جۇندۇڭ اشۋ رايونىنداعى جاستار

日期:2023年03月27日
来源:新疆日报
【字体:

جۇندۇڭ اشۋ رايونىنداعى جاستار

  □ انار بۇلت \ شينجياڭ گازەتىنىڭ تىلشىلەرى شى شين، گو ليڭ

  ”بۇل ارادا ەڭبەكشىل بولساڭ، ەرتەمە - كەش شۇعىلا شاشاسىڭ“.

  ”مەن ەشقايدا بارمايمىن، جىلىنا ءبىر ميلليون يۋان ەڭبەكاقى بەرسە دە كەتپەيمىن“.

  ”جاڭا داۋىردەگى جاستار جاستىق ورالىن وسىندا ارناپ، جەكە مۇرات تالپىنىسى مەن وتباسى - وتان ادىلەتىنىڭ بىرلىگى بارىسىندا جەتىلىپ، نۇر - شۇعىلا شاشۋى كەرەك“.

  ...

  بۇل ارا جۇندۇڭ! جوڭعار ويپاتىنىڭ شىعىس بولىگى، وتانىمىز جەرىنىڭ باتىس بولىگى. بۇل ارادا ميلليون جىلدار بويى شىرت ۇيقىدا جاتقان كومىر بايلىعى بار.

  باتىس بولىكتى قاۋىرت اشۋدىڭ كوكتەمگى دابىلى كەڭ - بايتاق قۇبا ءتۇزدى وياتىپ، جۇندۇڭدا قاۋىرت اشۋدىڭ، زور قۇرىلىس جۇرگىزۋدىڭ ورلەۋى كوتەرىلدى. توڭىرەكتىڭ ءتورت بۇرىشىنداعى جاستار تۋىس - تۋعاندارىنا قوش ايتىپ، مەكەندەرىنەن الىستاپ، ارماندارىن ارقالاپ جۇندۇڭدى اشۋ قۇرىلىسىنا ات سالىستى.

  نازارىمىزدى شينجياڭ جۇندۇڭ ەكونوميكالىق، تەحنيكالىق اشۋ رايونىنداعى جاستارعا اۋدارىپ، ولاردىڭ ءومىر جولىنداعى شەشۋشى تالعامىن قالاي جاساعاندىعىنا، قۇلازىعان قۇبا تۇزدە جاستىق كوكتەمدەرىن قالاي ساۋلە شاشتىرعاندىعىنا زەر سالايىق.

  شامامەن 80 مىڭ ادام وسى توپىراقتا ارمانعا قۇلاش سەرمەۋدە

  شينجياڭ يحۋا حيميا ونەركاسىبى شەكتى سەرىكتەستىگىنە جۇمىسقا ورنالاسىپ، جۇمىسقا العاش شىققان كۇنى جۇمىس رايونىندا تازالىق ىستەپ، وسىندا ەندى عانا قادام تاستاسىمەن، قاھارجان وسمان الدى - ارتىنا قاراماي كەتكىسى كەلدى.

  ”باسىپ قالسام، قالىڭ شاڭ - توپىراق تىزەمە كەلدى“. 2014 - جىلى تۋعان كۇنىن وتكىزگەن كۇننىڭ ەرتەسىندە قاھارجان جۇندۇڭ اشۋ رايونىنا زور ۇمىتپەن كەلىپ، جاڭا تۇرمىسىن باستاماق بولدى.

  قالادان شالعاي، قۇبا ءتۇز، قۇمدى بوران... جۇندۇڭدى تالاي رەت قيالداعان بولسا دا، قيالىنداعى كورىنىستەردىڭ شىنايى بەينەسى كورىنگەندە، قاھارجان داعدارىپ قالدى. ول بانجاڭىنا بارىپ: ”كەتەمىن“، - دەدى.

  ”بانجاڭ تاعى ويلانىپ كورۋىمدى، ونىڭ ۇستىنە جۇمىس رايونىن ءار كۇنى جالعىز تازالامايتىنىمدى ايتتى، ۇيدەگىلەر دە ويلانىپ كور دەدى، سونىمەن قالىپ قالدىم. قالۋىما سەبەپشى بولعان شىندىق، ورتا تەحنيكۋمنان وقۋ تاۋىسا سالىپ 4000 نەشە يۋان ەڭبەكاقى الاتىنىم بولدى، بۇل ارادان كەتسەم لايىقتى قىزمەت تابا الماۋىم دا مۇمكىن، سول كەزدە 5 جىل شىداۋعا بەكىدىم“، - دەدى قاھارجان.

  قازىر قاھارجان كەتۋدى مۇلدە اۋىزعا المايدى. بىرنەشە جىلدا ول شينجياڭ يحۋا كاربيد 1 - سەحىنىڭ بانجاڭى بولىپ جەتىلدى، فۋكاڭ قالاسىنان اۆتوكولىك جانە ءۇي ساتىپ الدى. ”ءبىر جاعىنان، تالپىنۋ بەتالىسىم بار بولدى، ەندى ءبىر جاعىنان، جۇندۇڭنىڭ دامۋى بارعان سايىن تەزدەدى، ونىڭ ۇستىنە ايىنا الاتىن 10 مىڭ يۋاننان استام ەڭبەكاقىم جانە ۋاعىندا تاراتىلاتىن ءتۇرلى يگىلىكتەر دە بار، كەتۋگە قيمايمىن“. قاھارجان تاعى تەحنيكۋمنان تولىق كۋرسقا جوعارىلاپ وقۋعا دا تىزىمدەلگەندىگىن ايتتى.

