”ۇلتتار ىنتىماعىنىڭ بەرەكەلى شاڭىراعى“ اتتى ەرەكشە جۇردەك جولاۋشىلار پويەزىنىڭ قاتىناعانىنا 6 جىل تولدى
تاسىمالدانعان جولاۋشىلاردىڭ جالپى سانى 6 ميلليون 200 مىڭ ادامنان (رەت) استى
انار بۇلت \ شينجياڭ گازەتىنىڭ ءتىلشىسى كاڭ حاۋيان 3 - ايدىڭ 25 - كۇنى ۇرىمجىدەن حابارلايدى. ”56 شوق جۇلدىز، 56 شوق گۇل، 56 ۇلت اعا - باۋىر، اپەكە - سىڭلىلەر ءبىر ءۇيلى جانداي...“. 3 - ايدىڭ 25 - كۇنى ساعات 12دەن 30 مينۋت وتكەندە، ۇرىمجىدەن حوتانعا باراتىن T9526 كەزەكتى پويەزىنىڭ 14 - ۆاگونىندا ءان اۋەنى قالىقتادى، قازىرگە دەيىن ”ۇلتتار ىنتىماعىنىڭ بەرەكەلى شاڭىراعى“ اتتى ەرەكشە جۇردەك پويەزدىڭ قاتىناعانىنا 6 جىل بولدى، جالپى 6 ميلليون 217 مىڭ ادام (رەت) حاۋىپسىز تاسىمالداندى.
2017 - جىلى 3 - ايدىڭ 25 - كۇنىنەن باستاپ ۇرىمجىدەن حوتانعا 7/T9526 كەزەكتى ”ۇلتتار ىنتىماعىنىڭ بەرەكەلى شاڭىراعى“ اتتى ەرەكشە جۇردەك پويەز قاتىناعاننان كەيىن ۇرىمجىدەن حوتان، قاشقار سياقتى وڭتۇستىك شينجياڭداعى ماڭىزدى قالا - قالاشىقتارعا ءبىر كۇندە جەتۋ جۇزەگە استى. 6 جىلدان بەرى، وسى پويەز توپتىق جولاۋشىلاردان 4200 نەشە توپتا جيىنى 230 مىڭ ادام (رەت) تاسىمالدادى، وڭتۇستىك شينجياڭعا ”تۋىسشىلاعان“ كادرلار مەن جۇمىسشى - قىزمەتكەرلەردەن كۇنىنە ورتا ەسەپپەن مىڭنان استام ادام وسى پويەزبەن بارىپ - كەلدى.
ۆاگون ىشىندە قىزىل ءتۇستى تەرەزە ورنەكتەرى، جۇڭگو تۇيىنشەكتەرى، سوزىلمالى گۇلدەر، شارلار قىزۋ مەرەيلى راي قالىپتاستىرعان، جۇپ قۇراپ ”تۋىس بولۋ“ بايلانىسىمەن حوتانعا اتتانعان اۆتونوميالى رايوندىق بالالار شيپاحاناسىنىڭ باستاۋشى كادرى حان چيميڭ بىلاي دەدى: ”وسى كەزەكشى پويەز ورتالىق قالا مەن وڭتۇستىك شينجياڭداعى ايماق - وبلىستار اراسىنداعى ۋاقىت - كەڭىستىك ارالىعىن جاقىنداتىپ، ءار ۇلت بۇقاراسىنىڭ ارالاسۋىنا، ىشتەسۋىنە، توعىسۋىنا ’تىلەكتەستىك كوپىرىن‘ سالدى“. ول بىلاي دەدى: مەكەمە - ورنىمىز 2016 - جىلدان باستاپ كادرلاردى وڭتۇستىك شينجياڭعا ”تۋىسشىلاي بارۋعا“ جىبەردى، وسى كەزەكشى پويەز قاتىناعاننان كەيىن كوپشىلىكتىڭ جولاۋشىلاۋىنا اناعۇرلىم قولايلى بولىپ، ”تۋىستار“ اراسىنداعى بارىس - كەلىس جيىلەي ءتۇستى.
