بيڭتۋاندى وسىزامانداندىرۋ قۇرىلىسىن جوعارى ساپامەن ىلگەرىلەتۋ كەرەك

بيڭتۋان پارتكومى تۇراقتى كوميتەتى كەڭەيتىلگەن ءماجىلىس اشىپ، مەملەكەتتىك ەكى ءماجىلىستىڭ رۋحىن جەتكىزدى، ۇيرەندى، دايەكتىلەندىردى

　　بيڭتۋاندى وسىزامانداندىرۋ قۇرىلىسىن جوعارى ساپامەن ىلگەرىلەتۋ كەرەك

　　انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 3 - ايدىڭ 16 - كۇنى ۇرىمجىدەن حابارلايدى. 3 - ايدىڭ 15 - كۇنى بيڭتۋان پارتكومى تۇراقتى كوميتەتى كەڭەيتىلگەن ءماجىلىس اشىپ، مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ءماجىلىستى باسقاردى.

　　ءماجىلىس مىنالاردى اتاپ كورسەتتى: بۇل رەتكى مەملەكەتتىك ەكى ءماجىلىس − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلىندا اشىلعان ءبىر رەتكى ماڭىزدى ءماجىلىس، پارتيا مەن مەملەكەتتىڭ دامۋ كەلەلى جاعدايى جونىنەن ماڭىزدى ءارى تەرەڭ مانگە يە. باس شۋجي شي جينپيڭ مەملەكەتتىك ەكى ءماجىلىس كەزىندە ءبىرسىپىرا ماڭىزدى ءسوز سويلەپ، ءبىرسىپىرا جاڭا ۇستانىمداردى، جاڭا تۇجىرىمداردى، جاڭا تالاپتاردى العا قويدى، بۇل شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا تاراۋى، ءبىزدىڭ كەزەكتەگى جانە الداعى ءبىر مەزگىلدەگى ءتۇرلى قىزمەتتى ويداعىداي ىستەۋىمىزدىڭ ءتۇبىرلى جەتەكشىسى، ءتۇبىرلى بويسۇنۋ ولشەمى. ءماجىلىس جاڭا كەزەكتى مەملەكەت قۇرىلىمدارىنىڭ باسشىلارىن جانە مەملەكەتتىك ساياسي كەڭەستىڭ باسشىلارىن سايلاپ شىقتى. اسىرەسە، باس شۋجي شي جينپيڭنىڭ تولىق داۋىسپەن جۇڭحۋا حالىق رەسپۋبليكاسىنىڭ ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تاعى سايلانعاندىعى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن جانە جۇرەك ءۇنىن تولىق بەينەلەدى، پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق ايگىلەدى، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە ەڭ ۇلكەن ساياسي كەپىلدىك ازىرلەدى.

　　ءماجىلىس مىنالاردى باسا دارىپتەدى: ساياسي دەڭگەيدى جوعارىلاتىپ، مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دەن قويا ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى كەزەكتەگى جانە الداعى ءبىر مەزگىلدەگى كەلەلى ساياسي مىندەت ەتىپ، تىڭعىلىقتى، ناقتى، ويداعىداي يگەرىپ، ”ەكىنى تۇراقتاندىرۋدى“ باتىل قورعاۋدى، ”ەكىنى قورعاۋدى“ باتىل ورىنداۋدى باستان - اياق ەڭ جوعارى ساياسي پرينسيپ جانە ساياسي قاعيدا ەتىپ، يدەيا مەن ارەكەتتى پارتيا ورتالىق كوميتەتىنىڭ ءتۇرلى شەشىمدەرىمەن، ورنالاستىرۋلارىمەن جەدەل بىرلىككە كەلتىرۋ كەرەك. ۇيرەنۋدى، ۇگىتتەۋدى شىن مانىندە ويداعىداي يگەرىپ، ۇيرەنۋدى قولدانا بىلۋگە، ۇيرەنۋ مەن قولدانۋدى ۇشتاستىرۋعا، ۇيرەنۋ مەن قولدانۋدىڭ ءبىرىن - ءبىرى جەبەۋىنە كۇش سالىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن دەرەۋ كوتەرۋ كەرەك. مەملەكەتتىك كەڭەستىڭ قۇرىلىم رەفورما جوباسىن دەن قويا تياناقتاندىرىپ، بيڭتۋاننىڭ رەفورمانى تەرەڭدەتۋىن ىشكەرىلەي ىلگەرىلەتىپ، بيڭتۋان ءتۇزىلىسىنىڭ ەرەكشە باسىمدىعى مەن دامۋ قوزعاۋشى كۇشىن تولىق قاۋلاتۋ كەرەك. مەملەكەتتىك ەكى ءماجىلىستىڭ ەكونوميكالىق، قوعامدىق دامۋ جونىندەگى ورنالاستىرۋلارىن جاپپاي دايەكتىلەندىرىپ، بيڭتۋان 8 - رەتكى پارتيا قۇرىلتايىنىڭ جانە بيڭتۋان 8 - كەزەكتى پارتكومىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ قىزمەت تالاپتارىن تياناقتاندىرىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، ءتۇرلى ءتۇيىندى قىزمەتتى ءبىر تۇتاس جوسپارلاپ ويداعىداي يگەرىپ، جاڭا داۋىردەگى ورنىقتىلىقتى قورعاۋ، شەكارانى كۇزەتۋ قىزمەت جاۋاپكەرشىلىگىن، بورىشىن ادالدىقپەن اتقارىپ، بيڭتۋاندى وسىزامانداندىرۋ قۇرىلىسىن جوعارى ساپامەن ىلگەرىلەتۋ كەرەك.