تەكسەرۋ - زەرتتەۋدى بارىنشا ورىستەتىپ، قىزمەت ونىمدىلىگىن جوعارىلاتۋ كەرەك

日期:2023年03月27日
来源:新疆日报
【字体:

اۆتونوميالى رايوندىق ۇكىمەت ۇنەمىلىك ىستەر ءماجىلىسىن اشتى

تەكسەرۋ - زەرتتەۋدى بارىنشا ورىستەتىپ، قىزمەت ونىمدىلىگىن جوعارىلاتۋ كەرەك

  انار بۇلت \ شينجياڭ گازەتىنىڭ ءتىلشىسى لي ياڭ 3 - ايدىڭ 25 - كۇنى ۇرىمجىدەن حابارلايدى. 3 - ايدىڭ 24 - كۇنى تۇستەن كەيىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ءماجىلىسىن باسقارىپ اشىپ، باس شۋجي شي جينپيڭنىڭ جۋىقتا سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، مەملەكەتتىك كەڭەستىڭ ءبىرىنشى جالپى ءماجىلىسىنىڭ رۋحىن دايەكتىلەندىردى، تياناقتاندىردى، اۆتونوميالى رايوندىق پارتكومنىڭ ورنالاستىرۋى بويىنشا ۇكىمەت جۇيەسىنىڭ جاپپاي تەكسەرۋ - زەرتتەۋدى بارىنشا ورىستەتۋ، جوعارى ساپالى دامۋدى ىلگەرىلەتۋ، قۇمايتتانۋدان ساقتانۋ، قۇمايتتانۋدى تىزگىندەۋ، تاريحي مادەنيەت مۇرالارىن قورعاۋ سياقتى قىزمەتتەردى اقىلداستى، ورنالاستىردى.

  ءماجىلىس مىنالاردى اتاپ كورسەتتى: تەكسەرۋ - زەرتتەۋدى كۇشەيتۋدىڭ كەلەلى ءمانىن تەرەڭ تانىپ، پارتيا ورتالىق كوميتەتىنىڭ بۇكىل پارتيادا تەكسەرۋ - زەرتتەۋدى بارىنشا ورىستەتۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ءوز قىزمەتىن ويداعىداي ىستەۋ، حاۋىپ - قاتەرلەر مەن سىن - سايىستارعا توتەپ بەرۋ، ىستەرىمىزدىڭ دامۋىن ىلگەرىلەتۋ قابىلەتى مەن دەڭگەيىن ۇزدىكسىز جوعارىلاتۋ كەرەك. حالىقتى بارىنەن جوعارى قويۋعا جانە ماسەلەنى باعدار ەتۋگە باستان - اياق تاباندى بولىپ، ءادىس - امالداردى ۇزدىكسىز جاڭالاپ، نەگىزگى ساتىنىڭ الدىڭعى شەبىنە ىشكەرىلەي بارىپ، دەن قويا سۇيىسپەنشىلىكپەن ماسەلەلەردى بايقاۋ، ماسەلەلەردى زەرتتەۋ، ماسەلەلەردى شەشۋ كەرەك. جەتىستىكتەردەن پايدالانۋعا ءمان بەرىپ، ماسەلەنى شىنايى شەشۋدىڭ وي جەلىسى مەن ادىستەرىن العا قويىپ، شىنايى اتقارۋعا بولاتىن ساياسات - شارالار بەلگىلەپ، تەكسەرۋ - زەرتتەۋ ناتيجەسىنىڭ قىزمەتتى تياناقتاندىرۋعا بارىنشا قىزمەت ەتۋىنە شىنايى كەپىلدىك ەتۋ كەرەك.

