كاسىپ سالاسى شوعىرىندا جوعارى ساپالى دامۋ سىندى ماڭىزدى جەتەكتى مىقتى ۇستادى
انار بۇلت \ شينجياڭ گازەتىنىڭ ءتىلشىسى شى شين
”عىلىم - تەحنيكادا جاڭالىق اشۋدىڭ جەتەكشىلىك رولىن ويداعىداي ساۋلەلەندىرۋ، اسىرەسە، كومىر بايلىعىن اشۋ، پايدالانۋ جاعىندا جالپى كاسىپ سالاسى تىزبەگىن قالىپتاستىرىپ، كومىردەن ’جان - جاقتىلى، تولىق پايدالانۋدى‘ شىن مانىندە جۇزەگە اسىرۋ كەرەك“.
”’شينجياڭنىڭ ەلەكترىن سىرتقا جەتكىزۋ‘ ارناسى قۇرىلىسىن ونان ارى كۇشەيتىپ، بۇكىل ەلدىڭ ەنەرگيا بايلىعىن ورنالاستىرۋدى ساپالىلاندىرىپ، شينجياڭنىڭ باسىمدىققا يە بايلىعىن كادەگە جاراتۋدى ىلگەرىلەتۋدى ۇسىنىس ەتەمىن“.
”شينجياڭنىڭ جاسىل كەن قۇرىلىسىن جەدەلدەتىپ، جاسىل كەن كاسىپ سالاسى شوعىرىنىڭ جوعارى ساپالى دامۋىن ىلگەرىلەتۋ كەرەك“.
…
ەكپىندەي ىلگەرىلەۋگە شابىتتاندىراتىن كوكتەمدە شينجياڭنان كەلگەن مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى ەڭ اسقاق ”ۇندەرىن“ مەملەكەتتىك ەكى ءماجىلىس سىندى ەڭ جوعارى دارەجەلى ۇكىمەت ىسىنە ارالاسۋ، ۇكىمەت ءىسىن كەڭەسۋ تۇعىرىنا جەتكىزدى.
بيىل جىل باسىنان بەرى، شينجياڭدا دامۋ ورلەۋى كوتەرىلدى. دۇنيە جۇزىندەگى كولەمى ەڭ ۇلكەن ليتي بايلىعىن اشۋ، سۇرىپتاۋ، قورىتۋ ءبىر تۇلعالانعان نىسان حوتاندا باستالدى، ەلىمىزدەگى ەڭ ۇلكەن قورعاسىن - مىرىش كەنىنىڭ كەن بارلاۋ ۇقىعىنا يە شينجياڭ گەولوگيا كەن بايلىعى قارجى قوسۋ (توبى) شەكتى جاۋاپكەرشىلىك سەرىكتەستىگى فۋمان مۇناي الابىنان 5 ميلليون توننا ءوندىرىس قۋاتىنا يە قۇرىلىس ينجەنەرياسىن باستاپ، ءبىر ميلليارد توننالىق مۇناي الابىن قاۋىرت اشا باستادى... تىزبەكتى ۇزارتاتىن، تىزبەكتى تولىقتايتىن، تىزبەكتى كۇشەيتەتىن نىساندار شينجياڭنىڭ دامۋ كارتاسىنان بىرىنەن سوڭ ءبىرى ۇزدىكسىز كوزگە ءتۇسىپ، ەرەكشەلىككە، باسىمدىققا يە كاسىپ سالالارىن شوعىرلاندىرا دامىتۋدى جەدەلدەتۋگە، شينجياڭنىڭ ەرەكشە وسى زامانعى كاسىپ سالاسى جۇيەسىن تۇلعالاۋعا پارمەندى تىرەك ازىرلەدى.
جوعارى ساپالى دامۋدىڭ جاڭا جورىعىندا شينجياڭ سوتسياليستىك وسىزاماندانعان قۇدىرەتتى ەل قۇرۋداعى ستراتەگيالىق ورنىن ءداپ باسىپ تاۋىپ، بايلىق قاسيەتى مەن وڭىرلىك ورىن ابزالدىلىعىن تياناق ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتتى.
كاسىپ سالاسى شوعىرىن دامىتۋ قالايشا شينجياڭنىڭ ەكونوميكالىق قۇرىلىسىنداعى ”انا تاقىرىپقا“ اينالدى
جۋىقتان بەرى حوتان ايماعىنىڭ كوكتەمگى قۇلشىنىسقا تولى كورىنىسى بۇكىل ەلدىڭ نازارىن اۋداردى ءارى ارت - ارتىنان القاۋعا بولەندى.
