بۇكىل رايوننىڭ جوعارى ساپالى دامۋ (ءۇرىمجى − قارامايلى − سانجى اۋماعى) جۇمىس باسى ءماجىلىسى ۇرىمجىدە اشىلدى
تەكسەرۋ - زەرتتەۋ ستيلىن بارىنشا ساۋلەلەندىرىپ، ماڭداي الدى مىندەتتى مىقتى، ناقتى يگەرۋ، قايراتتانا ىسكەرلىك كورسەتىپ، شينجياڭنىڭ جوعارى ساپالى دامۋى الدىمەن اتقارىلاتىن اۋماقتى تۇلعالاۋ كەرەك
ما شيڭرۇي قاتىناستى ءارى ءسوز سويلەدى
ەركىن تۇنياز باسقاردى، لي يفي، جاڭ چۇنلين، حى جۇڭيوۋ قاتىناستى
3 - ايدىڭ 20 - كۇنى بۇكىل رايوننىڭ جوعارى ساپالى دامۋ (ءۇرىمجى − قارامايلى − سانجى اۋماعى) جۇمىس باسى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 20 - كۇنى ۇرىمجىدەن حابارلايدى. 3 - ايدىڭ 20 - كۇنى بۇكىل رايوننىڭ جوعارى ساپالى دامۋ (ءۇرىمجى − قارامايلى − سانجى اۋماعى) جۇمىس باسى ءماجىلىسى ۇرىمجىدە اشىلدى، ءماجىلىس پارتيا 20 - قۇرىلتايىنىڭ رۋحىن جانە مەملەكەتتىك ەكى ءماجىلىستىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، نازاردى جاڭا دامۋ ارناسىنا قىزمەت وتەۋگە جانە توعىسۋعا، جوعارى ساپالى دامۋدى جاپپاي ىلگەرىلەتۋگە شوعىرلاندىرىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، شىندىققا جۇگىنىپ ناقتى ءىس تىندىرۋ، شىنايى يگەرىپ ناقتى ىستەۋ ستيلىن زور كۇشپەن اسقاقتاتىپ، ءۇرىمجى − قارامايلى − سانجى اۋماعىنىڭ ەكونوميكالىق، قوعامدىق دامۋىنىڭ جاڭا تابىستارعا قول جەتكىزۋىن ىلگەرىلەتىپ، قايراتتانا ىسكەرلىك كورسەتىپ، شينجياڭنىڭ جوعارى ساپالى دامۋى الدىمەن اتقارىلاتىن اۋماقتى تۇلعالاۋدى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتارلىلار ماجىلىسكە قاتىناستى.
ءماجىلىس يدەيانى ازات ەتىپ، فورماعا جاڭالىق ەنگىزىپ، كورنەكتى ماسەلەلەردەن كوز الماي، ناقتى ىستەۋگە، جوعارى ونىمدىلىككە قول جەتكىزۋگە كۇش سالدى. ءۇرىمجى قالاسىنىڭ، سانجى حۇيزۋ اۆتونوميالى وبلىسىنىڭ، قارامايلى قالاسىنىڭ جانە بيڭتۋان 6 - شىسىنىڭ، 8 - شىسىنىڭ، 11 - شىسىنىڭ، 12 - شىسىنىڭ نەگىزگى جاۋاپتى جولداستارى ءوز جەرىنىڭ ەكونوميكالىق دامۋ جاعدايىن تانىستىردى، ءىس جۇزىندىكتى تياناق ەتە وتىرىپ، ورىن تەپكەن ماسەلەلەردى جانە سايكەستىرۋدى، قولداۋدى قاجەت ەتەتىن ىستەردى العا قويدى. اۆتونوميالى رايوننىڭ قاتىستى باسشىلارى جانە تاراۋلارىنىڭ جاۋاپتى جولداستارى ءۇرىمجى − قارامايلى − سانجى اۋماعىنىڭ جوعارى ساپالى دامۋىن ىلگەرىلەتۋ جونىندە پىكىر ۇسىنىس بەردى، قاتىستى تىلەك - تالاپتارعا جانە ماسەلەلەرگە جاۋاپ قايتاردى. ما شيڭرۇي ءالسىن - ءالى ءسوز قوسىپ، جاعدايلاردى ۇعىسىپ، جوعارى ساپالى دامۋداعى ءتۇيىندى ماسەلەلەر جونىندە كوپشىلىكپەن ىشكەرىلەي پىكىر اۋىستىرىپ، تالقى ورىستەتىپ، وي جەلىسىن، شارالاردى اقىلداسىپ، ۇستىندە شەشۋدى ىلگەرىلەتتى.
