انار بۇلت \ شينجياڭ گازەتىنىڭ ءتىلشىسى ليۋ شياڭ
”قانشالىق باستاما جىل، شەشۋشى جىل بولعان سايىن، ءبىز سونشالىق تەكسەرۋ - زەرتتەۋ ستيلىن بارىنشا ساۋلەلەندىرۋىمىز كەرەك“.
”بىتىرىلەتىندەرىن باتىلدىقپەن ءبىتىرۋ، سايكەستىرىلەتىندەرىن باتىلدىقپەن سايكەستىرۋ كەرەك“!
”دامۋ نىساناسىن ايقىنداۋ، جاي عانا كەۋدەنى قاعىپ، ۇرانداتۋ ەمەس“.
«بۇكىل پارتيادا تەكسەرۋ - زەرتتەۋدى بارىنشا ورىستەتۋ جونىندەگى قىزمەت جوباسى» جاريالانعان ەكىنشى كۇنى، 3 - ايدىڭ 20 - كۇنى تۇستەن بۇرىن بۇكىل رايوننىڭ جوعارى ساپالى دامۋ (ءۇرىمجى − قارامايلى − سانجى اۋماعى) جۇمىس باسى ءماجىلىسى ۇرىمجىدە وتكىزىلدى.
تەكسەرۋ - زەرتتەۋ جۇرگىزگەن، ناقتى ونىمدىلىككە ۇمتىلعان، كوپ پاراساتىن ساۋلەلەندىرگەن، ماسەلەلەردى شەشكەن ءبىر رەتكى جۇمىس باسىنداعى ”جۇمىس ءبىتىرۋ ءماجىلىسى“ ءۇرىمجى − قارامايلى − سانجى اۋماعىنا قاتىستى ايماق، وبلىس، قالالاردىڭ جانە بيڭتۋاننىڭ شى - قالالارىنىڭ جاۋاپكەرشىلىك سەزىمىن، كوكەي تەستىلىك سەزىمىن ونان ارى كۇشەيتىپ، جوعارى ساپالى دامۋدىڭ بەلسەندى ارەكەتى مەن ناقتى ناتيجەسىن قايراتتانا ءىس تىندىرىپ ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اناعۇرلىم زور ۇلەس قوسۋدى العا قويدى.
تۇڭعىش جۇمىس باسى ءماجىلىسى نازاردى ءۇرىمجى − قارامايلى − سانجى اۋماعىنا شوعىرلاندىردى
”جوعارى ساپالى دامۋ جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى“.
جۇڭگو ۇلگىسىندەگى وسىزامانداندىرۋدىڭ العا باسۋ جولى مەن داۋىرلىك كوورديناتاسىندا، شينجياڭنىڭ قوسىننان، قاتاردان قالماۋى جونىنەن جوعارى ساپالى دامۋ ايرىقشا ماڭىزدى بولىپ تابىلادى.
بىلتىر جىل باسىنان بەرى، اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە تاباندى بولىپ، پارتيا مەن مەملەكەت ىستەرى دامۋىنىڭ جالپى جاعدايىندا، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ بيىگىندە تۇرىپ، جوعارى ساپالى دامۋدى ىلگەرىلەتۋدى ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت ەتىپ، جۇيەلى جوسپارلاپ، جاپپاي ىلگەرىلەتىپ، جۇرەكتىلىكپەن ماسەلەنى شەشىپ، كورنەكتى ناتيجەگە قول جەتكىزدى. بۇكىل رايوندا جوعارىدان تومەنگە دەيىن ورنىقتىلىقتى جەبەۋدىڭ، دامۋدى يگەرۋدىڭ، حالىق تۇرمىسىنا تيىمدىلىك جاساۋدىڭ قويۋ رايىن قالىپتاستىردى.
ۋاقىتتىڭ پاراعى ءبىر - بىرلەپ اشىلىپ، دامۋدىڭ تاراۋى ۇزدىكسىز جاڭاردى.
”اۋماقتارعا ءبولىپ جوعارى ساپالى دامۋ جۇمىس باسى ءماجىلىسىن اشۋ سوڭعى جىلدارى تۇڭعىش رەت بولىپ وتىر“، - دەدى ماجىلىسكە قاتىناسقان ءبىر قىزمەتكەر تەبىرەنىپ.
