قامقا كەستە قالىقتاپ، حوتاندى تەبىرەنتتى

日期:2023年03月26日
来源:新疆日报
【字体:

− «بەس جۇلدىز شىعىستان كوتەرىلدى» اتتى ءبي تەاترىنىڭ ”اۋىلىنا ورالۋى“ جونىندە

□ انار بۇلت \ شينجياڭ گازەتىنىڭ ءتىلشىسى يىن لۋ

  3 - ايدىڭ 20 - كۇنى ساعات 21 دە «بەس جۇلدىز شىعىستان كوتەرىلدى» اتتى ءبي تەاترى حوتاندا ارالاي كورسەتىلگەننەن بەرگى ەڭ سوڭعى ءبىر رەتكى كونسەرت باستالدى، الدىڭعى 13 رەتكىمەن ۇقساس 800 نەشە ادام وتىراتىن حوتان كينو - تەاترحاناسىندا وسى جولى دا ينە شانشار جەر قالمادى.

  تىلدەسكى ۇستاعان ۋاڭ يۋەچىن ساحناداعى كورىنەتىن ورىندارعا كوز جۇگىرتتى، جارىقتاندىرۋ جابدىقتارى، ساحنا جابدىقتارى، ۇلكەن ەكران، مۋزيكاشىلار تۇراتىن ورىنداعى كوتەرىلۋ - تومەندەۋ تەكشەسى... بۇل وسى تەاتردىڭ 2 جىلعا تاياۋ ۋاقىتتاعى ورىندالۋى بارىسىندا ساحنانى كوركەمدەۋ قىزمەتىنىڭ قىسىمى ەڭ اۋىر بولعان ءبىر رەتكىسى − ءار كۇنى 2 رەت، ءۇرتىس 4 كۇن ويىن قويامىز، ءبىر كۇن دەمالىپ العان سوڭ، جالعاستىرا بەرەمىز.

  ايتسەدە، ساحنانىڭ الدى - ارتىنداعى بارلىق ارتيست، قىزمەتكەر ساحناعا قايتا ورالىپ كونسەرت قويعان كەزدە كورەرمەندەردىڭ شاتىرلاعان شاپالاق ءۇنى مەن الاقايلاعان داۋىسىن ەستىگەندە، ارىپ - شارشاعاندارىن ۇمىتىپ كەتەتىن - دى.

  1995 - جىلى ”بەس جۇلدىز شىعىستان كوتەرىلسە جۇڭگوعا قۇت“ دەگەن جازۋ ورنەكتەلگەن قامقا بىلەكقاپ حوتان ايماعىنىڭ نيە اۋدانىنداعى نيا ەسكى جۇرتىنان قازىپ الىندى، وسى بىلەكقاپ جونىندە ەشقانداي جازباشا دەرەك بولماعانىمەن، ول سارى قۇمنىڭ وتكەن - كەتكەنىنەن سىر شەرتەتىن.

  26 جىلدان كەيىن وسى مەملەكەت اسىلىنىڭ نۇر - شۇعىلاسى مەن كۇش - قۋاتىندا «بەس جۇلدىز شىعىستان كوتەرىلدى» اتتى ءبي تەاترى بەيجيڭ مەن شينجياڭ سىندى ەكى جەردەگىلەردىڭ بىرگە قۇلشىنۋىندا جارىق كوردى. ءبيدى جان تامىرى ەتكەن وسى ءبي تەاترى جۇڭحۋانىڭ بايتاق دالاسىنداعى ءار ۇلتتىڭ وتاننىڭ ۇلان - بايتاق جەرىن بىرگە اشۋ، قورعاۋ تاريحىن ەستەلىككە العان.

  ەل ىشىندەگى كوپتەگەن قالادا ارالاي كورسەتىلىپ، ورتالىق كوميتەت ۇگىت ءبولىمىنىڭ 16 - كەزەكتى رۋحاني وركەنيەت قۇرىلىسى ”بەس ءبىر ينجەنەرياسى“ بويىنشا تاڭداۋلى تۋىندى سيلىعىن، 17 - كەزەكتى جۇڭگو مادەنيەت - كوركەمونەر ۇكىمەتتىك سيلىعىنىڭ ”ۋىنحۋا سيلىعىن“ العاننان كەيىن، ول اقىرى ”اۋىلىنا مارتەبەمەن ورالىپ“، كەمەلدىلىگى مەن ىقىلاسى ارقىلى حوتان حالقىنىڭ كوڭىلىنە تەرەڭ ۇيالاعان وتباسى، وتان سۇيىسپەنشىلىگىمەن تەرەڭ قابىستى.

