انار بۇلت \ شينجياڭ گازەتىنىڭ حابارى (ءتىلشى يۇي مىڭفان حابارلايدى) تەمپەراتۋرا جالپى بەتتىك جوعارىلايدى، ارا - تۇرا سۋىق اعىس كىرەدى، مىنە بۇل كوكتەم باسىنداعى شينجياڭنىڭ اۋ رايى ەرەكشەلىگى. سۋىق اعىس پەن جىلى اۋا ۇشىراسقاندا، كوبىنەسە قايتا كەزدەسۋدەن جاس مونشاقتارى پايدا بولادى. وسى اپتادا، سۋىق - جىلى اۋا ۇشىراسىپ، سولتۇستىك شينجياڭدا ەكى رەت جاۋىن جاۋادى.
3 - ايدىڭ 13 - كۇنى (دۇيسەنبى) كۇندىزدەن 14 - كۇنى (سەيسەنبى) كۇندىزگە دەيىن، سولتۇستىك شينجياڭنىڭ باسىم كوپ وڭىرلەرىندە، تيانشان تاۋلى رايوندارىندا، قۇمىل قالاسىنىڭ سولتۇستىك وڭىرلەرىندە از جاڭبىر (تاۋلى رايونداردا قار ارالاس جاڭبىر نەمەسە قار) جاۋادى، مۇندا سولتۇستىك شينجياڭنىڭ باتىس ءوڭىرى، تيانشاننىڭ سولتۇستىك بوكتەرى، تيانشان تاۋلى رايوندارى سياقتى ءبىر ءبولىم وڭىرلەردە قالىڭ جاۋىن نەمەسە قار جاۋادى، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسىنىڭ ءىشىنارا وڭىرلەرىندە نوسەر نەمەسە قار جاۋادى، جوعارىداعى باسىم كوپ وڭىرلەردە 4 - 5 بال باتىس تەرىستىك جەلى سوعىپ، جەل وتىندە جەل كۇشى 9 بالعا جەتىپ، تەمپەراتۋرا ازداپ تومەندەيدى.
3 - ايدىڭ 16 - كۇنىنەن (بەيسەنبى) 19 - كۇنىنە (جەكسەنبى) دەيىن، سولتۇستىك شينجياڭنىڭ باسىم كوپ وڭىرلەرى، وڭتۇستىك شينجياڭنىڭ باتىس تاۋلى رايوندارى، قۇمىل قالاسىنىڭ سولتۇستىگى سياقتى جەرلەردە از جاڭبىر (تاۋلى رايونداردا قار ارالاس جاڭبىر نەمەسە قار) جاۋادى، مۇنىڭ ىشىندە سولتۇستىك شينجياڭنىڭ باتىس بولەگى مەن سولتۇستىك بولەگى، تيانشان تاۋلى رايوندارى سياقتى جەرلەردىڭ ءبىر ءبولىم وڭىرلەرىندە ورتاشا، قالىڭ جاڭبىر نەمەسە قار جاۋادى، جوعارىداعى باسىم كوپ ساندى وڭىرلەردە 4 - 5 بال باتىس تەرىستىك جەلى سوعىپ، جەل وتىندە جەل كۇشى 9 بالعا جەتىپ، تەمپەراتۋرا ℃5 شاماسىندا تومەندەيدى.
3 - ايدىڭ 13 - كۇنى ۇرىمجىدە كۇن بۇلتتى بولىپ، كوكتەم جاڭبىرىنىڭ لەبى ءبىلىندى. سۋرەتتى انار بۇلت \ شينجياڭ گازەتىنىڭ ءتىلشىسى يۇي مىڭفان تۇسىرگەن
ءۇرىمجى قالاسى 3 - ايدىڭ 13 - كۇنى (دۇيسەنبى) كەشقۇرىمنان تۇنگە دەيىن، نەگىزگى قالا رايونى، ميدۇڭ رايوندارىندا از جاڭبىر جاۋادى، وڭتۇستىك قالا ماڭى مەن تاۋلى رايونداردا قار ارالاس جاڭبىردىڭ ارتى از قارعا اينالادى، ءىشىنارا جەرلەردە ورتا مولشەردە جاۋادى، دابانچىڭ رايونى بۇلتتى بولىپ 5 - 6 بال باتىس جەلى سوعىپ، وتكىنشى 9 بال جەل سوعادى، تەمپەرا تۋرا ازداپ تومەندەيدى. مەجەمەن 3 - ايدىڭ 19 - كۇنىنىڭ (جەكسەنبى) الدى - ارتىندا ءۇرىمجى قالاسىنىڭ باسىم كوپ وڭىرلەرىندە جاۋىن جاۋىپ، تەمپەراتۋرا تومەندەيدى. وسى اپتانىڭ باسقا دا ۋاقىتتارىندا ءارقايسى رايونداردا كۇن اشىق بولادى، ارا - تۇرا بۇلتتايدى، جەل كۇشى ونشا زور بولمايدى، تەمپەراتۋرا قۇبىلمالى كەلەدى، نەگىزگى قالا رايونىنىڭ سول كۇندىك ەڭ تومەن تەمپەراتۋراسى ℃ 1~℃ 4، ەڭ جوعارى تەمپەراتۋراسى ℃7~℃ 13.
اۋا رايى تاراۋلارى مىنانى ەسكەرتەدى: وسى اپتادا ىلە وبلىسى، بۇراتالا وبلىسىنىڭ ءبىر ءبولىم وڭىرلەرىنىڭ جيناق جاۋىن - شاشىن مولشەرى ءبىرشاما مول، تاۋلى رايونداردىڭ ءىشىنارا جەرلەرىندە تاسقىن جانە كوشكىننىڭ قۇرىلعىلى اۋىل شارۋاشىلىعى، مال شارۋاشىلىعى، تاس جول قاتىناسى سياقتىلارعا ءتيىمسىز ىقپال تۋدىرۋىنان ساقتانۋ ءتيىس.
3 - ايدىڭ ورتا شەنىندە، اۋا رايى شارت - جاعدايى بۇكىل شينجياڭداعى باسىم كوپ دۇمبە ءبيدايدىڭ كوكتەپ وسۋىنە، جەمىس ورماندارىنىڭ بۇرشىكتەپ گۇل اشۋىنا ءبىرشاما ءتيىمدى، الايدا سولتۇستىك شينجياڭنىڭ ءبىر ءبولىم وڭىرلەرىندەگى العاشقى كوكتەم داقىلدارىن ەگۋ، مال شارۋاشىلىعى جانە قۇرىلعىلى اۋىل شارۋاشىلىعىنىڭ وندىرىسىنە ءتيىمسىز ىقپال تۋدىرادى، شينجياڭ اۋىل شارۋاشىلىق اۋا رايى ستانسياسى بۇكىل شينجياڭنىڭ ءارقايسى جەرلەرى تەمپەراتۋرا مەن كۇن نۇرىنىڭ ۇيلەسىمدى مەزگىلىن مىقتى ۇستاپ، دۇمبە ءبيدايدىڭ سۋ جانە تىڭايتقىش بەرۋ ىستەرىن باسقارۋدى ويداعىداي ىستەپ، العاشقى كوكتەم داقىلدارىنىڭ ەگىس ازىرلىگى مەن ۋاقىتتى قولدان بەرمەي تۇقىم سەبۋ جۇمىسىن ەرتە ىستەۋىنە كەڭەس بەرەدى.
