اۆتونوميالى رايوندىق حالىق ۇكىمەتى پارتيا باسشىلىق گرۋپپاسى ءماجىلىس اشىپ، مەملەكەتتىك ەكى ءماجىلىستىڭ رۋحىن جەتكىزدى، ۇيرەندى، دايەكتىلەندىردى
جۇڭگو ۇلگىسىندەگى وسىزامانداندىرۋ قۇرىلىسىنا شينجياڭ ۇلەسىن قوسۋىمىز كەرەك
انار بۇلت \ شينجياڭ گازەتىنىڭ ءتىلشىسى لياڭ ليحۋا 3 - ايدىڭ 15 - كۇنى ۇرىمجىدەن حابارلايدى. 3 - ايدىڭ 15 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى، دايەكتىلەندىردى، ۇكىمەتتىڭ تاياۋ مەزگىلدەگى ءتۇيىندى قىزمەتتەرىن ورنالاستىردى.
ءماجىلىس مىنالاردى اتاپ كورسەتتى: بۇل رەتكى مەملەكەتتىك ەكى ءماجىلىس پارتيا مەن مەملەكەتتىڭ دامۋ كەلەلى جاعدايى جونىنەن ماڭىزدى دا تەرەڭ مانگە يە. ءماجىلىس جاڭا كەزەكتى مەملەكەت قۇرىلىمدارىنىڭ باسشىلارىن جانە مەملەكەتتىك ساياسي كەڭەستىڭ باسشىلارىن سايلاپ شىقتى، اسىرەسە، باس شۋجي شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن تاعى دا سايلانعاندىعى پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق ايگىلەدى، ءداۋىردىڭ ءۇنىن، تاريحتىڭ تاڭداۋىن، حالىقتىڭ اڭساعانىن، ارميانىڭ جۇرەك قالاۋىن تولىق ايگىلەدى، بۇل − پارتيانىڭ زور باقىتى، مەملەكەتتىڭ زور باقىتى، حالىقتىڭ زور باقىتى، ۇلتتىڭ زور باقىتى، ارميانىڭ زور باقىتى، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە ەڭ ۇلكەن ساياسي كەپىلدىك ازىرلەدى.
ءماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنۋدى، ىشكەرىلەي ءتۇسىنۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، ”ەكىنى تۇراقتاندىرۋدى“ اناعۇرلىم باتىل قولداپ، ”ەكىنى قورعاۋدى“ باتىل ورىنداۋ كەرەك. جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىنا كۇش سالىپ، جەتە ۇيرەنىپ، جەتە ءتۇسىنۋدى، ۇيرەنگەندى قولدانا ءبىلۋدى، ۇيرەنۋ مەن قولدانۋدى ۇشتاستىرۋدى ورىنداپ، شىن مانىندە يدەيانى بىرلىككە كەلتىرۋدە، ارەكەتتى بىرلىككە كەلتىرۋدە قولدانىپ، امالياتقا جەتەكشىلىك ەتۋ، قىزمەتتى ىلگەرىلەتۋ كەرەك؛ كەڭ كولەمدى، ىشكەرىلەي ۇگىت جۇرگىزىپ، ينتەرنەت جەلىسىندەگى جانە ينتەرنەت جەلىسىنەن تىسقارى ءتۇرلى بايلىقتاردان ويداعىداي پايدالانىپ، كوپ تىلدە، جان - جاقتىلى، ستەرەولدى ۇگىت جۇرگىزىپ، لەكسيا جاساپ، مەملەكەتتىك ەكى ءماجىلىس رۋحىنىڭ تيانشان الابىنا تارالۋىنا، سان مىڭداعان وتباسىنا جەتۋىنە شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: ”ەكى كەلەلى جاعدايدى“ كوكەيدە ءتۇيىپ، ”مەملەكەتتىڭ زور ءىسىن“ ەستە بەرىك ساقتاپ، ستراتەگيالىق ورىندى كوزدەپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىنا شينجياڭ ۇلەسىن قوسۋ كەرەك. شينجياڭنىڭ بايلىق، وڭىرلىك ورىن، ساياسات سياقتى باسىمدىقتارىن ونان ارى ساۋلەلەندىرىپ، ” 8 ءىرى كاسىپ سالاسى شوعىرى“ قۇرىلىسىن جەدەلدەتىپ، وقۋ - اعارتۋ، عىلىم - تەحنيكا، دارىندى تىرەگىن جانە وسىزاماندانعان نەگىزدىك قۇرىلعىلار قامتاماسىزدىعىن كۇشەيتىپ، كاسىپ سالاسى نەگىزىن جوعارى دەڭگەيلەندىرۋدى، كاسىپ سالاسى تىزبەگىن وسىزامانداندىرۋدى ىلگەرىلەتىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن جەدەل قۇرۋ كەرەك. جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ، سىرتقا ەسىك اشۋ ۇلكەن ارنا قۇرىلىسىن جەدەلدەتىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن كۇش سالا تۇلعالاۋ كەرەك. دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋ مەن كاسىپ سالاسى دامۋىنىڭ تەرەڭدەي توعىسۋىن ىلگەرىلەتۋ كەرەك. اۋىل شارۋاشىلىعى، اۋىل - قىستاق، شارۋالار قىزمەتىن بار كۇشپەن ويداعىداي ىستەپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۋاتتى رايوندى جەدەل قۇرۋ كەرەك. ”ەكىدەن تيتتەي دە اۋىتقىماۋعا“، ”ءۇش وزگەرگەن جوققا“ باستان - اياق تاباندى بولىپ، حالىقتىق كاسىپورىندار مەن حالىقتىق كاسىپكەرلەردى باستان - اياق ءوز ادامدارىمىز دەپ ءبىلىپ، ەتەنە، كىرشىكسىز، جاڭاشا ۇكىمەت - ساۋدا قاتىناسىن بەلسەنە ورناتىپ، حالىقتىق كاسىپورىنداردىڭ دامۋ ورتاسىن ۇزدىكسىز ساپالىلاندىرۋ كەرەك. حالىقتى وزەك ەتكەن دامۋ يدەياسىنا باستان - اياق تاباندى بولىپ، جۇمىستاندىرۋ، ەمدەۋ قامسىزداندىرۋ، قوعامدىق قامتاماسىزداندىرۋ، بەيقۇت ءۇي سياقتى حالىق تۇرمىسى ينجەنەريالارىن ۇزدىكسىز ىلگەرىلەتىپ، ءار ۇلت بۇقاراسىنىڭ تۇرمىس دەڭگەيىن ۇزدىكسىز جوعارىلاتۋ كەرەك. زاڭمەن باسقارىلاتىن ۇكىمەت قۇرىلىسىن كۇشەيتىپ، زاڭ بويىنشا اكىمشىلىك جۇرگىزۋدى تىڭعىلىقتى ىلگەرىلەتىپ، زاڭمەن باسقارۋ ويىنان، زاڭمەن باسقارۋ تاسىلىنەن پايدالانىپ ماسەلەنى شەشۋ قابىلەتىن ۇزدىكسىز جوعارىلاتۋ كەرەك. پارتيانى جاپپاي قاتاڭ باسقارۋدى ۇزدىكسىز ىلگەرىلەتىپ، ادال، كىرشىكسىز، جاۋاپكەرشىلىك ارقالايتىن ءار ۇلت كادرلار قوسىنىن قۇرۋ كەرەك.
