جاڭا جورىقتا ەكپىندەي ىلگەرىلەپ، جەلكەن جايىپ تاعى ساپارعا اتتاندى
− مەملەكەتتىك حالىق قۇرىلتايىنىڭ ۋاكىلدەرى، ساياسي كەڭەستىڭ مۇشەلەرى شينجياڭعا قايتىپ كەلىپ، مەملەكەتتىك ەكى ءماجىلىستىڭ رۋحىن باستاماشىلدىقپەن ۇيرەندى، ۇگىتتەدى، دايەكتىلەندىردى
بەتاشار
2023 - جىلعى مەملەكەتتىك ەكى ءماجىلىس جەڭىسپەن جابىلدى، باس شۋجي شي جينپيڭنىڭ ايبىندى سوزدەرى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جاڭا جورىقتا جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن ىنتىماقتاسا كۇرەس جۇرگىزۋگە شابىتتاندىردى.
بۋىرقانعان كوكتەمگى تولقىندا جاڭا جورىققا اتتانىپ، جەلكەن جايىپ ەكپىندەي ىلگەرىلەۋدىڭ ءدال ءساتى كەلدى. قالالاردان اۋىل - قىستاققا دەيىن، زاۆودتاردان اتىزدارعا دەيىن، شينجياڭداعى ءار ۇلت كادرلارى مەن بۇقاراسى قۇلشىنعان بەينەمەن ۇمتىلا ىستەپ، جاڭا جورىقتىڭ ”كوكتەم كۇيىن“ اسقاقتاتتى.
بۇگىننەن باستاپ، گازەتىمىز ”جاڭا ءداۋىر، جاڭا جورىق، جاڭا ۇلى ءىس. مەملەكەتتىك ەكى ءماجىلىس رۋحىنىڭ تياناقتاندىرىلۋىنا نازار“ ايدارىن اشىپ، رايونىمىزدىڭ جەر - جەرىنىڭ، تاراۋلارىنىڭ مەملەكەتتىك ەكى ءماجىلىستىڭ رۋحىن ۇيرەنۋىنىڭ، دايەكتىلەندىرۋىنىڭ، تياناقتاندىرۋىنىڭ جالىندى امالياتىن جان - جاقتى، ءار قىرىنان حابارلاپ، ءار ۇلت كادرلارى مەن بۇقاراسىنىڭ پارتياعا بۇلجىماي ىلەسىپ، جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازعان بەرىك سەنىمى مەن قىزمەت ناتيجەسىن جاندى ايگىلەيدى. نازارلارىڭىزدا بولسىن.
انار بۇلت \ شينجياڭ گازەتىنىڭ تىلشىلەرى جاڭ يۇنمەي، لي ياڭ
مەملەكەتتىك ەكى ءماجىلىس جابىلا سالا شينجياڭعا قايتىپ كەلگەن مەملەكەتتىك حالىق قۇرىلتايى ۋاكىلدەرىنىڭ، مەملەكەتتىك ساياسي كەڭەس مۇشەلەرىنىڭ ايقىن جوباسى بار ەدى: ءوز قىزمەت ورنىمىزدى تياناق ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ مەملەكەتتىك ەكى ماجىلىستە سويلەگەن جەلىلەس ماڭىزدى سوزدەرىنىڭ رۋحىن باستاماشىلدىقپەن ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، ىنتىماقتاسا كۇرەس جاساپ، ءورىس اشا جاڭالىق اشىپ، جاڭا جورىقتا ءداۋىردىڭ، تاريحتىڭ، حالىقتىڭ ءۇمىتىن اقتايتىن ناتيجە جاراتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋگە ءبىز وسى ۇرپاق ادامداردىڭ تيەسەلى ۇلەسىن قوسامىز.
3 - ايدىڭ 14 - كۇنى تۇستەن كەيىن مەملەكەتتىك حالىق قۇرىلتايىنىڭ ۋاكىلى ۋ ۋىنشيۋ بەيجيڭنەن شينجياڭعا قايتقان ۇشاقتا ەستەلىك داپتەرىن الىپ، ۇگىت لەكسيا ماتەريالىن مۇقيات دايىندادى. ەندىگى ءبىر مەزگىل ۋاقىتتا ول جىڭ اۋدانىندا كوپ رەت ۇگىت لەكسيا ورىستەتپەكشى.