  جۇندۇڭدا جاستاردىڭ باسىم كوبى قاھارجاننىڭ باستان كەشكەندەرىن دە باستان كەشتى.

  تابيعي شارت - جاعدايى جونىنەن العاندا، جۇندۇڭ استە ادام قيمايتىنداي جەر ەمەس. ول قۇمدى ءشولدىڭ قويناۋىنا ورنالاسقان، ءۇرىمجى قالاسى مەن سانجى قالاسىنان 200 نەشە كيلومەتر شالعايدا، قۇمدى بورانى كۇشتى، سۋ ساپاسى ناشار، قىستا قاقاعان اياز، جازدا مي قايناعان ىستىق بولادى، نەگىزدىك قۇرىلعىلارى مەشەۋ، ءتۇرلى قوعامدىق يقۋاتتارى كەمەلدى ەمەس...

  كەيبىرەۋلەر كەتتى، كەيبىرەۋلەر وسىندا قالدى.

  36 جاستاعى ياڭ پەيجۇن شينجياڭ يحۋاعا 2011 - جىلى جۇمىسقا ورنالاسقان، قاھارجاننان 3 جىل بۇرىن. سول كەزدە ول شينجياڭ داشۋەسىنەن اۆتوكولىككە وتىرىپ 7 ساعات دەگەندە سەرىكتەستىككە ەڭ جاقىن جەردەگى جولعا جەتەتىن، بۇل جەر سەرىكتەستىكتەن تاعى 40 نەشە كيلومەتر قاشىقتىقتا ەدى، جاپالىلىعى ايتپاسا دا تۇسىنىكتى.

  جول ناشار، سۋ جوق، ەلەكتر جەتىسپەيدى، تاقتايشا ۇيدە تۇرادى، شىجىعان ىستىققا شىداۋ، قاقاعان ايازدان تايسالماۋ كەرەك، بەت - اۋزىن جۋعان سۋدى الىپ قويىپ اياق، كيىم - كەشەك جۋادى... 4 جىلدا ياڭ پەيجۇن اممياكتى سينتەزدەۋ جۇيەسىنەن تارتىپ حلورلى ءسىلتى جۇيەسىنە دەيىن، جەر بەتىندەگى قۇبىر قوندىرعىسىنان تارتىپ جەر استىنداعى جاسىرىن قۇبىر جەلىلەرىنە دەيىن ءاربىر جۇمىس ورنىنىڭ بارىندە ىستەپ شىعىپ، سەرىكتەستىكتەگى بارلىق ءوندىرىس تەحنولوگياسىن يگەرگەن ءبىرىنشى ادامعا اينالدى ءارى ورىنباسار جۇرگىزۋشى دەڭگەيىنە جەتتى.

  29 جاستاعى حۋ شياۋرۇي لۋ - ان حيميا ونەركاسىبى توبى شينجياڭ گوتاي شينحۋا حيميا ونەركاسىبى شەكتى جاۋاپكەرشىلىك سەرىكتەستىگى ورگانيكالى حيميا ونەركاسىپ ءىسورنى تالداۋ جاساۋ، حيميالىق سارالاۋ ورتالىعىنىڭ تەحنيگى ءارى باستى جاۋاپتىسى، 2014 - جىلى جۇندۇڭعا كەلگەن. ”مەن بۇل ارادا كۇيەۋىممەن تانىستىم، وسىندا باس قۇرادىم، الداعى كاسىبىم دە وسىندا بولادى“، - دەدى ول.

  ...

  قازىر جۇندۇڭ اشۋ رايونىنداعى 15 مىڭ 500 شارشى كيلومەتر جەرگە كومىر ەلەكتر، كومىر حيميا ونەركاسىبى، جاڭا ەنەرگيا سياقتى كاسىپ سالالارىنا قاتىستى 1300دەن استام كاسىپورىن ورنالاسقان. شامامەن 80 مىڭ ادام وسى توپىراقتا ارمانعا قۇلاش سەرمەپ، كۇرەس جۇرگىزۋدە، ولار دەرلىك جاستار.

  2022 - جىلى جۇندۇڭ اشۋ رايونى 10 جاسقا تولعان تۋعان كۇنىن قارسى الدى. جۇندۇڭ اشۋ رايونى پارتيا قىزمەت كوميتەتى، باسقارۋ كوميتەتى وسىندا ءۇرتىس قىزمەت ىستەگەنىنە 10 جىل ءارى ودان دا ۇزاق ۋاقىت بولعان 1832 ادامدى ماداقتاپ - سيلاپ جانە داڭق كۋالىگىن بەرىپ، ولاردىڭ ۇزاق ۋاقىتتان بەرى جۇندۇڭعا تامىر تارتىپ، جۇندۇڭدى گۇلدەندىرىپ، جۇندۇڭعا ۇلەس قوسقاندىقتارىنا العىس ايتتى.

  وسىندا كاسىپتىڭ ۇلكەن ساحناسىن تاپتى

  نەلىكتەن جۇندۇڭ اشۋ رايونىن تاڭدادىڭىز؟

  ”جۇندۇڭ اشۋ رايونىنا ۇلكەن قۋاتتى وت كۇشى ەلەكتر تاراتۋ اگراگاتتارىنىڭ شينجياڭداعى وزىق تەحنيكالارى مەن جابدىقتارى شوعىرلانعان، بۇل ارا، اۋەلى، كاسىپتىك تاڭداۋلى دارىندىلاردىڭ نەگىزگى شايقاس الاڭى، قازىر ۇيرەنۋگە كەلمەسەم، كەيىن وراي دا كەلمەي، باتىنا دا الماي قالامىن با دەپ الاڭدادىم“، - دەدى يۇي جۇن.

