قۇمىل قالاسى:
اڭىس ەتىلگەن ماسەلەلەردى ءجىتى قاداعالاپ، رەتتەۋ - تۇزەتۋدى، تياناقتاندىرۋدى مىقتى يگەردى
انار بۇلت \ شينجياڭ گازەتىنىڭ ءتىلشىسى لي شيڭ 3 - ايدىڭ 20 - كۇنى ۇرىمجىدەن حابارلايدى. 3 - ايدىڭ 20 - كۇنى اراتۇرىك اۋدانىنا ورنالاسقان شينجياڭ گۋاڭحۇي كومىر تازارتۋ - ايىرۋ شەكتى جاۋاپكەرشىلىك سەرىكتەستىگىنىڭ 51 كوكىستەندىرۋ پەشى ءوندىرىس جۇرگىزدى، قالعان 21 كوكىستەندىرۋ پەشى زاپاسقا قالدىرىلىپ وندىرىستەن توقتاتىلدى.
ورتالىقتىڭ 2 - كەزەكتى ەكولوگيالىق ورتانى قورعاۋدى باقىلاۋ - تەكسەرۋ بايانداماسىندا بىلاي دەپ اتاپ كورسەتىلدى: قۇمىل قالاسى بەلگىلەمەگە قايشى كوك كومىر وندىرەتىن كاسىپورىنداردى باسقارۋى - تىزگىندەۋى پارمەندى بولماۋ، شاعىن قۇرىلىستى بەكىتتىرىپ الىپ، قۇرىلىستى ۇلكەيتىپ سالۋ، بەكىتۋدەن وتكىزبەي تۇرىپ الدىمەن سالۋ سىندى جاعدايلارعا قاراتا، شينجياڭ گۋاڭحۇي كومىر تازارتۋ - ايىرۋ شەكتى جاۋاپكەرشىلىك سەرىكتەستىگى قورشاعان ورتانى باعالاۋ بەكىتۋىندە بەلگىلەنگەن ”72 كوكىستەندىرۋ پەشىنىڭ 51ىن عانا ىسكە قوسۋ، قالعان 21 كوكىستەندىرۋ پەشىن زاپاسقا قالدىرۋداي“ اتقارۋ جوباسىنا قايشىلىق جاساعان. قاتىستى ماسەلەلەرگە باعىتتاي وتىرىپ، بۇل كاسىپورىن قورشاعان ورتانى باعالاۋ بەكىتۋى بويىنشا قاتاڭ رەتتەۋ - تۇزەتۋ جۇرگىزدى. قازىر دەربەس تەكسەرىپ وتكىزىپ الۋ قىزمەتى جانە رەتتەۋ - تۇزەتۋ قىزمەتى ەسەبى ورىندالىپ بولدى، سونداي - اق اۆتونوميالى رايوننىڭ تەكسەرىپ وتكىزىپ الۋىنان ءوتتى.
اۆتونوميالى رايوننىڭ رەتتەۋ - تۇزەتۋ جوباسى بويىنشا، قۇمىل قالاسىنا قاتىستى جالپى 11 ءتۇرلى رەتتەۋ - تۇزەتۋ مىندەتى بار، مۇندا 2022 - جىلى 12 - ايدىڭ سوڭىنان ىلگەرى ءبىر ءتۇر ورىندالىپ بولۋى، 2023 - جىلى 3 - ايدىڭ سوڭىنان ىلگەرى 2 ءتۇر ورىندالىپ بولۋى، 2023 - جىلدىڭ سوڭىنان ىلگەرى 5 ءتۇر ورىندالىپ بولۋى، 2024 - جىلى 6 - ايدىڭ سوڭىنان ىلگەرى ءبىر ءتۇر ورىندالىپ بولۋى، 2024 - جىلدىڭ سوڭىنان ىلگەرى ءبىر ءتۇر ورىندالىپ بولۋى، 2025 - جىلدىڭ سوڭىنان ىلگەرى ءبىر ءتۇر ورىندالىپ بولۋى ءتيىس. بيىل 3 - ايدىڭ 31 - كۇنىنەن بۇرىن ورىندالاتىن 3 ءتۇرلى رەتتەۋ - تۇزەتۋ، كۇشىنەن قالدىرۋ مىندەتى قازىر تۇگەلدەي دەرەۋ اتقارۋ، دەرەۋ تۇزەتۋ تالابىنا جەتتى، رەتتەۋ - تۇزەتۋدىڭ نەگىزگى تۇلعالىق مىندەتى ورىندالىپ بولدى.