بۇكىل رايوننىڭ جوعارى ساپالى دامۋ جۇمىس باسى ءماجىلىسىنىڭ العاشقى ءماجىلىسىنىڭ نازاردى ءۇرىمجى − قارامايلى − سانجى اۋماعىنا شوعىرلاندىرۋىنا اۆتونوميالى رايوندىق پارتكومنىڭ جان - جاقتى ويلاستىرۋى قامتىلعان − ءۇرىمجى − قارامايلى − سانجى اۋماعىنىڭ دامۋ نەگىزى جاقسى، ەكونوميكا مولشەرى زور، وڭىرلىك ورىن، بايلىق، كاسىپ سالاسى، تۇعىر، دارىندى سياقتى جاقتارداعى باسىمدىعى سالىستىرمالى تۇردە كورنەكتى، بۇكىل شينجياڭنىڭ ەكونوميكالىق، قوعامدىق دامۋىندا ناقتى كەلەلى ورىنعا يە، جوعارى ساپالى دامۋ بارىسىندا ويداعىداي اتويشى بولىپ، جۇرەكتىلىكپەن جۇك ارقالاپ، نەگىزگى قوسىندىق، باستاماشىلدىق رولىن ساۋلەلەندىرۋگە قۋاتى، شارت - جاعدايى بار.
تەكسەرۋ - زەرتتەۋ − پارتيامىزدىڭ اسىل مۇراسى. جاڭا قايشىلىقتارعا، جاڭا ماسەلەلەرگە مەڭزەس، باسشى كادرلار ناقتى احۋالدى ۇعىسىپ، قىزمەتتىڭ ىرىقتىلىق ۇقىعىن يگەرىپ، عىلمي شەشىم جاساۋدا تەكسەرۋ - زەرتتەۋ كەم بولسا بولمايدى.
وسىنىڭ الدىندا، اۆتونوميالى رايوندىق پارتكوم مەن ۇكىمەت اۆتونوميالى رايونداعى قاتىستى مەڭگەرمە - مەكەمەلەردى تەكسەرۋ - زەرتتەۋدى ىشكەرىلەي ورىستەتۋگە ورنالاستىرىپ، «شينجياڭ ەكونوميكاسىنىڭ جوعارى ساپالى دامۋىن تەكسەرۋ - زەرتتەۋ مالىمەتى» مەن «جاڭا دامۋ ارناسىنا قىزمەت وتەپ، توعىسىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋ جونىندەگى ارەكەت جوباسىن» ازىرلەپ قالىپتاستىرىپ، ءماجىلىستى ويداعىداي اشۋعا دەن قويا دايىندالدى.
”ءبىز اۆتونوميالى رايوندىق پارتكومنىڭ تەرەڭ ويىن ويداعىداي ءتۇسىنۋىمىز كەرەك“. قارامايلى قالالىق پارتكومنىڭ شۋجيى شى گاڭ بىلاي دەدى: اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، باستاۋ سالتى جانە ءبىرىنشى ماۋسىمداعى تۇتاس رايونداعى كەلەلى نىسانداردى ورنالاستىرۋ ءماجىلىسىنىڭ، سونداي - اق بۇكىل رايوننىڭ جوعارى ساپالى دامۋ (ءۇرىمجى − قارامايلى − سانجى اۋماعى) جۇمىس باسى ءماجىلىسىنىڭ ورنالاستىرۋ تالاپتارى بويىنشا، نىسانانى كوزدەپ، تۇتاس جىلداعى ەكونوميكالىق، قوعامدىق دامۋ قىزمەتىن بار كۇشپەن يگەرىپ، بۇكىل رايوننىڭ جوعارى ساپالى دامۋىن ىلگەرىلەتۋگە بەلسەندى ۇلەس قوسامىز.
ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تياناق ەتىپ، دامۋدى جوسپارلادى
”جوعارى ساپالى دامۋدى ىلگەرىلەتۋ بارىسىندا، كەيبىر ناقتى ىستەرگە اۆتونوميالى رايوندىق پارتكوم مەن ۇكىمەتتىڭ جانە قاتىستى تاراۋلاردىڭ زور كۇشپەن قولداۋ كورسەتۋىن وتىنەمىز“.
ءارقايسى ايماق، وبلىس، قالالارداعى جانە بيڭتۋاننىڭ شى - قالالارىنداعى نەگىزگى جاۋاپتى جولداستار جاسىرماي، بۇركەمەلەمەي، ماسەلەلەردى توتە ايتىپ، كوپ پاراساتىن ساۋلەلەندىرە دامۋدى جوسپارلاپ، ءماجىلىس الاڭى قىزۋ مەرەيگە بولەندى.
”جىبەك جولى ەكونوميكالىق بەلدەۋىنىڭ وزەكتى رايونىنداعى ’بەس ۇلكەن ورتالىقتىڭ‘ نەگىزگى ارقالاۋشى جەرى جانە ءۇرىمجى قالا شوعىرىنىڭ ورتالىق قالاسى رەتىندە ءۇرىمجى جول تورى جۇيەسىن جەدەل كەمەلدەندىرۋ قاجەت“.