2 - ايدىڭ سوڭىندا شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگىنىڭ 100 مىڭ توننالىق ليتي تۇزى نىسانىنىڭ جۇمىسى حوتاندا باستالدى، بۇل دۇنيە جۇزىندەگى كولەمى ەڭ ۇلكەن ليتي بايلىعىن اشۋ، سۇرىپتاۋ، قورىتۋ ءبىر تۇلعالانعان نىساننىڭ رەسمي باستالعاندىعىن بىلدىرەدى. وسىدان بۇرىن دۇنيە جۇزىندەگى كەن كاسىبى سالاسىنىڭ نازارىن اۋدارعان جۇڭگوداعى ەڭ ۇلكەن قورعاسىن - مىرىش كەنىن بارلاۋ ۇقىعىنا يە شينجياڭ شينكۋاڭ توبىنىڭ قورعاسىن - مىرىش كەنى دە حوتان اۋدانىنا ورنالاسقان ەدى. 2 - ايدىڭ 9 - كۇنى شيامىن قالاسىندا وتكىزىلگەن حوتان ايماعىنىڭ جاسىل كەن كاسىبى كاسىپ سالاسى شوعىرىنا ساۋداگەر شاقىرۋ جونىندەگى تانىستىرۋ ماجىلىسىندە حوتان ايماعى 30 كاسىپورىنمەن كەن اشۋ، قورىتۋ، مانەرلەۋ، جاڭا ماتەريال دايىنداۋ سياقتى جاقتاردا سەلبەستىك كەلىسىمىن جاساسىپ، توقتام سوماسى 82 ميلليارد 800 ميلليون يۋانعا جەتتى.
مەملەكەتتىك كەڭەستىڭ اقىلشىسى، بەيجيڭ داشۋەسى جاڭا قۇرىلىمدىق ەكونوميا زەرتتەۋ ورنىنىڭ باستىعى لين يفۋ حوتان ايماقتىق اكىمشىلىك مەكەمەسىمەن اڭگىمەلەسكەندە بىلاي دەدى: ”كەن بايلىعىنىڭ اشىلۋىنا ىلەسە، حوتان ايماعىنىڭ جان باسىندىق GDPى تەز ارادا بۇكىل ەلدىڭ ورتاشا دەڭگەيىنە جەتەتىن بولادى، اۋەلى، شينجياڭ بويىنشا، بۇكىل ەل بويىنشا الدىڭعى قاتارعا وتەدى“.
كەن بايلىعى باسىمدىعىن ەكونوميكالىق باسىمدىققا اينالدىرۋدى بار كۇشپەن ىلگەرىلەتۋ − حوتان ايماعىنىڭ قازىرگى جانە الداعى مەزگىلدەگى دامۋىنىڭ جاڭا كوورديناتاسى، جاڭا بەتالىسى ءارى شينجياڭداعى كاسىپ سالاسى شوعىرى قۇرىلىسىنىڭ جاپپاي ورلەۋىنىڭ ىقشام كورىنىسى.
جاڭا داۋىردەگى 10 جىلدا شينجياڭ بايلىق، وڭىرلىك ورىن، ساياسات باسىمدىعىنا سۇيەنىپ، كاسىپ سالاسىن دامىتۋدا كورنەكتى ونىمدىلىككە قول جەتكىزدى. كاسىپ سالاسىنىڭ قۇرىلىمى بىرتىندەپ ساپالىلانىپ، دارەجەسى جوعارىلاپ، 2012 - جىلعى 9. 38: 9. 44 : 2. 16نان 2021 - جىلى 9. 47: 4. 37 : 7. 14نا رەتتەلدى.
2022 - جىلى باس شۋجي شي جينپيڭ شينجياڭدى كوزدەن كەشىرگەندە ەكونوميكانىڭ جوعارى ساپالى دامۋىن جەدەلدەتىپ، ەرەكشە، باسىمدىققا يە كاسىپ سالالارىن جەتىلدىرىپ، زورايتىپ، جۇمىستانۋعا قابىلداۋ قابىلەتىن كۇشەيتۋ كەرەك دەپ باسا دارىپتەدى.
