نىسانداردى مىقتى يگەردى، ءىرى نىسانداردى يگەردى
□ انار بۇلت \ شينجياڭ گازەتىنىڭ ءتىلشىسى شى شين
3 - ايدىڭ 17 - كۇنى 2023 - جىلعى اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتى جانە ءبىرىنشى ماۋسىمداعى بۇكىل رايوننىڭ كەلەلى نىساندارىن ورنالاستىرۋ ءماجىلىسىنىڭ اقسۋ ايماعىنداعى بولىمشە ءماجىلىس الاڭى قيمىلى اقسۋ اسا جۇقا قوس اينەكتى جوعارى ءونىمدى فوتوۆولتتىق بولشەكتەردى زەردەلى جاساۋ نىسان قۇرىلىسى الاڭىندا وتكىزىلدى.
□ سۋرەتتى پان تيڭ تۇسىرگەن
3 - ايدىڭ 17 - كۇنى تۇستەن بۇرىن 2023 - جىلعى اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتى جانە ءبىرىنشى ماۋسىمداعى بۇكىل رايوننىڭ كەلەلى نىساندارىن ورنالاستىرۋ ءماجىلىسى وتكىزىلدى، وسىلايشا شينجياڭنىڭ جاڭا ءبىر جىلداعى نىسان قۇرىلىسىنىڭ اتوي دابىلى قاعىلدى.
كەلەلى نىساندار − ەكونوميكانىڭ ارتۋىن ىلگەرىلەتۋدەگى ماڭىزدى قوزعاۋشى كۇش، سونداي - اق جوعارى ساپالى دامۋدى جۇزەگە اسىرۋداعى شەشۋشى تىرەك. بۇرىننان بەرى، شينجياڭ ”نىساندى يگەرۋ دەگەنىمىز دامۋدى يگەرۋ، نىساندى كوزدەۋ دەگەنىمىز بولاشاقتى كوزدەۋ“ سىندى وسى ورتاق تانىمدى بەكەمدەپ، بوران - شاشىندا كىدىرىسسىز ءجۇرىپ، ارىنداپ العا تارتتى.
70 بەلگى سيپاتتى كەلەلى نىساننىڭ جۇمىسى شوعىرلى قالپىنا كەلتىرىلدى، جۇمىس باستادى، 400 ءتۇيىندى نىسان ”جىلدىق تىزىمگە“ ەنگىزىلىپ، اتقارىلعان قارجى قوسۋ كولەمى 5 ميلليون يۋاننان جوعارى نىسان 8437 بولدى... 2023 - جىلى ولقىلىقتاردى تولىقتايتىن، قۇرىلىمدى رەتتەيتىن، فۋنكتسيانى كۇشەيتەتىن، ۇزاق بولاشاققا پايدالى، حالىق تۇرمىسىنا ءتيىمدى ءبىر توپ كەلەلى نىساننىڭ جەدەل اتقارىلۋىنا ىلەسە، شينجياڭ اناعۇرلىم كوپ دامۋ سەنىمى مەن قوزعاۋشى كۇشىنە يە بولدى.
جوعارى ساپالى دامۋدىڭ ”نەگىزگى قوزعالتقىشىن“ وت الدىردى
”ءبىز شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونىنىڭ دامۋ ورايى مەن تاماشا شەكارا وتكەلى ورتاسىن مىقتى يگەرىپ، ’ۋاقىت ۇتاتىن، شاپشاڭ قيمىلدايتىن‘ رۋحپەن نىسان قۇرىلىسىن جەدەلدەتىپ، 120 كۇن ىشىندە (1 - مەرزىمدىك) ينجەنەريانى اياقتاتىپ، جىل سوڭىنان بۇرىن قۇرىلىسىن ءبىتىرىپ، قولدانىسقا بەرۋگە كۇش سالامىز“. 3 - ايدىڭ 17 - كۇنى شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونى قارجى قوسىپ سالۋ، دامىتۋ شەكتى سەرىكتەستىگىنىڭ القا باستىعى لۇي جۇننىڭ ءۇنى كوتەرىڭكى دە ەكپىندى شىقتى.
