اۆتونوميالى رايون بيىل 400 ءتۇيىندى نىسان ورنالاستىردى
جالپى 2 تريلليون 700 ميلليارد يۋان قارجى قوسىپ، 300 ميلليارد يۋاننان استام قارجى قوسۋدى ورىنداۋ جوسپارلاندى
انار بۇلت \ شينجياڭ گازەتىنىڭ ءتىلشىسى شى شين 3 - ايدىڭ 13 - كۇنى ۇرىمجىدەن حابارلايدى. 3 - ايدىڭ 13 - كۇنى اۆتونوميالى رايوننىڭ 2023 - جىلعى ءتۇيىندى نىسان قۇرىلىسى تىزىمدىگى جاريالاندى. بيىل جالپى 400 ءتۇيىندى نىسان ورنالاستىرىلىپ، جالپى 2 تريلليون 700 ميلليارد يۋان قارجى قوسىپ، 300 ميلليارد يۋاننان استام قارجى قوسۋدى ورىنداۋ جوسپارلاندى، بۇلار سۋ يگىلىگى، قاتىناس، ەنەرگيا، كاسىپ سالاسى، حالىق تۇرمىسى سالالارىنا سايادى.
اۆتونوميالى رايوندىق دامۋ جانە رەفورما كوميتەتى نىسان قۇرىلىسىن باسقارۋ باسقارماسىنىڭ ورىنباسار باستىعى جاڭ يۇڭلياڭ تانىستىرىپ بىلاي دەدى: قۇرىلىس ۋاقىتى تارتىبىنەن قاراعاندا، 2023 - جىلى جالعاستى سالىناتىن ءتۇيىندى نىسان 170، جاڭادان سالىناتىن نىسان 90، زاپاس نىسان 140.
قارجى قوسۋ كولەمىنەن قاراعاندا، 2023 - جىلى ءتۇيىندى نىساندار سانى 2022 - جىلداعىمەن سالىستىرعاندا 30 نىسان ارتىپ، جالپى قوسىلاتىن قارجى 518 ميلليارد 400 ميلليون يۋان ارتىپ، جىلدىق جوسپار بويىنشا قوسىلاتىن قارجى 30 ميلليارد يۋان ارتقان؛ جەكە نىسانعا ورتاشا قوسىلعان جالپى قارجى 2022 - جىلداعىمەن سالىسىترعاندا 850 ميلليون يۋان ارتىپ، 6 ميلليارد 750 ميلليون يۋانعا جەتكەن، ورتا ەسەپپەن جىلدىق جوسپار بويىنشا 750 ميلليون يۋان قارجى قوسىلعان.
”400 ءتۇيىندى نىساننىڭ ىشىندە قوسىلعان قارجى كولەمى 5 ميلليارد يۋاننان اساتىن نىسان جيىنى 102 بولىپ، جالپى قوسىلعان قارجى 2 تريلليون 200 ميلليارد يۋانعا جەتتى“، - دەدى جاڭ يۇڭلياڭ.
بيىل اۆتونوميالى رايون جالپى 51 ءتۇيىندى سۋ يگىلىگى نىسانىن ورنالاستىردى، بۇلار نەگىزىنەن سۋ ساقتاۋ، سۋ جەتكىزۋ، سۋ ۇنەمدەۋ سياقتى ءتۇيىندى ينجەنەريالاردى قامتيدى. داشىشيا، يۇرۇڭقاش، قورعان سۋ يگىلىگى تورابى جانە كولەمدى سۋارمالى وڭىرلەردى جالعاستى سالۋدىڭ سايكەستى قۇرىلعىلارى جانە وسىزاماندانعان وزگەرتىپ سالۋ ينجەنەرياسى سياقتى جالعاستى سالىناتىن 24 نىسان جەدەل اتقارىلادى، شەريا وزەنى كۇنلۇن سۋ يگىلىگى تورابى، چارقىلىق اۋدانى ۋاششەرى سۋ قويماسى ينجەنەرياسى سياقتى جاڭادان سالىناتىن 9 نىساننىڭ قۇرىلىسى باستالادى.
ءتۇيىندى قاتىناس نىسانى 77، نەگىزىنەن تەمىر جول، تاس جول، اۋەجاي سياقتى ءتۇيىندى ينجەنەريالاردى قامتيدى. ءۇرىمجى اۋەجايىن وزگەرتىپ، كەڭەيتىپ سالۋ ينجەنەرياسى، لانجوۋ − شينجياڭ تەمىر جولىنىڭ جىڭنان الاتاۋ ساعاسىنا دەيىنگى بولەگىندە 2 - جەلىنى كوبەيتىپ سالۋ ينجەنەرياسى سياقتى جالعاستى سالىناتىن 37 نىسان جەدەل اتقارىلادى، لوپنۇردان چارقىلىققا دەيىنگى تەمىر جول، توقسۋدان بايعا دەيىنگى تەمىر جول، G219 جەلىسىنىڭ اراساننان قورعاسقا دەيىنگى تاس جولى سياقتى جاڭادان سالىناتىن 19 نىساننىڭ قۇرىلىسى باستالادى.
