مەملەكەتتىڭ استىق حاۋىپسىزدىگىن قامتاماسىز ەتۋگە شينجياڭ ۇلەسىن قوسۋ كەرەك

日期:2023年03月13日
来源:新疆日报
【字体:

اۆتونوميالى رايوننىڭ 2023 - جىلعى استىق ءوندىرىس قۋاتىن جوعارىلاتۋدى جۇمىس باسىندا ىلگەرىلەتۋ ءماجىلىسى اشىلدى

  مەملەكەتتىڭ استىق حاۋىپسىزدىگىن قامتاماسىز ەتۋگە شينجياڭ ۇلەسىن قوسۋ كەرەك

  انار بۇلت \ شينجياڭ گازەتىنىڭ ءتىلشىسى لياڭ ليحۋا 3 - ايدىڭ 12 - كۇنى قۇلجادان حابارلايدى. 3 - ايدىڭ 7 - كۇنىنەن 10 - كۇنىنە دەيىن اۆتونوميالى رايوننىڭ 2023 - جىلعى استىق ءوندىرىس قۋاتىن جوعارىلاتۋدى جۇمىس باسىندا ىلگەرىلەتۋ ءماجىلىسى جەكە - جەكە مارالباسى اۋدانىندا جانە قۇلجا قالاسىندا اشىلدى. اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى ءارى ءسوز سويلەدى.

  ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋىن دايەكتىلەندىرىپ، تياناقتاندىرىپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ ەرەكشە، ابزال شارت - جاعدايىن تولىق ساۋلەلەندىرىپ، اۋىل شارۋاشىلىعىندا قۋاتتى رايون قۇرۋدى جەدەلدەتىپ، استىق حاۋىپسىزدىگىنىڭ تومەنگى شەگىن ويداعىداي ساقتاپ، رايونىمىزدىڭ استىق ءوندىرىس قۋاتىن جوعارىلاتۋدى تىڭعىلىقتى ىلگەرىلەتىپ، بيىل تۇتاس رايوننىڭ استىق ءتۇسىمىن 2 ميلليون توننادان اسىرۋعا، ارتۋ مولشەرىن %11 مولشەرىنە جەتكىزۋگە كۇش سالىپ، مەملەكەتتىڭ استىق حاۋىپسىزدىگىن قامتاماسىز ەتۋگە شينجياڭ ۇلەسىن قوسۋ كەرەك.

  ءماجىلىس مىنالاردى اتاپ كورسەتتى: نىسانا - مىندەتتەردى كوزدەپ، استىق ءوندىرىس قۋاتىن جوعارىلاتۋ قىزمەتىن تىڭعىلىقتى ىلگەرىلەتۋ كەرەك. اشۋ راسمياتتارىن تەكسەرىپ بەكىتۋدى زاڭ - بەلگىلەمە بويىنشا تەزدەتىپ، تىڭنان ارتقان ەگىستىك جەردەن ويداعىداي پايدالانۋ كەرەك. شارۋالاردىڭ تىلەگىنە قۇرمەت ەتە وتىرىپ ەگىمشىلىك قۇرىلىمىن ساپالىلاندىرىپ، رەتتەپ، شارۋالاردىڭ استىق ەگۋ بەلسەندىلىگىن تولىق جۇمىلدىرۋ؛ ەگىنجاي سۋ يگىلىگى قۇرىلعىلارى قۇرىلىسى مەن جاڭالاپ، دارەجەسىن ءوسىرۋدى ويداعىداي يگەرىپ، اۋىل شارۋاشىلىعىنداعى سۋارۋعا پايدالاناتىن سۋ قاجەتىن ەڭ جوعارى شەكتە قامتاماسىز ەتۋ؛ كوكتەمگى ەگىس، ەگىس دايىندىعى قىزمەتتەرىن ويداعىداي يگەرىپ، تۇتاس جىلدا اۋىل شارۋاشىلىعىندا ءوندىرىستى ورنىقتىرىپ، مول ءونىم الۋعا بەرىك نەگىز قالاۋ؛ استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن ىشكەرىلەي اتقارىپ، جوعارى ولشەمدى ەگىنجاي قۇرىلىسىن ءۇرتىس ىلگەرىلەتىپ، تۇقىم شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، اۋىل شارۋاشىلىعىنىڭ عىلىم - تەحنيكالىق تىرەگىن جانە جابدىق تىرەگىن كۇشەيتىپ، استىقتىڭ بىرلىك ءونىم دەڭگەيىن ۇزدىكسىز جوعارىلاتۋ كەرەك. ”3 - رەتكى تەكسەرۋدەگى“ ەگىستىك جەر اۋماعى، ءىس جۇزىندىك ەگىستىك اۋماعى، سۋارىلمالى سۋمەن قامداۋ اۋماعى سىندى ”ءۇش كورسەتكىشتىڭ“ بەتتەسۋىن تىڭعىلىقتى ىلگەرىلەتىپ، ەگىمشىلىك قۇرىلىمىن رەتتەۋ مەن استىق ءوندىرىس قۋاتىن جوعارىلاتۋعا عىلمي نەگىز ازىرلەۋ كەرەك.

