اۆتونوميالى رايوندىق ۇكىمەت ۇنەمىلىك ىستەر ءماجىلىسىن اشتى
ەكونوميكانىڭ، قوعامنىڭ جوعارى ساپالى دامۋىنا زاڭمەن باسقارۋ ارقىلى جەتەكشىلىك ەتۋ كەرەك
انار بۇلت \ شينجياڭ گازەتىنىڭ ءتىلشىسى لياڭ ليحۋا 3 - ايدىڭ 16 - كۇنى ۇرىمجىدەن حابارلايدى. 3 - ايدىڭ 15 - كۇنى تۇستەن بۇرىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ءماجىلىسىن باسقارىپ اشتى، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنىپ، ۇگىتتەپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋىنا ساي، اكىمشىلىك ولشەمدى حۇجاتتاردى كۇشىنەن قالدىرۋ، شەكارا اتتاعان ەلەكتروندى ساۋدا، شينجياڭنىڭ قۇرىلىس شەبەرلەرىن باۋلۋ، جۇمىسقا ورنالاستىرۋ، ەكونوميكا سالاسىنداعى ەلەۋلى حاۋىپ - قاتەرلەردى جويۋ، ۇكىمەتتىڭ باقىلاۋ - تەكسەرۋى سياقتى قىزمەتتەردى اقىلداستى، ورنالاستىردى.
ءماجىلىس مىنالاردى اتاپ كورسەتتى: زاڭ، زاڭ ەرەجە، ەرەجەلەردى ”شىعارۋ، وزگەرتۋ، كۇشىنەن قالدىرۋ“، سونداي - اق مەملەكەت ساياساتىنىڭ رەتتەلۋ، وزگەرۋ جاعدايىنا نەگىزدەلە وتىرىپ، اكىمشىلىك ولشەمدى حۇجاتتاردى اداقتاۋ قىزمەتىن مەرزىم سايىن ورىستەتىپ وتىرۋ اكىمشىلىك جاقتاعى زاڭعا قايشى ارەكەتتەردەن تۋ باستان ساقتانۋعا، اكىمشىلىك ورگاندارىنىڭ زاڭدى ءادىل، وركەنيەتتى اتقارۋىن جەبەۋىنە، حالىق بۇقاراسىنىڭ زاڭدى ۇقىق - مۇددەسىن قامتاماسىز ەتۋگە ءتيىمدى، زاڭ بويىنشا اكىمشىلىك جۇرگىزۋدى ىشكەرىلەي ىلگەرىلەتۋ، زاڭمەن باسقارىلاتىن ۇكىمەت قۇرۋدى جەدەلدەتۋ جونىنەن كەلەلى ءمان الادى. ەكونوميكانىڭ، قوعامنىڭ جوعارى ساپالى دامۋىنا زاڭمەن باسقارۋ ارقىلى جەتەكشىلىك ەتۋگە تاباندى بولىپ، شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە تاباندى بولىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرىپ، اۆتونوميالى رايوننىڭ ءىس جۇزىندىك جاعدايىن شىعار ءتۇيىن ەتىپ، جاڭا جاعدايلاردى، جاڭا تالاپتاردى جۇيەلى زەرتتەپ، تالداۋ جاساپ، ”شىعارۋ، وزگەرتۋ، كۇشىنەن قالدىرۋ“ مەزگىلىندە جاڭا، كونە ساياساتتاردى ۇشتاستىرۋدى ويداعىداي ىستەپ، قىزمەتتىڭ ءۇزىلىپ قالماۋىنا شىنايى كەپىلدىك ەتۋ كەرەك. «ۇكىمەتتىڭ قۋزاۋ - تەكسەرۋ قىزمەتى ەرەجەسىن» دايەكتىلەندىرىپ، قۋزاۋ - تەكسەرۋ قىزمەتىن زاڭ بويىنشا ارناعا ءتۇسىرىپ، ورىستەتىپ، قۋزاۋ - تەكسەرۋ تۇعىرىنىڭ ”زەردەلىلەنۋ“ قۇرىلىسىن ىلگەرىلەتىپ، قۋزاۋ - تەكسەرۋدىڭ ينفورماتسيالانۋ قابىلەتىن كۇشەيتىپ، قۋزاۋ - تەكسەرۋ سالاسىنداعى فورماشىلدىق، تورەشىلدىك ماسەلەلەرىن كۇش سالا تۇزەتىپ، جونگە سالىپ، ۇكىمەتتىڭ سيفرلى باسقارۋ دەڭگەيىن ۇزدىكسىز جوعارىلاتىپ، پارتيا ورتالىق كوميتەتىنىڭ، مەملەكەتتىك كەڭەستىڭ كەلەلى شەشىمدەرى مەن