ما شيڭرۇي بىلاي دەپ اتاپ كورسەتتى: باس شۋجي شي جينپيڭ جوعارى ساپالى دامۋعا وسكەلەڭ ءمان بەرىپ، ءبىر قىدىرۋ ماڭىزدى بايىمداۋلار جانە كەلەلى ورنالاستىرۋلار جاساپ، جاڭا داۋىردەگى جاڭا جورىقتا جوعارى ساپالى دامۋدى ىلگەرىلەتۋگە العا باسۋ بەتالىسىن ايقىن كورسەتىپ، ارەكەت باعدارناماسىن ازىرلەدى. ءبىز ”ەكىنى تۇراقتاندىرۋدى“ باتىل قولداۋدى، ”ەكىنى قورعاۋدى“ باتىل ورىنداۋدى ءىس جۇزىندىك ارەكەتتە تياناقتاندىرىپ، ”ەكى كەلەلى جاعدايدى“ قاشاندا كوكەيدە ساقتاپ، ”مەملەكەتتىڭ زور ءىسىن“ ەستە بەرىك ساقتاپ، سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىن ءدال تاۋىپ، جوعارى ساپالى دامۋ سىندى ماڭداي الدى مىندەتتى مىقتى يگەرىپ، جۇيە كوزقاراسىن كۇشەيتىپ، جەرگىلىكتى جاعدايعا قاراي ىستەۋگە تاباندى بولىپ، ءوزىنىڭ بايلىق ارتىقشىلىعىن، وڭىرلىك ورىن باسىمدىعىن، دامۋ شارت - جاعدايىن تياناق ەتىپ، ءوز رايونىنىڭ جوعارى ساپالى دامۋىنىڭ وي جەلىسىن، شارالارىن، تاسىلدەرىن، جولدارىن، كەلەلى قىزمەتتەرىن ءبىر تۇتاس اقىلداسىپ، جوسپارلاپ، شىندىققا جۇگىنىپ ناقتى ءىس تىندىرىپ، شىنايى يگەرىپ ناقتى ىستەپ، قايراتتانا ىسكەرلىك كورسەتىپ، وڭىرلىك جوعارى ساپالى دامۋدى ىلگەرىلەتۋ بارىسىندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ جانە كەڭەيتۋ كەرەك.
ما شيڭرۇي بىلاي دەپ اتاپ كورسەتتى: ءۇرىمجى − قارامايلى − سانجى اۋماعى شينجياڭ ەكونوميكاسىنىڭ جوعارى ساپالى دامۋىنىڭ وزەكتى قوزعالتقىشى جانە جىبەك جولى ەكونوميكالىق بەلدەۋى وزەكتى رايونىن قۇرۋداعى شەشۋشى بۋىن، جوعارى ساپالى دامۋدى ىلگەرىلەتۋدە كوپتەگەن كومەسكى كۇشى جانە باسىمدىعى بار، سونىمەن بىرگە نەگىزدىك قۇرىلعى، كاسىپ سالاسىنىڭ تيبىن جاڭالاۋ، جاڭالىق اشىپ جەتەكتەۋ سياقتى جاقتاردا ءبىرتالاي ولقىلىقتارى مەن ءالسىز تۇستارى ورىن تەۋىپ وتىر. جوعارى ساپالى دامۋدىڭ ءتۇبىرلى تالابىن تەرەڭدەي يگەرىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، ءارقايسىسىنىڭ سالىستىرمالى باسىمدىعىن ساۋلەلەندىرىپ، قايشىلىقتاردى، ماسەلەلەردى جەدەل شەشىپ، ءوز ءوڭىرىنىڭ ءىس جۇزىندىك جاعدايىنا ۇيلەسەتىن جوعارى ساپالى دامۋ جولىن شىنايى تابۋ كەرەك. ”8 ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن بار كۇشپەن تۇلعالاپ، مۇناي، مۇناي حيميا، كومىر، كومىر ەلەكتر، كومىر حيميا ونەركاسىبى، جاڭا ەنەرگيا، جاڭا ماتەريالدار سياقتى ستراتەگيالىق سيپاتتى تىرەكتى كاسىپ سالالارىن جەدەل زورايتىپ، ەگىن، مال شارۋاشىلىعىن وسىزامانداندىرۋدى تىڭعىلىقتى ىلگەرىلەتىپ، وسى زامانعى قىزمەت وتەۋ كاسىبىن زور كۇشپەن دامىتۋ، ”تيانشاندى اينالا ساياحاتتاۋ مىڭ شاقىرىمدىق التىن جەلىسىن“ تۇلعالاپ، تۇتاس وڭىرلىك ساياحاتتىڭ ساپاسىن ءوسىرىپ، ونىمدىلىگىن ارتتىرۋدى ىلگەرىلەتۋ كەرەك. عىلىم - تەحنيكادا جاڭالىق اشۋ ارقىلى دەم بەرۋدى كۇشەيتىپ، جىبەك