رەفورما كوميتەتى، چارقىلىق اۋداندىق دامۋ جانە رەفورما كوميتەتى ارناۋلى ءبان قۇرىپ، نىسان قۇرىلىسىنىڭ بەلگىلەمەگە ۇيلەسىمدىلىك راسمياتىن ءبىتىرۋ قىزمەتىن تۇتاس بارىس بويىنشا سايكەستىرىپ، تەمىر جول تاراۋلارىن سايكەستىرىپ، جەل ەلەكتر ستانسياسىنىڭ ەلەكتر سىمىن گولمۋد − كورلا تەمىر جولىنان اتتاتىپ، لوپجاڭزانىڭ وڭتۇستىگىندەگى 220 كيلوۆولتتىق جيناۋ پۋنكتىنە قوسىپ، 4 - ايدا جەلىگە قوسۋدى جۇزەگە اسىرۋعا تاماشا نەگىز قالادى“، - دەدى 3 - ايدىڭ 24 - كۇنى ليشين ەنەرگيا توبى چارقىلىق اۋدانى ميلان 50 مەگاۆاتتىق جەل ەلەكتر نىسانىنىڭ جاۋاپتىسى جاڭ رۇي تىلشىگە.
ونىمدىلىك ارتتىرىلىپ، تەكشە قۇرىلىپ، سىرتقى ساۋدا تۇتىنۋى جانداندى
3 - ايدىڭ 21 - كۇنى باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى زات تاسىمال بولىمشە سەرىكتەستىگىنىڭ 1 - توپتاعى 3000 توننالىق وراما بولاتى تايلانىپ، وزبەكستانعا ەكسپورت ەتىلۋ الدىندا تۇر. بيىل جىل باسىنان بەرى، بۇل سەرىكتەستىكتىڭ سىرتقى ساۋدا ەكسپورت تاپسىرىس مولشەرى كوبەيىپ، الدىڭعى 2 ايداعى ەكسپورت مولشەرى وتكەن جىلداعى سول تۇستاعىدان ％3. 67 ارتتى.
ساندى مالىمەتتەردە كورسەتىلۋىنشە، 1 -، 2 - ايلاردا شينجياڭدا زاتتاردىڭ يمپورت - ەكسپورت ەتىلۋ جالپى سوماسى 44 ميلليارد 390 ميلليون يۋان بولىپ، سايكەس مەزگىلدەگىدەن ％4. 86 ارتىپ، ارتۋ قارقىنى بۇكىل ەل بويىنشا 1 - ورىندى يەلەگەن. مۇنىڭ ىشىندە ەكسپورت سوماسى 38 ميلليارد 150 ميلليون يۋان بولىپ، سايكەس مەزگىلدەگىدەن ％6. 91 ارتتى؛ يمپورت سوماسى 6 ميلليارد 240 ميلليون يۋان بولىپ، سايكەس مەزگىلدەگىدەن ％8. 59 ارتتى. ونەركاسىپ ونىمدەرىنىڭ ەكسپورتىندا 9 اي تومەندەۋ جاعدايى اياقتالىپ، ارتۋ جۇزەگە اسىرىلدى، كولەمنەن جوعارى ونەركاسىپ ەكسپورتىندا وتكىزىپ بەرۋ قۇنى سايكەس مەزگىلدەگىدەن ％3. 21 ارتىپ، بۇكىل ەلدىڭ دەڭگەيىنەن 2. 26 پايىزجوعارى بولىپ، بۇكىل ەل بويىنشا 6 - ورىندى يەلەدى.
1 - ايدىڭ 8 - كۇنى ەلىمىز جاڭا تيپتى ايدارشا ۆيرۋس ىندەتىمەن جۇعىمدالۋعا قاتىستى ”B تۇردەگى B باسقارۋدى“ اتقاردى، شينجياڭ سول كۇندە - اق قورعاس، ەركەشتام، قاراسۋ، تايكەشكەن سىندى 4 تاس جول شەكارا وتكەلىندە جولاۋشىلار تاسىمالى بويىنشا كەدەننەن ءوتۋدى قالپىنا كەلتىردى؛ 2 - ايدىڭ 20 - كۇنى الاتاۋ ساعاسى، باقتى، تورعايتى تاس جول شەكارا وتكەلدەرى دە قۇرلىقتىق جول شەكارا وتكەلدەرىندەگى ”جولاۋشىلاردى توقتاتىپ، زاتتاردى وتكىزۋ“ ساياساتىنا رەتتەۋ جۇرگىزىپ، جولاۋشىلار تاسىمالى بويىنشا كەدەننەن ءوتۋدى قالپىنا كەلتىردى.