ورنالاستىرۋلارىن، اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋلارىن ناقتى تياناقتاندىرۋعا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: شەكارا اتتاعان ەلەكتروندى ساۋدا − مەملەكەت ءتۇيىندى تۇردە قولداپ - قۋاتتاپ، دامىتاتىن سىرتقى ساۋدا جاڭا كاسىپ كۇيى، مۇندا ءتۇيىندى تۇردە قامال الۋعا، ءبىر تۇتاس جوسپارلاپ، تەڭ ءمان بەرۋگە، جالپى تۇلعالىق دەڭگەيدى جوعارىلاتۋعا تاباندى بولىپ، جۇڭگو (ىلە) شەكارا اتتاعان ەلەكتروندى ساۋدا كەشەندى سىناق رايونىن قۇرۋ كەرەك. مەملەكەتتىڭ شەكارا اتتاعان ەلەكتروندى ساۋدا كەشەندى سىناق رايونىنىڭ دامۋىن قولداپ - قۋاتتاۋداعى تالونسىز سالىق كەشىرىم ەتۋ، تابىس سالىعىن تەكسەرىپ بەكىتۋ، الۋ، كەدەننەن ءوتۋدى قولايلىلاستىرۋ، يمپورتتى باقىلاۋ - باسقارۋدا كەڭىرەك بولۋ سياقتى ساياسات - شارالاردان ويداعىداي، جەتكىلىكتى پايدالانىپ، سەلبەستىكتى جانە پارىقتى دامۋدى كۇشەيتىپ، سىرتقا ەسىك اشۋ دەڭگەيىن ۇزدىكسىز جوعارىلاتىپ، رايونىمىز سىرتقى ساۋداسىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: جۇمىستاندىرۋدى الدىمەن ويلاستىرۋ ستراتەگياسىن ىشكەرىلەي اتقارىپ، اۆتونوميالى رايوننىڭ 2023 - جىلعى حالىق تۇرمىسىنا قاتىستى 10 ناقتى ىسىمەن تىعىز بايلانىستىرىپ، ماسەلەنى باعدار ەتۋدەن جازباي، جۇيە كوزقاراسىن بەرىك ورناتىپ، قۇرىلىس شەبەرلەرىن باۋلۋ، قۇرىلىس جۇرگىزۋدە كاسىپتىك جۇمىسپەن اينالىساتىن كاسىپورىنداردى جانە قۇرىلىس ەڭبەككۇش دەلدالدارىن جەتىلدىرۋ سياقتى قىزمەتتەردى تىڭعىلىقتى ويداعىداي ىستەپ، رايونىمىزدىڭ وزىندە بار قۇرىلىس كاسىبى جۇمىسشىلار قوسىنىن ۇزدىكسىز زورايتىپ، قۇرىلىس كاسىپورىندارىنىڭ جەرگىلىكتى ورىنداعى قۇرىلىس شەبەرلەرىن قابىلداۋىنا قولداۋ كورسەتىپ، اۆتونوميالى رايونىمىزدىڭ قۇرىلىس كاسىبىنىڭ باياندى دامۋىن ىلگەرىلەتۋگە ادام كۇشى قامتاماسىزدىعىن ازىرلەۋ كەرەك.
ءماجىلىس مىنالاردى باسا دارىپتەدى: دامۋ مەن حاۋىپسىزدىكتى ءبىر تۇتاس جوسپارلاپ، تومەنگى شەكتە ويلاۋدى جانە حاۋىپ - قاتەر تانىمىن كۇشەيتىپ، رايونىمىزدىڭ كەزەكتەگى ەكونوميكا سالاسىندا ءدوپ كەلگەن حاۋىپ - قاتەرلەردى، كومەسكى كىناراتتاردى جالپى جاعداي تۇرعىسىنان يگەرىپ، جۇيە كوزقاراسىمەن، حاۋىپ - قاتەرلەرمەن بايلانىستىلىعىن زەرتتەۋدى كۇشەيتۋ كەرەك. قالانىڭ قالا اكىمشىلىك نەگىزدىك قۇرىلعىلارىن جۇيەلىلەندىرۋ قۇرىلىسىن كۇشەيتىپ، قالا قۇبىرىنىڭ حاۋىپسىزدىك كومەسكى كىناراتتارىن تەكسەرىپ باسقارۋدى كۇشەيتىپ، قالانىڭ كونەرگەن تابيعي گاز، سۋمەن قامداۋ، سۋ ىعىستىرۋ، جىلۋمەن قامداۋ قۇبىرىن جاڭالاۋدى، وزگەرتۋدى جەدەل ىلگەرىلەتىپ، قالانىڭ حاۋىپسىز اينالىمىن قامتاماسىزداندىرۋ كەرەك.
ءماجىلىس باسقا دا ىستەردى اقىلداستى.
