انار بۇلت \ شينجياڭ گازەتىنىڭ ءتىلشىسى جازيرا نەسىپبەك، ەرىكتى ءتىلشى ۋاڭ يۇيشۋان
2 - ايدىڭ 27 - كۇنى، گانسۋ ولكەسى چيڭياڭ قالاسىنان قارامايلى قالاسىنا جۇمىستانۋعا كەلگەن گاۋ نيڭ: ”’دارىندىلار شاعىن قالاشىعىنا‘ قونىستانۋعا تىزىمدەلۋ بارىسى ەرەكشە قولايلى، 5 مينۋتقا جەتپەيتىن ۋاقىتتا قىزمەتكەرلەر مەنىڭ بارلىق راسمياتتارىمدى وتەپ بولدى، ءبىر بولمەلى جاتاقحانادا سافا، تەلەۆيزور، دارەتحانا، مونشا، سىمسىز توردىڭ ءبارى بار، بولمە ءىشى دە تازا ءارى جارىق“،- دەدى.
2-ايدىڭ 27-كۇنى، جۇمىسكەر ”دارىندىلار شاعىن قالاشىعى“ شارۋاشىلىقتى گۇلدەندىرۋ باقشاسىنداعى توپتىق جاتاقحانادا. سۋرەتتى ۋاڭ يۇيشۋان بەرگەن
قارامايلى قالاسىنداعى ”دارىندىلار شاعىن قالاشىعى“ قارامايلى رايونىنداعى سيفرلى ەكونوميكا كاسىپ سالاسى باقشا رايونىنا ورنالاسقان، جالپى قۇرىلىس كولەمى 166 مىڭ شارشى مەتر، شارۋاشىلىقتى گۇلدەندىرۋ باقشا رايونى، شات - شادىمان تىرشىلىك كەشىرۋ باقشا رايونى، شارۋاشىلىق قۇرۋ باقشا رايونى بولىپ 3 باقشا رايونىنا بولىنەدى. ”دارىندىلار شاعىن قالاشىعىنىڭ“ ىشىندە توپتىق جاتاقحانا، سالت باستىلار جاتاقحاناسى، ساۋدا ىستەرى تۇتاس بولمەسى، وتباسى تۇتاس بولمە سياقتى كوپ تۇردەگى ءۇي تۇرلەرى بار بولىپ، جالپى 3000نان ارتىق بولمە بار، ءبىر ۋاقىتتا 11 مىڭنان ارتىق ادامعا قونالقا بولادى.
مۇنىڭ ىشىندە، شارۋاشىلىقتى گۇلدەندىرۋ باقشاسى، شارۋاشىلىق قۇرۋ باقشاسى قۇرىلىس، ساۋدا - ساتتىق تۇرىندەگى كاسىپورىن جۇمىسكەرلەرىنە مايعا بەرىپ قونىستاندىرۋ قىزمەتىن وتەۋمەن قاتار، كاسىپورىن جابدىقتارىن ساقتاۋ، قويۋ سياقتى قامبادا ساقتاۋ قاجەتىن قاناعاتتاندىرادى؛ شات - شادىمان تىرشىلىك كەشىرۋ باقشا رايونى نەگىزىنەن مەردىگەر شاقىرۋدان ىرگە تەپكەن كاسىپورىندار مەن جەتىلدىرىلگەن كاسىپورىنداردىڭ باسقارۋشىلارىن، جوعارى تەحنيكالى دارىندىلاردى نەگىز ەتكەن، ولارعا وتباسى ۇلگىسىندەگى، قوناقجاي ۇلگىسىندەگى قونىستانۋ قىزمەتىن وتەيدى.
”’دارىندىلار شاعىن قالاشىعى‘ ’دارىندىلاردى قونىستاندىرۋ + كاسىپ سالاسىن جەتىلدىرۋ + جۇمىستانۋعا باۋراۋ‘ يقۋاتىن تۇراقتاندىرۋى بويىنشا، ون مىڭ دارىندى زاپاسىن ازىرلەپ، دارىندىلاردى قارامايلى قالاسىنا كەلىپ جۇمىستانىپ، شارۋاشىلىق قۇرۋعا باۋراپ، توڭىرەكتىڭ ءتورت بۇرىشىنان دارىندىلاردى جينايتىن ورتا جاراتۋدى ماقسات ەتەدى“،-دەيدى قارامايلى قالاسى قارامايلى رايوندىق پارتكوم ۇيىمداستىرۋ ءبولىمىنىڭ ءبولىم ىستەرى مۇشەسى با جياڭحۋا.
