قازىر كوكتەم ماۋسىمىنداعى بالىق تۇرلەرىنىڭ كوبەيۋ مەزگىلى سانالادى، تەمپەراتۋرانىڭ بىرتىندەپ ورلەۋىنە بايلانىستى، ەلىمىزدەگى ەڭ ۇلكەن ىشكى قۇرلىقتىق تۇششى سۋ كولى باعراش كولىنىڭ بەتىندەگى مۇزدار ەرىپ، كولدەگى سازان بالىق، بوز بالىق، ءدوڭماڭداي بالىق سياقتى باستى ەكونوميكالىق بالىق تۇرلەرى قايراڭدا ءوسىپ - ءوربۋ مەزگىلىنە قادام تاستايدى. 3 - ايدىڭ 1 - كۇنىنەن باستاپ، باعراش كولى 112 كۇندىك بالىق اۋلاۋعا تيىم مەزگىلىن باستايدى.
بالىق اۋلاۋعا تيىم سالۋ مەزگىلىندە، جەرگىلىكتى ورىننىڭ بالىقشىلىق ىستەرى بويىنشا اكىمشىلىك زاڭ اتقارۋ قىزمەتكەرلەرى باعراش كولىنىڭ ماڭايىندا زاڭ اتقارىپ، تەكسەرۋ جۇرگىزۋدى ورىستەتىپ، زاڭسىز تور جابدىقتارىن جالپى بەتتىك رەتكە سالىپ، زاڭسىز بالىق اۋلاۋ ارەكەتىنە قاتاڭ سوققى بەرىپ، بالىقشىلارعا بالىق اۋلاۋعا تيىم سالۋ مەزگىلىنە قاتىستى زاڭ - ەرەجەلەردى ۇگىتتەپ، بالىقشىلاردى بالىق اۋلاۋعا تيىم سالۋ مەرزىمىندە كەمەگە قۇلىپ سالۋ، اۋدى قويماعا ەنگىزۋ، قايراڭنان كەتۋ سىندى بەلگىلەمەنى قاتاڭ اتقارۋعا قۋزايدى، سونىمەن قاتار، بالىق بازارىنا بارىپ بالىق اۋلاۋعا تيىم سالۋ مەزگىلىنە قاتىستى قۇلاقتاندىرۋ تاراتىپ، بالىق اۋلاۋعا تيىم سالۋ مەزگىلىندە سۋ ونىمدەرىن ساتۋعا، اۋلاۋعا تيىم سالادى. جۋىق جىلداردان بەرى، جەرگىلىكتى ورىن بالىق اۋلاۋعا تيىم سالۋ مەزگىلىندە ارناۋلى جونگە سالۋ، جاساندى جولمەن ءوسىرۋ، سۋعا قويا بەرۋ، بالىق شارۋاشىلىعى زاڭ - ەرەجەلەرىن ۇگىتتەۋ شارالارىن قولدانۋ ارقىلى باعراش كولىنىڭ بالىق شارۋاشىلىعى بايلىعىن ءونىمدى تۇردە قورعاپ، بالىقشىلاردىڭ مول ءونىم الۋىن قامتاماسىز ەتتى.
