انار بۇلت \ شينجياڭ گازەتىنىڭ ءتىلشىسى جاڭ يۇنمەيدىڭ 3 - ايدىڭ 6 - كۇنى بەيجيڭنەن جالعاپ بەرگەن حابارى. 3 - ايدىڭ 6 - كۇنى مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە قاتىناسقان مەملەكەتتىك ساياسي كەڭەستىڭ شينجياڭدا تۇراتىن مۇشەلەرى جەكە - جەكە ءارقايسى سالالىق گرۋپپالاردا ۇكىمەت قىزمەتىنەن بايانداما سياقتىلاردى تالقىلادى. مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن گرۋپپا تالقىسىنا قاتىناستى.
مۇشەلەر بىلاي دەپ قارادى: باياندامادا ناتيجەلەر شىندىقتى ءىس جۇزىنەن ىزدەۋ نەگىزىندە، وبيەكتيۆ، جان - جاقتى قورىتىندىلانىپتى، ورتاعا قويىلعان قىزمەت نىساناسى، وي جەلىسى ايقىن، شىنايى دا جارامدى ەكەن، بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا مىندەت وتەپ، جاۋاپكەرشىلىكتى ادا ەتىپ، كەمەڭگەرلىكپەن كوپتەپ اقىل قوسىپ، كوپتەپ ناقتى شارا ۇسىنۋ كەرەك.
ۇكىمەت قىزمەتىنەن باياندامادا ”حالىق بۇقاراسىنىڭ رۋحاني مادەنيەت تۇرمىسىن بايىتۋ“ ورتاعا قويىلدى، بۇل مۇشە ءدىلنار ابىلانى قاتتى اسەرلەندىردى. جۋىرداعى جىلداردا شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ جولىندا قۇلشىنىپ كەلگەن ول ”ءبىزدىڭ جۇڭگو ارمانىمىز“ − مادەنيەتتى سان مىڭداعان وتباسىنا جەتكىزۋ، ”قۋانىشتى نەگىزگى ساتىعا جەتكىزۋ“ سياقتى كونسەرتتەرگە بەلسەنە ات سالىستى. ”ءبىز كوپتەگەن تاڭداۋلى تۋىندى شىعارىپ بۇقاراعا جەتكىزدىك، مادەنيەت ارقىلى حالىققا تيىمدىلىك جاساۋدا ءار ۇلت جۇرتشىلىعىنىڭ تابىس سەزىمىن، باقىت سەزىمىن جوعارىلاتتىق“، - دەدى مۇشە ءدىلنار ابىلا. ساياسي كەڭەس مۇشەلىگىن تاعى دا وتەگەن ول سالا مەن بۇقارا اراسىنداعى كوپىرلىك جانە دانەكەرلىك رولىن ويداعىداي ساۋلەلەندىرىپ، ءداۋىر ءۇشىن ءان شىرقاپ، حالىق ءۇشىن ءبي بيلەپ، مۇنان دا كوپ تاڭداۋلى تۋىندى شىعارىپ، شينجياڭدى مادەنيەتپەن نارلەندىرۋگە بەلسەنە ۇلەس قوسپاقشى.
”تۇرعىن ۇيمەن قامتاماسىز ەتۋ جۇيەسى قۇرىلىسىن كۇشەيتىپ، قاجەتتىك جانە جاقسارتۋ سيپاتتى تۇرعىن ءۇي سۇرانىسىن قولداپ، جاڭا قالا تۇرعىندارى، جاستار قاتارلىلاردىڭ تۇرعىن ءۇي ماسەلەسىن ويداعىداي شەشكەن ءجون ...“ مۇشە سۇڭ ياجۇن ۇكىمەت قىزمەتىنەن باياندامانىڭ ءسوز - سويلەمىنىڭ بارىنە وزگەشە ۇقىپتىلىقپەن ءۇڭىلىپ زەرتتەۋدە، ول بىلاي دەدى: ءبىز بيىل بەيقۇت ءۇي قۇرىلىسىن ءار ۇلت بۇقاراسىنىڭ باقىت تياناعى ەتىپ، كوپ تۇلعالى قامدايتىن، كوپ ارنامەن قامتاماسىز ەتەتىن، جالعا الۋ مەن ساتىپ الۋ قاتار جۇرگىزىلەتىن تۇرعىن ءۇي ءتۇزىمىن ورناتۋدى جەدەلدەتەمىز، قامتاماسىز ەتۋ سيپاتتى جالعا بەرىلەتىن 41 مىڭ تۇرعىن ءۇيدىڭ، الەۋمەتتىك جالعا بەرىلەتىن 13 مىڭ 400 ءۇيدىڭ قۇرىلىسىن باستاۋ جوسپارلاندى، كوپ ءتۇرلى شارانى قاتار قولدانۋ ارقىلى ءۇي ساتىپ الۋشىلاردىڭ ءۇي ساتىپ الۋ وزىندىك قۇنىن تومەندەتىپ، ءار ۇلت بۇقاراسىنىڭ اناعۇرلىم جاقسى ۇيدە تۇرۋىنا مۇمكىندىك جاسايمىز.