وسى كەزەكشى پويەز ءبىر باعىتتا 1996 كيلومەتر جول باسىپ، 17 ۆوگزالدان ءوتىپ، تاكلاماكان ءشولىن اينالىپ، توقسۋ، قاعىلىق، گۇما، قاراقاش سياقتى 4 قۇمدى بوراندى ءوڭىردى باسىپ وتەدى. وڭتۇستىك شينجياڭداعى كوپتەگەن بۇقارا وسى پويەزبەن سىرتقا شىعىپ جۇمىس ىستەدى، اۋىلىنا قايتىپ تۋىسشىلادى. وسى كەزەكشى پويەزگە وتىرعان داشۋە وقۋشىسى اسەنجان يمىن تەبىرەنە: ”ءار جولى اۋىلىم قاشقارعا قايتقاندا، پويەزدە تۇرلىشە ۇلتتان قۇرالعان جولاۋشىلارمەن تانىسامىز، كوپشىلىك باۋىرمالدىقپەن ءوزارا قارايلاسادى، ساپارىمىز وتە جايلى“، - دەدى.
جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى كورلا جولاۋشى تاسىمال ۋچاستيكاسى حوتان 1 - اترەتى پارتيا باس ياچەيكاسىنىڭ شۋجيى گو چيڭ بىلاي دەپ تانىستىردى: وسى كەزەكشى پويەزدە جۇپ قۇراپ تۋىس بولعان جولاۋشىلاردىڭ سانى كوپ، دەڭگەيى كەڭ، سۇرانىسى بىردەي بولماۋ جاعدايىنا مەڭزەس، شينجياڭ تەمىر جول تاراۋلارى ”قوس ءتىل“ قىزمەت وتەۋىن جالپىلاستىرۋ، ”تۋعان كۇن توتە پويەزىن“ قاتىناتۋ، ”جىلجىمالى زاريادتاۋ پۋنكتىن“ ورنالاستىرۋ، ”انا مەيىرى ءبىر شارشى مەترىن“ اشۋ سياقتى حالىققا قولايلى شارالاردى قولدانۋ ارقىلى جولاۋشىلارعا ”جان اشىر، جاعىمدى، مەيىرلى، ىجداعاتتى، كوڭىل كونشىتەرلىك بولۋ“ سىندى ”بەستە كوڭىلدەگىدەي“ قىزمەت وتەدى. 6 جىلدان بەرى جولاۋشىلار ءۇشىن جيىنى 11 مىڭنان استام يگى ءىس ىستەدى، جولاۋشىلاردان 1350 پارشا حات، 74 سيلىق جالاۋشاسىن تاپسىرىپ الدى.
پويەزدەگى ساپار جولىندا كورلا جولاۋشى تاسىمال ۋچاستيكاسى حوتان 1 - اترەتىنىڭ پويەز باستىعى مەيىربان ايىت پەن قىزمەتتەستەرى وڭتۇستىك شينجياڭنىڭ ەرەكشە اۋىل شارۋاشىلىعى قوسىمشا ونىمدەرىنىڭ جارشىسى بولدى. پويەز اسحاناسىندا اۋىل - قىستاقتى گۇلدەندىرۋ ”بازارى“ ءوزارا كومەكتەسۋ ينفورماتسيا تاقتاسىندا جاڭعاق، نان، شىلان سياقتى اۋىل شارۋاشىلىعى قوسىمشا ونىمدەرىن ساتۋ ينفورماتسيالارى كورسەتىلەدى. 2017 - جىلدان بەرى وسى كەزەكشى پويەز اۋىل شارۋاشىلىعى ونىمدەرى جونىندەگى قامداۋ - قاجەتسىنۋ ينفورماتسيالارىن جاريالاۋ تۇعىرىن ورنالاستىرىپ، جۇپ قۇراپ تۋىس بولعان كادرلاردىڭ جۇپ قۇراعان تۋىستارىنىڭ اۋىل شارۋاشىلىعى ونىمدەرىن تانىستىرىپ ساتۋىنا كومەكتەستى، قازىرگە دەيىن 200 نەشە وتباسىنىڭ 10 مىڭ كيلوگرامنان استام كەپتىرىلگەن جەمىسىن، 9000نان استام نانىن، 700 نەشە جاشىك جەمىس - جيدەگىن ساتۋىنا كومەكتەستى.
6 جىلدان بەرى ”ۇلتتار ىنتىماعىنىڭ بەرەكەلى شاڭىراعى“ اتتى ەرەكشە جۇردەك پويەز مەملەكەتتىك جۇمىسشىلار اتويشىسى، مەملەكەتتىك جاستار وركەنيەتى كوللەكتيۆى، مەملەكەتتىك 8 - ناۋرىز قىزىلتۋشى كوللەكتيۆى قاتارلى 10 نەشە ءتۇرلى داڭققا يە بولىپ، ”جىلجىمالى ۇلتتار ىنتىماعى ءدالىزى“ اتاندى.