  يۇي جۇن شانشي قارجى قوسۋ توبى شينجياڭ جەمسارى ەلەكتر تاراتۋ شەكتى سەرىكتەستىگى تەكسەرۋ - رەمونتتاۋ ءبولىمى مەڭگەرۋشىسىنىڭ كومەكشىسى، قوسىمشا ەلەكتر تەكسەرۋ - رەمونتتاۋ ارناۋلى قىزمەتكەرى، 2015 - جىلى جۇندۇڭ اشۋ رايونىنا كەلگەندە 31 جاستا بولاتىن.

  بىلايشا ايتقاندا، يۇي جۇننىڭ قىزمەتى جابدىقتارمەن اينالىسۋ. ايتسەدە جابدىقتار ءبىر - بىرىنە ۇقسامايدى. سول كەزدە جۇندۇڭ اشۋ رايونىنداعى ءبىر سەرىكتەستىك يۇي جۇنگە قىزمەتكە قابىلداۋ ۇسىنىسىن جىبەرگەن، ءوزى كۇندەلىكتى اينالىسىپ جۇرگەن 150 مەگاۆاتتىق ەلەكتر اگراگاتتارىمەن سالىستىرعاندا، جاڭا سەرىكتەستىكتىڭ 660 مەگاۆاتتىق ەلەكتر اگراگاتتارى وراسان زور باۋراۋ قۋاتىنا يە ەدى، بۇل اناعۇرلىم جاقسى تەحنيكادان، اناعۇرلىم جوعارى ەڭبەكاقىدان دەرەك بەرەتىن.

  سان ويلانىپ - تولعانعاننان كەيىن، يۇي جۇن كەلدى. ءبىرىنشى رەت كەلىپ بەتپە - بەت ەمتيحانعا قاتىسقاندا، جول بويىنداعى قۇلازىعان دۇنيە يۇن جۇندى ”ءتۇڭىلدىرىپ - اق جىبەردى“، قارسى جاققا قايتا - قايتا تەلەفون جالعاپ جۇرگەن جولىنىڭ دۇرىس - بۇرىستىعىن انىقتادى، ايتسەدە ول ەجەلدەن وكىنگەن ەمەس.

  ”كەلگەن ەكەنسىڭ، جاقسىلاپ ورنىعۋىڭ كەرەك. ەلەكتر ءىلىمىن ۇيرەنگەننەن كەيىن، پار قازان تەحنيكاسىن ۇيرەندىم، بۋ ماشيناسى تەحنيكاسىن ۇيرەنگەننەن كەيىن ناسوس ۇيىنە قاتىستى تەحنيكانى ۇيرەندىم، ودان ىستىقتى مەڭگەرۋگە، كۇلدى كۇكىرتكە دەيىن قازىر مەن 6 جۇمىس ورنىنا جۇمىسقا شىعۋ تولىمدىلىعىنا يە بولدىم. تامىر تارتپاسام، تەحنيكا مەن تاجىريبە توپتاي الماس ەدىم“، - دەدى يۇي جۇن.

  2017 - جىلى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى اسقىن جوعارى كەرنەۋلى بولىمشە سەرىكتەستىگى 1100± كيلوۆولتتىق سانجى اعىن اۋىستىرۋ پۋنكتى ينجەنەريالىق قۇرىلىس مەزگىلىندە بولاتىن، 27 جاستاعى ۋاڭ چۋان جۇندۇڭ اشۋ رايونىنا كەلىپ، اعىن اۋىستىرۋ پۋنكتىنىڭ ينجەنەريالىق قۇرىلىسىنىڭ تۇتاس بارىسىنا قاتىسىپ، شينجياڭنىڭ ەلەكترىن سىرتقا جەتكىزۋدىڭ بەلگى سيپاتتى ينجەنەرياسى سانجى − گۋچۋان 1100± كيلوۆولتتىق اسقىن جوعارى كەرنەۋلى تۇراقتى توك جەتكىزۋ ينجەنەرياسىنىڭ ىسكە قوسىلۋىنا كۋا بولدى.

  ”ەڭ وزىق تەحنيكا، ەڭ جاقسى ساياسات، ەڭ كەڭ ساحنا، بۇل جاستاردىڭ اقىل - پاراساتىن ساۋلەلەندىرۋىنە، ارمان - مۇراتىن جۇزەگە اسىرۋىنا اسا تاماشا تەكشە ازىرلەدى“، - دەدى ۋاڭ چۋان.

  دارىندى ەنگىزۋدە، دارىندى توپتاۋدا جۇندۇڭ اشۋ رايونىنىڭ ابزالدىلىعى بار.

  جۇندۇڭنىڭ ”ەنەرگيا كرەمني اڭعارى“ دەگەن تاماشا اتى بار. مەجەلەنگەن كومىر بايلىعىنىڭ ساقتالۋ مولشەرى 390 ميلليارد توننا بولىپ، بۇكىل شينجياڭنىڭ ساقتالۋ مولشەرىنىڭ %8. 17 تىن، بۇكىل ەلدىڭ ساقتالۋ مولشەرىنىڭ %7ىن يەلەيدى، انىقتالعان ساقتالۋ مولشەرى 253 ميلليارد 100 ميلليون توننا بولىپ، ەلىمىزدە كەزەكتە بايقالعان ەڭ ۇلكەن دايىن كومىر القابى سانالادى.