باس شۋجي نۇسقاعان باعىتتى بويلاپ، پارتيا 20 - قۇرىلتايىنىڭ رۋحىنا سانالى تۇردە تۋرالانىپ، تۇرعان تاريحي ورنىنا، وزگەشە باسىمدىعىنا جانە ماڭىزدى ورايىنا ىشكەرىلەي تالداۋ جاسادى، اۆتونوميالى رايوندىق پارتكوم مەن ۇكىمەت مۇناي - تابيعي گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، ەرەكشەلىككە، باسىمدىققا يە كاسىپ سالالارىنىڭ شوعىرلانا دامۋىن جەدەلدەتىپ، ”سەگىز ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن قالىپتاستىرۋدى العا قويدى.
كاسىپ سالاسى شوعىرىن دامىتۋ الداعى 5 جىلداعى شينجياڭنىڭ ەكونوميكالىق قۇرىلىسىنداعى ماڭىزدى ”انا تاقىرىپقا“ اينالدى دەۋگە بولادى.
”ەرەكشە وسىزاماندانعان كاسىپ سالاسى جۇيەسىن تۇلعالاۋ − شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى ماڭىزدى تىرەك، شينجياڭنىڭ وسىزاماندانعان ەكونوميكالىق جۇيە قۇرۋىنىڭ ىشكى تالابى، ونان دا ماڭىزدىسى، شينجياڭنىڭ جوعارى ساپالى دامۋدى جۇزەگە اسىرۋىنىڭ تەتىگى“. اۆتونوميالى رايوندىق دامۋ جانە رەفورما كوميتەتى ەكونوميكا زەرتتەۋ ورنى جالپىلىق ەكونوميكانى زەرتتەۋ بولىمشەسىنىڭ تەتە اعا زەرتتەۋشىسى ما يانلياڭ بىلاي دەدى: جوعارى ساپالى دامۋ جانە وسىزاماندانعان ەكونوميكالىق جۇيە جونىندەگى جاڭا تالاپتاردى ولشەم ەتكەندە، شينجياڭدا دامۋ جاعىنداعى ولقىلىقتار مەن شەكتەمەلەر دە، دامۋ قوزعاۋشى قۋاتىنىڭ كەمىستىگى مەن جەتەرسىزدىكتەرى دە بار. تەك وسىزاماندانعان كاسىپ سالاسى جۇيەسىن زورايتىپ، سايكەستىرگەندە عانا، شينجياڭنىڭ جوعارى ساپالى دامۋىنىڭ نەگىزىن نىعايتۋعا بولادى، سوندا عانا شينجياڭنىڭ وسىزاماندانعان ەكونوميكالىق جۇيە ورناتۋ دۇرىس بەتالىسى بويىنشا نىق قاداممەن العا ىلگەرىلەۋىنە دەم بەرۋگە بولادى.
جاڭا جورىقتا شينجياڭنىڭ وزگەشە وڭىرلىك ورنى مەن بايلىق باسىمدىعىن ويداعىداي ساۋلەلەندىردى
مامىراجاي كوكتەم شۋاعى شاشىلدى. شينجياڭنىڭ وڭتۇستىك بولىگىندەگى تارىم ويپاتىنىڭ تۇكپىرىندە بۇرعى داۋىسى بىردە كوتەرىلىپ، بىردە باسەڭدەدى. جۇڭگو مۇناي توبى تارىم مۇناي الابى سەرىكتەستىگى لۇننان مۇناي - تابيعي گاز ساقتاۋ - جەتكىزۋ ورتالىعىنىڭ گازدى باتىستان شىعىسقا جەتكىزۋ ءبىرىنشى بەكەتىندە گۇرىلدەگەن گاز اعىنى قۇبىر ىشىندە العا قاراي جۇيتكۋدە.
مەملەكەتتىك قۇبىر تورى توبى باتىس بولىك قۇبىر شەكتى جاۋاپكەرشىلىك سەرىكتەستىگىنىڭ ساندى مالىمەتىندە كورسەتىلۋىنشە، 2 - ايدىڭ 22 - كۇنىنە دەيىن گازدى باتىستان شىعىسقا جەتكىزۋدە جەتكىزىلگەن گاز مولشەرى 800 ميلليارد تەكشە مەتردەن اسىپ، 400 قالانى باسىپ ءوتىپ، 500 ميلليونعا جۋىق ادامعا قىزمەت وتەگەن.
