مەملەكەتتىك حالىق قۇرىلتايىنىڭ ۋاكىلدەرى، ساياسي كەڭەس مۇشەلەرى تيانشان الابىندا ءوندىرىستىڭ ءبىرىنشى شەبىنە ات سالىستى −
نىق قاداممەن تاماشا جوبانى رەالدىققا اينالدىرامىز
انار بۇلت \ شينجياڭ گازەتىنىڭ ءتىلشىسى لي ياڭ، جاڭ يۇنمەي
”مەملەكەتتىك ەكى ءماجىلىستىڭ رۋحىن ۇيرەنۋدىڭ، دايەكتىلەندىرۋدىڭ ءتۇيىنى ارەكەتتە، ءتۇيىنى ناقتى ىستەۋدە، ءتۇيىنى ونىمدىلىك كورسەتۋدە“. بىرنەشە كۇننەن بەرى مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى ىركەس - تىركەس شينجياڭعا قايتىپ كەلىپ، قىزمەت ورىندارىنا ورالىپ، ۇيىمدى تۇردە مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى، ۇگىتتەدى، دايەكتىلەندىردى. ۋاكىلدەر، مۇشەلەر بورىشتى، جاۋاپكەرشىلىك ارقالاۋدى ەستە بەرىك ساقتاپ، قالىڭ كادرلارمەن، بۇقارامەن بىرگە سالتاناتتى جينالىستىڭ تاماشا جوباسىن نىق قاداممەن رەالدىققا اينالدىرۋعا بەل بايلادى.
”ۇكىمەت قىزمەتىنەن باياندامادا ءوندىرىس حاۋىپسىزدىگىن باقىلاۋ - باسقارۋدى جانە اپاتتان ساقتانۋدى، اپات زيانىن ازايتۋدى، اپاتتان قۇتقارۋدى كۇشەيتۋ ورتاعا قويىلدى. ءبىز ۋاقىت كۇتىپ تۇرمايدى دەيتىن كوكەي تەستىلىك سەزىممەن ونەرىمىزدى شىڭداپ، ەرىك - جىگەرىمىزدى ۇشتاپ، جايشىلىقتا دا پەيىل سالا ىستەپ، قىزمەتتى جايشىلىقتا دا مىقتى يگەرىپ، قۇتقارۋ - كومەكتەسۋ، ءبىر جاقتى ەتۋ قابىلەتىمىزدى جاپپاي جوعارىلاتىپ، قاي - قاشان دا شايقاسقا شىعا الۋدى، اتويلاپ الدا ءجۇرۋدى، شايقاستا جەڭىپ شىعۋدى ورىنداپ، ءىس جۇزىندىك ارەكەتىمىز ارقىلى پارتيا مەن حالىقتىڭ ’تۇنگى كۇزەتشىسى بولۋدى‘ ويداعىداي ىستەۋىمىز كەرەك“. 3 - ايدىڭ 16 - كۇنى ساعات 10دا شينجياڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ باس اترەتىنىڭ جاتتىعۋ جانە سوعىستىق ارتقى شەپ قامتاماسىزداندىرۋ تارماق اترەتىندە مەملەكەتتىك ەكى ءماجىلىستىڭ رۋحى جونىندەگى دۋماندى ۇگىت لەكسيا ءماجىلىسى وتكىزىلىپ جاتتى.
”باس شۋجي شي جينپيڭ بىلاي دەپ باسا دارىپتەدى: ءبىز باستان - اياق حالىقتى بارىنەن جوعارى قويۋعا تاباندى بولۋىمىز كەرەك. ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرى رەتىندە، باستان - اياق حالىققا ادال بولىپ، حالىقتى سۋدان، ورتتەن قۇتقارىپ، قيىنشىلىقتا قالعان حالىققا كومەكتەسىپ، حالىققا قىزمەت وتەۋ بارىسىندا اۋەلگى ماقساتتى، بورىشتى امالياتتا ايگىلەۋىمىز كەرەك“، - دەدى مەملەكەتتىك حالىق قۇرىلتايىنىڭ ۋاكىلى لي يۇنفي ۇگىت لەكسيا بارىسىندا.
ءورت ءسوندىرۋ، ورتتەن ساقتانۋ قىزمەتىنە ات سالىسقان 10 نەشە جىلدان بەرى، لي يۇنفي باستان - اياق ءبىرىنشى شەپتە اتوي سالىپ، ”مەملەكەتتىك شۇعىل جاعدايعا توتەپ بەرۋدى باسقارۋ جۇيەسىندەگى وزات قىزمەتكەر“، ”جۇڭگوداعى جاقسى ادام“، ”بۇكىل ەل بويىنشا العا ۇمتىلعان، ىزگىلىككە تالپىنعان جاقسى جاستار“ سياقتى داڭقتارعا يە بولدى.