”اۋىلىنا ورالعاندا“ ەڭ تاماشا كۇيىن ايگىلەۋى كەرەك

  3 - ايدىڭ 5 - كۇنى ساعات 23تەن 30 مينۋت وتكەندە، الگىندە عانا ءبىراز تىنىستاپ العان ساحنا جابدىقتاۋشى يۋان شۋەلياڭ ءۇرىمجى جيڭجۇي تەاترحاناسىنىڭ ساحناسىندا قالىپ قالعان ساحنا جابدىقتارىنىڭ بار - جوقتىعىن دەن قويا تەكسەردى، دەگەندەي - اق ءبىر ”مىسىق“ ءپىشىندى ىدىس قالتارىستا قالىپ قالعان ەكەن.

  ۇرىمجىدەگى ارالاي ويىن قويۋ اياقتادى، تاڭ اتىسىمەن وسى ساحنا جابدىقتارى حوتانعا تاسىلادى، ول ساحنا جابدىقتارى گرۋپپاسىنداعى ۇستازدارمەن بىرگە ءتۇن بويى ساحنا جابدىقتارىن تۇگەندەدى، تەكسەردى، بۋىپ - ءتۇيدى، ساندىققا سالدى.

  ”100 نەشە ءتۇرلى ساحنا جابدىعىنىڭ جالپى سانى 400دەن اسادى، بىرەۋى كەم بولسا بولمايدى، كەم بولسا كونسەرت مازمۇنىنىڭ ريتىمىنە سايكەسپەي قالادى“. ساندىققا سالۋ بارىسىندا يۋان شۋەلياڭ «بازارداعى قيالداما» ءبيى ۇزىندىسىندە بوي كورسەتەتىن تۇيە، قورالى قوي، تاۋىقتار، ءيت سياقتى ۇلكەن ساحنا جابدىقتارىنان قاتتى الاڭدادى.

  وسى ”زاتتاردىڭ“ بارلىعى قولمەن جاسالعان، تاسۋ بارىسىندا سوعىلسا بۇلىنەدى. تەاتر گرۋپپاسى ساحنا جابدىقتارىن تاسۋعا 6. 9 مەتر كەلەتىن ۇلكەن ساندىقشا جۇك كولىگىن ورنالاستىردى، بۇعان ەڭ ۇلكەن تۇيەنى ءبۇتىن كۇيىنشە تيەۋگە بولادى، ءتورت سيراعى ارقانمەن مىقتاپ بايلانادى، ەڭ وڭاي بۇلىنەتىن تاۋىق قوندىرعىلارى بولشەكتەلىپ، بولەك قوراپتالادى.

  ”وسى تاۋىقتار بۇرىن ءار رەت تاسىمالدانعان سايىن بۇلىنەتىن، اۆكولىكتەن تۇسىرگەندە الدىمەن جوندەيتىنبىز، كوپ اۋرەگە سالاتىن. كەيىن كەلە مەن تاۋەكەل دەپ ونى بولشەكتەدىم، جوندەۋگە قاراعاندا قۇراستىرۋ وڭاي بولادى“، - دەدى يۋان شۋەلياڭ. ءبي تەاترىنداعى تاۋىقتار ۇشىپ - قونىپ، ءيت شۋلاپ، تۇيە كەرۋەنى كەسىپ وتكەن كورىنىستەردى كورگەندە كورەرمەندەر مارە - سارە بولادى، ونىڭ استارىندا ساحنا جابدىقتاۋشىلاردىڭ كەرەمەت ويى مەن ىقىلاسى جاتىر.

  وسى تۇندە ساحنا كوركەمدىگىن باسقارۋشى ۋاڭ يۋەچىن ەرەكشە قاربالاستىققا ءتۇستى، 100 نەشە ساحنا شىراعى، 298 كونسەرت كيىمى، سونداي - اق ءتۇرلى اشەكەي بۇيىمدارى سياقتىلار بار، مۇنىڭ دا بىرەۋى كەم بولسا بولمايدى.

  حوتانعا بارۋدان بۇرىن ول حوتان كينو - تەاترحاناسىنداعى ساحنانىڭ نەگىزگى جاعدايىن الدىن الا ۇعىستى، ”ءۇرىمجى جيڭجۇي تەاترحاناسىنان كىشىرەك ەكەن، سوندا دا ءبىز ساحنا كوركەمدەۋشىلەردى تۇگەل ەرتىپ الدىق، مۇمكىندىكتىڭ بارىنشا بارلىعىن ىسكە قوسۋ ارقىلى حوتاندىق كورەرمەندەرگە ەڭ تاماشا كۇيدە كورىنۋدى ءجون كوردىك“.

  3 - ايدىڭ 6 - كۇنى تاڭەرتەڭ ساحنا جابدىقتارىن، جارىقتاندىرۋ جابدىقتارىن، كيىم - كەشەكتەردى، باس اشەكەيلەرىن تولتىرا تيەگەن 5 ۇلكەن ساندىقشا جۇك كولىگى حوتانعا جول الدى.

