جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 3 - ايدىڭ 20 - كۇنى ۇرىمجىدە قىرعىزستاننىڭ جۇڭگودا تۇراتىن باس ەلشىسى مۇسايەۆامەن جانە ونىڭ ساپارلاستارىمەن كەزدەسىپ، ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى دايەكتىلەندىرۋ، تياناقتاندىرۋ، جۇڭگونىڭ شينجياڭى مەن قىرعىزستاننىڭ جەرگىلىكتى ورىندارى اراسىنداعى ءارقايسى سالاداعى ناقتى ىستەر سەلبەستىگىن ۇزدىكسىز تەرەڭدەتۋ، ءوزارا تيىمدىلىك جەتكىزىپ، تەڭ يگىلىككە كەنەلەتىن دامۋدى جۇزەگە اسىرۋ جونىندە ىشكەرىلەي پىكىر اۋىستىردى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان مۇسايەۆانىڭ جانە ونىڭ ساپارلاستارىنىڭ ءتۇيىلىستىرۋ جونىندە تەكسەرۋ جۇرگىزۋ، سەلبەستىكتى تەرەڭدەتۋ ءۇشىن شينجياڭعا كەلگەندىگىن قارسى الدى. ول بىلاي دەدى: جۋىقتا جۇڭگونىڭ ەكى ءماجىلىسى جەڭىسپەن جابىلىپ، ءبىر قىدىرۋ سۇبەلى جەتىستىكتەرگە قول جەتكىزدى، جۇڭگوداعى ءار ۇلت حالقى ءتوراعا شي جينپيڭنىڭ دانىشپان باسشىلىعىندا جىگەرى تاسقىنداپ، قايراتتانا العا ۇمتىلىپ، مەملەكەتتى قۇدىرەتتەندىرۋ قۇرىلىسىن، گۇلدەندىرۋ ۇلى ءىسىن ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ تىڭ تابىستارى ارقىلى دۇنيە جۇزىندەگى ءار ەلدىڭ ورتاق دامۋىنا تىڭ وراي اكەلۋگە قۇلشىندى. جۇڭگو − قىرعىزستاننىڭ دوستىق قارىم - قاتىناسى سوناۋ ارىدان جالعاسقان، ەكى ەلدىڭ مەملەكەت باسشىلارىنىڭ باس بولىپ، باستاۋىندا كەزەكتە جۇڭگو مەن قىرعىزستاننىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسى تاريحتاعى ەڭ تاماشا مەزگىلدە تۇر، ءارقايسى سالاداعى سەلبەستىك دامۋ جاعدايى تاماشا. جۇڭگونىڭ شينجياڭى مەن قىرعىزستاننىڭ ءتۇرلى سالاداعى اۋىس - كۇيىسى تىعىز، بارىس - كەلىسى تەبىندى بولدى، سوڭعى جىلدارى ەكى جاقتىڭ ەكونوميكا - ساۋدا سەلبەستىگىندە جوعارى جىلدامدىقتى ارتۋ جاعدايى جارىققا شىقتى، سەلبەستىك اياسىن ونان ارى كەڭەيتۋ، سەلبەستىك دەڭگەيىن كوتەرۋ تاماشا نەگىزگە جانە زور كومەسكى كۇشكە يە. ەكى جاقتىڭ ەكى ەل باسشىلارىنىڭ ماڭىزدى ورتاق تانىمىن دەن قويا تياناقتاندىرىپ، جوعارى ساپانى ارقاۋ ەتە وتىرىپ ”ءبىر بەلدەۋ، ءبىر جولدى“ بىرگە قۇرىپ، ءار جىكتەگىلەردىڭ دوستىق بارىس - كەلىسىن كۇشەيتىپ، قاتىناس، اۋىل شارۋاشىلىعى، ەنەرگيا، ەلەكتروندى ساۋدا، ءوندىرىس قۋاتى جانە جاسىل دامۋ، مادەنيەت، وقۋ - اعارتۋ، ساياحات سياقتى سالالارداعى ناقتى ىستەر سەلبەستىگىن تەرەڭدەتىپ، شەكارا وتكەل سەلبەستىك جەتىستىكتەرىن بەكەمدەپ، كەڭەيتىپ، جۇڭگو − قىرعىزستان − وزبەكستان تەمىر جول قۇرىلىسى نىسانىن بەلسەنە ىلگەرىلەتىپ، دوس قالالاردىڭ اۋىس - كۇيىسىن، سەلبەستىگىن ۇزدىكسىز تەرەڭدەتىپ، سەلبەستىك جەتىستىكتەرىنىڭ ەكى جاق حالقىن اناعۇرلىم ويداعىداي باقىتقا كەنەلتۋىن ىلگەرىلەتىپ، جۇڭگو − قىرعىزستان تاعدىرلاس ورتاق تۇلعاسىن تۇلعالاۋعا بەلسەنە كۇش - قۋات ارناۋىن ءۇمىت ەتەمىن.
مۇسايەۆا مىنالاردى ءبىلدىردى: قىرعىزستان − جۇڭگو قارىم - قاتىناسىنىڭ تاريحى ۇزاق، قىرعىزستان جۇڭگونى سىرتپەن بارىس - كەلىس جاساۋداعى ماڭداي الدى بەتالىس دەپ قارايدى. ”ءبىر بەلدەۋ، ءبىر جول“ جۇلگەسىندە سىرتقا ەسىكتى ونان ارى ايقارا اشۋ، قىرعىزستان مەن جۇڭگو شينجياڭىنىڭ ەكونوميكا - ساۋدا سەلبەستىگىن تەرەڭدەتۋ ەكى جاقتىڭ ەكونوميكالىق، قوعامدىق دامۋىن جەبەۋگە پايدالى. ەكى جاقتىڭ حاۋىپسىزدىك، ورنىقتىلىق، ساۋدا - زات اينالىمى، ەلەكتروندى ساۋدا، اۋىل شارۋاشىلىعى ونىمدەرى ساۋداسى، قاتىناس - تاسىمال، مادەنيەت، ساياحات سياقتى جاقتاردا ونان ارى سەلبەستىك جاساۋىن كۇشەيتىپ، جۇڭگو − قىرعىزستان − وزبەكستان تەمىر جول قۇرىلىسى سەلبەستىگىن جەدەل ىلگەرىلەتىپ، كەدەن سياقتى سالالاردا بايلانىس، اۋىس - كۇيىس جاساسۋدى كۇشەيتىپ، شەكارا وتكەلدىڭ جۇمىس دەڭگەيىن جوعارىلاتىپ، ەكى جاق سەلبەستىگىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن بەكەمدەۋگە جانە جوعارىلاتۋعا سونى قوزعاۋشى كۇش ۇستەۋىن ءۇمىت ەتەمىن.
سۇن حۇڭمەي قاتارلىلار كەزدەسۋگە قاتىناستى.
