انار بۇلت \ شينجياڭ گازەتىنىڭ ءتىلشىسى لياڭ ليحۋا 3 - ايدىڭ 27 - كۇنى ۇرىمجىدەن حابارلايدى. 3 - ايدىڭ 27 - كۇنى تۇستەن بۇرىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 1 - ءماجىلىسى ءبىرىنشى جالپى جيىنىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل جيىندى باسقاردى.
تۇراقتى كوميتەت قۇرامىنداعى 61 ادام جيىنعا قاتىناستى، بۇل زاڭدا بەلگىلەنگەن ادام سانىنا ۇيلەسەدى.
جيىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى 1 - ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى، مەملەكەتتىك ەكى ءماجىلىستىڭ، اسىرەسە باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى، اۆتونوميالى رايوننىڭ سۋدىڭ لاستانۋىنان ساقتانۋ - تىزگىندەۋ زاڭىن اتقارۋ ءادىسى جوباسىن قاراۋ ناتيجەسى جونىندەگى باياندامانى، اۆتونوميالى رايوندىق حالىق ۇكىمەتىنىڭ اۆتونوميالى رايوننىڭ تاۋار ساۋداسى بازارىن باسقارۋ ەرەجەسىن كۇشىنەن قالدىرۋ جونىندەگى تۇسىندىرمەسىن، اۆتونوميالى رايوندىق حالىق قۇرىلتايى قوعامدىق قۇرىلىس كوميتەتىنىڭ اۆتونوميالى رايوننىڭ باعىپ الۋ زاڭىن اتقارۋداعى تولىقتاما بەلگىلەمەنى كۇشىنەن قالدىرۋ جونىندەگى تۇسىندىرمەسىن، اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتىنىڭ 2022 - جىلعى ولشەمدى حۇجاتتاردى ەستەلىككە الۋ، تەكسەرۋ قىزمەتى جاعدايى جونىندەگى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ قوعامدىق قامسىزداندىرۋ زاڭىنىڭ اتقارىلۋ جاعدايىن تەكسەرۋ جونىندەگى بايانداماسىن، اۆتونوميالى رايوندىق حالىق قۇرىلتايى ۇلت، ءدىن، سىرتقى ىستەر، حۋاچياۋ ىستەرى كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسى ءتوراعالار القاسى قاراۋعا تاپسىرعان ۋاكىلدەر العا قويعان كەڭەستىك جوبالاردىڭ قارالۋ ناتيجەسى جونىندەگى بايانداماسىن تىڭدادى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرىنە قاتىستى تۇسىندىرمەنى تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي نيڭپيڭ، ءدىلشات قىدىرقان، پيڭ شينلاي، ۋاڭ گوحى، ءمامتىمىن قادىر، باس حاتشى ءمۇتاللىپ روزى ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى ۋاڭ گاڭ، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتى جولداستارى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ارناۋلى كوميتەتتەردىڭ، تۇراقتى كوميتەت قىزمەت تاراۋلارىنىڭ جاۋاپتىلارى، وبلىستىق، قالالىق حالىق قۇرىلتايى تۇراقتى كوميتەتتەرىنىڭ، ايماقتىق حالىق قۇرىلتايى قىزمەت كوميتەتتەرىنىڭ، بيڭتۋان حالىق قۇرىلتايى قىزمەت كوميتەتىنىڭ، اۆتونوميالى رايونعا توتە قاراستى اۋدان دارەجەلى قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، مەملەكەتتىك جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، سونداي - اق قاتىستى تاراۋلاردىڭ جاۋاپتىلارى قاتارلىلار ماجىلىسكە سىرتتاي قاتىناستى.
