انار بۇلت \ شينجياڭ گازەتىنىڭ حابارى (ءتىلشى ما ينيڭ حابارلايدى) 3 - ايدىڭ 26 - كۇنى تۇستەن بۇرىن تيانجين اۆياتسيا شەكتى جاۋاپكەرشىلىك سەرىكتەستىگىنىڭ قۇلجادا تۇنەۋ بازاسى قۇرىلىپ، ىلە قازاق اۆتونوميالى وبلىسىنىڭ اۋە لەنياسى تورابىنىڭ ىركىلىسسىزدىگىن اناعۇرلىم جوعارىلاتتى. سول كۇنى قۇلجا − شاۋەشەك − التاي، قۇلجا − كۇشار − حوتان اۋە لەنياسى تۇڭعىش رەت ٴساتتى قاتىنادى.
3 - ايدىڭ 26 - كۇنى تۇستەن بۇرىن تيانجين اۆياتسيا شەكتى جاۋاپكەرشىلىك سەرىكتەستىگىنىڭ قۇلجادا تۇنەۋ بازاسى قۇرىلىپ، ىلە قازاق اۆتونوميالى وبلىسىنىڭ اۋە جەلىسى تورابىنىڭ ىركىلىسسىزدىگىن اناعۇرلىم جوعارىلاتتى. سۋرەتتى تيانجين اۆياتسياسى بەرگەن
3 - ايدىڭ 26 - كۇنى تيانجين اۆياتسيا سەرىكتەستىگى ىلە قازاق اۆتونوميالى وبلىستىق حالىق ۇكىمەتىمەن ستراتەگيالىق سەلبەستىك كەلىسىمىنە قول قويىپ، اۋە جولى تورابىنىڭ ورنالاسۋىن جەدەلدەتۋ جانە مادەنيەت، ساياحات كاسىبىنىڭ دامۋىن ىلگەرىلەتۋ جاعىندا ۇزاق ۋاقىتتىق، ورنىقتى، ىشكەرىلەي سەلبەستىك ورناتىپ، بايلىقتان ورتاق يگىلىكتەنۋدى، ابزالدىلىقتارىمەن ٴبىرىن - ٴبىرى تولىقتاۋدى جۇزەگە اسىردى. تيانجين اۆياتسياسى قۇلجا اۋەجايىندا تۇنەۋ بازاسىن قۇردى، بۇرىنعى اۋە لەنياسى نەگىزىندە قۇلجا − شاۋەشەك − التاي، قۇلجا − تۇمسىق − ياركەن، قۇلجا − كۇشار − حوتان، قۇلجا − شىحىزى − حوتان سىندى 4 اۋە لەنياسىن جاڭادان اشىپ، قۇلجا اۋەجايىنىڭ شينجياڭنىڭ جەر - جەرىنە قاتىنايتىن اۋە جولى تورابىن ونان ارى دامىتپاقشى.
تيانجين اۆياتسياسىنىڭ باس جوراسى ۋ جيانشۇن بىلاي دەدى: ”تيانجين اۆياتسياسى جاڭادان قوسىلعان اۆياتسيا تۇيىندەرى ارقىلى شينجياڭنىڭ ىشىندەگى ساياحات جەلىسىن جيىلەتىپ، ۇشاق قاتىنايتىن قالالار اراسىنداعى ادامداردىڭ ٴجۇرىس ـ تۇرىسىنا، ەكونوميكالىق جاقتان ٴبىرىن ـ ٴبىرى تولىقتاۋىنا، ٴوزارا بايلانىس جاساۋىنا اناعۇرلىم قولايلى، جوعارى ٴونىمدى اۋە تاسىمال ارناسىن ازىرلەدى. تيانجين اۆياتسياسى جولاۋشىلاردىڭ قاجەتىنە قاراي ٴتيىمدى ۇشاق بەلەتى مەن ونىمدەرىن دەر كەزىندە شىعارىپ، قالىڭ جولاۋشىلاردىڭ ساۋدا بارىس ـ كەلىسى مەن ٴجۇرىس ـ تۇرىسىنا قولايلىلىق جاراتادى. سونىمەن بىرگە، تارماق جەلى اۋەجايلارىنىڭ، اۆياتسيا اۋەجايلارىنىڭ مۇمكىندىكتەرىن تولىق اشىپ، ءارقايسى ايماق، وبلىستاردىڭ، شينجياڭعا كىرەتىن - شىعاتىن زات اينالىمىنىڭ سۇرانىسىن قاناعاتتاندىرامىز“.
سوڭعى مەزگىلدە ەكى جاق ٴوز باسىمدىقتارىنان تولىق پايدالانىپ، ”اۆياتسيا + ساياحات“ جاڭا كاسىپ كۇيىندە قول ۇستاسا جاڭالىق اشىپ، حالىقتىق اۆياتسيانى دامىتۋ سەلبەستىگىنىڭ جاڭا ۇلگىسى جونىندە ىزدەنىس جاسايدى. تيانجين اۆياتسياسى شينجياڭ ٴوڭىرىنىڭ بولاشاقتاعى دامۋ جوباسىمەن ۇشتاستىرىپ، لايىقتى ۋاقىتتا شينجياڭنان ورتا ازياعا باراتىن حالىقارالىق اۋە لەنياسىن اشادى.