جۋىرداعى جىلداردا ”گازدى باتىستان شىعىسقا جەتكىزۋ“، ”شينجياڭنىڭ ەلەكترىن سىرتقا جەتكىزۋ“، ”شينجياڭنىڭ كومىرىن سىرتقا تاسىمالداۋ“ كەلەلى ستراتەگيالارىن بەلگى ەتكەن شينجياڭنىڭ مول ەنەرگيا بايلىعى تيانشان تاۋىنان ۇزدىكسىز اسىپ، بۇكىل ەلدىڭ ەنەرگيامەن قامداۋدى قامتاماسىز ەتۋىنە جانە مەملەكەتتىڭ ەنەرگيا حاۋىپسىزدىگىنە ۇلەس قوستى.
”’ءبىر بەلدەۋ، ءبىر جولدى‘ بىرگە قۇرۋدىڭ ىشكەرىلەي ىلگەرىلەتىلۋىنە ىلەسە، شينجياڭنىڭ وڭىرلىك ورىن باسىمدىعى اناعۇرلىم كورنەكتىلەندى، سونداي - اق شينجياڭ مەملەكەتتىڭ’ ءۇش بازا، ءبىر ارناسى‘ ەسەپتەلەدى، مەملەكەتتىڭ ستراتەگيالىق جالپى جاعدايىنا قىزمەت وتەۋ جانە توعىسۋ بارىسىندا جوعارى ساپالى دامۋدى جەدەلدەتۋدە، ءسوز جوق، بايلىق قاسيەتى مەن وڭىرلىك ورىن باسىمدىعىن تياناق ەتىپ، ەرەكشەلىككە، باسىمدىققا يە كاسىپ سالالارىن شوعىرلاندىرا دامىتۋدى جەدەلدەتىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن ويداعىداي تۇلعالاۋ كەرەك“، - دەدى مەملەكەتتىك ساياسي كەڭەستىڭ مۇشەسى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى، اۆتونوميالى رايوندىق مەملەكەتتىڭ 305 نىسانى كەڭسەسىنىڭ مەڭگەرۋشىسى ما حۋادۇڭ.
ەرەكشەلىككە، باسىمدىققا يە كاسىپ سالالارىن شوعىرلاندىرا دامىتۋدى جەدەلدەتۋدە شينجياڭنىڭ قابىلەتى، كۇش - قايراتى، شارت - جاعدايى بار.
شينجياڭدا كەن تۇرلەرى تولىق، قورى مول، تەكسەرىلىپ انىقتالعان بايلىق مولشەرى مەملەكەت بويىنشا الدىڭعى ورىندا تۇراتىندارى 12 ءتۇرلى، الدىڭعى 5 ورىندا تۇراتىندارى 56 ءتۇرلى، الدىڭعى 10 ورىندا تۇراتىندارى 77 ءتۇرلى. ەنەرگيا بايلىعى مول، مۇنايدىڭ، تابيعي گازدىڭ، كومىردىڭ مەجەلەنگەن بايلىق مولشەرىنىڭ بۇكىل ەلدە يەلەگەن سالىستىرماسى ％30تەن اسادى. شينجياڭ ءالى دە ەلىمىزدىڭ استىق وندىرىسىندە باسىمدىققا يە ءوڭىر ءارى ساپالى تاۋار ماقتا ءوندىرۋ بازاسى، ەرەكشە جەمىس ورمانى بازاسى ەسەپتەلەدى، اسىرەسە، 2022 - جىلى شينجياڭنىڭ ماقتا ءونىم مولشەرى بۇكىل ەلدىكىنىڭ ％2. 90ىن يەلەپ، تاريحي تىڭ ورە جاراتتى.
”ەلدەن ەرەك بايلىق قاسيەتى ەرەكشەلىككە، باسىمدىققا يە كاسىپ سالاسىن دامىتۋعا بەرىك نەگىز قالادى، سونداي - اق ەرەكشە وسىزاماندانعان كاسىپ سالاسى جۇيەسىن تۇلعالاۋعا ماڭىزدى قامتاماسىزدىق ازىرلەدى“، - دەدى ما يانلياڭ.