كوكتەمدە اتتانىپ، ءبىر ءسات تە اقساتپايمىز!
سول كۇنى بۇكىل رايونداعى 70 بەلگى سيپاتتى كەلەلى نىساننىڭ جۇمىسى شوعىرلى قالپىنا كەلتىرىلىپ، جۇمىسى باستالىپ، بۇعان ساياتىن قوسىلعان جالپى قارجى 289 ميلليارد يۋان بولدى.
لۇي جۇن جاۋاپتى بولعان شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونىنىڭ يمپورت - ەكسپورت ساۋدا - زات اينالىمى باقشاسى نىسانى − تارباعاتاي ايماعىنىڭ بەلگى سيپاتتى نىسانى. سالىنىپ بولعاننان كەيىن، باقتى شەكارا وتكەلىنەن وتكىزىلەتىن زاتتىڭ ءتۇرىن ونان ارى بايىتىپ، كەڭەيتىپ، زات اينالىمى بايلىقتارىن شوعىرلاندىرىپ جانە بىرىكتىرىپ، ءوڭىردىڭ يمپورت - ەكسپورت ساۋداسى مەن يمپورت - ەكسپورت مانەرلەۋ كاسىبىنىڭ جەدەل دامۋىن ىلگەرىلەتەدى. التاي ايماعىندا جىكبەلەڭ مەملەكەتتىك قار - مۇز ساياحات بازاسىنىڭ نەگىزدىك قۇرىلعىلار قۇرىلىسى نىسانىنىڭ جۇمىسى قالپىنا كەلتىرىلدى. وسى نىسان سالىنىپ بولعاننان كەيىن، التاي ايماعىنىڭ ساياحاتىنىڭ قاۋىرت كەزى مەن سايابىر كەزى ايقىن بولۋدان ءتورت ماۋسىمدا بىردەي تەبىندى بولۋعا قاراي ويىسۋىن ءونىمدى جەبەيدى.
”نىسان قۇرىلىسىن جەدەل جۇرگىزىپ، التاي ساياحاتىن دامىتۋدىڭ ويداعىداي ’نەگىزگى كۇشى‘ بولىپ، شينجياڭنىڭ قار - مۇز ساياحاتى كاسىپ سالاسىنىڭ جوعارى ساپالى دامۋىن ىلگەرىلەتۋگە تىڭ ۇلەس قوسامىز“، - دەدى شينجياڭ التاي ساياحاتتى دامىتۋ توبى شەكتى سەرىكتەستىگى پارتكومىنىڭ شۋجيى، القا باستىعى يۇي گۋاڭپۋ.
ەكونوميكانى ورنىقتىرىپ، ارتۋدى جەبەۋدى كوزدە ۇستاعان شينجياڭ نىسانداردان ”قامال الۋدى“ الدەقاشان جۇرگىزگەن بولاتىن.
”نازاردى ءتۇيىندى ايماق، وبلىس، قالالارعا، ءتۇيىندى كاسىپ سالالارىنا، ءتۇيىندى كاسىپورىندارعا شوعىرلاندىرىپ، ءبىز نىسان قۇرىلىسىن ىلگەرىلەتۋ بويىنشا ’قىستا نەگىز قالاۋ‘، جوعارى ساپالى دامۋدى تەكسەرۋ - زەرتتەۋ بويىنشا قىزمەت وتەۋ، نىساننىڭ الدىڭعى شەبىندەگى ناقتى ورىندا جۇمىس جۇرگىزۋ سياقتى قىزمەت وتەۋدەن قامال الۋ جەلىلەس قيمىلدارىن ۇزدىكسىز ورىستەتىپ، بايلانىستىرۋدى، ۇشتاستىرۋدى كۇشەيتىپ، جەتەكشىلىك ەتۋدى، قىزمەت وتەۋدى ويداعىداي ىستەپ، اناعۇرلىم كوپ نىسانداردىڭ جەدەل جۇمىستى قالپىنا كەلتىرۋىن، قۇرىلىس باستاۋىن جەبەيمىز“، - دەدى اۆتونوميالى رايوندىق دامۋ جانە رەفورما كوميتەتى نىسان قۇرىلىسىن باسقارۋ باسقارماسىنىڭ ورىنباسار باستىعى جاڭ يۇڭلياڭ.
