ۋاكىل لي يۇنفي:
قارسى اتتانۋ جانە كۇرەس جاساۋ ارقىلى حالىققا قورعان بولامىن
□ انار بۇلت \ شينجياڭ گازەتىنىڭ ءتىلشىسى گو ليڭ
”14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ بىلاي دەپ باسا دارىپتەدى: حاۋىپسىزدىك − دامۋدىڭ نەگىزى، ورنىقتىلىق − قۇدىرەتتەنۋدىڭ، گۇلدەنۋدىڭ العى شارتى. وسى كاسىپتى تاڭداعان ەكەنبىز، تيتتەي دە بوساڭسۋىمىزعا بولمايدى، ءسوز جوق، قاي - قاشان دا ساقاداي ساي تۇرۋىمىز كەرەك“. 3 - ايدىڭ 16 - كۇنى شينجياڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ باس اترەتىنىڭ جاتتىعۋ جانە شايقاستىق ارتقى شەپ قامتاماسىزداندىرۋ تارماق اترەتىندە مەملەكەتتىك حالىق قۇرىلتايىنىڭ شينجياڭداعى ۋاكىلى، اقسۋ ايماعى ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتى كۇشار قالاسى چاڭنيڭ جولى ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ پۋنكتىنىڭ ساياسي جەتەكشىسى لي يۇنفي جاڭا قىزمەتكە شىققان 400دەن اسا ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرىنە مەملەكەتتىك ەكى ءماجىلىستىڭ رۋحى جونىندە ۇگىت لەكسيا سويلەدى.
لي يۇنفي ءوزىنىڭ مەملەكەتتىك ەكى ماجىلىسكە قاتىناسقان كەزىندەگى مىندەت وتەۋ كەشىرمەسىمەن، العان اسەرىمەن ءبولىسىپ، ەكى ءماجىلىستىڭ تارتىمدى ساتتەرىن جاندى بايانداپ، مەملەكەتتىك ەكى ءماجىلىستىڭ رۋحىن جەتكىزدى. ول بىلاي دەدى: ۇكىمەت قىزمەتىنەن بايانداماداعى كوپتەگەن مازمۇن شۇعىل جاعدايعا توتەپ بەرۋ - باسقارۋ قىزمەتىمەن بايلانىستى بولىپ، ءىس جۇزىندىك قىزمەتىمىزگە ايقىن باعدار نۇسقادى، ”بۇل مەنىڭ جاڭا جورىققا نىق سەنىممەن ەكپىندەي ىلگەرىلەپ، ادالدىقپەن جاۋاپكەرشىلىك ارقالاپ، كۇشار قالاسىنداعى ءار ۇلت بۇقاراسىنىڭ تىنىشتىعىن، باقىتىن ويداعىداي قورعاۋىما دەم بەردى“.
لي يۇنفي ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قوسىنىنا كىرگەن 10 نەشە جىلدان بەرى، ىلگەرىندى - كەيىندى 2400دەن استام رەت ءورت ءسوندىرۋ، قۇتقارۋ - كومەكتەسۋ مىندەتىنە قاتىناسىپ، قامالىپ قالعان 360تان استام ادامدى قۇتقاردى. داڭقتى تۇردە ”4 - توپتاعى اۆتونوميالى رايون بويىنشا قىزمەت ورنىندا لەي فىڭنان ۇيرەنۋ ۇلگىسى“، ”8 - كەزەكتى مەملەكەتتىك ءمورال ۇلگىسىنە كورسەتىلۋ سيلىعى“، ”مەملەكەتتىك شۇعىل جاعدايعا توتەپ بەرۋدى باسقارۋ جۇيەسىندەگى وزات قىزمەتكەر“، ”جۇڭگوداعى جاقسى ادام“، ”تىنىشتىق قاھارمانى“ سياقتى داڭقتارعا يە بولدى.
”قارسى اتتانۋ − ءبىزدىڭ بورىشىمىز، ۇلەس قوسۋ − ءبىزدىڭ اۋەلگى ماقساتىمىز، ءبىز قارسى ءجۇرىپ جانە كۇرەس جاساپ حالىقتى قورعاۋىمىز كەرەك“! ۇگىت لەكسيا جاساعان كەزدە، بەينەجازبادا ادامداردى قۇتقارعان، كومەكتەسكەن كورىنىستەر كورسەتىلدى، لي يۇنفيدىڭ بۇل جاۋىنگەرلىك لەبىزى ەندى عانا قىزمەتكە شىققان ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرىن ەكپىندەي ىلگەرىلەگەن بەينەمەن بورىش ارقالاۋدى امالياتتا ايگىلەۋگە شابىتتاندىردى.
ارمان بولاشاقتى نۇرعا بولەيدى، كۇرەس جۇرگىزۋدىڭ ءدال كەزىنە تۋرا كەلدىك. ”ۇگىت لەكسيانى تىڭداعاننان كەيىن مەن قاتتى تەبىرەندىم، مەن ونەگەلەردەن ۇيرەنىپ، قابىلەتىمدى ارتتىرىپ، پارتيا مەن حالىقتىڭ ادال قورعاۋشىسى بولامىن“، - دەدى جاڭا كەلگەندەردى جاتتىقتىرۋ ۇلكەن اترەتى ءبىرىنشى ورتا اترەتىنىڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرى جاۋ شياۋچۇن.
”ءبىز مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن بۇرىلىس جاساۋدىڭ، قابىلەتتى كۇشەيتۋدىڭ، ساپانى جوعارىلاتىپ، ونىمدىلىكتى ارتتىرۋدىڭ قۇدىرەتتى قوزعاۋشى كۇشىنە اينالدىرامىز، اسكەر جاتتىقتىرىپ، سوعىسقا دايىندالۋدى كۇشەيتىپ، ءتۇرلى مىندەتتى بار كۇشپەن ورىنداپ، پارتيا مەن حالىقتىڭ ويداعىداي ’تۇنگى كۇزەتشىسى‘ بولامىز“، - دەدى شينجياڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ باس اترەتى جاتتىعۋ جانە سوعىستىق ارتقى شەپ قامتاماسىزداندىرۋ تارماق اترەتىنىڭ جىڭۋيى ۋاڭ جۇنفىڭ.
ۇكىمەت قىزمەتىنەن باياندامامەن بىرلەستىرىپ لي يۇنفي مىنانى ءبىلدىردى: شۇعىل جاعدايعا توتەپ بەرۋ، قۇتقارۋ - كومەكتەسۋ نەگىزگى كۇشىنىڭ ءبىر مۇشەسى رەتىندە، اۋىر حاۋىپسىزدىك حاۋىپ - قاتەرىنەن ساقتانۋ جانە ونى جويۋ، ءتۇرلى اپات شىرعالاڭدارىنا توتەپ بەرۋ، ءبىر جاقتى ەتۋ قاسيەتتى جاۋاپكەرشىلىگىن باتىل ارقالاپ، قيان - كەسكى سىناقتاردا ەرلىكپەن سايىسىپ، ءورىس اشا جاڭالىق اشىپ، ۇلەس قوسۋ كەرەك. ”كۇشار قالاسىنا قايتىپ بارعان سوڭ، ۇگىت لەكسيا قىزمەتىن ۇزدىكسىز ورىستەتىپ، تۇرلىشە تىڭدارماندارعا ساي ۇگىت لەكسيا ءتاسىلىن تۇرلەندىرىپ، ەكى ءماجىلىس رۋحىنىڭ نەگىزگى ساتىدا تامىر تارتۋىن جەبەيمىن“، - دەدى ول.
