انار بۇلت \ شينجياڭ گازەتىنىڭ ءتىلشىسى ليۋ ي 3 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، بيىل بۇكىل رايون 700 مىڭنان استام اۋىل شارۋاشىلىعى ماشينا جابدىقتارىن كوكتەمگى ەگىس وندىرىسىنە پايدالانۋدى جوسپارلاعان. جەر - جەر كوكتەمگى ەگىس وندىرىسىندە اۋىل شارۋاشىلىعى ماشينالارىنىڭ نەگىزگى كۇش رولىن تولىق ساۋلەلەندىرىپ، كوكتەمگى ەگىس ءوندىرىسىنىڭ ءساتتى جۇرگىزىلۋىن بار كۇشپەن قامتاماسىز ەتكەن.
ماقتا ەگۋگە جارتى اي ۋاقىت بار بولعانىمەن، ماناس اۋدانى بيۋچا قالاشىعى جۇيليانشين ەگىمشىلىك كاسىپتىك سەلبەستىك كووپەراتيۆىنىڭ مۇشەلەرى ەرتە باستان ىسكە كىرىسىپ، كوكتەمگى ەگىس كەزىندە پايدالانىلاتىن اۋىل شارۋاشىلىعى ماشينا جابدىقتارىن ەڭ جاقسى كۇيگە اكەلۋگە كىرىستى. ”ءبىز وسى مەزگىلدەن پايدالانىپ سەلبەستىك كووپەراتيۆىمىزدىڭ 700 نەشە اۋىل شارۋاشىلىعى ماشينا جابدىقتارىن جاپپاي تەكسەرىپ، رەمونتتاپ، ءتۇرلى اۋىل شارۋاشىلىعى ماشينا جابدىقتارىنىڭ ەڭ جاقسى كۇيمەن كوكتەمگى ەگىس وندىرىسىنە قاتىسۋىنا شىنايى كەپىلدىك ەتەمىز“، - دەدى جۇيليانشين ەگىمشىلىك سەلبەستىك كووپەراتيۆىنىڭ القا باستىعى پان تيانيۇي.
تانىستىرۋعا قاراعاندا، كوكتەمگى ەگىس كەزىندە بۇكىل رايونىمىزداعى اۋىل شارۋاشىلىعى ماشينالارىنىڭ جۇمىسى ەگىستىك جەردى تەگىستەۋ، مانالاۋ، تىڭايتقىش بەرۋ، تۇقىم ءسىڭىرۋ سياقتىلاردى نەگىز ەتەدى ەكەن. تاياۋدا جەر - جەر، تاراۋلار اۋىل شارۋاشىلىعى ماشينالارىن كۇتىمدەۋدى، تەكسەرىپ رەمونتتاۋدى جانە سىناۋدى بەلسەنە ورىستەتىپ، ماشينالاردى وزگە جەرگە كوشىرۋدى جانە ءوڭىر اتتاپ جۇمىس ىستەۋدى ويداعىداي ۇيىمداستىرعان. قازىر بۇكىل رايوندا 658 مىڭ 200 اۋىل شارۋاشىلىعى ماشينا جابدىعى تەكسەرىپ رەمونتتالىپ، 260 مىڭ اۋىل شارۋاشىلىعى ماشيناسىنىڭ حاۋىپسىزدىگى تەكسەرىلگەن، اۋىل شارۋاشىلىعى ماشينالارىن جۇرگىزۋشى، رەمونتتاۋشى سياقتى اۋىل شارۋاشىلىعى ماشينالارىن باسقارۋشىلار مەن تەحنيكتەردەن 240 مىڭ ادام (رەت) تاربيەلەنگەن. باسىم كوپ ساندى وڭىرلەردە اۋىل شارۋاشىلىعى ماشينالارىنىڭ جۇمىس اتقارۋىمەن قامداۋ جۇمىس بازارىنىڭ سۇرانىسىن قاناعاتتاندىرا الادى، ءوڭىر اتتاپ جۇمىس ىستەۋدە اۋدان اتتاپ جۇمىس ىستەۋ نەگىز ەتىلدى.
كەلەسى قادامدا ءار دارەجەلى اۋىل شارۋاشىلىعى، اۋىل - قىستاق تاراۋلارى اۋىل شارۋاشىلىعى ماشينالارىن جانە اۋىل شارۋاشىلىعى تەحنيكاسى دايىندىق قىزمەتتەرىن ءبىر تۇتاس جوسپارلاپ، ويداعىداي ىستەپ، قۇنتتاپ تۇقىم ءسىڭىرۋ، جوعارى ونىمدىلىكپەن تىڭايتقىش بەرۋ، دالدەپ ءدارى شاشۋ، جوعارى ءونىمدى سۋ ۇنەمدەۋ تەحنيكاسىن جانە كۇشتى، جوعارى يقۋاتتى ماشينا جابدىقتارى تەحنيكاسىن شوعىرلى ءارى كەڭ كولەمدى جالپىلاستىرىپ قولدانادى. جەر - جەر ءىس جۇزىندىك سۇرانىسقا نەگىزدەلىپ، كوپ ءتۇرلى فورماداعى تەحنيكالىق كۋرستاردى ۇيىمداستىرىپ ورىستەتىپ، شارۋالاردىڭ جاڭا ۇستانىمدى، جاڭا ءبىلىمدى يگەرۋىنە كومەكتەسىپ، كوكتەمگى ەگىس ءوندىرىسى جاڭا تەحنيكالارىنىڭ تياناقتانۋ سالىستىرماسىن اناعۇرلىم جوعارىلاتادى. سونىمەن بىرگە اۋىل شارۋاشىلىعى ماشينالارى تەحنيكتەرىن قىستاقتارعا بارىپ وتباسىلارىن ارالاپ، اۋىل شارۋاشىلىعى ماشينالارىن جۇرگىزۋشىلەردىڭ جۇمىس ىستەيتىن ماشينا جابدىقتاردى سىناۋىنا، تەكسەرىپ رەمونتتاۋىنا جەتەكشىلىك ەتۋگە ۇيىمداستىرىپ، ءتۇرلى اۋىل شارۋاشىلىعى ماشينا جابدىقتارىنىڭ ەڭ تاماشا يقۋاتپەن، ەڭ جاقسى كۇيمەن كوكتەمگى ەگىس وندىرىسىنە پايدالانىلۋىنا شىنايى كەپىلدىك ەتەدى.