2 - ايدىڭ 10 - كۇنى تۇرپان قالاسى 2023 - جىلعى ءبىرىنشى ماۋسىمداعى كەلەلى نىسانداردىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتىن وتكىزگەن بولاتىن. ىلە - شالا حوتان، اقسۋ، قاشقار سياقتى جەرلەردەگى كەلەلى نىساندار دا ىركەس - تىركەس جۇمىس باستاپ، جۇمىستى قالپىنا كەلتىرىپ، جوعارى ساپالى دامۋدىڭ ”نەگىزگى قوزعالتقىشىن“ وت الدىردى.
باستالا سالا ۇمتىلۋدىڭ، تۇتاس جىلدا شەشۋشى جەڭىسكە جەتۋدىڭ قايراتىن تاسقىنداتتى؛ قايراتتانا العا ىلگەرىلەۋ، ەرلىكپەن العا ۇمتىلۋ جاعدايىن جوعارى كوتەردى؛ قيىندىققا قارسى اتتانۋدىڭ، ىنتىماقتاسا كۇرەس جاساۋدىڭ بىرىككەن كۇشىن ۇيىستىردى، بيىلعى العاشقى ماۋسىمدا بۇكىل رايونداعى قارجى قوسۋ كولەمى 5 ميلليون يۋاننان اساتىن 3891 نىساننىڭ جۇمىسى قالپىنا كەلتىرىلىپ، باستالىپ، بۇعان ساياتىن قوسىلعان جالپى قارجى ءبىر تريلليون 900 ميلليارد يۋان بولدى.
ارتۋدى ورنىقتىرۋدىڭ ”ورنىقتىرعىشىن“ بەكەمدەدى
قارجى قوسۋ ەكونوميكالىق دامۋدى جەبەيتىن ”ءۇش اتتى اربانىڭ“ ءبىرى رەتىندە، شينجياڭ ەكونوميكاسى جونىنەن ايرىقشا ماڭىزدى تىرەكتىك رول اتقارادى، نىسان قۇرىلىسى ءونىمدى قارجى قوسۋدى دەمەيتىن نەگىزگى كۇش بولىپ تابىلادى. 2022 - جىلى شينجياڭ كەلەلى نىساندار قۇرىلىسى ارقىلى ءونىمدى قارجى قوسۋدى جەتەلەپ، ءۇرتىس ءتورت ماۋسىم بويى ”جۇمىس باستاۋ دابىلىن“ قاعىپ، لانجوۋ − شينجياڭ تەمىر جولىنىڭ جىڭ − الاتاۋ 2 - جەلىسى، ”شينجياڭنىڭ ەلەكترىن سىرتقا جەتكىزۋ“ 3 - ارناسىنىڭ سايكەستى ەلەكتر قاينارى نىسانى، گازدى باتىستان شىعىسقا جەتكىزۋ 4 جەلىسىنىڭ تابيعي گاز قۇبىرى ينجەنەرياسى سياقتى ءبىر توپ كەلەلى بەلگى سيپاتتى نىسانداردىڭ قۇرىلىسىن باستاپ سالىپ، بۇكىل رايون ەكونوميكاسىنىڭ ارتۋىنا پارمەندى تىرەك بولدى، سونداي - اق سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ءۇش قابات قىسىمنىڭ سوققىسىنا ۇشىراعان جاعدايدا قارجى قوسۋ ارقىلى كۇش ۇستەۋ ءالى دە شينجياڭ ەكونوميكاسىنىڭ ارتۋىنداعى ماڭىزدى ىرگەتاس ەكەندىگىن تولىق دالەلدەدى.