  ”شينجياڭ مەملەكەتتىڭ ’ءۇش بازا، ءبىر ارناسى‘ بولىپ تۇراقتاندىرىلعان كۇننەن باستاپ، جۇندۇڭدى مەملەكەتتىك ۇلكەن تيپتى كومىر، كومىر ەلەكتر، كومىر حيميا ونەركاسىبى بازاسى ەتىپ قۇرىپ شىعۋدى ايقىندادى“، - دەدى جۇندۇڭ اشۋ رايونىن باسقارۋ كوميتەتىنىڭ مەڭگەرۋشىسى رىن جيانپين.

  2015 - جىلى مەملەكەتتىك دامۋ جانە رەفورما كوميتەتى جۇندۇڭ اشۋ رايونىن 1 - توپتاعى مەملەكەتتىك اينالمالى ەتىپ وزگەرتۋدەن ۇلگى كورسەتۋ سىناق ءتۇيىنى باقشا رايونى ەتىپ تۇراقتاندىردى؛

  2017 - جىلى 3 - ايدا مەملەكەتتىك دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى شينجياڭنىڭ جۇندۇڭىن مەملەكەتتىك وسى زامانعى كومىر حيميا ونەركاسىبى كاسىپ سالاسىنان ۇلگى كورسەتەتىن 4 رايوننىڭ ءبىرى ەتىپ ايقىندادى؛

  2022 - جىلى 3 - ايدا مەملەكەتتىك ونەركاسىپ جانە ينفورماتسيالاندىرۋ مينيسترلىگى جۇندۇڭ اشۋ رايونىن 10 - توپتاعى مەملەكەتتىك جاڭاشا ونەركاسىپتەنگەن كاسىپ سالاسىنان ۇلگى كورسەتۋ (كرەمني جانە الۋمين) بازاسى ەتىپ تۇراقتاندىردى.

  شينجياڭنىڭ دامۋ جوباسىندا جۇندۇڭ اشۋ رايونى مەملەكەتتىڭ بايلىق ەنەرگياسى حاۋىپسىزدىگىن قامتاماسىز ەتۋ اۋىر مىندەتىن ارقالاپ، كومىر، كومىر ەلەكتر، كومىر حيميا ونەركاسىبى كاسىپ سالاسىن قۇنتتاي باپتاۋمەن بىرگە، مەملەكەتتىڭ كرەمني نەگىزدى جاڭا ماتەريال كاسىپ سالاسى بازاسىن جانە جاسىل، تومەن كومىر قىشقىل گازدى اينالمالى ەكونوميكا كاسىپ سالاسى شوعىرىن دا كۇش سالا تۇلعالاۋدا.

  ”10 نەشە جىل دامۋدى باستان وتكەرگەن جۇندۇڭ اشۋ رايونىندا ابزال بايلىقتى قاۋىرت اشۋ، نەگىزدىك قۇرىلعىلاردى قاۋىرت سالۋ، ەنەرگيا ابزالدىلىعىن كاسىپ سالاسى ابزالدىلىعىنا اينالدىرۋداي قاۋىرت دامۋ جاعدايى جارىققا شىقتى“، - دەدى رىن جيانپين.

  2022 - جىلى جۇندۇڭ اشۋ رايونىنىڭ ەكونوميكالىق جالپى مولشەرى بۇكىل شينجياڭداعى مەملەكەت دارەجەلى 9 اشۋ رايونىنىڭ ىشىندە ءبىرىنشى ورىندا تۇردى.

  جاڭا ءداۋىر − كۇرەسكەرلەردىڭ ءداۋىرى. جۇندۇڭ اشۋ رايونى پارتيا قىزمەت كوميتەتىنىڭ مۇشەسى، ۇيىمداستىرۋ ءبولىمىنىڭ باستىعى چيان جۇنشىڭ: ءبىز ارمان - مۇرات ارقالاعان جاستاردىڭ جۇندۇڭدا شىڭدالۋدان ءوتىپ، ىسكەرلىگىن اسىرىپ، مەملەكەتكە قىزمەت وتەۋىن، حالىقتى باقىتقا كەنەلتۋىن قارسى الامىز، - دەدى.

  دارىندىلاردى الىپ قالۋ ءۇشىن، كاسىپورىندار دا ايانبادى

  3 - ايدىڭ 21 - كۇنى شينجياڭ يحۋا 3 - دارەجەلى جىلدىق ەڭبەكاقى بانىنىڭ باستىعى، ەلەكتروليز 3 - بانىنىڭ باستىعى يۋان گودۇڭ ماڭىزدى ءبىر ءساتتى كۇتىپ الدى − 4 - دارەجەلى جىلدىق ەڭبەكاقى بانىنىڭ باستىعى بولۋ ەمتيحانىن بەرەتىن بولدى. ەگەردە ءساتتى وتەتىن بولسا، ونىڭ قىزمەت ورىن ەڭبەكاقىسى 150 مىڭ يۋانعا وسەدى.

  نەگىزگى ساتى قىزمەتكەرلەرىنىڭ جىلدىق ەڭبەكاقى الۋى كوپتەگەن ادامنىڭ ويى جەتپەيتىن ءىس بولعانىمەن، الايدا جۇندۇڭ اشۋ رايونىندا شىنىمەن بولعان ءىس.