كەزەكتە شارۋاشىلىقتى گۇلدەندىرۋ باقشاسى مەن شات - شادىمان تىرشىلىك كەشىرۋ باقشاسى قۇرىلىپ بولدى ءارى قولدانۋعا بەرىلدى. شارۋاشىلىق قۇرۋ باقشاسىنىڭ باستى قۇرىلىستارى اياقتالدى، مەجەمەن 6 - ايدىڭ 30 - كۇنى پايدالانۋعا بەرىلەدى.
قارامايلى رايونى ”شارت - جاعداي ازىرلەپ دارىندىلاردى باۋراۋ“،”ءوز جەرىندە دارىندى تاربيەلەۋ“، ”كاسىپ ارقىلى دارىندىنى الىپ قالۋ“ جۇمىس ىستەۋ وي جەلىسى بويىنشا، ”دارىندىلار شاعىن قالاشىعىندا“ دارىندىلار ساۋدا بازارى، تەحنيكالىق دارىندىلاردى تاربيەلەۋ بازاسى، كاسىپتىك تەحنيكانى سارالاۋ ورتالىعى، دارىندىلار مەن ەڭبەككۇشتەردى شىعارۋ ورتالىعىن قۇرىپ، قونالقى، تاربيەلەۋ، ساۋدا، زاپاس ساقتاۋدى ءبىر تۇلعالاندىرعان كەمەلدى كاسىپ سالاسى شوعىرىن تۇلعالاپ، قونىستانۋشىلارعا ”جۇمىس قاراستىرۋ + تاربيە الۋ“ سىندى ءبىر بەكەتتىك قىزمەت وتەۋدى سەزىندىرەدى.
قارامايلى قالاسىنداعى ءبىر مۇناي الابىنا قىزمەت وتەۋ كاسىپورىنىنا ءساتتى جۇمىسقا تۇرعان گو نيڭ بىلاي دەدى: ”مەنىڭ قارامايلىعا كەلىپ جۇمىس تابۋىما تەك ەكى-اق كۇن ۋاقىت كەتتى،’دارىندىلار شاعىن قالاشىعى‘ باسقارۋ كوميتەتىنىڭ قىزمەتكەرلەرى مەنىڭ وقۋ ماعلۇماتىم، قىزمەت تاجىريبەم سياقتى ينفورماتسيالارعا نەگىزدەلىپ، ماعان بىرنەشە كاسىپورىنعا بارىپ جۇمىس قاراستىرۋدى ۇسىندى. قازىر مەنىڭ بۇل قىزمەتىمنىڭ ەڭبەكاقى ماملەسى جاقسى، ”دارىندىلار شاعىن قالاشىعىنىڭ“ ءتۇرلى جاقتاردان قىزمەت وتەگەنىنە شىنايى العىسىمدى بىلدىرەمىن“.
با جياڭحۋا بىلاي دەيدى: ”دارىندىلار شاعىن قالاشىعى‘ بەلگىلى مەرزىمدە جاستار سالونى، كىتاپ وقۋ جينالىسى، بىرلەسكەن دوستىق قيمىلى سياقتى ءتۇرلى مادەنيەت، دەنە تاربيە قيمىلدارىن وتكىزىپ، قونىستانۋشىلاردىڭ رۋحاني مادەنيەت قيمىلدارىن بايىتادى. بۇل ارانىڭ دارىندىلاردىڭ جاڭالىق جاراتىپ، شارۋاشىلىق قۇراتىن ىقپالدى بازاعا اينالىپ، قارامايلىداعى تالپىنىس جاساپ جاتقان جاس تالاپكەرلەردىڭ ارماندارىن ىسكە اسىرۋىنا مۇمكىندىك سيلاۋىن ءۇمىت ەتەمىن“.