شينجياڭ تەز قارمانىپ ءتۇرلى شەكارا وتكەلدەرىندە جولاۋشىلار مەن زاتتاردى وتكىزۋدى ىلگەرىلەتىپ، شەكارا وتكەلدەرىنىڭ سىرتقا ەسىك اشۋ دەڭگەيىن جوعارىلاتتى، كوپ ءتۇرلى ساۋدا ءتاسىلى قاتار جۇرگىزىلىپ، يمپورت - ەكسپورت ەتىلگەن زاتتاردىڭ كەدەننەن ءوتۋىن قولايلىلاندىرۋ دەڭگەيىن جوعارىلاتىپ، حالىقارالىق اۋىس - كۇيىستىڭ، سەلبەستىكتىڭ جاڭا قادام تاستاۋىن جەبەدى.
سونىمەن بىرگە كوپتەگەن ءتيىمدى ساياساتتاردىڭ ىلگەرىلەتۋىندە تۇتىنۋدا دا بىرتىندەپ قالپىنا كەلۋ جاعدايى جارىققا شىقتى.
3 - ايدىڭ 26 - كۇنى ءۇرىمجى قالاسى بەيجيڭ جولى حۇيجيا شىداي الاڭىندا ادامدار قايشالىستى، الارماندار تاۋارلاردى دەن قويا تاڭداپ جاتتى. ساۋدا سارايىنىڭ باس ديرەكتورى پىڭ لي بىلاي دەدى: ساۋدا سارايىنىڭ بيىل الدىڭعى 2 ايداعى ساتۋ سوماسى 400 ميلليون يۋاننان اسىپ، سايكەس مەزگىلدەگىدەن ％10 ارتتى، ءىنجۋ - مارجانداردىڭ، ەرلەر، بالالار كيىم - كەشەكتەرىنىڭ جانە ەرەن بازاردا ساتۋ سوماسىنىڭ سايكەس مەزگىلدەگىدەن ارتۋ مولشەرى %20 − 15كە جەتتى“.
جەر - جەردەگى ساۋدا سارايلارىنىڭ ساتۋدى جەبەۋ تەبىنىن ارتتىرۋىنا ىلەسە، جىلدام جەتكىزۋ زات اينالىمى ءۇرتىس قالپىنا كەلىپ، جاقسارىپ، ينتەرنەت جەلىسىندە، ينتەرنەت جەلىسىنەن تىس تۇتىنۋدىڭ تەڭ قادامدا ارتۋىنا دەم بەردى. ساندى مالىمەتتەردە كورسەتىلۋىنشە، 1 -، 2 - ايلاردا شينجياڭنىڭ قوعامدىق تۇتىنۋ ونىمدەرىنىڭ بولشەك ساتىلۋ جالپى سوماسى 57 ميلليارد 758 ميلليون يۋان بولىپ، سايكەس مەزگىلدەگىدەن ％7. 3 ارتقان.
اۆتونوميالى رايون تۇتىنۋدى جەبەۋ قيمىلى تۇعىرىن بەلسەنە قۇرىپ، جان - جاقتى، كوپ سالا بويىنشا تۇتىنۋ كومەسكى كۇشىن قاۋلاتتى. جەر - جەردىڭ تاراتقان تۇتىنۋ بەلەتى ساۋدا سارايلارى، ەرەن بازار، اس - سۋ، سەميا ەلەكتر جابدىقتارى سياقتى كوپ ءتۇرلى تۇتىنۋ ورىندارىن شارپىپ، تۇتىنۋدىڭ ارتۋىنا تىكە دەم بەردى؛ ”جاڭا جىلدىق اۆتوكولىك ساتىپ الۋ مەرەكەسى“، ”ينتەرنەتتە مەرەكەلىك زات ساتىپ الۋ مەرەكەسى“ سياقتىلاردى وتكىزىپ، اۆتوكولىك، مەرەكەلىك زات، اۋىل شارۋاشىلىق ەرەكشە ونىمدەرى سياقتىلاردى ساتۋدىڭ ارتۋىن جەبەدى؛ حالىققا قولايلى اشىق بازار، زاپاس قوراپ بازارى، جىلجىمالى جايما اشۋ سياقتىلار قالا تۇرعىندارىنىڭ زات ساتىپ الۋىنا قولايلىلىق جاسادى؛ جاڭا كاسىپ كۇيى، جاڭا ۇلگى اقاۋسىز، ءتارتىپتى دامىپ، تۇتىنۋدىڭ دارەجەسىن ءوسىرۋ اۋقىمىنا بەيىمدەلىپ، ءداستۇرلى تۇتىنۋ دارەجەسىن ءوسىرىپ، جاڭاشا تۇتىنۋدى جەتىلدىرىپ، قىزمەت وتەۋ تۇتىنۋىن كەڭەيتتى.
”كۇن جىلىعان سايىن، الاماندار دا بىرتىندەپ كوبەيە ءتۇستى، بۇل تۇتىنۋدىڭ ۇزدىكسىز ارتۋىنا دەم بەرەتىن بولادى“، - دەدى پىڭ لي.