ءتۇيىندى ەنەرگيا نىسانى 85، نەگىزىنەن ەلەكتر قۋاتى، ەلەكتر تورى، مۇناي - تابيعي گاز، كومىر، كومىر حيميا ونەركاسىبى سياقتى ءتۇيىندى ينجەنەريالاردى قامتيدى. فۋكاڭ سۋ تارتىپ ەنەرگيا جيناۋ ەلەكتر ستانسياسى، ”شينجياڭنىڭ ەلەكترىن سىرتقا جەتكىزۋ“ 3 - ارناسىنىڭ سايكەستى ەلەكتر قاينارى نىسانى، گازدى باتىستان شىعىسقا جەتكىزۋ 4 - جەلىسىنىڭ تابيعي گاز قۇبىرى ينجەنەرياسى (تۇرپان − جۇڭۋي) سياقتى جالعاستى سالىناتىن 37 نىسان جەدەل اتقارىلادى، قۇمىلدىڭ سولتۇستىگى − چۇڭچيڭ ەرەكشە جوعارى كەرنەۋلى تۇراقتى توك جەتكىزۋ ينجەنەرياسى سياقتى جاڭادان سالىناتىن 18 نىساننىڭ قۇرىلىسى باستالادى.
ءتۇيىندى كاسىپ سالاسى نىسانى 103، نەگىزىنەن ستراتەگيالىق سيپاتتى جاڭادان گۇلدەنگەن كاسىپ سالالارى، بايلىق شوعىرلانعان كاسىپ سالالارى، ەڭبەككۇش شوعىرلانعان كاسىپ سالالارى، ەكونوميكا - ساۋدا، زات اينالىمى سياقتى ءتۇيىندى ينجەنەريالاردى قامتيدى. 5G تورى قۇرىلىسى، شينجياڭ جۇمساق بولشەك باقشاسىنىڭ 2 - مەرزىمدىك قۇرىلىسى سياقتى جالعاستى سالىناتىن 40 نىسان جەدەل اتقارىلادى، چيڭديان كرەمني ماتەريالدار شەكتى سەرىكتەستىگىنىڭ جىلىنا 200 مىڭ توننا كوپ كريستالدى تازا كرەمني ءوندىرۋ نىسانى، شينجياڭ جىسۇن ليتي شارۋاشىلىعىنىڭ حوتانداعى جىلىنا 200 مىڭ توننا كومىر قىشقىل ليتي ءوندىرۋ نىسانى سياقتى جاڭادان سالىناتىن 23 نىساننىڭ قۇرىلىسى باستالادى.
ءتۇيىندى حالىق تۇرمىسى نىسانى 84، نەگىزىنەن عىلىم - تەحنيكا، وقۋ - اعارتۋ، مادەنيەت - ساياحات، دەنساۋلىق ساقتاۋ، دەنە تاربيە، ەكولوگيانى قورعاۋ، قالا - قالاشىق قۇرىلىسى سياقتى ءتۇيىندى ينجەنەريالاردى قامتيدى. قاشقار داشۋەسىنىڭ دۇڭچىڭ مەكتەپ رايونى قۇرىلىسى نىسانى سياقتى جالعاستى سالىناتىن 32 نىسان جەدەل اتقارىلادى، التاي جىكبەلەڭ شاڭعى الاڭىنىڭ دارەجەسىن ءوسىرۋ ءتۇيىندى نىسانى، قالا - قالاشىقتارداعى لاشىقتى اۋماقتاردى وزگەرتىپ سالۋ، قامتاماسىزداندىرۋ سيپاتتى جالعا بەرىلەتىن تۇرعىن ءۇي سياقتى جاڭادان سالىناتىن 21 نىساننىڭ قۇرىلىسى باستالادى.
جاڭ يۇڭلياڭ تانىستىرىپ بىلاي دەدى: قارجى قوسۋ قۇرىلىمىنان قاراعاندا، بيىل ءتۇيىندى نىساندار نەگىزىنەن وسىزاماندانعان نەگىزدىك قۇرىلعىلار تىرەكتىك جۇيەسىن ورناتۋدى، ”سەگىز ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسىن جەتەكشى ەتۋ جۇيەسىن ورناتۋدى، كەلەلى الەۋمەتتىك قىزمەت وتەۋ قامتاماسىزدىق جۇيەسىن ورناتۋدى ارقاۋ ەتىپ، ءبىر توپ نەگىزدى كۇشەيتەتىن، قوزعاشى قۋاتتى ارتتىراتىن، ۇزاق بولاشاققا پايدالى كەلەلى نىساندار جەدەل اتقارىلادى.