ءبي ارتيستەردىڭ كوڭىلىندەگى ”وتباسىنان“ ورىن الدى

  ارتيستەر مەن قىزمەتكەرلەر توبى حوتانعا العاش كەلگەندە شۋاقتى كۇن مەن ىقىلاستى بويجەتكەندەر، جىگىتتەر ولاردى قۋانا قارسى الدى.

  ۇقساس ءبىر ءبي تەاترى بولعانىمەن، ەكى رەتكى قويىلىمنىڭ بۇكىلدەي ۇقساس بولۋى ەكىتالاي، A گرۋپپاداعى، B گرۋپپاداعى ارتيستەردىڭ وزگەرىسى، كونسەرتتەگى كوڭىل كۇي وزگەرىسى، كەيىپكەر مەن حيكايا جونىندەگى تانىم وزگەرىسى، ءبار - ءبارى دە ءبي تەاترىنىڭ كورىنۋ بەينەسىن جاقسارتىپ جاتتى.

  باس رولداعى ەر ارتيست لو يۇيۋىن ۇرىمجىدەگى كەزىندە - اق حوتاندا ”فىڭنىڭ“ رولىنا شىققاندا ءوزىنىڭ قانداي كوڭىل كۇيدە بولارىن ويلاعان - دى، مۇنداي وي باسقالاردا دا بولدى.

  حوتانعا جەتكەننەن كەيىن بىرنەشە نەگىزگى ارتيست ىركەس - تىركەس حوتان ايماقتىق مۇراجايعا بارىپ، نيا ەسكى جۇرتى ارناۋلى تاقىرىپتىق كورمە زالىن زەر سالا ارالاپ كوردى. نيا ەسكى جۇرتى − ”بەس جۇلدىز شىعىستان كوتەرىلسە جۇڭگوعا قۇت“ دەگەن جازۋ ورنەكتەلگەن قامقا بىلەكقاپتىڭ قازىپ الىنعان جەرى، ءبي تەاترى حيكاياسىنىڭ جارىققا شىققان جەرى سانالاتىن جەر − جيڭجۋە ەدى.

  ورنەك تۇسىرىلگەن توراڭعى اعاشىنان جاسالعان قۇرىلىس بولشەكتەرى، قاس تاسىنان جاسالعان بيلىك تاياعى، اعاشتى ۇيكەپ وت شىعارعىش، اعاشتان جاسالعان كىلت جانە قۇلىپ، الۋان ءتۇستى القا جانە بىلەزىك، ءساندى كيىم - كەشەكتەر... دايىنداۋشى رەجيسسەردىڭ اۋزىنان ەستىگەن، سەناريادا ايتىلعان وتكەن كۇندەر كورىنىسى اقىرى كوز الدىمىزعا تارتىلدى.

  وسى رەت لو يۇيۋىن ”فىڭ“ جونىندە اناعۇرلىم تەرەڭ تانىمعا يە بولدى، شەكارانى كۇزەتۋشى ساردارلاردىڭ ءومىرىن ”ارناعان“ بۇل جەرى ءاسىلى وسىنداي ەكەن - عوي دەگەن ويعا كەلدى.

  1988 - جىلدان 1997 - جىلعا دەيىن جۇڭگو مەن جاپونيانىڭ نياداعى ارحەولوگيالىق سەلبەسە تەكسەرۋ اترەتىنىڭ نيا ەسكى جۇرتىن قازۋ جەتىستىكتەرى بۇرىنعى زاماندارداعى ورتالىق اكىمياتتاردىڭ باتىس ءوڭىردى ءونىمدى باسقارعاندىعىنىڭ ناقتى دالەلى بولدى، بۇل شينجياڭنىڭ بۇرىننان كوپ نەگىزدى مادەنيەت توپتالعان، كوپ ءتۇرلى ءدىن قاتار ءومىر سۇرگەن ءوڭىر ەكەندىگىن ءتۇسىندىردى.

  20 - عاسىردىڭ باسىنان باستاپ نيا ەسكى جۇرتى شەتەل توناۋشىلارىنىڭ جاسىرىن قازۋىنا ۇزدىكسىز ۇشىرادى، سوندىقتان 1988 - جىلى ارحەولوگيا اترەتىنىڭ مۇشەلەرى ويرانى شىققان قيراندىنى شۇعىل قۇتقارۋ سيپاتتى قازۋ جۇمىسىن باستادى.

  ىلگەرىندى - كەيىندى 9 رەتكى قازۋ بارىسىندا اترەت مۇشەلەرى ەسكى جۇرتتاعى قابىر، قورا - جاي، عيباداتحانا، قىش قۇمدان، جەمىس باعى، توعان، بايىرعى كوپىر، مەتال قورىتۋ شەبەرحاناسى سياقتىلاردى نومىرلەپ ەستەلىككە الدى جانە قالپىن ساقتادى.

