شينجياڭدا 2 - ايدا تۇرعىنداردىڭ تۇتىنۋ باعاسى سايكەس مەزگىلدەگىدەن %1.5 ارتتى

日期:2023年03月16日
来源:新疆日报
【字体:

  انار بۇلت/ شينجياڭ گازەتىنىڭ حابارى (ءتىلشى گاۋ فىڭ حابارلايدى) 3 - ايدىڭ 11 - كۇنى مەملەكەتتىك ساناق مەكەمەسى شينجياڭ تەكسەرۋ باس اترەتى ساندى مالىمەت جاريالادى: 2 - ايدا شينجياڭدا تۇرعىنداردىڭ تۇتىنۋ باعاسى (CPI) سايكەس مەزگىلدەگىدەن % 1.5 ارتىپ، ارتۋ مولشەرى الدىڭعى ايداعىدان 0.5 پايىز تومەندەدى؛ الدىڭعى ايدىڭ ۇقساس مەزگىلىندەگىدەن % 0.4 تومەندەدى، الدىڭعى ايداعىدان 0.5 پايىز تومەندەدى. 1 ـ ايدان 2 ـ ايعا دەيىن ورتا ەسەپپەن شينجياڭدا تۇرعىنداردىڭ تۇتىنۋ باعاسى بىلتىرعى سول تۇستاعىدان % 1.8 ارتقان.

  سايكەس مەزگىلدەگىمەن سالىستىرعاندا، ازىق – تۇلىك باعاسى % 2.9 ، ازىق – تۇلىككە جاتپايتىن ونىمدەردىڭ باعاسى % 1.1 ارتقان؛ تۇتىنۋ بۇيىمدارىنىڭ باعاسى % 1.8، قىزمەت وتەۋ باعاسى % 1.0 ارتقان. ازىق - تۇلىكتىڭ ىشىندە، جاس جەمىستىڭ باعاسى % 15.2 ارتقان، جاس كۇيدەگى كوكونىستىڭ باعاسى % 2.6، مال ەتىنىڭ باعاسى % 1.4 تومەندەگەن. باسقا 7 ۇلكەن تۇردەگى باعا سايكەس مەزگىلدەگىمەن سالىستىرعاندا التاۋى جوعارىلاپ، بىرەۋى تومەندەگەن، باسقا تۇتىنۋ بۇيىمدارى مەن قىزمەت وتەۋ باعاسى % 3.7 جوعارىلادى، كيىم – كەشەك باعاسى % 2.9 جوعارىلادى، قاتىناس، حابارلاسۋ باعاسى % 1.9 جوعارىلادى، تۇرمىستىق بۇيىمدار مەن قىزمەت وتەۋ باعاسى % 1.4 جوعارىلادى، وقۋ – اعارتۋ، مادەنيەت، كوڭىل اشۋدىڭ باعاسى % 0.7 جوعارىلادى، قونىستانۋ باعاسى % 0.5 جوعارىلادى؛ ەمدەۋ، دەنساۋلىق ساقتاۋ باعاسى %0.1 تومەندەدى.

  الدىڭعى ايدىڭ ۇقساس مەزگىلىندەگىمەن سالىستىرعاندا، ازىق - تۇلىك باعاسى % 0.8، ازىق - تۇلىككە جاتپايتىن ونىمدەردىڭ باعاسى % 0.3 تومەندەگەن؛ تۇتىنۋ بۇيىمدارىنىڭ باعاسى % 0.2، قىزمەت وتەۋ باعاسى % 0.7 تومەندەگەن. ازىق – تۇلىكتىڭ ىشىندەگى جاس كۇيدەگى كوكونىستەردىڭ باعاسى % 2.5، ەت تۇرلەرىنىڭ باعاسى % 1.4، جاس جەمىستەردىڭ باعاسى % 0.4 ارزاندادى. باسقا 7 ٴىرى تۇردەگى باعا الدىڭعى ايدىڭ ۇقساس مەزگىلىندەگىمەن سالىستىرعاندا ەكەۋى جوعارىلاپ، بەسەۋى تومەندەگەن، تۇرمىستىق بۇيىمدار مەن قىزمەت وتەۋ باعاسى % 0.2 جوعارىلادى، ەمدەۋ، دەنساۋلىق ساقتاۋ باعاسى % 0.1 جوعارىلادى؛ تۇرعىن ٴۇي، باسقا تۇتىنۋ بۇيىمدارى جانە قىزمەت وتەۋ باعاسى تۇگەلدەي % 0.1 تومەندەدى، كيىم - كەشەك، وقۋ - اعارتۋ، مادەنيەت، كوڭىل اشۋ باعاسى تۇگەلدەي % 0.3 تومەندەدى، قاتىناس، حابارلاسۋ باعاسى % 1.1 تومەندەدى.