مۇشە ليۋ تاۋ:
جوعارى ساپالى تەكسەرۋ - زەرتتەۋ ورىستەتۋگە تاماشا شارا ۇسىنامىن
□ انار بۇلت \ شينجياڭ گازەتىنىڭ ءتىلشىسى فان چيۇڭيان
”تەكسەرۋ - زەرتتەۋدى ويداعىداي ورىستەتىپ، جوعارى ساپالى تەكسەرۋ - زەرتتەۋ بايانداماسىن جازىپ شىعىپ، اۆتونوميالى رايوندىق پارتكوم مەن ۇكىمەتتىڭ شەشىم جاساۋدا پايدالانۋىنا مۇمكىندىك جاساۋ كەرەك“، - دەدى 3 - ايدىڭ 16 - كۇنى ”3 - قىركۇيەك ءىلمي“ قوعامىنىڭ شينجياڭ رايوندىق كوميتەتى 2023 - جىلعى مەملەكەتتىك ەكى ءماجىلىستىڭ رۋحىن جەتكىزۋ، ۇيرەنۋ جيىنىندا، مەملەكەتتىك ساياسي كەڭەستىڭ مۇشەسى، ”3 - قىركۇيەك ءىلمي“ قوعامى شينجياڭ رايوندىق كوميتەتىنىڭ مەڭگەرۋشى مۇشەسى ليۋ تاۋ.
سول كۇنى ليۋ تاۋ اعىنان اقتارىلا مەملەكەتتىك ەكى ماجىلىسكە قاتىناسقانداعى اسەرىن بايانداعاننان كەيىن مىنالاردى ءبىلدىردى: مەملەكەتتىك ەكى ءماجىلىستىڭ رۋحىن ۇيرەنۋدى، ۇگىتتەۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، ەكى ءماجىلىس رۋحىن جۇرەكتەرگە تەرەڭ ۇيالاتۋ كەرەك.
”دايەكتىلەندىرۋدى مىقتى يگەرىپ، ۇكىمەت ىسىنە ات سالىسۋ، كەڭەس بەرۋ قىزمەتىنىڭ بەلەسكە كوتەرىلۋىن، دەڭگەيىنىڭ جوعارىلاۋىن جەدەلدەتۋ كەرەك“. ليۋ تاۋ بىلاي دەدى: جاڭا دامۋ ارناسىنا بەلسەنە قىزمەت وتەۋدى جانە توعىسۋدى ارقاۋ ەتە وتىرىپ، شينجياڭنىڭ ەكونوميكاسىنىڭ جوعارى ساپالى دامۋىن ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، سيفرلانۋ قۇرىلىسىن جەدەلدەتىپ، ەمدەۋ - دەنساۋلىق ساقتاۋ ساندى مالىمەتىنەن تەڭ يگىلىكتەنۋ سياقتى ءتۇيىندى تەكسەرۋ - زەرتتەۋ بەتالىسىن جەبەپ، تەكسەرۋ - زەرتتەۋ قيمىلدارىن مۇقيات ۇيىمداستىرىپ، ويداعىداي ورىستەتىپ، جوعارى ساپالى تەكسەرۋ - زەرتتەۋ بايانداماسىن جازىپ شىعۋ كەرەك. 2023 - جىلعى ”3 - قىركۇيەك ءىلمي“ قوعامىنىڭ ورتالىقتىڭ جانە اۆتونوميالى رايوندىق ساياسي كەڭەستىڭ جالپى ءماجىلىسى، ارناۋلى تاقىرىپتا ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسى، ارناۋلى تاقىرىپتاعى كەڭەس ءماجىلىسى، ايلىق كەڭەس ماجىلىسىندەگى كەڭەستىك تاقىرىپتارمەن ۇشتاستىرىپ، ”كەدەيلىكتەن ارىلتۋدان قامال الۋ شايقاسىنىڭ جەتىستىكتەرىن بەكەمدەۋ، كەڭەيتۋ، اۋىل - قىستاقتى گۇلدەندىرۋدى جاپپاي ىلگەرىلەتۋ“، ”عىلىم - تەحنيكا جەتىستىكتەرىن كادەگە جاراتۋدى جەدەلدەتۋ“ سياقتى جاقتاردا تەكسەرۋ - زەرتتەۋ ورىستەتىپ، پىكىر، ۇسىنىستاردى تۇلعالادى. سونىمەن ءبىر ۋاقىتتا ىلە قازاق اۆتونوميالى وبلىسىنا باعىتتاي وتىرىپ، شارۋاشىلىق - ساۋدا ورتاسى ارناۋلى دەموكراتيالىق باقىلاۋ قىزمەتىن ويداعىداي تىڭعىلىقتى ورىستەتتى. ۇكىمەت ىسىنە ات سالىسۋ، كەڭەس بەرۋ، دەموكراتيالىق باقىلاۋ، جۇڭگو كوممۋنيستىك پارتياسى باسشىلىعىنداعى ساياسي ءماسليحاتقا قاتىناسۋ سىندى 3 ءتۇرلى نەگىزگى فۋنكتسيانى جاندى ۇشتاستىرىپ، شينجياڭنىڭ شارۋاشىلىق - ساۋدا ورتاسىن جاقسارتۋعا كەڭەس بەرىپ، كۇش شىعاردى.
جوبا كەسكىندەلىپ ۇلگىردى، جاۋاپناما جازىلۋ ۇستىندە. ليۋ تاۋ بىلاي دەدى: ”بيىل ءبىز اۆتونوميالى رايوندىق پارتكوم مەن ۇكىمەتتىڭ ءتۇيىندى قىزمەتتەرىن جالعاستى ارقاۋ ەتە وتىرىپ، بۇقارانىڭ ءجىتى قاداعالاپ وتىرعاندارىنا ۇشتاستىرا وتىرىپ، شىنايى اقىل - كەڭەس بەرىپ، تاماشا شارا ۇسىنىپ، بۇقارانىڭ كۇشىن ۇيىستىرىپ، ەكپىندەي ىلگەرىلەۋدىڭ سەنترلەس شەڭبەرىن ويداعىداي سىزىپ، جاڭا جورىقتا تاماشا باستاما اشۋدى جۇزەگە اسىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا كۇش قوسۋىمىز كەرەك“.
شينجياڭ مەديتسينا داشۋەسىنىڭ ورىنباسار باستىعى رەتىندە ليۋ تاۋ مەكتەپكە قايتىپ بارعاننان كەيىن، دەرەۋ وقىتۋ، عىلمي زەرتتەۋ جانە باسقارۋ قىزمەتتەرىنە كىرىسىپ كەتتى، ”مەملەكەتتىك ەكى ماجىلىستە تۇتاس جىلداعى دامۋدىڭ جاڭا نىساناسى كورسەتىلىپ، تىڭ دا اناعۇرلىم جوعارى تالاپتار العا قويىلدى. مەن ءوز قىزمەتىمدى تياناق ەتىپ، مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، ونەگە كورسەتىپ ادام تاربيەلەۋ سىندى ءتۇبىرلى مىندەتىنە، بەس تاربيەنى قاتار جۇرگىزۋگە تاباندى بولىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزمنىڭ قۇرىلىسشىلارى مەن ءىزباسارلارىن باۋلىپ، مەديتسينا وقۋ - اعارتۋىنىڭ، وقىتۋىنىڭ جوعارى ساپالى دامۋىن قايراتتانا ىلگەرىلەتەمىن“.