”2023 - جىلى ءبىز كەلەلى نىسانداردىڭ ىشكى سۇرانىستى كەڭەيتۋ، قارجى قوسۋدى جەبەۋ، ارتۋدى ورنىقتىرۋ جاعىنداعى ’ورنىقتىرعىشتىق‘ رولىن ۇزدىكسىز ساۋلەلەندىرەمىز“، - دەدى اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى ۋاڭ كۇيران.
نازاردى ”تۇراقتى مۇلىككە قارجى قوسۋدى سايكەس مەزگىلدەگىدەن ％11 اينالاسىندا ارتتىرۋ“ سىندى جىلدىق قارجى قوسۋ نىسانا - مىندەتىنە شوعىرلاندىرعان اۆتونوميالى رايوندىق دامۋ جانە رەفورما كوميتەتى نىسان قۇرىلىسىنا قارجى قوسۋدى ىلگەرىلەتۋ بويىنشا 1 - رەتكى بەينەبايلانىستىق ورنالاستىرۋ ءماجىلىسىن ۇيىمداستىرىپ اشىپ، بۇكىل شينجياڭدى جوعارىدان تومەنگە دەيىن نىسان قۇرىلىسىن بار كۇشپەن، بار قارقىنمەن ىلگەرىلەتۋگە جۇمىلدىرىپ، ءبىرىنشى ماۋسىمداعى قارجى قوسۋدىڭ ”جاقسى باستاما“ اشۋىنا شىنايى كەپىلدىك ەتىپ، بۇكىل شينجياڭ ەكونوميكاسىنىڭ باستاماسىن جاقسى اشۋ، قادامىن جاقسى باسۋ نەگىزىن بەكەمدەدى.
وسىدان ءبىراز ۋاقىتتىڭ الدىندا، 2023 - جىلعى اۆتونوميالى رايوننىڭ ءتۇيىندى نىسان قۇرىلىسى ءتىزىمى جاريالاندى. بيىل جيىنى 400 ءتۇيىندى نىسان ورنالاستىرىلىپ، جالپى 2 تريلليون 700 ميلليارد يۋان قارجى قوسىلىپ، 300 ميلليارد يۋان قارجى قوسۋ جوسپارلانىپ، سۋ يگىلىگى، قاتىناس، ەنەرگيا، كاسىپ سالاسى، حالىق تۇرمىسى سالالارىن قامتىدى.
قارامايلى قالاسىنىڭ بەلگى سيپاتتى كەلەلى نىسانى رەتىندە، مايتاۋ رايونى بالون تۇتاس كاسىپ سالاسى تىزبەگى قۇرىلىسى نىسانىنىڭ اتقارىلۋى جەرگىلىكتى ورىننىڭ مۇناي حيميا ونەركاسىبى تومەنگى بۋىن كاسىپ سالاسى تىزبەگىن ۇزارتىپ، ونەركاسىپ ونىمدەرىنىڭ ۇستەمە قۇنىن جوعارىلاتادى.
”ءبىز تاعى 5 جىل ۋاقىتتا 5 ميلليارد يۋان قارجى قوسىپ، ميلليون مۋلىق سورتاڭ جەردىڭ توپىراعىن قۇنارلاندىرۋدى بەلسەنە اتقارىپ، سورتاڭ جەر مەن قۇبا ءتۇزدى استىق داقىلدارى مەن ساپالى جەم - ءشوپ ەگەتىن قۇنارلى اتىزعا اينالدىرۋدى جوسپارلاپ وتىرمىز“. اقتاۋ اۋدانى وسى زامانعى اۋىل شارۋاشىلىعى كاسىپ سالاسى باقشاسى نىسانىنىڭ جاۋاپتى جاعى شاندۇڭ باۋلايليلاي بيولوگيالىق ينجەنەريا جارنا شەكتى سەرىكتەستىگىنىڭ القا باستىعى شان باۋلۇڭ.
بۇگىنگى نىسان − ەرتەڭگى دامۋ.