  ءبي تەاترىندا ارحەلوگيا اترەتى مۇشەلەرىنىڭ رولىن العان ارتيستەر كورمە زالىندا كورمە تاقتاداعى قازۋ بارىسىن، سونداي - اق كورمە شكابىنداعى ناقتى زاتتاردى دەن قويا كوردى، اترەت مۇشەلەرى كورمە تاقتاسىنان قامقا بىلەكقاپتىڭ سول ءبىر ساتتەگى قالپىن بايقادى، كورمە شكابىندا ولاردىڭ سول جىلداردا پايدالانعان قۇرال - سايماندارى، فوتو اپپاراتتارى، ولشەۋىشتەرى ارتيستەرگە كوپ اسەر ەتتى.

  ارحەولوگيا اترەتىنىڭ مۇشەلەرى ەسكى جۇرتتان قىرۋار اعاشتان سالىنعان ءۇي قۇرىلىستارىنىڭ بولشەكتەرىن بايقادى، حانزۋ جازۋىنداعى، كحاروشتي جازۋىنداعى تاقتايشا ءىس قاعازدارى، بۋددا ءدىنى قابىرعا سۋرەتتەرى، تەڭگە اقشا، قىش ىدىس، توقىما بۇيىمدارى جانە ءبيداي، تارى، ەت، قاۋىن - قاربىز سياقتىلاردىڭ جۇرناقتارى سول كەزدە جيڭجۋەدە ەگىنشىلىك، توقىماشىلىق، مال شارۋاشىلىعى سياقتى كاسىپتەر بولعاندىعىن تۇسىندىرەدى.

  ”بەس جۇلدىز شىعىستان كوتەرىلسە جۇڭگوعا قۇت“ دەگەن جازۋ ورنەكتەلگەن قامقا بىلەكقاپتان سىرت، ەسكى جۇرتتاعى قابىردان بايقالعان ”ۇزاق جاساۋ، ۇرپاقتاردىڭ اماندىعىن تىلەۋ“، ”قام - قايعىسىز، اڭساعانىنداي ۇزاق عۇمىر كەشىرۋ“ سياقتى توقىما قامقالاردىڭ بارلىعىندا دا ورتا جازىق مادەنيەتىنىڭ ايقىن ەرەكشەلىگى بار.

  اعاش تاباققا سالىنعان قويدىڭ ءبۇتىن باسى، ەتى سىلىنباعان قوي قابىرعاسى سىندى مادەني ەسكەرتكىش ارتيست شى رىنچيدى تاڭ قالدىردى، ويتكەنى ءبي تەاترىنداعى جيڭجۋە باسشىسىنىڭ سي - سياپاتىندا ونىڭ تاباق كوتەرىپ، قويدىڭ باس ەتىن قوماعايلانا جەپ جاتقان ءبىر وقيعا جەلىسى بار ەدى.

  ”چۇنجۇننىڭ“ رولىن العان لي شياۋحۇي مەن جياڭ لينرۇڭ ”مەن فىڭ، اسىل تاسپەن سالەم جولدادىم، چۇنجۇن، استە ءبىر - ءبىرىمىزدى ۇمىتپايىق“ دەگەن جازۋ جازىلعان اعاش تاقتايشا سۋرەتىن كورگەندە وزدەرى دەن قويا ايشىقتاعان وسى بويجەتكەن كوز الدارىندا تۇرعانداي، سۇيگەنىنە جۇرەك سوزدەرىن ايتىپ جاتقانداي سان الۋان وي كەشتى.

  وسى ارادا ارتيستەر ەكى جىلدان استام ۋاقىت سۇيىسپەنشىلىكتەرى مەن قۇلشىنىستارىن ارناعان ءبي تەاترىنا ىشكەرىلەي ەنە ءتۇستى.

  ارتيستەردىڭ ىقىلاسى مەن سۇيىسپەنشىلىگىن كورەرمەندەر دەنە تۇرقىنا، بەت قۇبىلىسىنا، كوڭىل كۇيىنە قاراپ قانا بىلە قويادى. ”چۇنجۇن ءوزىمىزدىڭ حوتاندىق بويجەتكەندەرگە شىنىمەن ۇقسايدى ەكەن، ادەمى، اشىق - جارقىن، وجەت ەكەن“. كورەرمەن ماينۇر توحتىنى ساحناداعى جاندى كەيىپكەرلەر اسەرلەندىردى.