”كوكتەم كەلدى، ءبىز جاتتىعۋدى كۇشەيتىپ، قاردىڭ ەرۋىنەن بولعان تاسقىن اپاتىنان شۇعىل قۇتقارۋ، كومەكتەسۋ دايىندىعىن ويداعىداي ىستەۋىمىز كەرەك. كۇشار ساياحاتتىڭ قاۋىرت مەزگىلىن قارسى الۋ الدىندا تۇر، ءبىز كورىنىس وڭىرىنە، قوناق ۇيگە، اس - سۋ، كوڭىل اشۋ ورىندارىنا بارىپ حاۋىپسىزدىك كومەسكى قاتەرىن ءبىر - بىرلەپ تەكسەرۋىمىز، سونداي - اق قاراستى وڭىردەگى مۇناي حيميا ونەركاسىپ كاسىپورىندارىنا قاراتا ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ جاتتىعۋىن ورىستەتۋىمىز كەرەك“، - دەدى لي يۇنفي تاياۋ مەزگىلدەگى قىزمەت ورنالاستىرۋىن اۋىزعا العاندا كوسىلە سويلەپ.
كۇشارعا قايتىپ كەلگەننەن كەيىن، لي يۇنفي ”لين جيلۋ ءورت ءسوندىرۋ، ورتتەن ساقتانۋ ەرىكتى قىزمەت وتەۋ اترەتى“ مۇشەلەرىن باستاپ، الەۋمەتتىك اۋماقتاردى، كاسىپورىنداردى، مەكتەپتەردى، اۋىل - قىستاقتاردى ىشكەرىلەي ارالاپ، ورتتەن ساقتانۋ ۇگىت - تاربيەسىن ورىستەتۋمەن بىرگە، مەملەكەتتىك ەكى ءماجىلىستىڭ رۋحىن ءتىپتى دە كوپ ادامدارعا جەتكىزدى.
3 - ايدىڭ 15 - كۇنى حۋاديان شينجياڭ ەلەكتر تاراتۋ شەكتى سەرىكتەستىگىنىڭ ءماجىلىس زالى قىزۋ دۋمانعا بولەندى. سول كۇنى وسى سەرىكتەستىك اڭگىمە ءماجىلىس وتكىزىپ، مەملەكەتتىك حالىق قۇرىلتايىنىڭ ۋاكىلى نۇربيا سەيىتتى مەملەكەتتىك ەكى ءماجىلىستىڭ رۋحىن جەتكىزىپ، ماجىلىسكە قاتىناسۋدان العان اسەرلەرىن كوپپەن بولىسۋگە ۇسىنىس ەتتى.
”ۇكىمەت قىزمەتىنەن باياندامادا جاڭاشا ەنەرگيا جۇيەسىن جەدەل قۇرۋ ورتاعا قويىلدى. ەلەكتر شىعاراتىن كاسىپورىندار جونىنەن العاندا، ەنەرگيا جۇمسالىمى تومەن بولۋدى، لاستاۋى تومەن بولۋدى، زەردەلىلەنۋدى جۇزەگە اسىرۋ، ءسوزسىز، باسىپ وتەتىن جولعا اينالدى. ەلەكتر ەنەرگياسىمەن قامداۋعا كەپىلدىك ەتۋ نەگىزىندە ەنەرگيانىڭ جاسىلعا ويىسۋىن ۇزدىكسىز ىلگەرىلەتۋ سەنىمىمىز مىعىم“. نۇربيا سەيىتتىڭ ءسوزى اياقتالىسىمەن زالدان دۋ قول شاپالاق ءۇنى كوتەرىلدى.
”مەن ءماجىلىستىڭ رۋحىن دەر كەزىندە نەگىزگى ساتىعا جەتكىزىپ، اناعۇرلىم تولىق سەنىممەن جانە ارىنمەن، اناعۇرلىم زور جاۋاپكەرشىلىكپەن جانە تەبىنمەن اۋەلگىدەي مىندەتتى ويداعىداي اتقارىپ، جاۋاپكەرشىلىكتى ويداعىداي ادا ەتەمىن“. 3 - ايدىڭ 16 - كۇنى تۇستەن كەيىن قىزمەت ورنىنا قايتىپ كەلگەننەن كەيىن، نۇربيا سەيىت دەرەۋ ءبان - گرۋپپا مۇشەلەرىمەن مەملەكەتتىك ەكى ءماجىلىستىڭ رۋحىن ۇيرەنۋدەن العان اسەرلەرىن ءبولىستى. ول بىلاي دەدى: بيىل نەگىزگى ساتىعا اناعۇرلىم ىشكەرىلەي ارالاسىپ، اسىرەسە، تۇرپاننىڭ ءجۇزىم كاسىپ سالاسى، جاڭا ەنەرگيا كاسىپ سالاسىنىڭ دامۋى سياقتىلارعا قاراتا ناقتى تەكسەرۋ - زەرتتەۋ جۇرگىزىپ، اناعۇرلىم كوپ سىندارلى ۇسىنىستار قويىپ، حالىق قۇرىلتايى ۋاكىلدەرىنىڭ رولىن ويداعىداي ساۋلەلەندىرەمىن.
