اۆتونوميالى رايوننىڭ سيفرلى اۋىل شارۋاشىلىعىن نەگىزدىك زەرتتەۋ اكادەميكتەر نىسانى باستالدى
اسپان مەن جەردى ءبىر تۇلعالاندىرا باقىلاپ، تۇقىم ءسىڭىرۋدى، باپتاۋدى، جيناۋدى دالمە - ءدال جۇرگىزۋگە دەم بەرىلەدى
انار بۇلت \ شينجياڭ گازەتىنىڭ ءتىلشىسى گاي يوۋجۇن 3 - ايدىڭ 21 - كۇنى ۇرىمجىدەن حابارلايدى. 3 - ايدىڭ 20 - كۇنى جۇڭگو اۋىل شارۋاشىلىق عىلىم اكادەمياسى باتىس بولىك اۋىل شارۋاشىلىعىن زەرتتەۋ ورتالىعى اۆتونوميالى رايوننىڭ اكادەميكتەر نىسانىن − ”اۋىل شارۋاشىلىعى جاعدايىنىڭ پارامەترىنە يە بولۋداعى شەشۋشى تەحنيكالارعا زەرتتەۋ جۇرگىزۋ جانە اڭعارعىش جابدىقتاردى شوعىرلى قولدانۋ“ عىلمي زەرتتەۋ نىسانىن باستاپ، اۋىل شارۋاشىلىعى جاعدايىنىڭ پارامەترى ينفورماتسياسىن جيناۋداعى تەحنيكالارعا زەرتتەۋ جۇرگىزىپ جانە وزەكتى جابدىقتاردى زەرتتەپ جاساپ، سيفرلى اۋىل شارۋاشىلىعىنىڭ زەردەلى ”ۇلكەن ميىن“ قۇرىپ، سول ارقىلى كوشىرىپ جالپىلاستىرۋعا بولاتىن اسپان مەن جەردى ءبىر تۇلعالاندىرعان باقىلاۋ تەحنيكاسى مەن جابدىق جۇيەسىن قالىپتاستىرىپ، اۋىل شارۋاشىلىق ءوندىرىسىنىڭ ءارقايسى بۋىندارىنداعى تالداۋ جاساۋعا، تۇجىرىمداۋعا، شەشىم جاساۋعا دالمە - ءدال ساندى مالىمەت ينفورماتسياسى دايەگىن ازىرلەدى.
”جەر جاعدايىنا، داقىل جاعدايىنا قاراي ەگىس اتىزىنداعى ەگۋ، باپتاۋ، جيناۋ سياقتى بۋىنداردا دالمە - ءدال جۇمىس جۇرگىزۋ − شينجياڭنىڭ زەردەلى اۋىل شارۋاشىلىعىن دامىتۋداعى شەشۋشى قامال الۋ ءتۇيىنى“، - دەدى جۇڭگو اۋىل شارۋاشىلىق عىلىم اكادەمياسى باتىس بولىك اۋىل شارۋاشىلىعىن زەرتتەۋ ورتالىعىنىڭ مەڭگەرۋشىسى، عىلىم - تەحنيكا ارقىلى شينجياڭعا كومەكتەسۋ قولباسشىلىق شتابىنىڭ باس قولباسشىسى گاۋ لەي.
وسى نىساننىڭ جاۋاپتىسى، جۇڭگو اۋىل شارۋاشىلىق عىلىم اكادەمياسى اۋىل شارۋاشىلىق بايلىعى جانە اۋىل شارۋاشىلىعىن وڭىرلەرگە ءبولۋدى زەرتتەۋ ورنىنىڭ باستىعى ۋ ۋىنبين بىلاي دەپ تانىستىردى: كەزەكتە شينجياڭنىڭ اۋىل شارۋاشىلىق ءوندىرىس بۋىنىنداعى ينفورماتسيالانعان جابدىقتاردىڭ دەڭگەيى سالىستىرمالى تۇردە ءبىرشاما تومەن، ەگىس ءوندىرىسىن دالمە - ءدال جۇرگىزۋ ءادىسىن شۇعىل قاجەت ەتەدى.
بۇل نىسان نازاردى سيفرلى اۋىل شارۋاشىلىعىن دامىتۋداعى وزەكتى جانە شەشۋشى نەگىزدىك ماسەلەلەردى شەشۋگە شوعىرلاندىرىپ، اۋىل شارۋاشىلىعى جاعدايىنىڭ ساندى مالىمەت ينفورماتسياسىن جيناۋدى كورنەكتىلەندىرىپ، تەحنيكالىق زەرتتەۋ - اشۋدى، جابدىقتاردى شوعىرلاندىرۋدى، ۇلگى كورسەتىپ قولدانۋدى زەرتتەۋدىڭ نەگىزگى جەلىسى ەتىپ، اۋىل شارۋاشىلىعى جاعدايى ينفورماتسياسىن جيناۋ تەحنيكاسىنا زەرتتەۋ جۇرگىزەدى جانە وزەكتى جابدىقتاردى زەرتتەپ جاسايدى. اسپان مەن جەردى جان - جاقتى سايكەستىرگەن ەگىس اتىزدارىنىڭ اۋىل شارۋاشىلىق ينفورماتسياسىن سەزەتىن، توعىستىراتىن جانە جينايتىن وزەكتى تەحنيكالارىنان ءتۇيىندى تۇردە قامال الىپ ءارى وزىندىك قۇنى تومەن، جوعارى دالدىكتەگى ساندى مالىمەتتەردى جينايتىن جانە ءبىر جاقتى ەتەتىن وزەكتى جابدىقتاردى زەرتتەپ جاساپ، اسپان مەن جەر ءبىر تۇلعالاندىرىلعان باقىلاۋ تەحنيكاسى مەن جابدىق جۇيەسىن قالىپتاستىرادى، سونداي - اق ساندى مالىمەت ارقىلى اتىزدى زەردەلى سۋارۋ، زەردەلى تىڭايتقىش بەرۋ، وسىمدىك قورعايتىن ۇشقىش اپپارات سياقتى تەحنيكالىق جابدىقتاردان شوعىرلى ۇلگى كورسەتۋ قيمىلىن ورىستەتىپ، شينجياڭنىڭ اۋىل شارۋاشىلىعىنىڭ سيفرلانۋعا بۇرىلىس جاساۋىنا اناعۇرلىم ويداعىداي قىزمەت وتەيدى.