ۇكىمەت قىزمەتىنەن باياندامادا بىلاي دەپ اتاپ كورسەتىلدى: بيىلعى قىزمەتتەگى ماڭىزدى تۇيىندەردىڭ ءبىرى − ”استىق ءوندىرىسىن ورنىقتىرۋ جانە اۋىل - قىستاقتى گۇلدەندىرۋدى ىلگەرىلەتۋ“. ۋ ۋىنشيۋ بىلاي دەدى: مەملەكەتتىك ەكى ءماجىلىستىڭ رۋحىن ۇيرەنۋ، ۇگىتتەۋ، دايەكتىلەندىرۋدە اۋىل شارۋاشىلىعى ءوندىرىسىن وسىزامانداندىرۋدى، قونىس ورتاسىن ەكولوگيالاندىرۋدى، الەۋمەتتىك قىزمەت وتەۋدى بىركەلكىلەندىرۋدى جەدەل ىلگەرىلەتىپ، اۋىل - قىستاقتى اناعۇرلىم كورىكتى، شارۋالاردى اناعۇرلىم اۋقاتتى ەتۋ كەرەك. ”قايتىپ بارعاننان كەيىن ۇگىتتەۋگە كۇش سالىپ، قىستاق تۇرعىندارىن جەردى اينالىمعا بەرۋگە جەتەكشىلىك ەتىپ، جەردەن شوعىرلى پايدالانۋدى جەبەپ، قىستاق تۇرعىندارىنىڭ ماقتا ەگۋ كىرىسىن جوعارىلاتامىن. تاعى اۋلا شارۋاشىلىعىن جانداندىرىپ، شاعىن اۋلانى’التىن استاۋعا‘ اينالدىرامىن“.
تۇڭعىش رەت مەملەكەتتىك ەكى ماجىلىسكە قاتىناسقان مەملەكەتتىك ساياسي كەڭەستىڭ مۇشەسى مۇحتابار ابدۇلدىڭ اسەرى ايرىقشا تەرەڭ بولدى، ول بىلاي دەدى: ءماجىلىس كۇش - قايراتتى تاسقىنداتىپ، جۇرت جۇرەگىن جەلپىندىرىپ، وسكەلەڭ شىنايى مويىنداۋدى كۇشەيتىپ، كەڭ كولەمدە ورتاق تانىم ۇيىستىردى. ەندى مەملەكەتتىك ەكى ءماجىلىستىڭ رۋحىن دەر كەزىندە مۇقيات جەتكىزىپ، ءداۋىردىڭ ءۇمىتىن اقتاۋ، حالىقتىڭ ءۇمىتىن اقتاۋ سىندى مىندەت وتەۋ جاۋاپناماسىن شينجياڭنىڭ بايتاق دالاسىنا جازامىز.
مەملەكەتتىك ساياسي كەڭەستىڭ مۇشەسى ايىمسا توحتاحۇن − ۇلۇقشات اۋداندىق ساياسي كەڭەستىڭ ورىنباسار ءتوراعاسى. مەملەكەتتىك ەكى ءماجىلىس اشىلاردىڭ الدىندا، ول ىشكەرىلەي تەكسەرۋ - زەرتتەۋ جۇرگىزىپ، ۇسىنىس جوبالاردى مۇقيات دايىندادى؛ ەكى ءماجىلىس اشىلعان كەزدە ول مىندەتىن مۇقيات وتەپ، جاۋاپكەرشىلىگىن ادا ەتىپ، بەلسەنە اقىل - كەڭەس بەردى. ”ساياسي كەڭەس كادرى رەتىندە، مەن مەملەكەتتىك ەكى ءماجىلىستىڭ رۋحىن مۇقيات ويداعىداي ۇيرەنىپ، ويداعىداي دايەكتىلەندىرەمىن“. ايىمسا توحتاحۇن بىلاي دەدى: بيىل اۋداندىق ساياسي كەڭەستىڭ مۇشەلەرىن تەكسەرۋ - زەرتتەۋ جۇرگىزۋ، كوزدەن كەشىرۋ سياقتىلارعا ۇيىمداستىرۋ قاتارلى فورمالار ارقىلى ءار ۇلت بۇقاراسىنىڭ تولعاقتى، قيىن ماسەلەلەرىن ىشكەرىلەي ۇعىسامىز، اسىرەسە، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ، ەگىنشى - مالشىلاردىڭ كىرىسىن ارتتىرۋ سياقتى ماسەلەلەردى ارقاۋ ەتە وتىرىپ تەكسەرۋ - زەرتتەۋ ورىستەتەمىز.