جولى ەكونوميكالىق بەلدەۋىندەگى دامۋعا جاڭالىق اشۋ ارقىلى دەم بەرۋ سىناق رايونىنىڭ، ءۇرىمجى − سانجى − شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ جەتەكشىلىك رولىن ساۋلەلەندىرىپ، وڭىرلىك جاڭالىق اشۋدىڭ بيىك بەلەسىن، عىلىم - تەحنيكادا جاڭالىق اشۋدىڭ جوعارى دەڭگەيلى تۇعىرىن زور كۇشپەن تۇلعالاپ، ەرەكشەلىككە، باسىمدىققا يە سالالاردا كەلەلى جاڭالىق اشۋ ينجەنەريالارىن اتقارۋدى ارقاۋ ەتىپ، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن جوعارىلاتىپ، دامۋدىڭ جاڭا قوزعاۋشى قۋاتىن، جاڭا باسىمدىعىن سومداۋ كەرەك. ىشكى سۇرانىستى كەڭەيتۋ ستراتەگياسىن اتقارىپ، قارجى قوسۋدىڭ شەشۋشى سيپاتتى رولىن ساۋلەلەندىرىپ، قارجى قوسۋ كولەمىنىڭ ۇيلەسىمدى ارتۋىن، قۇرىلىمىنىڭ ۇزدىكسىز ساپالىلانۋىن جەبەپ، قاتىناس، ەلەكتر تورى، مۇناي - تابيعي گاز، سۋ يگىلىگى سياقتى نەگىزدىك قۇرىلعىلارداعى ولقىلىقتاردى تولىقتاپ، تۇتىنۋدى ۇزدىكسىز قالپىنا كەلتىرىپ جانە كەڭەيتىپ، ەكونوميكانىڭ ارتۋ كومەسكى كۇشىن ءونىمدى ىسكە قوسۋ كەرەك. رەفورما جاساۋدى، ەسىك اشۋدى تەرەڭدەتۋگە تاباندى بولىپ، جوعارى ساپالى دامۋعا ىقپال جەتكىزەتىن كىلتەڭ شەكتەمەلەردى كۇش سالا تالقانداپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا تەرەڭدەي توعىسىپ، ەل ىشىندەگى وزگە ولكە، رايون، قالالارمەن اۋىس - كۇيىس، سەلبەستىك جاساسۋدى كۇشەيتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن زور كۇشپەن قالىپتاستىرىپ، ءتۇرلى تيجارات تۇلعالارىنىڭ باسەكەلەسە دامۋىن جەبەۋ كەرەك. وڭىرلەردىڭ سايكەستى بىرلەسىپ قيمىلداۋىن جەبەپ، وڭىرلىك بازاردى ءبىر تۇلعالاندىرىپ دامىتۋ مەحانيزمىن اقاۋسىزداندىرىپ، وڭىرلىك ەكونوميكانىڭ دامۋىنىڭ توعىسۋ دارەجەسىن جوعارىلاتىپ، قالا مەن اۋىلدىڭ توعىسا دامۋىن ءبىر تۇتاس جوسپارلاپ، ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋ ماسەلەسىن بەلدى بەكەم بايلاپ شەشىپ، بيڭتۋان مەن جەرگىلىكتى ورىننىڭ توعىسا دامۋىن ىشكەرىلەي تەرەڭدەتىپ، دامۋدىڭ جالپى تۇلعالىلىعىن، سايكەستىلىگىن ۇزدىكسىز كۇشەيتۋ كەرەك. حالىق تۇرمىسىنىڭ قۇت - ىرىسىن ۇزدىكسىز نىعايتىپ، حالىق تۇرمىسىنا تيىمدىلىك جاسايتىن، حالىقتى مەيىرگە بولەيتىن اناعۇرلىم كوپ شارا قولدانىپ، ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن شىنايى شەشىپ، نەگىزگى ساتى قوعامىن باسقارۋدى كۇشەيتىپ جانە جاقسارتىپ، بۇقارالىق قىزمەتتى جاۋاپكەرشىلىكپەن، سۇيىسپەنشىلىكپەن، مەيىرىممەن ويداعىداي ىستەپ، جوعارى ساپالى دامۋ جەتىستىكتەرىن جوعارى ساپالى تۇرمىسقا اينالدىرۋ كەرەك. دامۋ مەن حاۋىپسىزدىكتى جوعارى ونىمدىلىكپەن ءبىر تۇتاس جوسپارلاپ، شينجياڭدى جاپپاي زاڭمەن باسقارۋدا، زاڭمەن باسقارىلاتىن شينجياڭ قۇرۋدا جاقسى باستاماشى، ۇلگى بولىپ، ۇلتتار ىنتىماعىن، ءدىن جاراسىمدىلىعىن ۇزدىكسىز ىلگەرىلەتىپ، ءارقايسى