ناقتى اماليات بارىسىندا شينجياڭ دا جەتىستىككە قول جەتكىزدى. ايتالىق، وسى زامانعى اۋىل شارۋاشىلىعى كاسىپ سالاسى جۇيەسى جاعىندا، شينجياڭداعى جۇقا قابىقتى جاڭعاق، كورلا المۇرتى، شينجياڭ ءجۇزىمى، ىلە جىلقىسى، شينجياڭ ماقتاسى، شينجياڭ قوڭىر سيىرى سىندى باسىمدىققا يە 6 ەرەكشە كاسىپ سالاسى شوعىرىنىڭ تۇتاس كاسىپ تىزبەگىندەگى ءونىم قۇنى 10 ميلليارد يۋاننان اسىپ، وزەكتى باسەكەلىك قۋاتقا يە ءتۇيىندى كاسىپ سالاسى تىزبەگىن قالىپتاستىردى.
”ەرەكشەلىككە، باسىمدىققا يە كاسىپ سالالارىن شوعىرلاندىرا دامىتۋدى جەدەلدەتۋدە شينجياڭ سالىستىرمالى باسىمدىققا يە بولعانىمەن، ولقىلىقتارى مەن ءالسىز تۇستارى دا بار، بارىنەن دە ماڭىزدىسى، كوپتەگەن ءتيىمدى شارت - جاعدايعا يە“. ما حۋادۇڭ بىلاي دەدى: جاڭا داۋىردەگى جاڭا جورىقتا شينجياڭ ەرەكشەلىككە، باسىمدىققا يە بايلىق پەن كاسىپ سالاسىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن اناعۇرلىم ويداعىداي ساۋلەلەندىرىپ، مەملەكەتتىڭ استىق، ەنەرگيا، كەن ونىمدەرى حاۋىپسىزدىگىن قامتاماسىز ەتۋگە شينجياڭ ۇلەسىن قوسۋى كەرەك.
جوعارى ساپالى دامۋدىڭ شەشۋشى كۇش سالۋ ءتۇيىنىن ويداعىداي يگەردى
قايتكەندە كاسىپ سالاسىن اناعۇرلىم ۇزارتۋعا، كولەمدى اناعۇرلىم كەڭەيتۋگە، باسەكەلىك قۋاتتى اناعۇرلىم ساپالىلاندىرا جوعارىلاتۋعا، جەرگىلىكتى ەكونوميكامەن اناعۇرلىم تىعىز ۇشتاستىرۋعا بولادى؟ بۇل شينجياڭنىڭ ەرەكشەلىككە، باسىمدىققا يە كاسىپ سالالارىن شوعىرلى دامىتۋدا، ءسوز جوق، وي جۇگىرتۋگە ءتيىستى ماسەلە.
مەملەكەتتىك حالىق قۇرىلتايىنىڭ ۋاكىلى، ەرەكشە ترانسفورماتور شەكتى جارنا سەرىكتەستىگى پارتكومىنىڭ شۋجيى، القا باستىعى جاڭ شين ”سەگىز ءىرى كاسىپ سالاسى شوعىرىن“ جەدەل قۇرىپ، شينجياڭ ەرەكشەلىگىندەگى وسىزاماندانعان كاسىپ سالاسى جۇيەسىن تۇلعالاۋدىڭ تەتىگى عىلىم - تەحنيكادا جاڭالىق اشۋدا دەپ قارايدى.
عىلىم - تەحنيكادا جاڭالىق اشۋ − وسىزاماندانعان كاسىپ سالاسى جۇيەسى قۇرىلىسىنا جەتەكشىلىك ەتەتىن ستراتەگيالىق تىرەك.
شينجياڭداعى جەرگىلىكتى جوعارى جاڭا تەحنيكا كاسىپورنى سانالاتىن ەرەكشە ترانسفورماتور شەكتى جارنا سەرىكتەستىگى وسى بىرنەشە جىلدا عىلىم - تەحنيكادا جاڭالىق اشۋعا ۇسىنىلىمدى ۇزدىكسىز ارتتىرىپ، 1100± كيلوۆولتتىق ەرەكشە جوعارى كەرنەۋلى تۇراقتى توك اۋىستىرۋ ترانسفورماتورى، 800± كيلوۆولتتىق ەرەكشە جوعارى كەرنەۋلى يكەمدى تۇراقتى توك اۋىستىرۋ كلاپانى سياقتى دۇنيە جۇزىنە ۋاكىلدىك ەتەتىن ەنەرگيا ۇنەمدەۋ، ەلەكتر جەتكىزۋ، كەرنەۋ وزگەرتۋ تەحنيكاسى سالاسىندا جاڭالىق اشا كوش باستاۋ ينجەنەرياسىنداعى جۇڭگونىڭ تۇڭعىش جيىنتىق جابدىقتارىن، دۇنيە جۇزىندەگى تۇڭعىش جيىنتىق جابدىقتاردى ءساتتى زەرتتەپ جاسادى، جۇڭگو شينجياڭىنان باستاۋ العان دۇنيە جۇزىندەگى وزىق ەنەرگيا ۇنەمدەۋ، ەلەكتر جەتكىزۋ، كەرنەۋ وزگەرتۋ تەحنيكاسى الەمدىك بازاردا ”مىعىم قۋاتىن“ ايگىلەدى.