  1992 - جىلى تۋعان يۋان گودۇڭنىڭ ءۇيى گانسۋدا، 2012 - جىلى مەكتەپتە قىزمەتكەر قابىلداۋ كەزىندە شينجياڭ يحۋاعا قابىلدانادى. كاسىپتىك ناتيجەسى كورنەكتى بولعاندىقتان، 2020 - جىلى دارەجە اتتاپ ءوسىرىلىپ، اتاۋلى سەرىكتەستىكتىڭ 1 - توپتاعى جىلدىق ەڭبەكاقى بانىنىڭ باستىعى بولادى. ”مەنىڭ جۇندۇڭدا قالۋىما تۇرتكى بولعان سەبەپتەر وتە كوپ، ەڭبەكاقى مامىلەسى، سۇيىسپەنشىلىك، ت . ب، دەسەدە ەڭ ماڭىزدىسى، تاعى دا كاسىپ. بۇل جەردە ەڭبەكشىل بولساڭ بولعانى، تۇبىندە شۇعىلا شاشاسىڭ“.

  شينجياڭ يحۋادا قازىر 3300دەن استام قىزمەتكەر بار، جۇندۇڭ اشۋ رايونىنداعى جىلدىق ەڭبەكاقى الاتىن بانجاڭ ءتۇزىمىن اتقارعان تۇڭعىش كاسىپورىن.

  ”بان - گرۋپپا كاسىپورىن ۇيىمدىق قۇرىلىمىنىڭ ەڭ نەگىزگى بولەگى رەتىندە، ونىڭ قابىلەت قۇرىلىسى كاسىپورىننىڭ دامۋ كەلەلى جاعدايىنا سايادى. سەرىكتەستىك 2020 - جىلدان باستاپ جىلدىق ەڭبەكاقى الاتىن بانجاڭدى قىزمەتكە شاقىرۋ ۇلگىسىن جۇرگىزدى، قىزمەتكەرلەر قوسىنىن ورنىقتىرۋ جاعىنان العاندا، ونىمدىلىگى ايتارلىقتاي بولدى“، - دەدى شينجياڭ يحۋا پارتكومىنىڭ ورىنباسار شۋجيى، جۇمىسشى ۇيىمىنىڭ ءتوراعاسى فاڭ يالان.

  جۇندۇڭ دامۋ ابزالدىلىعىنا يە، ايتسەدە جالتارۋعا كەلمەيتىن السىزدىكتەرى دە بار. ادامدى الىپ قالۋ ءۇشىن، كوپتەگەن سىن - سايىستارعا دا ءدوپ كەلىپ وتىر.

  ”سوڭعى جىلدارى قىزمەتكەرلەردىڭ بالالارىنىڭ مەكتەپكە ءتۇسۋى نەمەسە ۇيىندەگى قارتتاردىڭ دەنساۋلىعى جار بەرمەۋى سەبەبىنەن قىزمەتتەن قول ءۇزۋى كورنەكتى ماسەلەگە اينالدى“، - دەدى فاڭ يالان.

  قازىر جۇندۇڭ اشۋ رايونىنداعى كاسىپورىندار دەرلىكتەي ەرەن بازار ەنگىزىپ، دەنە تاربيە سارايىن، زاۆود KTVىن، وقۋ بولمەسىن دايىندادى، كەيبىرەۋى پىسىرۋ ءۇيىن، كوفەحانا اشىپ، قىزمەتكەرلەردىڭ كاسىپتەن سىرتقى تۇرمىسىن مۇمكىندىگىنشە بايىتتى.

  دارىندىلاردى باۋراۋدا، دارىندىلاردى الىپ قالۋدا، دارىندىلاردى ويداعىداي ىستەتۋدە ەڭ تاماشا ورتا − جاقسى ءتۇزىلىس، مەحانيزم.

  ”بىزدە بايلىق جانە تەحنيكا ابزالدىلىعى بار، سەرىكتەستىك كاسىپ سالاسى ىشىندە كورنەكتى باسەكەلىك قۋاتقا يە، دامۋدىڭ ەڭ ۇلكەن اينىمالى شاماسى − ادام“. فاڭ يالان بىلاي دەپ تانىستىردى: دارىندىلاردى ەنگىزۋ، جەتىلدىرۋ، الىپ قالۋ ءۇشىن، سەرىكتەستىك قىزمەت ستاجى، زاۆود ستاجى قوسىمشا قاراجاتىن، تەحنيكالىق شەبەرلىك قوسىمشا قاراجاتىن بەكىتىپ تاراتۋ سياقتى 18 تۇردەگى شارا ارقىلى جۇمىسشى - قىزمەتشىلەردىڭ كىرىسىن ارتتىرىپ، 2022 - جىلى جۇمىسشى - قىزمەتشىلەردىڭ جان باسىندىق ورتاشا كىرىسى 2018 - جىلداعىدان %50 ارتتى.

  ماعلۇماتىنا، ستاجىنا عانا قاراپ قالماستان، جەرگىلىكتى ورىنداعى جاس كادرلاردان ءبىرسىپىراسى شينجياڭ يحۋانىڭ ۇيتقى تىرەكتى كادرلارى بولىپ جەتىلىپ، جەرگىلىكتى كادرلار سالىستىرماسى %79كە جوعارىلادى.

  قازىر حاۋىپسىزدىك باس باقىلاۋشىسى، قوسىمشا حاۋىپسىزدىكتى باقىلاۋ - تەكسەرۋ ءبولىمىنىڭ باستىعى مىندەتىن وتەپ جاتقان چىن في شينجياڭ يحۋا باۋلىعان جەرگىلىكتى كادر. ”جۇندۇڭعا سۇيىسپەنشىلىگىم بار، وسى سەرىكتەستىككە سۇيىسپەنشىلىگىم بار، ماماندار قاراستىراتىن سەرىكتەستىك مەنى ىزدەپ كەلىپ، ءبىر ميلليون يۋان جىلدىق ەڭبەكاقى بەرمەكشى بولعان ەدى، بارمادىم“!