سالاداعى حاۋىپ - قاتەرلەردەن، كومەسكى كىناراتتاردان ساقتانىپ جانە ونى جويىپ، ەلەۋلى، ەرەكشە ۇلكەن ءوندىرىس حاۋىپسىزدىگى شىرعالاڭدارىنىڭ تۋىلۋىن باتىل تىزگىندەپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ۇتىمدى ىقپالداستىعىن جۇزەگە اسىرۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ ەكونوميكالىق قىزمەتكە جالپى بەتتىك باسشىلىعىن كۇشەيتىپ، دامۋعا تالپىنۋ، دامۋدى يگەرۋ، دامۋدى جەبەۋ كەلەلى ساياسي جاۋاپكەرشىلىگىن باتىل ارقالاۋ كەرەك. ءار دارەجەلى پارتكومدار، ۇكىمەتتەر جوعارى ساپالى دامۋ سىندى ماڭداي الدى مىندەتتى كوكەيدە بەرىك ساقتاپ، مىقتى يگەرىپ، دامۋدى ءبىر تۇتاس جوسپارلاپ، جوبالاپ، ىرىقتىلىقپەن الدا ءجۇرىپ قىزمەت وتەپ، كورنەكتى ماسەلەلەردى شەشىپ، تاراپتاردىڭ بەلسەندىلىگىن تولىق اتتانىسقا كەلتىرىپ، جوعارى ساپالى دامۋدى ىلگەرىلەتۋدىڭ مىعىم بىرىككەن كۇشىن قالىپتاستىرۋى كەرەك. جەر - جەر، تاراۋلار تەكسەرۋ - زەرتتەۋ ستيلىن بارىنشا ساۋلەلەندىرىپ، ءبىرىنشى شەپكە ىشكەرىلەي بارىپ ناقتى جاعدايدى تەكسەرىپ، ماسەلەلەرگە تالداۋ جاساپ، قيىن ماسەلەلەردى شەشىپ، شىندىققا جۇگىنىپ ناقتى ءىس تىندىرىپ، شىنايى يگەرىپ ناقتى ىستەپ، جوعارى ساپالى دامۋدى ىلگەرىلەتۋى كەرەك. ءار دارەجەلى باسشى كادرلار يدەيانى ونان ارى ازات ەتىپ، كوزقاراستا بۇرىلىس جاساپ، ءورىس اشا جاڭالىق اشىپ، قابىلەتىن، ونەرىن ۇزدىكسىز جەتىلدىرىپ، جاڭا بورىشتى اناعۇرلىم ويداعىداي ارقالاپ، جاڭا جول تاۋىپ، جاڭا ىسكەرلىك كورسەتۋى كەرەك.
باس شۋجي شي جينپيڭنىڭ، پارتيا ورتالىق كوميتەتىنىڭ جوعارى ساپالى دامۋ جونىندەگى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ ءۇشىن، اۆتونوميالى رايون تاياۋدا وڭىرلەرگە ءبولىپ جۇمىس باسى ءماجىلىسىن اشىپ، بۇكىل رايونداعى جوعارىدان تومەنگە دەيىنگىلەردى ”كۇتە تۇرۋعا كەلمەيتىن“ كوكەي تەستىلىك سەزىممەن، ”باياۋلاتۋعا كەلمەيتىن“ داعدارىس سەزىممەن، ”بوس وتىرا المايتىن“ جاۋاپكەرشىلىك سەزىممەن ءتۇرلى بەلگىلەنگەن نىسانا - مىندەتتەردى بار كۇشپەن ويداعىداي يگەرۋگە، جوعارى ساپالى دامۋدىڭ ناقتى ونىمدىلىگىمەن جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاڭا جاعدايىن اشۋعا جۇمىلدىرادى.
ۋاڭ جيانشين، ياڭ فاسىن، ءيۇسۇپجان مامەت، اۆتونوميالى رايوندىق حالىق قۇرىلتايىنىڭ، ۇكىمەتتىڭ، بيڭتۋاننىڭ قاتىستى باسشى جولداستارى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، ءۇرىمجى − قارامايلى − سانجى اۋماعىنداعى قاتىستى ايماق، وبلىس، قالالاردىڭ، بيڭتۋان شى - قالالارىنىڭ جانە رايونعا (ورتالىققا) توتە قاراستى، بيڭتۋاننىڭ قاتىستى مەكەمە - ورىندارىنىڭ جاۋاپتى جولداستارى قاتارلىلار ماجىلىسكە قاتىناستى. ءماجىلىس بەينە ەكران فورماسىندا اشىلدى، قاتىستى ايماق، وبلىس، قالالاردان، اۋدان، قالا رايونداردان بولىمشە ءماجىلىس الاڭى ورنالاستىرىلدى.