  ءماجىلىس مىنالاردى اتاپ كورسەتتى: جاپپاي سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىن ارقاۋ ەتىپ، جوعارى ساپالى دامۋ سىندى وسى ماڭداي الدى مىندەتتى ىشكەرىلەي يگەرىپ، كۇشتى شوعىرلاندىرا وتىرىپ ”سەگىز ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن قالىپتاستىرىپ، جاڭا دامۋ ارناسىنا اناعۇرلىم ويداعىداي قىزمەت وتەۋ جانە ونىمەن توعىسۋ كەرەك. مۇناي - تابيعي گاز كاسىبىنىڭ قورىن مولايتىپ، ءونىمىن ارتتىرۋدى زور كۇشپەن ىلگەرىلەتىپ، مۇناي - تابيعي گازدى سول جەردە مانەرلەپ كادەگە جاراتۋ تەبىنىن ارتتىرىپ، ”شينجياڭنىڭ مۇنايىن شينجياڭدا وڭدەۋدى“ ۇزدىكسىز ىلگەرىلەتىپ، شينجياڭنىڭ ەنەرگيا باسىمدىعىن جوعارى ساپالى دامۋ باسىمدىعىنا اناعۇرلىم ويداعىداي اينالدىرۋدى ىلگەرىلەتۋ كەرەك. ىشكى سۇرانىستى كەڭەيتۋ ستراتەگياسىن ۇزدىكسىز اتقارىپ، قارجى قوسۋدىڭ شەشۋشى رولىن ساۋلەلەندىرىپ، كەلەلى نىساندار قۇرىلىسىن كۇشەيتىپ، تۇتىنۋدى ۇزدىكسىز قالپىنا كەلتىرىپ جانە كەڭەيتىپ، ەكونوميكالىق ارتۋدىڭ كومەسكى كۇشىن ءونىمدى اشۋ كەرەك. رەفورما جاساۋدى، ەسىك اشۋدى تەرەڭدەتۋگە تاباندى بولىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا قالىپتاستىرۋ كەرەك. حالىق تۇرمىسىنا قاتىستى 10 ناقتى ءىستى كۇش سالا ويداعىداي ىستەپ، ”ءۇرىمجى − سانجى − شىحىزى“ ءوڭىرىنىڭ اتموسفەراسىنىڭ لاستانۋىنان ساقتانۋدى جانە ونى وڭاۋدى بار كۇشپەن ىلگەرىلەتىپ، حالىق تۇرمىسىنىڭ قۇت - ىرىسىن ۇزدىكسىز ارتتىرۋ كەرەك.

  ءماجىلىس مىنالاردى اتاپ كورسەتتى: تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋعا جانە جۇيەلى وڭاۋعا تاباندى بولىپ، قورعاۋدى الدىڭعى ورىنعا قويۋ، ءتۇيىندى تۇردە قالپىنا كەلتىرۋ، ۇيلەسىمدى پايدالانۋ سىندى جالپى تۇلعالىق وي جەلىسىنە ساي، بۇكىل ەلدەگى ماڭىزدى ەكولوگيالىق جۇيەلەردى قورعاۋ جانە قالپىنا كەلتىرۋ كەلەلى ينجەنەرياسىنا سۇيەنىپ، ەكولوگيانى قورعاۋ مەن حالىق تۇرمىسىن جاقسارتۋدى نىسانا ەتىپ، ءارقايسى جاقتىڭ كۇشىن تولىق جۇمىلدىرىپ، حالىقارالىق سەلبەستىك پەن اۋىس - كۇيىستى كەڭىنەن ورىستەتىپ، قۇمايتتانۋدان ساقتانۋدى، قۇمايتتانۋدى تىزگىندەۋدى كۇش سالا ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىنىڭ جاسىل ەكولوگيالىق قالتقىسىن جەدەل قۇرۋ كەرەك.

  ءماجىلىس مىنالاردى باسا دارىپتەدى: تاريحي مادەنيەت مۇرالارىن قورعاۋدىڭ جانە ونى جالعاستىرۋدىڭ كەلەلى ماڭىزىن تەرەڭ تانىپ، قالا، اۋىل قۇرىلىسى مەن تاريحي مادەنيەت مۇرالارىن قورعاۋدىڭ، پايدالانۋدىڭ قاتىناسىن ويداعىداي ءبىر جاقتى ەتۋ كەرەك. تاريحقا جانە حالىققا وسكەلەڭ جاۋاپتى بولۋ پوزيتسياسىمەن جوبانى تەكسەرۋ، تەكسەرىپ ساراپتاۋ، قۇرىلىس باسقارۋ سياقتى وتكەلدەردى قاتاڭ يگەرىپ، تاريحي مادەنيەت كوشە اۋماقتارىن ءوتىنىش ەتۋ، بەكىتۋ قىزمەتىن ويداعىداي ىستەۋ كەرەك. مادەنيەت پەن ساياحاتتى توعىستىرۋدى كۇشەيتىپ، تاريحقا ءۇن قاتتىرىپ، مادەني مۇرالاردى سويلەتىپ، تاريحتى كورسەتەتىن، مادەنيەتتى سەزىندىرەتىن، جالعاستىرۋدى ايگىلەيتىن، فۋنكتسياسى تولىق اناعۇرلىم كوپ ەرەكشە تاريحي مادەنيەت كوشە اۋماقتارىن تۇلعالاۋ كەرەك.

  ءماجىلىس باسقا دا ىستەردى اقىلداستى.