بۇل ءبي تەاترى ”وتباسىندا“ ورنىعىپ قالۋى كەرەك

  حوتان ساپارىندا مىندەت وتە اۋىر بولدى، 14 رەتكى قويىلىمنان سىرت، ءبي جاساۋشىلار مەن تىرەكتى ارتيستەر حوتان ايماعى شينيۇي ءان - ءبي ۇيىرمەسىندەگى ارتيستەردى وقىتۋعا جانە جاتتىقتىرۋعا دا جاۋاپتى بولدى. «بەس جۇلدىز شىعىستان كوتەرىلدىنى» ەڭ سوڭىندا حوتانعا تامىر تارتتىرىپ، سول جەردە قويىلاتىن تۇراقتى كونسەرتكە اينالدىرۋدىڭ ءوزى وسى ءبي تەاترىن شىعارۋداعى، ورىنداۋعا جاتتىعۋداعى العاشقى ويلاردىڭ ءبىرى.

  2021 - جىلدىڭ باسىندا وسى تەاترعا بەيجيڭدە جاپپاي جاتتىعۋ جاساعان كەزدە شينيۇي ءان - ءبي ۇيىرمەسىنىڭ 9 ارتيسى دە وسىعان قاتىناسقان ەدى. ۇزاق ۋاقىت كەزدەسپەي، قايتا جولىققاندا وتكەن - كەتكەندى اڭگىمەلەۋگە مۇرسا تيمەدى، 3 - ايدىڭ 8 - كۇنى تاڭەرتەڭ جاتتىعۋ باستالىپ كەتتى.

  ”بىزگە بەرىلگەن ۋاقىت وتە شەكتى، سونىمەن بىرگە وقىتۋ مەن جاتتىقتىرۋعا جانە ونان سوڭ ءار كۇنى ەكى رەت ويىن قويۋعا قاتار ءمان بەرۋ كەرەك ەكەن، بۇعان كوپشىلىك تىكسىنىپ قالدى“. بەيجيڭ وپەرا - ءبي تەاترحاناسىنىڭ جاتتىقتىرۋ جەتەكشىسى بو لى وسى مىندەت سەبەبىنەن اۋىر سالماق تۇسسە دە سايىس جاريالاۋ تاڭداۋىن جاسادى.

  ساعات 30: 10 مينۋت وتكەننەن 30: 13 مينۋت وتكەنگە دەيىن حوتاننىڭ ارتيستەرىن ماشىقتاندىرادى؛ ساعات 00: 14تە ساندەنىپ، كيىم اۋىستىرادى؛ ساعات 30: 15 مينۋت وتكەندە ساحناعا شىعادى؛ ساعات 45: 17 مينۋت وتكەندە ءبىرىنشى رەتكى كونسەرت اياقتايدى؛ ساعات 00: 21دە ساحناعا شىعادى؛ ساعات 15: 23 مينۋت وتكەندە ەكىنشى رەتكى كونسەرت اياقتايدى − مىنە بۇل حوتانعا بارعاننان كەيىن بەيجيڭ وپەرا - ءبي تەاترحاناسىنىڭ ارتيسى چىن جۇنرۋدىڭ قىزمەت ۋاقىت كەستەسى، ءار كۇنى بەزەنگەن بويى 9 ساعات جۇرەدى. 13 ساعات بويى جاتتىعادى.

  ”شارشادىم، الايدا، ءار كۇنىم تابىسقا تولى بولدى“. 3 - ايدىڭ 13 - كۇنى تۇستەن بۇرىن شينيۇي ءان - ءبي ۇيىرمەسىنىڭ جاتتىعۋ زالىندا چىن جۇنرۋ ەر ارتيستەردى باستاپ وپەراداعى جورىققا اتتانۋ، قورعان سوعۋ بولىكتەرىنە جاتتىعۋعا كىرىستى، سان مارتە اۋناۋ، سەكىرۋ ارەكەتتەرىنە جاتتىعۋ جىگىتتەردىڭ دەنە قۋاتى مەن نەگىزگى ونەرىن سىنايدى.

  ”بىرنەشە كۇندىك جاتتىعۋدان كەيىن، ولاردىڭ شامالىق تۇيسىگى مەن سايكەسىمدىلىگى جوعارىلادى، الايدا ءبي تەاترىندا جوبالانعان ەكى ادامدىق، ءۇش ادامدىق ءبيدىڭ سەلبەسىمدىلىگى سىندى قيىن ارەكەتتەردى ورىنداۋ ءۇشىن ءالى دە قانىعا تۇسۋگە تۋرا كەلەدى“، - دەدى. چىن جۇنرۋ ۇيرەتۋشىلەر مەن ۇيرەنۋشىلەر قاتار ىلگەرىلەيتىن وسىنداي ۋاقىتتىڭ ۇزاققا جالعاسۋىن ايرىقشا ءۇمىت ەتتى.

  ايرىقشا ىجداعاتتىلىعىمەن جانە تاباندىلىعىمەن ”بەس جۇلدىز شىعىستان كوتەرىلدىنىڭ“ ىشىنە تەزىرەك ەنۋگە اسىقتى، مىنە بۇل حوتاندىق ارتيستەردىڭ بو لىعا بەرگەن ەڭ تەرەڭ اسەرى.