”سوڭعى جىلدارى، سانجى حۇيزۋ اۆتونوميالى وبلىسىنىڭ، اسىرەسە، شىعىستاعى 3 اۋداننىڭ سۋ بايلىعى قايشىلىعى كۇن سايىن كورنەكتىلەندى، ءبىز قاتىستى سۋ بايلىعىن ورنالاستىرۋ ينجەنەرياسىن جوسپارلاپ ىلگەرىلەتتىك، الايدا الدىڭعى مەرزىمدىك قىزمەتتەردى سايكەستىرۋ، ءبىتىرۋ قيىندىعى ءبىرشاما زور بولدى“.
”بيڭتۋان 8 - شى شىحىزى قالاسىنىڭ ونەركاسىبى ۇزاق ۋاقىت سۇيەنىش بولعاندىقتان، قورشاعان ورتانىڭ كوتەرىمدىلىگى جەتكىلىكسىز بولىپ وتىر. سۋ بايلىعى تاپشى ءارى سۋ جەتكىزۋ قۋاتى شەكتى بولعاندىقتان، كاسىپ سالاسى شوعىرىنىڭ دامۋىنا، زورايۋىنا تەجەۋ بولىپ وتىر.
...
اۆتونوميالى رايونداعى قاتىستى تاراۋلار دەر كەزىندە جاۋاپ قايتارىپ، قارسى شارا قاراستىرىپ، جەر - جەر كەزدەسكەن دامۋداعى قيىن ماسەلەلەر جونىندە جۇمىس باسىندا تۇجىرىمداپ، سالالاپ، شەشۋ جوباسىن اقىلداستى.
”جاڭا عانا سالالاپ كوردىك، جەر - جەردىڭ قاتىناس قۇرىلىسى سالاسىندا جيىنى 8 جاقتاعى تالابى بار ەكەن، ءبىز ءتىزىم بويىنشا تۇگەل قابىلدادىق“. اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى لي شۋەدۇڭ بىلاي دەدى: رايونىمىزدىڭ قاتىناس - تاسىمال ”14 - بەسجىلدىق“ جوباسىنىڭ ورتاڭعى مەرزىمدە رەتتەلۋىمەن ۇشتاستىرىپ، جوبا، ساياسات، نىسان قۇرىلىسى، قارجى، قىزمەت وتەۋ سياقتى جاقتاردا بار كۇشپەن قولداۋ كورسەتەمىز.
اۆتونوميالى رايوندىق سۋ يگىلىگى مەڭگەرمەسىنىڭ باستىعى جاڭ چياڭ سانجى وبلىسىنىڭ سۋ بايلىعىن ورنالاستىرۋ ينجەنەرياسىن ىلگەرىلەتۋىنە قاتىستى احۋالدار جونىندە تۇسىنىك جاسادى: ”بيىل جىل باسىندا، وسى نىساننىڭ تولىمدى مالىمەتى سۋ يگىلىگى مينيستىرلىگىنىڭ بەكىتۋىنە جولداندى. وسىدان ءبىراز بۇرىن، اۆتونوميالى رايوندىق سۋ يگىلىگى مەڭگەرمەسى ارناۋلى تاقىرىپتا ءماجىلىس اشىپ، الدىڭعى مەرزىمدىك قىزمەتتەرگە ورنالاستىرۋ جاسادى“. ”3 - ايدىڭ باسىندا، ءبىز تاعى سۋ يگىلىگى مينيسترلىگىنە بارىپ، تاعى دا وسى نىسان جونىندە مالىمەت بەرىپ، الدىڭعى مەرزىمدىك قىزمەتتەردى جان - جاقتى جەدەلدەتتىك“.
نەگىزدىك قۇرىلعىلار قۇرىلىسى، سۋ بايلىعىن ساپالىلاندىرۋ، جايعاستىرۋ، جەردەن پايدالانۋ كولەمى، جەدەل تەكسەرىپ بەكىتۋ، قارجى قامتاماسىزدىعى، كاسىپ سالاسىنىڭ قۇرىلىمىنىڭ تيبىن وزگەرتۋ... جۇمىس باسى ءماجىلىسى ءۇرىمجى − قارامايلى − سانجىنىڭ جوعارى ساپالى دامۋىنىڭ ”تامىرىن“ ونان ارى اشىپ قالماستان، ”تۇيىندەر ارقىلى جالپىنى جەتەكتەپ“، قازىرگى شينجياڭداعى ەڭ كوكەي تەستى دامۋ ماسەلەسىن شەشۋدى جەدەلدەتتى.
”وسى رەتكى جۇمىس باسى ءماجىلىسى شەشۋ جوباسىمەن شەكتەلىپ قالماي، ونان دا ماڭىزدىسى، جۇيەلى ويلاۋعا تاباندى بولىپ، جۇمىس باسىنداعى ماسەلەلەردەن ورتاقتىق بايقاپ، زاڭدىلىق قاراستىرىپ، اناعۇرلىم كوپ مىعىم شارا، ناقتى شارا الىپ شىعىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تياناق ەتىپ، دامۋدى جوسپارلادى“، - دەدى اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى ۋاڭ كۇيران.
