انار بۇلت \ شينجياڭ گازەتىنىڭ حابارى (ءتىلشى گى يوۋجۇن حابارلايدى) 3 - ايدىڭ 10 - كۇنى ساعات 11دە شينجياڭ شونجى جانبۇلاق حالىقتىق اۋەجايى ينجەنەريا قۇرىلىسى ناق مايدانىنداعى ينجەنەريا قۇرىلىسى قولباسشىلىق شتابى قولباسشىسىنىڭ بۇيرىعىمەن اتالعان اۋەجايدىڭ 2023 - جىلعى قۇرىلىس ينجەنەرياسى رەسمي قالپىنا كەلدى.
شينجياڭ شونجى جانبۇلاق حالىقتىق اۋەجايى اۆتونوميالى رايوننىڭ، مەملەكەتتىك حالىقتىق اۆياتسيا مەكەمەسىنىڭ ”14 ـ بەسجىلدىق“ جوباسىنداعى ٴتۇيىندى قۇرىلىس نىسانى، بۇل اۋەجايدىڭ ورنى ەل ىشىندەگى تارماق جەلى اۋەجايى، ينجەنەرياعا جالپى 714 ميلليون يۋان قارجى قوسىلعان، سانجى وبلىسىنداعى تۇڭعىش حالىقتىق تاسىمال اۋەجايى، نەگىزىنەن شونجى اۋدانى، جەمسارى اۋدانى، موري قازاق اۆتونوميالى اۋدانى مەن جۇندۇڭ ەكونوميكالىق - تەحنيكالىق اشۋ رايونىنىڭ كورىنىس وڭىرلەرى سونداي - اق توڭىرەگىندەگى ساياحات، ۇكىمەت ىستەرى، ساۋدا قيمىلدارىنا قىزمەت وتەيدى، جالپىلىق اۆياتسيانىڭ پايدالانىلۋىنا تەڭ ٴمان بەرەدى.
جالپى تۇلعالىق جوباعا ساي، بۇل اۋەجايدىڭ جاقىن، ۇزاق مەرزىمدىك جوبالانعان ۇشۋ رايونىنىڭ كورسەتكىشى تۇگەلدەي 4C، تاياۋ مەزگىلدەگى جوسپارلانعان جىل نىسانى 2035 - جىل، جىلدىق جولاۋشى قابىلداۋ - جونەلتۋ مولشەرى 700 مىڭ ادام - رەت، جىلدىق زات قابىلداۋ - جونەلتۋ مولشەرى 1500 توننا، جىلدىق ۇشاقتىڭ ۇشىپ - قونۋ مولشەرى 7292 رەت دەپ مەجەلەنىپ وتىر. ۇزاق مەرزىمدىك جوسپارداعى جىل نىسانى 2050 - جىلى بولىپ، جىلدىق جولاۋشى قابىلداۋ - جونەلتۋ مولشەرى ٴبىر ميلليون 800 مىڭ ادام - رەت، جىلدىق جۇك - پوچتا قابىلداۋ - جونەلتۋ مولشەرى 4600 توننا، جىلىنا 18 مىڭ ۇشاق ۇشىپ - قونادى دەپ مەجەلەنىپ وتىر. وسى مەرزىمدىك ينجەنەريا جىلدىق جولاۋشى قابىلداۋ ـ جونەلتۋ مولشەرى 470 مىڭ ادام ـ رەت، جىلدىق جۇك ـ پوچتا قابىلداۋ ـ جونەلتۋ مولشەرى 1000 توننا، جىلدىق ۇشاق ۇشۋ ـ قونۋ مولشەرى 5200 رەت بولۋ نىساناسى بويىنشا جوبالانىپ، جالپىلىق اۆياتسيانىڭ دامۋىنا تەڭ ٴمان بەرىلدى.
2022 ـ جىلى 3 ـ ايدىڭ 16 ـ كۇنى شينجياڭ شونجى جانبۇلاق حالىقتىق اۋەجايىنىڭ ۇشۋ رايونى، تەرمينال اۋماعىنىڭ ينجەنەرياسى رەسمي قۇرىلىس باستادى. نەگىزگى قۇرىلىس مازمۇنى: ۇزىندىعى 2800 مەتر، كەڭدىگى 45 مەتر كەلەتىن ٴبىر سىرعىما جول، 5000 شارشى مەترلىك تەرمينال عيماراتى، C تۇردەگى 7 ۇشاق ورنىنىڭ ايالداماسى، ٴبىر مۇنارا تۇعىرى جانە 800 شارشى مەترلىك اۋە قاتىناسىن باسقارۋ عيماراتى، سونداي - اق سايكەستى سالىنعان اۋە قاتىناسىن باسقارۋ، مايمەن قامداۋ، ٴورت ٴسوندىرۋ، ورتتەن ساقتانۋ، قۇتقارۋ سياقتى قۇرىلعىلاردى قامتيدى. سول جىلى 6 ـ ايدا بۇل اۋەجاي شينجياڭ جۇندۇڭ (شونجى) حالىقتىق اۋەجايىنان شينجياڭ شونجى جانبۇلاق حالىقتىق اۋەجايى دەپ وزگەرتىلدى.
2022 ـ جىلى ٴارقايسى قۇرىلىس جۇرگىزۋشى ورىندار ىندەتتىڭ ىقپالىن جەڭىپ، قۇرىلىس مەرزىمىن مىقتى يگەرىپ، عىلمي ۇيىمداستىرىپ قۇرىلىس جۇرگىزىپ، اۋەجايدىڭ تەرمينال عيماراتى، سىرعىما جول سياقتى ٴتۇيىندى ينجەنەريالاردىڭ نەگىزگى تۇلعالىق قۇرىلىسىن ورىندادى.
اتالعان اۋەجاي قۇرىلىس ينجەنەرياسى قولباسشىلىق شتابى جاۋاپتىسىنىڭ تانىستىرۋىنا قاراعاندا، شينجياڭ شونجى جانبۇلاق حالىقتىق اۋەجايى ينجەنەرياسى بيىل سالىنىپ بولىپ پايدالانۋعا بەرىلەدى ەكەن.