  قىزمەتشىلەردى شينجياڭعا تامىر تارتۋعا، جۇندۇڭدى كوركەيتۋگە شابىتتاندىرۋ ءۇشىن، شينجياڭ يحۋا ىلگەرىندى - كەيىندى سانجى قالاسىندا، جەمسارى اۋدانىندا، جۇندۇڭ اشۋ رايونىندا جۇمىسشى - قىزمەتشىلەر بەيقۇت شاعىن اۋماعىن سالىپ، قونىستانۋدى سيلاۋ ساياساتىن شىعاردى. قىزمەت ستاجى ءبىر جىلعا تولعاندارعا 10 مىڭ يۋاندىق قونىستانۋ سيلىعىن تاراتتى، ەڭ جوعارى شەگى 100 مىڭ يۋان بولدى. سوڭعى جىلدارى شينجياڭ يحۋادان جيىنى 1000نان استام ادام شينجياڭعا ىرگە تەپتى.

  مامىلە ارقىلى ادامدى الىپ قالۋعا، سۇيىسپەنشىلىك ارقىلى ادامدى الىپ قالۋعا، دامۋ ارقىلى ادامدى الىپ قالۋعا، ءىس ارقىلى ادامدى الىپ قالۋعا تاباندى بولدى. جۇندۇڭ اشۋ رايونىندا تىرەكتى دارىندىلار قوسىنىن ۇيىستىرۋ، ورنىقتىرۋ ءۇشىن، بارلىق كاسىپورىندار شاماسىنىڭ جەتىسىنشە قۇلشىندى.

  وسى بىرنەشە جىلدا مەملەكەت ەلەكتر قۋاتىنا قارجى قوسۋ توبى شەكتى سەرىكتەستىگى شينجياڭ ەنەرگيا حيميا ونەركاسىبى توبى ۋسايۋان ەلەكتر تاراتۋ شەكتى جاۋاپكەرشىلىك سەرىكتەستىگىنىڭ دارىندى كەتۋ سالىستىرماسى %5 ىشىندە عانا بولدى. جۇندۇڭ اشۋ رايونىندا بۇل سالىستىرمالى تۇردە تاماشا ساندى مالىمەت سانالادى.

  وسى سەرىكتەستىك پارتكومىنىڭ شۋجيى، القا باستىعى تيان يۇڭچياڭ بىلاي دەپ تانىستىردى: سەرىكتەستىك دارىندىلار جەتىلۋ قاعيداسىنا بويسۇنىپ، باسقارۋدىڭ، تەحنيكانىڭ، تەحنيكا شەبەرلەرىنىڭ كاسىپتىك دامۋىنىڭ كوپ ارنالى قۇرىلىسىن جەدەل ىلگەرىلەتىپ، ۇقساماعان جۇمىس ورنىنداعى كادرلاردا، قىزمەتكەرلەردە جەتىلىپ العا باسۋ جولى بولۋىنا مۇمكىندىك جاسادى. سەرىكتەستىك تاعى ىشكى جاقتاعى ەڭبەكاقى ءبولىسى رەفورماسىن دا تەرەڭدەتىپ، ناتيجەسى كورنەكتى، ۇلەس قوسقان تىرەكتى دارىندىلاردى ءونىمدى ىنتالاندىردى.

  قىزمەتكەرلەردىڭ ۇيلەنۋ جانە ماحاببات بايلاۋ ماسەلەسىنە دەيىن كاسىپورىن ارالاستى. شينجياڭ يحۋا كوپ ءتۇرلى جولدارمەن ايەل جۇمىسشى - قىزمەتشىلەردىڭ جۇمىس ورنىن كوبەيتتى، كاربيد مەحانيكالىق قول جۇمىس ورنىندا بۇرىندارى كىلەڭ ەر قىزمەتكەرلەر بولاتىن، ال قازىر ايەلدەردىڭ دە قاراسىن كورۋگە بولادى. مەملەكەت ەلەكتر قۋاتىنا قارجى قوسۋ توبى شەكتى سەرىكتەستىگى ۋسايۋان ەلەكتر تاراتۋ سەرىكتەستىگى القاسىنداعى ءاربىر باسشىنىڭ تۇگەلدەي ەرەكشە مىندەتى، ياعني قىزمەتكەرلەرگە قالىڭدىق تانىستىرۋ مىندەتى بار.

  چيان جۇنشىڭ بىلاي دەپ تانىستىردى: جۇندۇڭنىڭ دارىندىلار ”ماگنيت ءورىسى اسەرىن“ تۋدىرۋىنا مۇمكىندىك جاساۋ ءۇشىن، سوڭعى جىلدارى اشۋ رايونى پارتيا قىزمەت كوميتەتى كادرلاردى شتات ىشىندە مىندەتكە قويۋ مەن جۇمىس ورنىنا قىزمەتكە شاقىرۋدى ءبولۋ، ارحيۆتەگى ەڭبەكاقىسى مەن ءىس جۇزىندىك ەڭبەكاقىنى ءبولۋ، كادرلار ارحيۆىن باسقارۋ مەن توقتام بويىنشا ىستەتۋدى باسقارۋدى ءبولۋ سىندى قوس جەلىلى جۇمىس ۇلگىسىن اتقارىپ، ”قابىلەتتىلەر شىعاتىن، ادەتتەگىلەرى ورنىن بوساتاتىن، ناشارلارى تۇسەتىن“ دارىندىلاردى تاڭداپ ءوسىرۋ جۇيەسىن قۇردى.

