حالىقتى بارىنەن جوعارى قويۋعا باستان - اياق تاباندى بولايىق
− ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
ءتوراعا شي جينپيڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ماڭىزدى ءسوز سويلەپ، ”جاپپاي سوتسياليستىك وسىزاماندانعان قۇدىرەتتى مەملەكەت قۇرۋدا − حالىق شەشۋشى كۇش“ دەپ تەرەڭ اتاپ كورسەتتى، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ”ءبىز حالىقتى بارىنەن جوعارى قويۋعا باستان - اياق تاباندى بولۋىمىز كەرەك“ دەپ باسا دارىپتەدى.
حالىقتىق سيپات − ماركسيزمنىڭ ماندىك قاسيەتى، حالىقتىق تۇرعى − جۇڭگو كوممۋنيستىك پارتياسىنىڭ ءتۇبىرلى ساياسي تۇرعىسى. حالىق ءۇشىن دۇنيەگە كەلۋ، حالىققا سۇيەنىپ كوركەيۋ، قاشاندا حالىقپەن بىرگە بولۋ، حالىقتىڭ مۇددەسى جولىندا كۇرەس جۇرگىزۋ − پارتيامىزدىڭ پارتيا بولىپ تۇرۋىنداعى، پارتيانى كوركەيتۋىندەگى، پارتيانى كۇشەيتۋىندەگى ءتۇبىرلى ماقساتى جانە تابان تىرەر تياناعى. پارتيامىزدىڭ قۇرىلعاننان بەرى، حالىقتى ىنتىماقتاستىرۋ، باستاۋ ارقىلى توڭكەرىس، قۇرىلىس، رەفورما جۇرگىزۋدەگى ءتۇبىرلى ماقساتى حالىقتى تاماشا تۇرمىسقا كەنەلتۋ بولدى، مەيلى قانشا زور سىن - سايىسقا جانە قىسىمعا ءدوپ كەلسە دە، مەيلى قانشا زور قۇرباندىق جانە بوداۋ بەرسە دە، وسىدان باستان - اياق اينىمادى، تيتتەي دە اۋىتقىمادى. وتە - موتە، جاڭا داۋىردەگى وسى 10 جىلدا، ادامزات تاريحىنداعى كولەمى ەڭ زور كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مۇلدەم كەدەيلىك ماسەلەسىن تاريحي سيپاتتى شەشىپ، دوڭگەلەك داۋلەتتىلىك سىندى جۇڭحۋا ۇلتىنىڭ مىڭ جىلدىق ارمانىن ىسكە اسىرۋدان حالىقتى وزەك ەتكەن دامۋ يدەياسىن ىشكەرىلەي دايەكتىلەندىرىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، جالپى حالىقتىڭ بىرگە بايۋىن تىڭعىلىقتى ىلگەرىلەتۋگە دەيىن، ونان ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءونىمدى قورعاپ، ادامزاتتىڭ وركەنيەت تاريحىندا جان سانى كوپ ءىرى ەلدىڭ ىندەتتىڭ جاپپاي تارالۋىنان ءساتتى ءوتۋى سىندى كەرەمەتتى جاراتۋعا دەيىن... شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيامىز باستان - اياق ”حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز“ دەگەننەن اينىماي، ”بيلىك دەگەنىمىز حالىق، حالىق دەگەنىمىز بيلىك“ دەگەندى ەستە بەرىك ساقتاپ، ”حالىقتى باقىتتى تۇرمىسقا كەنەلدىرۋ ’مەملەكەتتىڭ ءىرى ءىسى‘“ دەگەننەن جازباي، ”حالىق ءۇشىن ءىس تىندىرۋدى، حالىقتى باقىتقا بولەۋدى ەڭ ماڭىزدى ناتيجە رەتىندە قاراۋعا“ تاباندى بولىپ، مەملەكەتتى بايىتىپ، قۇدىرەتتەندىرۋدىڭ، ۇلتتى گۇلدەندىرۋدىڭ، حالىقتى باقىتقا كەنەلدىرۋدىڭ ايبىندى تاراۋىن جازىپ، حالىق بۇقاراسىنىڭ شىن جۇرەكتەن قۋاتتاۋىنا، وسكەلەڭ سەنىم ارتۋىنا جانە بار كۇشپەن قولداۋىنا يە بولدى.