”اقىرى كەلدىڭ - اۋ، تەزىرەك مەملەكەتتىك ەكى ءماجىلىستىڭ رۋحىن بىزگە ايتىپ بەرشى“... 3 - ايدىڭ 16 - كۇنى مەملەكەتتىك حالىق قۇرىلتايىنىڭ ۋاكىلى ابدۇمامەت وبۇل قاراقاش اۋدانى توقۇلاق اۋىلى بوعۇششى قىستاعىنا قايتىپ كەلگەننەن كەيىن، قىستاق تۇرعىندارى ونى قاۋمالاپ الدى.
”قوعامدىق قامتاماسىزداندىرۋ جۇيەسىن اقاۋسىزداندىرىپ، نەگىزگى الەۋمەتتىك قىزمەت وتەۋدى كۇشەيتىپ، حالىق تۇرمىسىنىڭ تومەنگى شەگىن بەرىك ساقتاپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشۋ كەرەك... وسىنىڭ ءبارى ايتىلدى، پارتيا مەن ۇكىمەت بۇقاراعا ەرەكشە كوڭىل بولەدى، قامقورلىق جاسايدى، ءبىز بىلەك سىبانا ۇزدىكسىز قايراتتانا ىستەۋىمىز كەرەك“! - دەدى ابدۇمامەت وبۇل مۇقيات، ەگجەي - تەگجەيلى بايانداپ.
3 - ايدىڭ 16 - كۇنى تۇستەن بۇرىن ”3 - قىركۇيەك“ ءىلمي قوعامى شينجياڭ ۇيعۇر اۆتونوميالى رايوندىق كوميتەتى 2023 - جىلعى مەملەكەتتىك ەكى ءماجىلىستىڭ رۋحىن جەتكىزۋ ءماجىلىسىن اشتى.
”بيىلعى مەملەكەتتىك ەكى ءماجىلىس جۇڭگو كوممۋنيستىك پارتياسى 20 - قۇرىلتايىنىڭ رۋحىن مەملەكەتتىڭ ەركى مەن حالىقتىڭ ورتاق ارەكەتىنە اينالدىرىپ، بۇكىل ەلدەگى ءار ۇلت حالقىن جاڭا تاريحي باستامادا جاڭا كۇرەس نىساناسىنا قاراي العا باسۋعا شابىتتاندىردى. ءبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە تىعىز ىنتىماقتاسىپ، قايراتتى تاسقىنداتىپ، ەرلىكپەن العا باسساق بولعانى، ءسوز جوق، تەلەگەي كۇش ۇيىستىرىپ، جاڭا، ۇلى كۇرەس ارقىلى جاڭا ۇلى ىستەر جاراتا الامىز“، - دەدى مەملەكەتتىك ساياسي كەڭەستىڭ مۇشەسى، ”3 - قىركۇيەك“ ءىلمي قوعامى شينجياڭ رايوندىق كوميتەتىنىڭ مەڭگەرۋشى مۇشەسى ليۋ تاۋ ماجىلىسكە قاتىناسقان اسەرلەرىن اقتارىلا اڭگىمەلەپ.
ليۋ تاۋ بىلاي دەدى: جۇڭگو كوممۋنيستىك پارتياسى 20 - قۇرىلتايىنىڭ رۋحى مەن مەملەكەتتىك ەكى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، مەملەكەتتىك ەكى ءماجىلىستىڭ رۋحىن قوعام مۇشەلەرى مەن جالپاق جۇرتقا جەتكىزەمىن. سونىمەن بىرگە، اۆتونوميالى رايوندىق پارتكومنىڭ ورنالاستىرۋى بويىنشا، ىلە قازاق اۆتونوميالى وبلىسىنا باعىتتامالى تۇردە شارۋاشىلىق - ساۋدا ورتاسىنا ارناۋلى دەموكراتيالىق باقىلاۋ قىزمەتىن تىڭعىلىقتى ورىستەتەمىن.
”بيىل ءبىز اۆتونوميالى رايوندىق پارتكوم مەن ۇكىمەتتىڭ ءتۇيىندى قىزمەتتەرىن ۇزدىكسىز ارقاۋ ەتىپ، بۇقارا ءجىتى قاداعالاپ وتىرعان ىستەرمەن ۇشتاستىرىپ، شىن سويلەپ، تاماشا اقىل - كەڭەس بەرىپ، كوپتىڭ كۇشىن ۇيىستىرىپ، ەكپىندەي ىلگەرىلەۋدىڭ سەنترلەس شەڭبەرىن ويداعىداي سىزىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا كۇش قوسامىز“، - دەدى ليۋ تاۋ.