  جۇندۇڭ اشۋ رايونىن باسقارۋ كوميتەتى تاعى 628 ميلليون يۋان قارجى قوسىپ، سەلبەسىپ مەكتەپ اشۋ، پراكتيكا كورۋ، ناقتى جاتتىعۋ سياقتى 7 ۇلكەن قىزمەت وتەۋ تۇعىرى ءبىر تۇلعالانعان ءوندىرىس پەن وقىتۋ توعىسقان عىلىم - تەحنيكادان جاڭالىق اشۋ باقشاسىن قۇرىپ، ەرەكشە جۇمىس تۇرلەرىن باعالاۋ، ەلەكتر سياقتى 23 ناقتى جاتتىعۋ ءۇيىن قۇرىپ، ءار جىلى كاسىپورىندارعا شامامەن 10 مىڭ ادام (رەت) ءتۇرلى باۋلۋ قىزمەت وتەۋىن ازىرلەپ وتىردى.

  ”ۇجىم + تەحنيكا + كاپيتال“ سىندى سايكەستىرىپ ەنگىزەتىن ”ەكىنى شاقىرۋ، ەكىنى ەنگىزۋ“ ۇلگىسىن قولدانىپ، جۇندۇڭ اشۋ رايونى كومىر، كومىر ەلەكتر، كومىر حيميا ونەركاسىبى، مەتاللۋرگيا جاڭا ماتەريالدارى، جاڭا ەنەرگيا سياقتى شەشۋشى، وزەكتى كاسىپ سالاسىن دامىتۋعا قاجەتتى كاسىپتىك دارىندىلاردان 5470دەن استام ادامدى ەنگىزدى.

  كاسىپ سالاسى مەن دارىندىلار ءبىرىن - ءبىرى تابىسقا جەتكىزىپ، ”قوس باعىتتا اتتاناتىن“ جاعداي كوبەيە ءتۇستى

  3 - ايدىڭ 24 - كۇنى جۇندۇڭ وسى زامانعى كاسىپ سالاسى شۋەيۋانى قۇرىلدى. جۇندۇڭ اشۋ رايونى مەن شينجياڭ ينجەنەريا شۋەيۋانى ءوندىرىس پەن وقىتۋدى توعىستىرۋ جونىندە قول ۇستاسا تەرەڭ سەلبەستىك ورىستەتىپ، ”ۇكىمەت، مەكتەپ، كاسىپورىن قول ۇستاسقان، ءوندىرۋ، وقىتۋ، زەرتتەۋ توعىسقان“ زور دامۋدىڭ دابىلىن قاقتى.

  ”جۇندۇڭداعى باسىمدىققا يە كاسىپ سالالارىنىڭ ۇزدىكسىز زورايۋىنا، ەكونوميكا جالپى مولشەرىنىڭ ۇزدىكسىز ارتۋىنا ىلەسە، جوعارى ساپالى ەڭبەكشىلەر مەن شەبەرلىك دارىندىلار كاسىپ سالاسى نىسان قۇرىلىسىندا ەكونوميكانىڭ جوعارى ساپالى دامۋىندا كەم بولسا بولمايتىن وزەكتى فاكتورعا اينالدى“، - دەدى جۇندۇڭ اشۋ رايونى پارتيا قىزمەت كوميتەتىنىڭ شۋجيى جاڭ جيانبين.

  الدىڭعى ايدا چيان جۇنشىڭ جۇندۇڭ اشۋ رايونىنىڭ ادام كۇشىن باسقارۋعا جاۋاپتى باستىعىن باستاپ، كاسىپورىننىڭ دامۋى بارىسىندا شۇعىل شەشۋگە ءتيىستى 30 نەشە ماسەلە جونىندە جۇڭگو كەن ىستەرى داشۋەسىنە بارىپ ”بىلىمدىلەردى قاراستىردى“ ءارى جىجياڭ داشۋەسىمەن سەلبەستىك كەلىسىمىن جاساستى.

  ”ءوندىرۋدى، وقىتۋدى، زەرتتەۋدى ۇشتاستىرۋدى اناعۇرلىم ىلگەرىلەتىپ، جۇندۇڭ اشۋ رايونىنىڭ ەكونوميكالىق دامۋ دەڭگەيى مەن قارقىنىن جوعارىلاتىپ، اناعۇرلىم كوپ كاسىپورىن پايداسى مەن قوعامدىق قۇندى جاراتىپ، كاسىپورىن دارىندىلارىنىڭ جەتىلۋ ورتاسىن اناعۇرلىم ساپالىلاندىرۋ كەرەك“، - دەدى جاڭ جيانبين.

  جۇندۇڭ اشۋ رايونىن باسقارۋ كوميتەتى شينجياڭ ينجەنەريا شۋەيۋانى شينجياڭعا كومەكتەسەتىن جوعارى مەكتەپتەردىڭ باتىس بولىك ەنەرگيانى، دامۋدى زەرتتەۋ ورنىمەن بەلسەنە اقىلداسىپ، سەلبەستىك جاساسىپ، شينجياڭعا كومەكتەسەتىن جوعارى مەكتەپتەردى سۇيەنىش ەتىپ، كەيىن كومەككە كەلەتىن جوعارى مەكتەپتەردىڭ جوعارى ورەدەگى مامان - وقىمىستىلارىن وزەك ەتىپ، كومىر ەنەرگياسى سالاسىنداعى كەلەلى عىلمي ماسەلەلەر مەن تەحنيكالىق قيىن ماسەلەلەردى كۇش سالا شەشىپ، ۇزدىك جاسامپاز دارىندىلاردى جەتىلدىردى.