جاڭا جورىق − داڭققا جانە ارمانعا تولى ۇزاق جورىق. پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جۇزەگە اسىرۋدىڭ ايبىندى جوباسىن كەسكىندەپ، ”جۇڭگو ۇلگىسىندەگى وسىزامانداندىرۋ − جالپى حالىق بىرگە باييتىن وسىزامانداندىرۋ“ ەكەندىگىن ايقىنداپ، ”حالىقتى وزەك ەتكەن دامۋ يدەياسىنا تاباندى بولۋدى“ العا باسۋ جولىندا، ءسوز جوق، مىقتى يگەرەتىن كەلەلى پرينسيپتەردىڭ ءبىرى ەتتى. پارتيانىڭ نازارياسى حالىقتان كەلگەن، حالىقتىڭ قامىن كوزدەيتىن، حالىقتى باقىتقا كەنەلتەتىن نازاريا، پارتيا 20 - قۇرىلتايىنىڭ بايانداماسى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ادىستەردى جۇيەلى بايىمداپ، ”حالىقتى بارىنەن جوعارى قويۋعا، ءسوز جوق، تاباندى بولۋدى“ ”التىدا، ءسوز جوق، تاباندى بولۋدىڭ“ ەڭ الدىنا قويدى. حالىق ءۇشىن دامىعاندا عانا، دامۋ ءماندى بولاتىندىعىن؛ حالىققا سۇيەنىپ دامىعاندا عانا، دامۋ قوزعاۋشى كۇشكە يە بولاتىندىعىن جەتە تانۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىق ءۇشىن دامۋعا، دامۋدا حالىققا سۇيەنۋگە، دامۋ جەتىستىكتەرىنەن حالىق بىرگە يگىلىكتەنۋگە تاباندى بولعاندا عانا، دۇرىس دامۋ كوزقاراسى، وسىزامانداندىرۋ كوزقاراسى بولادى. العا باسۋ جولىندا، مەيلى بوران - شاشىن بولسىن، الدە اساۋ تولقىندار كوتەرىلسىن، حالىق ماڭگى پارتيامىزدىڭ ەڭ بەرىك سۇيەنىشى، ەڭ قۋاتتى كۇشى. ءبىز بارلىعىندا حالىقتىڭ قامىن كوزدەۋگە، بارلىعىندا حالىققا سۇيەنۋگە باستان - اياق تاباندى بولىپ، قاي - قاشان دا قيىن - قىستاۋ شاقتاردى حالىقپەن بىرگە وتكەرىپ، حالىقپەن كوڭىل توعىستىرىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا تالپىنىسىن ۇزدىكسىز رەالدىققا اينالدىرۋىمىز كەرەك.
حالىق − تاريحتى جاراتۋشى، پارتيا مەن مەملەكەتتىڭ بولاشاعىن، تاعدىرىن بەلگىلەيتىن ءتۇبىرلى كۇش. پارتيا حالىقتىڭ سەنىمىنە بولەنىپ، حالىقتىڭ قولداۋىنا يە بولعاندا عانا، ءارقانداي قيىنشىلىقتى جەڭە الادى، سوندا عانا العان بەتىنەن قايتپاي، قاشاندا جەڭىسكە جەتىپ وتىرادى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا جالپى بارىستىق حالىق دەموكراتياسىن بەلسەنە دامىتىپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، حالىقتىڭ قوجايىن بولۋ ءتۇزىمى جۇيەسىن اقاۋسىزداندىرىپ، حالىقتىڭ قوجايىن بولۋىن پارتيانىڭ ەل باسقارۋداعى ساياسات - شارالارىندا ەگجەي - تەگجەيلى، ناقتى ايگىلەۋىمىز، پارتيا مەن مەملەكەت ورگاندارىنىڭ ءار جاعىنداعى، ءار ساتىسىنداعى قىزمەتتەردە ەگجەي - تەگجەيلى، ناقتى ايگىلەۋىمىز، حالىقتىڭ تاماشا تۇرمىسقا تالپىنىسىن جۇزەگە اسىرۋ قىزمەتىندە ەگجەي - تەگجەيلى، ناقتى ايگىلەۋىمىز، حالىقتىڭ ەركىن جۇزەگە اسىرىپ، حالىقتىڭ ۇقىق - مۇددەسىن قامتاماسىز ەتىپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتۋىمىز كەرەك. حالىقتى قاي - قاشان دا كوڭىل تورىمىزگە قويىپ، ءبولىس ءتۇزىمىن كەمەلدەندىرىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، نەگىزگى الەۋمەتتىك قىزمەت وتەۋدى كۇشەيتىپ، حالىق تۇرمىسىنىڭ تومەنگى شەگىن بەرىك ساقتاپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، ەڭ قالىڭ حالىق بۇقاراسىنىڭ ءتۇبىرلى مۇددەسىن ويداعىداي ىسكە اسىرىپ، ويداعىداي قورعاپ، ويداعىداي دامىتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، جالپى حالىقتىڭ بىرگە بايۋىن ىلگەرىلەتۋ جاعىندا اناعۇرلىم كورنەكتى ماندىك ىلگەرىلەۋشىلىككە ۇزدىكسىز قول جەتكىزۋىمىز كەرەك.