”سونىمەن بىرگە ءبىز نەگىزگى ساتى مۇشەلەرىنىڭ بايلانىس جاساۋ پۋنكتى قىزمەتىن ويداعىداي ىستەپ، مۇشەلەردى باۋلۋدى ونان ارى ويداعىداي ىستەپ، مۇشەلەردىڭ اۋداندىق كوميتەتتىڭ وزەكتى قىزمەتىن اناعۇرلىم ىشكەرىلەي تۇسىنۋىنە مۇمكىندىك جاساپ، اۋدان ءوڭىرىنىڭ دامۋىنا اناعۇرلىم ويداعىداي اقىل - كەڭەس بەرۋىنە قولايلىلىق جاسايمىز“، - دەدى ايىمسا توحتاحۇن.
بيىلعى مەملەكەتتىك ەكى ءماجىلىس كەزىندە باس شۋجي شي جينپيڭ مەملەكەتتىك ساياسي كەڭەستىڭ 14 - كەزەكتى 1 - ماجىلىسىنە قاتىناسقان جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەرگە امانداسا باردى ءارى بىرىككەن گرۋپپا جيىنىنا قاتىناستى. مۇشە ما حۋادۇڭ سول جەردە باس شۋجي شي جينپيڭنىڭ ماڭىزدى ءسوزىن ەت قۇلاعىمەن ەستىپ، ايرىقشا تەبىرەندى.
”سوڭعى جىلدارى جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتى ’تەكسەرۋ - زەرتتەۋ جۇرگىزبەيىنشە اقىل - كەڭەس بەرمەۋ‘ پرينسيبىنە تاباندى بولىپ، حالىقتىق شارۋاشىلىقتى دامىتۋ سەنىمىن سەرپىلتۋ، ءادىل ءارى ولشەمدى زاڭمەن باسقارۋ ورتاسىن تۇلعالاۋ سياقتىلاردى ارقاۋ ەتە وتىرىپ تەكسەرۋ - زەرتتەۋ ورىستەتىپ، كوپتەگەن پىكىر مەن ۇسىنىستاردى ورتاعا قويىپ، اۆتونوميالى رايوندىق پارتكوم مەن ۇكىمەتتىڭ عىلمي شەشىم جاساۋىنا، ءونىمدى شارا شىعارۋىنا پاراسات جاعىنان قولداۋ كورسەتتى“. ما حۋادۇڭ بىلاي دەدى: جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ ءتوراعاسى رەتىندە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ىشكەرىلەي ءتۇسىنىپ، جۇڭگو ۇلگىسىندەگى وسىزامانداندىرۋدىڭ ماندىك تالابىن ىشكەرىلەي ۇعىنىپ، دەموكراتيالىق مەملەكەت قۇرۋ قوعامىنىڭ ەكونوميكا سالاسىمەن تىعىز بايلانىس جاساۋ باسىمدىعىن تولىق ساۋلەلەندىرىپ، جۇڭگو كوممۋنيستىك پارتياسىنىڭ 20 - قۇرىلتايىندا كەسكىندەلگەن ايبىندى جوبامەن تىعىز بايلانىستىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىنا شوعىرلاندىرىپ، ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، دەموكراتيالىق باقىلاۋدى تىڭعىلىقتى ورىستەتىپ، جاڭا داۋىردەگى جاڭا جورىقتا جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتى تىڭ جاۋاپكەرشىلىك ارقالاۋىن، تىڭ ىسكەرلىك كورسەتۋىن ايگىلەيمىز.
