موتورلى كولىكتەردى باسقارۋدى كۇشەيتىپ، قاتىناس حاۋىپسىزدىگى دەڭگەيىن جوعارىلاتۋ كەرەك

日期:2023年03月25日
来源:新疆日报
【字体:

جاڭ چۇنلين ءۇرىمجى قالاسىندا جانە سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

موتورلى كولىكتەردى باسقارۋدى كۇشەيتىپ، قاتىناس حاۋىپسىزدىگى دەڭگەيىن جوعارىلاتۋ كەرەك

  انار بۇلت \ شينجياڭ گازەتىنىڭ تىلشىلەرى ليۋ شياڭ، لياڭ ليحۋا 3 - ايدىڭ 25 - كۇنى سانجىدان حابارلايدى. 3 - ايدىڭ 23 -، 24 - كۇندەرى اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ءۇرىمجى قالاسىندا جانە سانجى حۇيزۋ اۆتونوميالى وبلىسىندا قاتىناس - تاسىمال سالاسىنداعى ءوندىرىس حاۋىپسىزدىگى قىزمەتىنە تەكسەرۋ - زەرتتەۋ جۇرگىزدى.

  جاڭ چۇنلين ىلگەرىندى - كەيىندى ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوكولىك باسقارۋ بولىمشەسى كازىۋان قىزمەت اۋماعى، شينجياڭ جۇيتۇڭ حىڭيە قۇرىلىس ماتەريالدارى شەكتى جاۋاپكەرشىلىك سەرىكتەستىگى، سانجى وبلىستىق اكىمشىلىك قىزمەت وتەۋ ورتالىعى قوعام حاۋىپسىزدىگى قاتىناس ساقشى بولىمشە ورتالىعى، زاۆود - كەن، تاسىمال كاسىپورىندارى سياقتىلارعا بارىپ، موتورلى كولىكتەردى باسقارۋ، حاۋىپ - قاتەرلەردى، كومەسكى قاتەرلەردى ءبىر - بىردەن تەكسەرۋ - وڭاۋ سياقتىلاردىڭ احۋالىن باسى - قاسىندا ۇعىسىپ، قاتىناس - تاسىمال سالاسىنداعى ءوندىرىس حاۋىپسىزدىگى قىزمەتىنە ورنالاستىرۋ جاسادى.

  جاڭ چۇنلين بىلاي دەپ باسا دارىپتەدى: جەر - جەر، قاتىستى تاراۋلار ساياسي دەڭگەيدى جوعارىلاتىپ، باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋ - تالاپتارى بويىنشا، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ءوندىرىس حاۋىپسىزدىگى قىزمەتىن ويداعىداي ىستەۋدەگى يدەيالىق سانالىلىقتى، ساياسي سانالىلىقتى، ارەكەت سانالىلىعىن ۇزدىكسىز كۇشەيتىپ، ءوندىرىس حاۋىپسىزدىگىنىڭ تومەنگى شەگىن شىن مانىندە بەرىك ساقتاۋى كەرەك. ماسەلەنى باعدار ەتۋدەن جازباي، وزىنە - ءوزى باتىلدىقپەن توڭكەرىس جاساپ، ءار كاسىپتە، ءار سالادا ورىن تەۋىپ وتىرعان ولقىلىقتاردى، جەتەرسىزدىكتەردى ىشكەرىلەي انىقتاپ، حاۋىپسىزدىك كومەسكى قاتەرىنەن باتىل ساقتانۋ جانە ونى جويۋ كەرەك. قاينارىنان باسقارۋعا باسا ءمان بەرىپ، نەگىزدىك باسقارۋ قىزمەتىن كۇشەيتىپ، موتورلى كولىكتەردى باقىلاۋ - باسقارۋ ءتۇزىمىن كەمەلدەندىرۋ كەرەك، قاتىستى تاراۋلار ينفورماتسيا ءبولىسۋ جانە اڭىس ەتۋ مەحانيزمىن ورناتىپ، كۇش بىرىكتىرە سەلبەسىپ، تىعىز سايكەسىپ، موتورلى كولىكتەردىڭ اۋقىمدىق ينفورماتسياسىن جانە قاتىستى كاسىپورىنداردىڭ جۇمىس جۇرگىزۋ احۋالىن دەر كەزىندە، ءدال يگەرىپ، تۇتاس تىزبەكتە جابىق باسقارۋدى ورىنداپ، كەرەكتەن شىعارىلۋعا ءتيىستى موتورلى كولىكتەردى قالىپتى كەرەكتەن شىعارۋعا، جيناپ الۋعا شىنايى كەپىلدىك ەتىپ، ولاردىڭ قۇرىلىس ورىندارىنا، زاۆود - كەن اۋماقتارىنا كىرىپ قاتەر تۋدىرۋىنان ساقتانۋ كەرەك. جۇيەلىك ويلاۋعا تاباندى بولىپ، جول تاسىمالىمەن شۇعىلدانۋشىلار، كولىك تەحنيكاسى سياقتىلارعا قاراتىلعان زاڭ اتقارۋ، باقىلاۋ - باسقارۋ تەبىنىن ارتتىرىپ، حاۋىپسىزدىك جونىندەگى ساقتاندىرۋ تاربيەسىن كۇشەيتىپ، ءوندىرىس حاۋىپسىزدىگى جاعىنداعى باۋلۋدى كۇشەيتىپ، حاۋىپسىزدىك تانىمىن شىن مانىندە نىعايتىپ، حاۋىپسىز، ىركىلىسسىز جول - قاتىناس، ءجۇرىس - تۇرىس ورتاسىن قالىپتاستىرۋ كەرەك.