ىنتىماق − كۇش، ىنتىماقتاسقاندا عانا جەڭىسكە جەتۋگە بولادى. جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، ميلليارد حالىقتىڭ جاسامپازدىق ۇلى كۇشىن تولىق ساۋلەلەندىرۋىمىز كەرەك. بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن ىسكە اسىرۋ نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا قاپتال جەتەدى، سونىمەن بىرگە، ءسوز جوق، اناعۇرلىم اۋىر، اناعۇرلىم جاپالى قۇلشىنىس كورسەتۋگە دايىندالۋىمىز كەرەك. نىساناعا نەعۇرلىم جاقىنداعان سايىن، جاعداي نەعۇرلىم كۇردەلىلەسكەن سايىن، مىندەت نەعۇرلىم اۋىر بولعان سايىن، ءار جاقتىڭ اقىل - پاراساتى مەن كۇش - قۋاتىن سولعۇرلىم ۇيىستىرىپ، جۇڭگو ارمانىن ءبىر نيەتپەن بىرگە جۇزەگە اسىراتىن قۋاتتى بىرىككەن كۇش قالىپتاستىرۋىمىز كەرەك. بار ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىنا تاباندى بولىپ، بۇقارادان الىپ، بۇقاراعا قايتارىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاپ، حالىقتىڭ سىنى مەن باقىلاۋىن قاي - قاشان دا قابىلداپ، قاي - قاشان دا حالىقپەن تىنىستاس، تاعدىرلاس، تىلەكتەس بولۋىمىز كەرەك. جاڭا داۋىردەگى جاڭا جورىقتاعى پارتيانىڭ وزەكتى مىندەتىن ارقاۋ ەتە زەيىن - زەردەنى، كۇش - قۋاتتى شوعىرلاندىرىپ، بۇكىل ەلدەگى ءار ۇلت حالقىنىڭ ۇلى ىنتىماعىن، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەپ، دامىتىپ، بارلىق بەلسەندى فاكتورلاردى تولىق جۇمىلدىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تەلەگەي كۇشىن ۇيىستىرۋىمىز كەرەك.
”جۇڭگو كوممۋنيستىك پارتياسى − حالىقتىڭ پارتياسى، حالىق ءۇشىن قىزمەت وتەيتىن پارتيا، كوممۋنيستىك پارتيانىڭ بيلىك جۇرگىزۋى حالىق ءۇشىن ءىس ءبىتىرۋ، بۇقارانىڭ ءىسىن ويداعىداي ءبىتىرۋ ءۇشىن“. باسىپ وتكەن جولىندا، پارتيامىز حالىققا تىعىز ارقا سۇيەۋ ارقىلى تاريحتا ساقتالاتىن جاۋاپنامالاردى تاپسىردى. بولاشاققا بەت العاندا، حالىقتى بارىنەن جوعارى قويۋعا تاباندى بولىپ، حالىققا تىعىز ارقا سۇيەپ، حالىقتى ۇزدىكسىز باقىتقا كەنەلتىپ، حالىققا مىقتاپ تامىر تارتىپ، قاي - قاشان دا حالىقپەن بىرگە تۇرىپ، بىرگە ويلاپ، بىرگە ىستەسەك، ايانباي العا تارتاتىن، قيىندىق اتاۋلىنى جەڭبەي تىنبايتىن قۋاتتى كۇش قالىپتاستىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا تىڭ تاريحي ۇلى ىستەر جاراتا الارىمىز داۋسىز.