كوكىرەك تولى سەنىممەن جوعارى ساپالى دامۋ جولىمەن ويداعىداي ءجۇردى
قازىرگى جاعدايدان الىپ قاراعاندا، شينجياڭنىڭ جوعارى ساپالى دامۋ جۇمىس باسى ءماجىلىسىن اشۋىنىڭ ماقساتى جەر - جەر اڭىس ەتكەن كورنەكتى ماسەلەلەردى كوزدەپ، دامۋعا ىقپال جەتكىزەتىن ولقىلىقتار مەن شەكتەۋلەردى شوعىرلى شەشۋ بولىپ تابىلادى.
ۇزاق بولاشاقتان الىپ قاراعاندا، جۇمىس باسىندا جۇمىس ءبىتىرۋ فورماسى ارقىلى ءارقايسى ايماق، وبلىس، قالالاردىڭ، بيڭتۋاننىڭ شى - قالالارىنىڭ جانە قاتىستى تاراۋلاردىڭ تەكسەرۋ - زەرتتەۋ ستيلىن بارىنشا ساۋلەلەندىرىپ، ىرىقتىلىقپەن جاۋاپكەرشىلىك ارقالايتىن، ورىن اۋىستىرىپ ويلايتىن قىزمەت ۇلگىسىن قالىپتاستىرىپ، نازاردى ماسەلەلەردى جىكسىز تۇيىلىستىرۋگە شوعىرلاندىرىپ، جوعارى مەن تومەن ءبىر نيەتتە بولىپ، جوعارى ساپالى دامۋدى اناعۇرلىم ويداعىداي ىلگەرىلەتۋگە بولادى.
ءماجىلىس مىنالاردى تالاپ ەتتى: ءارقايسى قاتىستى تاراۋلار ماجىلىستەن كەيىن ماسەلە ءتىزىمىن قالىپتاستىرىپ، ىرىقتىلىقپەن الدا ءجۇرىپ قىزمەت وتەپ، تۇرلەر بويىنشا مۇقيات زەرتتەپ، جارامدى ءادىس الىپ شىعىپ، جوعارى ساپالى دامۋعا ىقپال جەتكىزەتىن جانە تەجەيتىن ءبىر توپ ورتاقتىعى بار، القىمداعان ماسەلەلەردى كۇش سالا شەشۋ كەرەك.
”ماجىلىستە اۆتونوميالى رايوننىڭ باسشىلارى مەن قاتىستى تاراۋلار دەرەۋ شەشۋگە كەلەتىن ماسەلەلەرگە سول جەردە كەسىم ايتتى، ۋاقىتشا شەشۋگە كەلمەيتىن ماسەلەلەرگە قاتىستى تاراۋلاردىڭ ۇزدىكسىز قاداعالاۋىن تاپسىردى“. بيڭتۋان 8 - شى شىحىزى قالالىق پارتكومنىڭ شۋجيى، 8 - شىنىڭ جىڭۋيى ى حۇڭدا بىلاي دەدى: ”تالابىمىزدى دەر كەزىندە اڭىس ەتىپ ەدىك، قاتىستى تاراۋلار دەرەۋ اقىلداسىپ سايكەستىرىپ، جاۋاپ قايتاردى. مۇنداي ىركىلىسسىز بايلانىس كوپشىلىكتىڭ جوعارى ساپالى دامۋدى ىلگەرىلەتۋ سەنىمىن بەكەمدەپ، بيىلعى قىزمەتتەردى ويداعىداي ىستەۋ قايراتىن تاسقىنداتتى“.
”ءماجىلىس ءۇرىمجى − قارامايلى − سانجى اۋماعىنىڭ ءوز ءوڭىرىنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن ءجۇرۋى ءۇشىن، ’ماسەلەنى اتاپ كورسەتىپ‘ جانە ’ماسەلەنى شەشىپ‘، بەتالىستى، جولدى، شارانى تۇگەلدەي ايقىنداپ بەردى، بازاردىڭ مەجەسىن بارىنشا كوتەرىپ، دامۋ سەنىمىن ارتتىرىپ، شينجياڭنىڭ جاڭا ءبىر كەزەك جوعارى ساپالى دامۋ ورلەۋىن كوتەرەتىندىگى داۋسىز“، - دەدى ماجىلىسكە قاتىناسقاندار جابال ويلارىن ءبىلدىرىپ.
ساعات 14تەن 30 مينۋت مولشەرىندە، ”جۇمىس باسى ءماجىلىسى“ اياقتادى، شينجياڭنىڭ دامۋداعى قيىنشىلىققا اتوي سالۋى ەندى عانا باستالدى.