قازىر قۇمىل قالاسى اۆتونوميالى رايوندىق پارتكومنىڭ قۇمىلعا قويعان ”شينجياڭ ەكونوميكاسىنىڭ جوعارى ساپالى دامۋ ۇلگىسىن ورناتىپ، جۇڭگو ۇلگىسىندەگى وسىزاماندانا دامۋداعى ۇلگىلى قالا، باتىس سولتۇستىكتەگى 5 ولكە، اۆتونوميالى رايون بويىنشا ەكونوميكانىڭ، قوعامنىڭ جوعارى ساپالى دامۋىنداعى ۇلگىلى قالا تۇلعالاۋ“ سىندى ورىن تۇراقتاندىرۋ تالابىن مىقتاپ ارقاۋ ەتىپ، ەنەرگيا بايلىعى قاسيەتىن، كاسىپ سالاسى نەگىزىن جانە وڭىرلىك ورىن باسىمدىعىن تولىق ساۋلەلەندىرىپ، قۇمىل ەرەكشەلىگىنە باي وسى زامانعى كومىر حيميا ونەركاسىبى، جاڭا ەنەرگيا، جاڭا ماتەريال، جابدىق جاساۋ، وسى زامانعى زات اينالىمى، مادەنيەت - ساياحات سىندى 6 ءىرى وسىزاماندانعان كاسىپ سالاسى جۇيەسىن جەدەل جەتىلدىرىپ، ورناتۋدا.
”كاسىپ سالاسىن دامىتۋ ارقىلى كۇش توپتاپ، قۋاتتى كۇشەيتىپ، ەكونوميكانىڭ جوعارى ساپالى دامۋىنىڭ تاتىمدىلىعىن ونان ارى جوعارىلاتىپ، قۇمىل قالاسىنىڭ ەكونوميكالىق، قوعامدىق دامۋىنىڭ نەگىزىن ونان ارى بەكەمدەيمىز“، - دەدى قۇمىل قالالىق پارتكومنىڭ شۋجيى سۇن تاۋ.
”اشىق ەكونوميكالىق ءتۇزىلىس ورناتىپ، الەمدەنگەن بايلىقتى جايعاستىرۋ قابىلەتىن جوعارىلاتىپ، ءتۇيىندى كاسىپ سالالارىنىڭ ۇزدىكسىز زورايۋىن، باسىمدىققا يە كاسىپ سالالارىنىڭ كولەمىن ارتتىرۋدى، جاڭادان گۇلدەنگەن كاسىپ سالالارىن جەدەل جەتىلدىرۋدى ىلگەرىلەتىپ، كاسىپ سالالارىنىڭ الەمدىك قۇن تىزبەگىنىڭ ورتا جوعارى دەڭگەيىنە كوتەرىلۋىن جەبەۋ كەرەك“، - دەدى ما يانلياڭ ۇسىنىس بەرىپ.
بۇگىنگى تاڭدا شينجياڭنىڭ جەر - جەرى ەرەكشەلىككە، باسىمدىققا يە كاسىپ سالالارىن ارقاۋ ەتىپ، نازاردى ”سەگىز ءىرى كاسىپ سالاسى شوعىرىنا“ شوعىرلاندىرىپ، ساۋداگەر شاقىرىپ، قارجى ەنگىزۋ نىساندارىن جوسپارلاپ، تۇلعالاپ، ”اتتانعان كەزدە - اق اتويلاۋدىڭ، باستالعان كەزدە - اق شەشۋشى شايقاس جۇرگىزۋدىڭ“ كۇشتى سيگنالىن تاراتتى. بايتاق شينجياڭ الابىندا وسىزاماندانعان كاسىپ سالاسى جۇيەسىن جەدەل ورناتۋ، جۇڭگو ۇلگىسىندەگى وسىزامانداندىرۋدىڭ جاڭا كارتيناسىن ايگىلەۋ ءۇشىن كۇش - قۋات توپتالۋدا.
