انار بۇلت \ شينجياڭ گازەتىنىڭ ءتىلشىسى حي حۇڭۋي 3 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، بيىل جىل باسىنان بەرى، شينجياڭنىڭ ينتەرنەت جەلىسىندەگى تۇتىنۋ سۇرانىسى ءۇرتىس ارتىپ، الدىڭعى 2 ايدا ينتەرنەتتەگى ساۋدا سوماسى 47 ميلليارد 60 ميلليون يۋانعا جەتىپ، سايكەس مەزگىلدەگىدەن ％72. 16 ارتقان؛ ينتەرنەتتەگى بولشەك ساتىلۋ سوماسى 10 ميلليارد 727 ميلليون يۋانعا جەتىپ، سايكەس مەزگىلدەگىدەن ％2. 18 ارتقان. مۇنىڭ ىشىندە ناقتى زات تۇرىندەگى ينتەرنەتتىك بولشەك ساتىلۋ سوماسى 7 ميلليارد 205 ميلليون يۋانعا جەتىپ، سايكەس مەزگىلدەگىدەن ％56. 16 ارتقان؛ قىزمەت وتەۋ تۇرىندەگى ينتەرنەتتىك بولشەك ساتىلۋ سوماسى 3 ميلليارد 522 ميلليون يۋانعا جەتىپ، سايكەس مەزگىلدەگىدەن ％7. 21 ارتقان.
بيىل رايونىمىزدىڭ جەر - جەرى تولسا ازايتۋ، لەزدىك ساتۋ، تىكە ارزانداتۋ سياقتى الۋان فورمامەن ينتەرنەت جەلىسىندە ساتىلۋدى جەبەۋ قيمىلدارىن ورىستەتىپ، مەرەكەلىك زاتتاردىڭ، اۋىل شارۋاشىلىعى ەرەكشە ونىمدەرىنىڭ ساتىلۋى كۇسەت بولىپ، سەيىل - سەرۋەندىك تۇتىنۋ قايتا تەبىندەدى.
اۋىل - قىستاق ەلەكتروندى ساۋداسى شاپشاڭ دامىپ، ءبىر تور جەلىسى قالا مەن اۋىلدى تۇتاستىرىپ، اۋىل شارۋاشىلىعى ونىمدەرىنىڭ ينتەرنەت جەلىسىندە ساتىلۋىن جانە ونەركاسىپ ونىمدەرىنىڭ اۋىلدارعا جەتكىزىلۋىن ىلگەرىلەتىپ، بىتىراڭقى شاعىن شارۋا وتباسىلارىن ءىرى بازارلارمەن ۇشتاستىرىپ، قالا مەن اۋىلداعى تاۋارلاردىڭ ”قوس باعىتتى اينالىم“ ارناسىن اشتى. ساندى مالىمەتتەردەن قاراعاندا، شينجياڭداعى اۋىل - قىستاقتاردىڭ ينتەرنەتتىك بولشەك ساتىلۋ سوماسى 5 ميلليارد 462 ميلليون يۋانعا جەتىپ، سايكەس مەزگىلدەگىدەن ％77. 23 ارتقان؛ اۋىل شارۋاشىلىعى ونىمدەرىنىڭ ينتەرنەتتىك بولشەك ساتىلۋ سوماسى 3 ميلليارد 520 ميلليون يۋانعا جەتىپ، سايكەس مەزگىلدەگىدەن ％82. 20 ارتىپ، شينجياڭنىڭ ءتىپتى دە كوپ اۋىل شارۋاشىلىعى ەرەكشە ونىمدەرى ەلەكتروندى ساۋدا تۇعىرى ارقىلى بۇكىل مەملەكەت بازارىنا بەت الدى.
سونىمەن بىرگە، ەلەكتروندى ساۋدانىڭ جاڭا كاسىپ كۇيى، جاڭا ۇلگىسى كوركەيىپ - گۇلدەندى. قول تەلەفون جاڭاشا شارۋالاردىڭ قۇرالىنا، تىكە تاراتۋ جاڭاشا شارۋالاردىڭ جۇمىسىنا، ساندى مالىمەت جاڭاشا شارۋالاردىڭ بايلىعىنا اينالدى. ءتىپتى دە كوپ شارۋالار اۋىل شارۋاشىلىعى ونىمدەرىن تىكە تاراتىلىمعا شىعارۋدى سىناپ كورىپ، زات تانىستىرۋ كولەمى ۇزدىكسىز كەڭەيدى.
كەلەسى قادامدا، اۆتونوميالى رايوندىق ساۋدا ىستەرى مەڭگەرمەسى اۋىل - قىستاق ەلەكتروندى ساۋداسىن ءداستۇرلى كاسىپ سالاسىمەن ءوزارا بىرلەستىرۋدى ۇزدىكسىز ىلگەرىلەتىپ، قۋات ۇستەۋدى يگەرۋ، ماركانى جەبەۋ، زات اينالىمىن كۇشەيتۋ، باستاۋشىلاردى جەتىلدىرۋ شارالارى ارقىلى اۋىل - قىستاق ەلەكتروندى ساۋداسىن ايانى كەڭەيتۋدىڭ، ساپانى جوعارىلاتۋدىڭ وزەگى ەتىپ، ءتۇرلى اۋىل شارۋاشىلىعى ەرەكشە ونىمدەرىنىڭ ”ينتەرنەت جەلىسىندە ساتىلۋىنا“ مۇمكىندىك جاساپ، ءتىپتى دە الىس جەرلەرگە ساتاتىن، اناعۇرلىم ويداعىداي ساتاتىن بولادى.