  ”سەكىر، اياعىڭدى تاعى ءبىراز كوتەر، جەتپەدى، تاعى ءبىراز ... بىلاي بولسىن، ارەكەتتى وزگەرتىپ كورەيىك“. قيىن ارەكەتتەرگە قايتا - قايتا سايىس جاريالاعانىمەن ىلعي ويداعىداي بولماي قالعاندىقتان، بو لى ءبي ارەكەتىن ءبىراز جەڭىلدەتۋ ويىنا كەلدى.

  الايدا جىگىتتەر وعان: ”ارەكەتتى وزگەرتپەي - اق قويىڭىز، جاتتىعا بەرەيىك“، - دەپ بىركەلكى جاۋاپ بەردى.

  ”مەن ولاردى بيگە جاتتىقتىرۋشىمىن، ايتسەدە ولاردىڭ ويىن قويۋ بارىسىنداعى ناعىز قاراپايىمدىلىعىن ايگىلەپ، ىنتا - ىقىلاسى مەن كۇش - قۋاتىن ارناۋىن تىلگە تيەك ەتەر بولسام، ولاردان ۇيرەنۋگە ءتيىسپىن“. بەيجيڭ وپەرا - ءبي تەاترحاناسىنىڭ ارتيسى لي ليجيڭ حوتاندىق ارتيستەردىڭ وسى ءبي تەاترىن ويداعىداي ورىنداپ شىعۋ جولىندا قۇلشىنعان كوكەي تەستى سەزىمىن تەرەڭ سەزىندى.

ساحنانىڭ الدى مەن پەردە ارتىندا ەرەكشە سايكەستى

  ساحنا جابدىقتاۋشى يۋان شۋەلياڭنىڭ وسى قىزمەتپەن شۇعىلدانعانىنا تالاي جىل بولعان، ويداعىداي زاپاستاۋ، اسىرەسە، وڭاي بۇزىلاتىن ساحنالىق جابدىقتاردى ويداعىداي زاپاستاۋ ونىڭ ساقتىق سىرى سانالادى. قولعا ۇستايتىن تۇڭعيىق گۇلى شامىنا 21 شىراق ورناتۋ كەرەك بولسا، ول وعان 5 زاپاس شىراق دايىنداپ قويادى؛ 30 كۇنباعىس قاجەت بولسا، ول 10 زاپاس كۇنباعىس دايىندايدى.

  ساحنا جابدىقتارىن جابدىقتاۋدان حوتانعا جەتىپ العاشقى قويىلىمدى قويعانعا دەيىن، ول ساحنا جابدىقتارى ۇستازدارىمەن بىرگە 400 ساحنا جابدىعىن ءبىر - بىردەن تەكسەردى. شىراق، جەمىس تاباعى، ەت تاباعى، قول اربا، تۇمشالامالى شام، بەت قالقا، اسكەري قارۋ - جاراق... بارلىعىن اداقتاۋ، بەكەمدەۋ، بوياۋ جاعۋ، زاريادتاۋعا تيىستىلەرىن جەتكىلىكتى زاريادتاۋ قاجەت.

  قاربالاستىقتىڭ كوكەسىن ويىن قويۋ بارىسىندا كورەسىز. ساحنا جابدىقتارىنىڭ ورنالاستىرىلۋى ءبي تەاترىنىڭ وقيعا جەلىسىمەن جانە ارتيستەردىڭ ساحناداعى شىعىپ - تۇسەتىن ورنىمەن بۇكىلدەي سايكەسىم تابۋى كەرەك، ارالىقتا ساحنا جابدىقتاۋشى كۇردەلى ورنالاستىرۋ مىندەتىن ورىنداۋى كەرەك، كەيبىر جابدىقتار پەردە ارتىندا ارلى - بەرلى تاسىمالدانادى، بۇل شاشاۋ شىعارماي سايكەسۋدى قاجەت ەتەدى.

  298 پار كيىم - كەشەكتى ىڭعايلاۋدىڭ ءوزى وڭاي جۇمىس ەمەس، ءار كۇنى تۇستەن بۇرىن 7 كيىمشى سپيرتپەن بارلىق كيىم - كەشەكتەردى زارارسىزداندىرادى، جايىپ كەپتىرەدى، وسىلايشا ساعات 00: 14تە ارتيستەردىڭ ءدال ۋاعىندا كيىپ شىعۋىنا كەپىلدىك ەتەدى.

  جاپا - تارماعاي بەزەنۋ كونسەرتتەگى ەڭ قاربالاس ءسات. كەيدە باس رولداعى ارتيست ساحناعا شىققاننان ساحنادان تۇسكەنگە دەيىن، كيىمشىلەر مەن بەزەندىرۋشىلەر 20 نەشە سەكۋندتا - اق ارتيستەردىڭ كيىم اۋىستىرۋىنا، باس اشەكەيلەۋىنە، تولىقتاپ بەزەنۋىنە سايكەسۋى ءتيىس.