  ءماجىلىس مىنالاردى تالاپ ەتتى: جاۋاپكەرشىلىك ارقالاۋدى قاتايتىپ، ۇيىمدىق باسشىلىقتى شىنايى كۇشەيتىپ، كوكتەمگى ەگىستىڭ، ەگىس دايىندىعىنىڭ شەشۋشى مەزگىلىن يگەرىپ، استىق ءوندىرىس قۋاتىن جوعارىلاتۋ قىزمەتىنىڭ ءتارتىپتى جۇرگىزىلۋىن كۇش سالا ىلگەرىلەتۋ كەرەك. نازاردى ءتۇيىندى مىندەتتەرگە شوعىرلاندىرىپ ۇتىمدى شارا - ادىستەردى الىپ شىعىپ، قىزمەتتەردىڭ تياناقتانۋىن ويداعىداي يگەرۋ كەرەك. قىزمەت قابىلەتىن كۇشەيتىپ، دۇرىس ناتيجە كوزقاراسىن بەرىك ورناتىپ، فورماشىلدىقتى، تورەشىلدىكتى باتىل تيىپ، قىزمەت پەن ساياساتتى اتقارۋدا ”ءبىر شىبىقپەن ايداۋدان“، ساتىلار بويىنشا قىسىم تۇسىرۋدەن ساقتانىپ، اۆتونوميالى رايوننىڭ استىق ءوندىرىس قۋاتىن جوعارىلاتۋ قىزمەت تالاپتارىن ناقتاپ تياناقتاندىرۋعا شىنايى كەپىلدىك ەتۋ كەرەك.

  ماجىلىستەن بۇرىن حى جۇڭيوۋ جەكە - جەكە ماكىت اۋدانى، مارالباسى اۋدانى، قۇلجا قالاسى، قۇلجا اۋدانى، شاپشال سىبە اۆتونوميالى اۋدانى سياقتى جەرلەرگە بارىپ، كوكتەمگى ەگىس، ەگىس دايىندىعى، جەر بولىكتەرىن تياناقتاندىرۋ، اۋىل شارۋاشىلىق ءوندىرىس قۇرال جابدىقتارىن دايىنداۋ، اۋىل شارۋاشىلىق ماشينالارىن ورنالاستىرۋ، سۋدان پايدالانۋدى قامتاماسىز ەتۋ سياقتى قىزمەتتەر جونىندە تەكسەرۋ - زەرتتەۋ جۇرگىزدى.

  ءماردان مۇحيت قاتارلىلار تەكسەرۋ - زەرتتەۋگە جانە ماجىلىسكە قاتىناستى.