ايتا كەتۋگە تاتيتىنى، وسى رەتكى اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، جۇمىسىن باستاۋ قيمىلى كاسىپورىنشىلاردىڭ ”C ورىندا“ تۇرىپ، باس كەيىپكەر بولۋىنا مۇمكىندىك جاساپ، كاسىپورىنشىلاردىڭ جۇرەك ۇنىنە قۇلاق ءتۇرىپ، كاسىپورىنداردىڭ دامۋ ماسەلەسىن شەشىپ ءارى كاسىپورىنشىلاردىڭ قارجى قوسۋ سەنىمىن سەرپىلتتى، ءارى شينجياڭنىڭ دامۋدى كوزدەۋ، قارجى قوسۋدى كەڭەيتۋ، ارتۋدى جەبەۋ سىندى سەنىمى مەن بەكىمىن اڭعارتتى.
قورشاعان ورتانى ساپالىلاندىردى، قىزمەت وتەۋدى كۇشەيتتى، سەنىمدى نىعايتتى
نىسان ەنگىزىلگەننەن كەيىن، تەك قىزمەت وتەۋدى دالمە - ءدال، ويداعىداي ىستەگەندە عانا، ءىرى كاسىپورىنداردى، تاماشا نىسانداردى الىپ قالۋعا، ويداعىداي دامىتۋعا بولادى.
ۋاڭ كۇيران بىلاي دەپ تانىستىردى: سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن مىقتى يگەرىپ، نازاردى جىبەك جولى ەكونوميكالىق بەلدەۋى وزەكتى رايونى قۇرىلىسى، ”8 ءىرى كاسىپ سالاسى شوعىرى“ جانە 6 ءىرى نەگىزدىك قۇرىلعىلار جۇيەسى“ سياقتى كەلەلى ستراتەگيالارعا شوعىرلاندىرعان اۆتونوميالى رايوندىق دامۋ جانە رەفورما كوميتەتى كەلەلى نىسان، كەلەلى تۇعىر، كەلەلى كاسىپ سالاسى، كەلەلى رەفورما، كەلەلى ساياسات، كەلەلى فاكتور سياقتى ”6 كەلەلى ءتىزىم“ اراسىنداعى جۇيەلى بىرلەسىپ ارەكەتتەنۋ رولىن ويداعىداي ساۋلەلەندىرىپ، ەكونوميكالىق اينالىمنىڭ جالپى جاقتان جاقسارۋىن بار كۇشپەن ىلگەرىلەتىپ، ساپا جاعىندا ۇتىمدى ءوسۋىن جانە سان جاعىندا ۇيلەسىمدى ارتۋىن جۇزەگە اسىردى.
نىسان قۇرىلىسى قارجىسى جاعىندا، مەملەكەتتىڭ قارجى قوسۋ، قارجى قۇراۋ ساياساتىنان تولىق جەتەرلىكتەي، ويداعىداي پايدالانىپ، ۇكىمەتتىك قارجى قوسۋدىڭ باستاۋ، جەتەكتەۋ رولى مەن ۇلعايتۋ اسەرىن ساۋلەلەندىرىپ، ورتالىقتىڭ قارجى قوسۋ ساياساتىنىڭ قولداۋىن ءبىر تۇتاس جوسپارلاپ ويداعىداي پايدالانىپ، ۇكىمەتتىڭ، بانكەنىڭ، كاسىپورىنداردىڭ تەرەڭدەي ءتۇيىلىسۋىن كۇشەيتىپ، بار كۇشتى سالىپ جۇمىس باستاۋدى يگەردى، اقى تولەۋدى يگەردى، ناقتى زات جۇمىس مولشەرىن يگەردى.