  كىم، قاي ۋاقىتتا، قانداي وقيعا سيۋجەتى، قانداي كيىم اۋىستىرادى، بارلىعى دەرلىك ولاردىڭ كوكەيىندە سايراپ تۇرادى.

  ”بۇل ءبىر - ەكى رەت كونسەرتتە قيۋىنا كەلە قوياتىن جۇمىس ەمەس، العاشقى كونسەرتتەن بۇرىن ارتيستەر مەن كيىمشىلەر، بەزەندىرۋشىلەر 20 كۇندەي جاتتىعادى“. ۋاڭ يۋەچىن بىلاي دەدى: جاتتىعۋ تولىق بولعاندا عانا وسىنداي كولەمدى ءبي تەاترىن ءتارتىپتى ورىنداپ شىعۋعا بولادى.

  حوتان كينو - تەاترحاناسىنىڭ ساحناسىنداعى اسپا باعاننىڭ سانى شەكتى بولعاندىقتان، 5 كولدەنەڭ، 6 تىك 11 توراڭعى دىڭگەگىن ساحناعا الىپ شىعۋعا مۇمكىندىك بولمادى، بۇل ۋاڭ يۋەچىننىڭ وكىنىشى بولىپ قالدى. 2020 - جىلى رەجيسسەرلەر توبى نياعا بارىپ كورىنىس العاندا، قۇم تەڭىزىندە توراڭعى اعاشىنان سالىنعان قۇرىلىستاردىڭ ءبۇلىنىپ جاتسا دا قاسقايىپ تۇرعاندىعى ونى قاتتى قايران قالدىردى.

  اعاش باعانا كەرەككە جارامادى، قۋانارلىعى، ۇلكەن ەكرانداعى ارتقى كورىنىس نيا ەسكى جۇرتىنىڭ قيما سۋرەتتەرىمەن تولىقتاندى، ءبي جاساۋدا ءبي ارەكەتتەرى دە رەتتەلىپ، حيكايانىڭ بەينەلەۋ ءتاسىلى قايتا قالىپتاستىرىلدى.

  مۇلتىكسىز بەيىمدەلۋدىڭ ارقاسىندا شىت جاڭا ساحنالىق اسەر ايگىلەندى. ”سىرلى نيانىڭ وسىلايشا ساحنادان بوي كورسەتەرىن ويلاپ تا كورمەگەن ەكەنمىن، شىعارماشىلاردىڭ قيالداۋ قابىلەتى مەن جاسامپازدىق قابىلەتى ارقىلى حوتانعا وسىنشاما تارتىمدى قاس قاعىم ءسات سيلاعانىنا العىس ايتامىن“، - دەدى حوتاندىق كورەرمەن رۋحيا تۇردىباحى تەبىرەنىسىن باسا الماي.

  ساحنالىق تەاتر كوركەمونەرلىك فورما اتاۋلىنىڭ ىشىندەگى ۇجىمنىڭ جالپىلىق قۋاتىن ايرىقشا سىنايتىن كوركەمونەرلىك فورما ەسەپتەلەدى، مەيلى نەشە رەت قويىلسا دا، ءار رەتكى كونسەرتتە تيتتەي دە اعاتتىق جىبەرمەۋگە قۇلشىنۋ كەرەك.

  توقتاتا تۇرۋعا بولمايدى، قايتا كەلۋگە دە بولمايدى.

  ”«بەس جۇلدىز شىعىستان كوتەرىلدى» حوتاندا ورىندالعاننان كەيىن، مەن ونىڭ ەڭ ىنتالى كورەرمەنى بولامىن“. كورەرمەن جيا ۋىنبين بۇل ءبي تەاترىنىڭ حوتاننىڭ الۋان ءتۇرلى مادەنيەت تۇرمىسىنا تاعى ءبىر شۋاق بولىپ شاشىلۋىن ايرىقشا ءۇمىت ەتتى.

حوتاندىق باۋىرلاستار ورىنداي الادى

  ءار جولى قيمىل جاساعاندا نەمەسە وقيعا جەلىسىن جالعاۋدا قيىنشىلىققا جولىققاندا، شينيۇي ءان - ءبي ۇيىرمەسىنىڭ ارتيسى ابدۇسالام ابدۇرەشيت كەشكى ۋاقىتىنان پايدالانىپ ءتۇپ نۇسقاداعى قويىلىمدى تاعى دا كورمەكشى بولادى. ءبىر كۇنى ول اقىرى شىداي الماي مۇنى بو لىعا ايتادى.

  بو لى بىلاي دەپ ۇسىنىس بەردى: كورمەي - اق قوي، بىرنەشە رەت كوردىڭ، ەندى كورە بەرسەڭ كەرى اسەر بەرەدى، ”ودان ۇيرەنۋىڭە بولادى، ءبىراق ونىڭ ءدال ءوزى بولىپ شىعۋشى بولما“.

