مۇشە يۇكساك شيجاات:
حالىققا تامىر تارتىپ، سارا تۋىندى، سۇبەلى شىعارمالاردى كوپتەپ جارىققا شىعارامىن
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
”ۇكىمەت قىزمەتىنەن باياندامادا اۋىل - قىستاقتى گۇلدەندىرۋدى ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ كەرەكتىگى اتاپ كورسەتىلدى. كەدەيلىكتەن ارىلتۋدان قامال الۋ قىزمەتىنە قاتىناسۋشى رەتىندە، مۇنى ەستىپ شەكسىز تەبىرەندىم“. 3 - ايدىڭ 15 - كۇنى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسى نازاريا وزەكتى گرۋپپاسىنىڭ 5 - رەتكى (كەڭەيتىلگەن) ماجىلىسىندە شينجياڭدا تۇراتىن مەملەكەتتىك ساياسي كەڭەستىڭ مۇشەسى، شينجياڭ كوركەمونەر تەاترحاناسى وپەرا ۇيىرمەسىنىڭ ارتيسى يۇكساك شيجاات مەملەكەتتىك ەكى ءماجىلىس رۋحى جونىندە ۇگىت لەكسيا جاساعاندا وسىلاي دەدى.
يۇكساك شيجاات مەملەكەتتىك ەكى ءماجىلىس، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحى، ۇكىمەت قىزمەتىنەن بايانداما، ءماجىلىستىڭ جارقىن تۇيىندەرى سياقتى جاقتاردان ۇگىت لەكسيا جاسادى ءارى كوپشىلىككە ءوزىنىڭ مىندەت وتەۋ جاعدايىنان مالىمەت بەردى.
”العىستان باسقا ايتارىم جوق“. يۇكساك شيجاات بىلاي دەدى: مەملەكەتتىك ساياسي كەڭەستىڭ مۇشەلىگىنە تاعى سايلانىپ، مەملەكەتتىڭ ەڭ جوعارى كەڭەسۋ سارايىندا ۇكىمەت ىسىنە ات سالىسىپ، ۇكىمەت ءىسىن كەڭەسۋدى ەرەكشە داڭق ساناۋمەن بىرگە، ارقالاعان جاۋاپكەرشىلىگىم مەن مىندەتىمدى اناعۇرلىم شىنايى سەزىندىم.
سوڭعى جىلدارى يۇكساك شيجاات ساحنا تورىندە ارىنداپ قانا قويماي، اۋات اۋدانى يەڭارىق قالاشىعى سۋجايدى قىستاعىندا تۇرىپ ءۇرتىس 5 جىل قىزمەت ىستەگەن. بىلتىر تاشقورعان تاجىك اۆتونوميالى اۋدانىنا تۋىسشىلاي بارعاندا يۇكساك شيجاات توڭىرەكتى ارالاپ تەكسەرۋ - زەرتتەۋ جۇرگىزدى. ”مەن 2018 - جىلى 1 - رەت مەملەكەتتىك ساياسي كەڭەستىڭ مۇشەسى بولىپ سايلاندىم، سول كەزدەن باستاپ قىستاقتا تۇرىپ قىزمەت ىستەپ، كەدەيلىكتەن ارىلتۋدان قامال الۋ، اۋىل - قىستاقتى گۇلدەندىرۋ قىزمەتىنە قاتىناستىم، سونداي - اق قىستاقتا مەملەكەتتىك ساياسي كەڭەس مۇشەسىنىڭ قىزمەت مىندەتىن اتقارىپ، جۇرت تىلەگىن، حالىق قالاۋىن كەڭىنەن جينادىم“، - دەدى يۇكساك شيجاات.
”ۇگىت لەكسيانىڭ مازمۇنى باي، شىنايى بولىپ، مەملەكەتتىك ەكى ءماجىلىس رۋحى جاندى جادىراتىپ، رۋحتى سەرپىلتتى“. ۇگىت لەكسيانى تىڭداعاننان كەيىن، اۆتونوميالى رايوندىق مادەنيەت جانە ساياحات مەڭگەرمەسى ساياسات زاڭ ەرەجە باسقارماسىنىڭ باستىعى جاۋ حىلين مىنانى ءبىلدىردى: مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، شىندىققا جۇگىنىپ ناقتى ءىس تىندىرىپ، شىنايى يگەرىپ، ناقتى ىستەپ، تاماشا رۋحاني بەينەمەن شينجياڭنىڭ مادەنيەت كاسىپ سالاسى جانە ساياحات كاسىبىنىڭ جوعارى ساپالى دامۋىن ىلگەرىلەتەمىز.
مەملەكەتتىك ەكى ماجىلىسكە قاتىناسىپ قايتىپ كەلگەن سوڭ يۇكساك شيجاات ءوزىنىڭ ۇگىت لەكسيا مازمۇنىن ۇزدىكسىز بايىتىپ، كەمەلدەندىردى، جۋىقتا ول نەگىزگى ساتىنى ىشكەرىلەي ارالاپ ۇگىت لەكسيا جاسادى. ”ادەبيەت - كوركەمونەر قىزمەتكەرى رەتىندە، مەن مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ءوزىمنىڭ قىزمەتىمنىڭ، ۇيرەنۋىمنىڭ جالپى بارىسىنا ءسىڭىرىپ، تۇرمىسقا ىشكەرىلەي ارالاسىپ، حالىققا تامىر تارتىپ، اناعۇرلىم كوپ ءداۋىر وزگەرىسىن بەينەلەيتىن، پارتيانى، وتاندى، حالىقتى، قاھارمانداردى جىرلايتىن اناعۇرلىم كوپ سارا تۋىندى، سۇبەلى شىعارمالاردى جارىققا شىعارىپ، جۇڭحۋا مادەنيەتىنىڭ ويداعىداي ءناسيحاتتاۋشىسى بولامىن“، - دەدى يۇكساك شيجاات.