قۇمىل قالالىق پارتكوم مەن ۇكىمەت ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ، رەتتەۋ - تۇزەتۋ قىزمەتىن باستان - اياق ماڭىزدى ساياسي مىندەت ەتىپ، اۆتونوميالى رايوننىڭ ورتالىقتىڭ ەكولوگيالىق قورشاعان ورتانى قورعاۋدى باقىلاۋ - تەكسەرۋ، رەتتەۋ - تۇزەتۋ قىزمەتىن ويداعىداي ىستەۋ جونىندەگى قىزمەت تالابىنا ساي، قىزمەت شارالارىن ەگجەي - تەگجەيلىلەندىرىپ،ءار جارتى اي سايىن ماسەلەنى ءبىر - بىرلەپ ءتىزىم بويىنشا رەتتەۋ مەحانيزمىن ورناتىپ، رەتتەۋ - تۇزەتۋ ۋاقىت تارتىبىنە جەتكەن رەتتەۋ - تۇزەتۋ مىندەتىن قاتاڭ تۇردە كۇشىنەن قالدىرۋ ءتۇزىمى بويىنشا كۇشىنەن قالدىرۋ، تەكسەرىپ وتكىزىپ الۋ قىزمەتىن ويداعىداي ىستەدى؛ رەتتەۋ - تۇزەتۋ ۋاقىت تارتىبىنە جەتپەگەندەرىن كەزەڭدىك ورىنداۋ شارالارى مەن نىسانالارىن ەگجەي - تەگجەيلىلەندىرىپ، رەتتەۋ - تۇزەتۋ مىندەتىن كەزەڭگە ءبولىپ ورىنداپ، ۋاقىتىندا، تۇيىندە ورىنداۋعا كەپىلدىك ەتتى.
سونىمەن بىرگە، قۇمىل قالاسى اڭىس ەتىلگەن ماسەلەلەردى ءجىتى قاداعالاپ، تياناقتاندىرۋدى مىقتى يگەرىپ، ماڭىزدى - ماڭىزدى ەمەستىگىنە، شۇعىل - شۇعىل ەمەستىگىنە قاراي، باقىلاۋ - تەكسەرۋ، رەتتەۋ - تۇزەتۋ قىزمەتىن ساتىعا، تۇرگە ءبولىپ ىلگەرىلەتتى. رەتتەۋ - تۇزەتۋ جۇرگىزىلىپ جاتقان ماسەلەلەر جونىندە رايونداردىڭ، اۋدانداردىڭ، قالاعا توتە قاراستى تاراۋلاردىڭ پارتيا، ۇكىمەت ورىندارىنداعى نەگىزگى جاۋاپتى جولداستاردى رەتتەۋ - تۇزەتۋ قىزمەتىندەگى ءبىرىنشى جاۋاپتى ادام ەتىپ تۇراقتاندىردى ءارى رەتتەۋ - تۇزەتۋ مىندەتىن جاۋاپتى ورىنعا (بولىمگە) ءبولىپ، ادامعا دەيىن ايقىنداپ، رەتتەۋ - تۇزەتۋ جوباسىنداعى ءاربىر ماسەلەنىڭ، ءاربىر شارانىڭ ناقتاپ تياناقتاندىرىلۋىنا شىنايى كەپىلدىك ەتتى.
ورتالىقتىڭ قورشاعان ورتانى قورعاۋ بويىنشا 2 - رەتكى باقىلاۋ - تەكسەرۋ 5 - گرۋپپاسى قۇمىل قالاسىنا 33 توپتاعى 114 ارىز - ارمان دەلوسىن بىتىرۋگە تاپسىردى، مۇنىڭ ىشىندە بيڭتۋان 13 - شىسىنا تاپسىرىلعانى 9، تۇرپان قالاسىنا تاپسىرىلعانى بىرەۋ، ناقتى بىتىرىلگەنى 104. قۇمىل قالاسى دەلونى باسشىلار كوتەرمەگە الۋ ءتۇزىمىن اتقارىپ، ارىز - ارمان دەلولارىن تۇرگە ءبولىپ رەتتەۋ - تۇزەتۋ جۇرگىزدى، تاباندا رەتتەۋ - تۇزەتۋگە بولاتىن دەلونى تاباندا رەتتەپ - تۇزەتىپ، دەلونى اياقتاتىپ، ”ءبىر دەلوعا ءبىر شارا“ بويىنشا ارحيۆ ماتەريالدارىن كەمەلدەندىردى؛ ۇزاق ۋاقىت رەتتەپ - تۇزەتۋگە تيىستىلەرىنە كەزەڭدىك رەتتەۋ - تۇزەتۋ نىسانا مىندەتىن بەلگىلەپ، اي سايىن ورنالاستىرۋ مەحانيزمىن تياناقتاندىرىپ، بىتىرۋگە تاپسىرىلعان ارىز - ارمان دەلولارىن رەتتەۋ - تۇزەتۋدى ۋاقىت ءتۇيىنى بويىنشا ورىندالۋعا شىنايى كەپىلدىك ەتتى. قازىرگە دەيىن 97 دەلو جونىنەن رەتتەۋ - تۇزەتۋ جۇرگىزىلدى، باسقا ارىز - ارمان دەلولارىن رەتتەۋ - تۇزەتۋ تىڭعىلىقتى، ءتارتىپتى ىلگەرىلەتىلۋدە.