  بو لىنىڭ قاراۋىنشا، حوتانعا تامىر تارتقان «بەس جۇلدىز شىعىستان كوتەرىلدىدە» ورىندالاتىنى ەكىنشى رەتكى تۋىندى بولۋى، قازىرگىدەن اۋمايتىن قويىلىم بولماۋى ءتيىس.

  ”مەن ابدۇسالام ابدۇرەشيتتىڭ ءوز ويىنداعى ’فىڭ‘ بويىنشا رول الۋىن ايرىقشا ءۇمىت ەتەمىن، لو يۇيۋىن، شى رىنچيلەر بەينەلەگەن الگى شەكارا كۇزەتەتىن ساردار ەمەس“. باسقا ارتيستەرگە دە بو لى وسى ۇستانىمدى ۇستانادى، كوشىرۋگە، ەلىكتەۋگە سۇيەنگەن ارتيستەردىڭ باستان - اياق ءوز ستيلىن قالىپتاستىرۋى قيىن.

  ”شينيۇي ءان - ءبي ۇيىرمەسىنىڭ ارتيسى ياقۇپ روزى مەنەن ’وسى تەاتردى ويداعىداي ورىنداۋدا قانداي كۇيدە بولۋ كەرەك‘ دەپ سۇرادى، مەن ’حوتاننىڭ كەشكى بازارىندا ءوزىمىز بىرگە بيلەگەن «بازارداعى قيالدامانىڭ» ارىنىمەن شىنايى تابيعاتىن ايگىلەيتىن، اسەرلى سەزىم شارق ۇرعان بەينە بولۋى كەرەك‘ دەدىم“. سول كۇنى كەشتە يىعىن سەلكىلدەتىپ، مويىنىن بۇلعاقتاتقان لي ليجيڭ مەن سەرىكتەرى دۋمانعا شومعان ادامدار اراسىنان شىنايى ىقپالداستىق پەن قاراپايىم القاۋلارعا يە بولدى.

  3 - ايدىڭ 20 - كۇنى تۇستە تاماقتانۋ ۋاقىتى ءوتىپ كەتسە دە، شينيۇي ءان - ءبي ۇيىرمەسىنىڭ ”چۇنجۇنى“ نۇربيا ءمۇتالىپ ءالى دە جاتتىعۋ زالىندا ابدۇسالاممەن بىرگە قوس ادامدىق بيگە ماشىقتانىپ جاتتى، بۇل ”قيىننىڭ قيىنى“، ءسوز جوق، ابدەن يگەرۋ كەرەك.

  3 - ايدىڭ 21 - كۇنى بەيجيڭ وپەرا - ءبي تەاترحاناسىنىڭ ارتيستەرى مەن قىزمەتكەرلەرى حوتاننان اتتانىپ، شينجياڭدا ”بەس جۇلدىز شىعىستان كوتەرىلسە جۇڭگوعا قۇت“ دەگەن جازۋ ورنەكتەلگەن قامقا بىلەكقاپتىڭ حيكاياسىن ويداعىداي بايانداۋ مىندەتىن شينيۇي ءان - ءبي ۇيىرمەسىنە تابىستادى.

  ارتيستەردىڭ ون نەشە كۇندىك جاتتىعۋى ارقىلى كەمەلدى ءبي تەاترى ەتىپ بىرىكتىرۋگە مۇمكىندىك جاسالعانىن بايقاعان شينيۇي ءان - ءبي ۇيىرمەسى پارتيا ياچەيكاسىنىڭ ورىنباسار شۋجيى تۇرسۇنجان ابدۇللا كەڭ تىنىستادى. ”ەندى ارتيستەر جاپاعا شىداپ جاتتىعۋى كەرەك، ساحنا قۇرىلعىلارىنىڭ دارەجەسىن جوعارىلاتىپ، «بەس جۇلدىز شىعىستان كوتەرىلدىنىڭ» سارا تۋىندى دەڭگەيىن ساقتاۋىنا مۇمكىندىك جاساۋ كەرەك“، - دەدى ول.

  حوتاندا قويىلعان «بەس جۇلدىز شىعىستان كوتەرىلدى» كوپ وتپەي - اق وسى ءبي تەاترىنىڭ تاماشا جالعاسۋى جانە كەڭەيتىلۋى بولادى دا، اناعۇرلىم كوپ شينجياڭ لەبىن ايگىلەيدى. ون نەشە كۇن بىرگە جۇرگەندە بەيجيڭ وپەرا - ءبي تەاترحاناسىنىڭ ارتيستەرى مەن قىزمەتكەرلەرى حوتاندىق باۋىرلاستاردىڭ مۇنى ورىنداي الاتىندىعىنا سەندى.