  جۇندۇڭ اشۋ رايونىندا كاسىپ سالاسى مەن دارىندىلار ”ءوزارا تابىسقا جەتىپ، ءبىر - بىرىنە ساي كەلەتىن“ قوس باعىتتا اتتاناتىن جاعداي جارىققا شىعۋدا.

  2022 - جىلى جۇندۇڭ اشۋ رايونىنداعى پوست دوكتورلاردىڭ جاڭالىق اشۋ امالياتى بازاسىندا پوست دوكتور ليۋ فۋميڭ پۋنكتتەن شىقتى. ونىڭ «جۇندۇڭ كومىر الابى اشىق كەنىندە ۋاقىت - اسەر كولبەۋ بەت نازارياسى مەن ىرىقتىلىقپەن قورعانۋ تەحنيكاسىن قولدانۋ جونىندەگى زەرتتەۋ» عىلمي تاقىرىبى ءوزى تۇرعان كاسىپورىنعا ءار جىلى نەشە ءجۇز ميلليون يۋاننان استام ۇسىنىلىمدى ۇنەمدەپ بەرەدى.

  جۇڭگو ەلەكتر قۋاتى قارجى قوسۋ توبى ۋسايۋان ەلەكتر تاراتۋ سەرىكتەستىگى 2018 - جىلدان باستاپ زەردەلى ەلەكتر ستانسياسى قۇرىلىسىن ىلگەرىلەتىپ، جۇندۇڭنىڭ كومىرىن تولىق ورتەۋ مىندەت - نىساناسىن جۇزەگە اسىرىپ، جىلىنا 80 ميلليون يۋان جانار زات وزىندىك قۇنىن ۇنەمدەدى.

  ”بيىل ءبىز كومىر قىشقىلىن دالمە - ءدال ولشەۋ جانە كومىر قىشقىلىن جيناۋ جونىندە عىلىم - تەحنيكادان جاڭالىق اشاتىن تاعى 2 تاقىرىپتى باستادىق“. تيان يۇڭچياڭ ءتۇسىندىرىپ بىلاي دەدى: وت ەلەكترىنىڭ كومىر قىشقىل گازىن شىعارۋ مولشەرى جونىندە قازىر مەجەلەۋ ءادىسى قولدانىلىپ وتىر، كاسىپورىن عىلمي، ءونىمدى ولشەۋ ءادىسى ارقىلى شەشىم جاساۋعا تەحنيكالىق قولداۋ كورسەتپەكشى. سونىمەن بىرگە شىعارىلعان كومىر قىشقىل گازىن جيناپ العاننان كەيىن پەشەتتەپ قايتا پايدالانىپ، ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ نىساناسىن جۇزەگە اسىرۋعا ۇلەس قوسپاقشى.

  ”جۇندۇڭدا مەن 10 جىلدا 5 رەت قونىس جاڭالادىم، 8 ادامدىق توپتىق جاتاقتان قازىرگى قوناق ۇيگە دەيىن ءار رەتكى قونىس جاڭالاۋدا جۇندۇڭنىڭ دامۋ وزگەرىسى ايگىلەندى، جۇندۇڭ بارعان سايىن جاقسارادى“، - دەدى چيان جۇنشىڭ.

  جۇندۇڭ اناعۇرلىم كوپ جاڭاشا ونەركاسىپتەندىرۋ سالاسىنداعى تاڭداۋلى دارىندىلارعا مۇقتاج. جاڭ جيانبين مىنالاردى ءبىلدىردى: ”14 - بەسجىلدىق“ كەزىندە جۇندۇڭ اشۋ رايونى دارىندى ەنگىزۋ مەحانيزمى جونىندە بەلسەنە ىزدەنىس جاساپ، كومىر، كومىر ەلەكتر، وسى زامانعى كومىر حيميا ونەركاسىبى سياقتى 6 ءىرى كاسىپ سالاسىنداعى مامانداردى، دارىندىلاردى جانە قارجى قوسۋ، قارجى قۇراۋ، ماماندانعان ساۋداگەر شاقىرۋ، حالىقارالانعان سەلبەستىك سياقتى سالالارداعى تاپشى دارىندىلاردى ەنگىزۋ تەبىنىن باعىتتامالى تۇردە ارتتىرىپ، اشۋ رايونىنىڭ دارىندىلار قوسىنى قۇرىلىمىن ساپالىلاندىرىپ، اشۋ رايونىنىڭ كاسىپ سالاسى قۇرىلىمىن رەتتەۋ جانە دامىتۋ قاجەتىن قاناعاتتاندىرادى.

  سونىمەن بىرگە، كوپتەگەن نەگىزدىك قىزمەتتەر ءالى دە ىلگەرىلەتىلۋدە. ۋسايۋان، جيجيحۋ جاڭا قالاسىن قۇرىپ، ”قىزمەت وتەۋدى ساتىپ الۋ“، ”سەلبەسىپ مەكتەپ اشۋ“ ءتاسىلىن قولدانىپ ساپالى وقۋ - اعارتۋ بايلىعىن ەنگىزىپ، ەمدەۋ جۇيەسى قۇرىلىسىن جەدەلدەتتى… كاسىپ ساحناسى كەڭ، جاراتىلىستىق، گۋمانيتارلىق ورتاسى اناعۇرلىم ساپالى جۇندۇڭ جەدەل قۇرىلۋدا.