”ۇكىمەت قىزمەتىنەن بايانداما ۇكىمەتتىڭ زور ىسكەرلىك كورسەتۋگە ۇمتىلۋ، زور دامۋدى كوزدەۋ سەنىمى مەن بەكىمىن تولىق كورسەتتى، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ نىساناسىن تەرەڭدەي يگەرگەندىگىن ايگىلەدى“. مۇشە جاڭ حۇيدىڭ ايتۋىنشا، ول كوڭىل ءبولىپ وتىرعان ساپالى ەمدەۋ بايلىعىن زورايتىپ، تومەنگە ءتۇسىرۋدى جانە وڭىرلەردە بىركەلكى ورنالاستىرۋدى ىلگەرىلەتۋ، قارتتاردى كۇتىمدەۋ جاعىنداعى قىزمەت وتەۋمەن قامتاماسىز ەتۋدى كۇشەيتۋ، تۋىتتى قولداۋ ساياسات جۇيەسىن كەمەلدەندىرۋ سياقتىلاردىڭ بارلىعى باياندامادا ءسوز ەتىلىپتى. ”ءبىز وڭىرلىك ەمدەۋگە قىزمەت وتەۋ ورتالىعى قۇرىلىسىن جەدەل ىلگەرىلەتىپ، اۋدان وڭىرلەرىنىڭ ەمدەۋ - دەنساۋلىق ساقتاۋ جاعىنداعى قىزمەت وتەۋ قابىلەتىن جوعارىلاتىپ، الەۋمەتتىك اۋماقتارداعى قارتتاردى ۇيدە كۇتىمدەۋگە قىزمەت وتەۋدى دامىتىپ، قارتتاردى كۇتىمدەۋ جاعىندا قارتتارعا اناعۇرلىم جان اشىر، اناعۇرلىم مەيىرلى قىزمەت وتەۋىمىز كەرەك“، - دەدى مۇشە جاڭ حۇي.
ەكونوميكالىق دامۋ نىق قاداممەن جوعارىلاۋدا، كەدەيلىكتەن ارىلتۋدان قامال الۋدا جەڭىسكە قول جەتكىزدىك، عىلىم - تەحنيكا جەتىستىكتەرىنەن قامال الىندى... وتكەن 5 جىلدا ەلىمىزدىڭ ءتۇرلى ىستەردە قول جەتكىزگەن تابىستارى مۇشە ۋاڭ ۋيدى ماقتانىش سەزىمىنە بولەدى ءارى ونىڭ مىندەت وتەپ، جاۋاپكەرشىلىكتى ادا ەتۋ سەنىمى مەن جاۋاپكەرشىلىك سەزىمىن كۇشەيتە ءتۇستى. ”بۇدان كەيىنگى قىزمەتتە مەن، پارتيا مەن مەملەكەتتىڭ وزەكتى مىندەتتەرىمەن تىعىز بايلانىستىرىپ، مۇرات - سەنىمدى بەكەمدەپ، ءوز قىزمەتىمدى ورىستەتكەندە ىجداعاتتى بولىپ، ىشكەرىلەي زەرتتەيمىن؛ قىزمەت بورىشىمدى وتەگەندە كوبىرەك ۇيرەنىپ، كوبىرەك امالياتتا ايگىلەپ، ءداۋىر اياق الىسىنا ءجىتى ىلەسىپ، مەملەكەتتىڭ قۇرىلىسى مەن دامۋىنا مۇقيات اقىل - كەڭەس بەرەمىن“، - دەدى ۋاڭ ۋي.
مەملەكەتتىك ساياسي كەڭەستىڭ مۇشەلەرى ليۋ ۋانلۇڭ، ەلزات احمەتجان، قادىلبەك قامزا، جاروللا يسامدين، ابدۇرىقىپ ءتومۇرنياز، ليۋ جيانميڭ، حالمۇرات ابدىراحمان قاتارلىلار تالقىعا قاتىناستى.