اۆتونوميالى رايون تاعى حالىقتىق قارجى قوسۋ مەن رايون سىرتىنداعى قارجى قوسۋدىڭ بەلسەندىلىگىن تولىق جۇمىلدىرىپ، ”8 ءىرى كاسىپ سالاسى شوعىرىنىڭ“ دامۋ، نەگىزدىك قۇرىلعىلار، سۋ تارتىپ ەنەرگيا جيناۋ، ەنەرگيا ۇنەمدەپ، كومىر قىشقىل گازىنىڭ شىعارىلۋىن ازايتۋ سياقتى سالالاردى ءتۇيىندى تۇردە ارقاۋ ەتىپ، نىسانداردى تانىستىرۋ جانە ساۋداگەر شاقىرىپ قارجى ەنگىزۋ سەرپىنىن ارتتىرىپ، ساقتالعان مال - مۇلىكتى بەلسەنە جانداندىرىپ، نەگىزدىك قۇرىلعىلار سالاسىنداعى REITs (جىلجىمايتىن مۇلىككە قارجى قوسۋ امانات قورى) سىناق ءتۇيىنى قىزمەتىندە سەرپىلىس جاساۋعا قۇلشىندى.
نىسان قۇرىلىسىنىڭ ساياتىن تاراۋلارى كوپ، ءتارتىبى كۇردەلى، اينالىمى ۇزاق، ماماندىق سيپاتى كۇشتى، تاراۋلار ارا، تاراۋلار مەن وڭىرلەر ارا جوعارى ءونىمدى ءتۇيىلىسۋدى، تۇتاس تۇلعالىق جاقتان قوسىلا ارەكەتتەنۋدى قاجەت ەتەدى.
ساياساتتاردى شوعىرلاندىرۋ، نىسانداردى جوسپارلاۋ، نىسانعا قىزمەت وتەۋ، نىسانعا ساۋداگەر شاقىرىپ قارجى ەنگىزۋ سياقتىلاردى ارقاۋ ەتۋ جاعىندا، بيىل اۆتونوميالى رايون تاعى نىسان قۇرىلىسىن ىلگەرىلەتۋدە ساپاسىن جوعارىلاتىپ، ونىمدىلىگىن ارتتىرۋ ارەكەتىن العا جەبەپ، نىسانداردىڭ سايكەستى قوسىلا ارەكەتتەنۋىن ونان ارى كۇشەيتىپ، تەكسەرۋدى حاتپەن حابارلاندىرۋدى ەڭ زور دەڭگەيدە جۇرگىزۋدى، قاتار تەكسەرىپ بەكىتۋدى ەڭ تەز قارقىنمەن جۇرگىزۋدى، ەڭ ءتيىمدى شەك بەلگىلەپ كەمىن ارتىنان تولىقتاۋ بويىنشا قابىلداۋدى جاپپاي اتقارىپ، ءتۇرلى فاكتورلار قامتاماسىزدىعىن كۇش بىرىكتىرە ويداعىداي ىستەيدى.
”ءبىز شارۋاشىلىق - ساۋدا ورتاسىن ساپالىلاندىرۋدىڭ، جوعارىلاتۋدىڭ 3 جىلدىق ارەكەتىن ىشكەرىلەي اتقارىپ، قوعامدىق سەنىمدىلىك جۇيەسى قۇرىلىسىن جەدەل ىلگەرىلەتىپ، الدىڭعى شەپكە بارىپ نەگىزگى ساتىنى ىشكەرىلەي ارالاپ، نەگىزگى ساتىعا كوڭىل اۋدارىپ، قىزمەت كورسەتۋ تانىمىن، دامۋ تانىمىن كۇشەيتىپ، ۇكىمەتتىڭ جاسامپازدىق سيپاتتى اتقارۋى ارقىلى اناعۇرلىم كوپ تيجارات تۇلعالارىنىڭ سەنىم ارتۋدى كۇشەيتۋىنە، سەنىمدى كۇشەيتۋىنە مۇمكىندىك جاساپ، قالىڭ كاسىپورىندار مەن كاسىپورىنشىلاردىڭ شينجياڭنىڭ جوعارى ساپالى دامۋىنداعى تىرەكتى رولىن شىن مانىندە ساۋلەلەندىرەمىز“، - دەدى ۋاڭ كۇيران.
