انار بۇلت \ شينجياڭ گازەتىنىڭ ءتىلشىسى ۋاڭ نا 3 - ايدىڭ 6 - كۇنى ۇرىمجىدەن حابارلايدى. 3 - ايدىڭ 6 - كۇنى اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) 2023 - جىلعى كوكتەمگى وقۋ ماۋسىمىنداعى وقۋ باستاۋ سالتىن وتكىزدى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) باستىعى (شۋەيۋان باستىعى) جاڭ جۋ قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىمەن تاباندى تۇردە زەيىن - زەردەنى ۇيىستىرىپ، رۋحتى سومداپ، پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ كەرەك. وتكەن 5 جىلداعى تابىستار مەن جاڭا ءداۋىردىڭ 10 جىلىنداعى ۇلى وزگەرىستەر، تۇبىرىنەن ايتقاندا، باس شۋجي شي جينپيڭنىڭ جول باستاپ، رول ۇستاۋىنىڭ ارقاسى ەكەندىگىن ىشكەرىلەي ءتۇسىنۋ؛ شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشقاندىعىن ىشكەرىلەي ءتۇسىنۋ، ونداعى دۇنيە كوزقاراسىن، ادىستەمەنى جانە وعان سىڭىرىلگەن تۇرعىنى، كوزقاراستى، ادىستەردى ءبىلۋ؛ جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشىن، مىندەتىن تەرەڭ ءتۇسىنۋ، جۇڭگو ۇلگىسىندەگى وسىزامانداندىرۋدى جاپپاي تانۋ جانە ىلگەرىلەتۋ؛ جاپپاي سوتسياليستىك وسىزاماندانعان مەملەكەت قۇرۋداعى نىسانا - مىندەتتەر مەن كەلەلى ورنالاستىرۋلاردى ىشكەرىلەي ءتۇسىنىپ، دايەكتىلەندىرۋدەگى، تياناقتاندىرۋداعى سانالىلىقتى، تاباندىلىقتى كۇشەيتۋ؛ پارتيانىڭ جاپپاي باسشىلىعىنا جانە پارتيانى جاپپاي قاتاڭ باسقارۋعا تاباندى بولۋداعى كەلەلى ورنالاستىرۋلاردى ىشكەرىلەي ءتۇسىنىپ، ءىرى پارتيادا عانا بولاتىن قيىن ماسەلەلەردى شەشۋ سەرگەكتىگى مەن تاباندىلىعىن قاي - قاشان دا ساقتاۋ كەرەك.
ءماجىلىس مىنالاردى تالاپ ەتتى: پارتيا 20 - قۇرىلتايىنىڭ رۋحىن ۇيرەنىپ، دايەكتىلەندىرىپ، تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى زەيىن - زەردەنى ۇيىستىرىپ، رۋحتى سومداپ، نازاريالىق جەتىلىم مەن ساياسي ساپانى جەدەل جوعارىلاتۋ كەرەك. قاز - قالپىندا ۇيرەنىپ، جەتە ءبىلىپ، تولىق ءتۇسىنىپ، ءىس جۇزىندىكپەن بايلانىستىرىپ وي جۇگىرتىپ، شىنايى يگەرىپ، ناقتى ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋعا تىڭ دا اناعۇرلىم زور ۇلەس قوسۋ كەرەك.
