مەملەكەتتىك حالىق قۇرىلتايىنىڭ شينجياڭداعى ۋاكىلدەرى، مەملەكەتتىك ساياسي كەڭەستىڭ شينجياڭدا تۇراتىن مۇشەلەرى بەيجيڭگە جەتتى

日期:2023年03月04日
来源:新疆日报
【字体:

  3 - ايدىڭ 3 - كۇنى 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناساتىن مەملەكەتتىك حالىق قۇرىلتايىنىڭ شينجياڭداعى ۋاكىلدەرى ۇشاقپەن بەيجيڭگە جەتتى.

  □ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ تىلشىلەرى لي ياڭ، جاڭ يۇنمەي 3 - ايدىڭ 3 - كۇنى بەيجيڭنەن حابارلايدى. 3 - ايدىڭ 3 - كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناساتىن مەملەكەتتىك حالىق قۇرىلتايىنىڭ شينجياڭداعى ۋاكىلدەرى ۇشاقپەن بەيجيڭگە جەتتى. سونىمەن 2023 - جىلعى مەملەكەتتىك ەكى ماجىلىسكە قاتىناساتىن مەملەكەتتىك حالىق قۇرىلتايىنىڭ شينجياڭداعى ۋاكىلدەرى مەن مەملەكەتتىك ساياسي كەڭەستىڭ شينجياڭدا تۇراتىن مۇشەلەرى تۇگەلدەي ماجىلىسكە كەلدى.

  پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ۇلى جوباسىن كەسكىندەپ، جاڭا داۋىردەگى جاڭا جورىقتا پارتيا مەن مەملەكەت ىستەرىن دامىتۋدىڭ نىسانا - مىندەتتەرىن ايقىندادى. 2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، بيىلعى مەملەكەتتىك ەكى ءماجىلىستى ويداعىداي اشۋدىڭ ءمانى كەلەلى. حالىق قۇرىلتايى ۋاكىلدەرى مەن ساياسي كەڭەس مۇشەلەرىنىڭ مىندەت جاۋاپكەرشىلىگىن شىن مانىندە ويداعىداي ورىنداۋ ءۇشىن، بەيجيڭگە اتتاناردان بۇرىن ۋاكىلدەر، مۇشەلەر نەگىزگى ساتىنى ىشكەرىلەي ارالاپ تەكسەرۋ - زەرتتەۋ جۇرگىزىپ، قوعام جاعدايىن، حالىق تىلەگىن مۇقيات ۇعىسىپ، جوعارى ساپالى كەڭەستىك جوبا، ۇسىنىس جوبا، ۇسىنىس تاپسىرۋ ءۇشىن ىجداعاتتىلىقپەن دايىندىق جاسادى.

  ”مەن اۋىلداستاردىڭ تاپسىرماسى مەن ءۇمىتىن الىپ بەيجيڭگە ماجىلىسكە قاتىناسۋعا كەلدىم، بيىل اۋىل - قىستاقتى گۇلدەندىرۋ جاعىنداعى جاڭا شارالارعا، جاڭا ساياساتتارعا ايرىقشا نازار اۋداردىم“. مەملەكەتتىك حالىق قۇرىلتايىنىڭ ۋاكىلى رۋقيام ءماتسايدىنىڭ جۇزىنەن سەنىم مەن ارىن مەن مۇندالايدى. 13 - كەزەكتى، 14 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ جالعاستى سايلانعان ول ارقالاعان جاۋاپكەرشىلىگىنىڭ اۋىر ەكەندىگىن سەزىندى. ”مەن، ءسوز جوق، سەنىمدى اقتاپ، ۋاكىلدىڭ مىندەت جاۋاپكەرشىلىگىن مۇقياتتىلىقپەن ويداعىداي وتەپ، ۋاكىلدىك رولىمدى ويداعىداي تولىق ساۋلەلەندىرىپ، حالىقتىڭ جاقسى ’جارشىسى‘ بولامىن“، - دەدى ول.

  مەملەكەتتىك حالىق قۇرىلتايىنىڭ ۋاكىلى زويا باقىت التاي ايماعىنىڭ تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ارمانداعان تۇرمىستى ”ناعىز بايلىققا“ اينالدىرعان جاندى امالياتىنا ءوز كوزىمەن كۋا بولدى. ”مەن بۇقارانىڭ ساياحاتتىڭ يگىلىگىن كورىپ، جاقسى تۇرمىس كەشىرگەن اڭگىمەلەرىن ەكى ماجىلىسكە الىپ بارىپ، ساياحات كاسىبىنىڭ جوعارى ساپالى دامۋىنىڭ جاڭا ۇلگىسىنە ۇزدىكسىز ىزدەنىس جاسايمىن“، - دەدى ول.

  جاقىنعى جىلداردان بەرى، مەملەكەتتىك ساياسي كەڭەستىڭ شينجياڭدا تۇراتىن مۇشەسى ديلنار ابلا شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋگە تىنباي قۇلشىندى، ول ورتاعا قويعان كوپتەگەن ۇسىنىس جوبا، ۇسىنىستار قابىلداندى. ديلنار ابلا ۇكىمەت ىسىنە بەلسەنە ات سالىسىپ، كەڭەس بەرىپ، شينجياڭنىڭ تاماشا وبرازىن ايگىلەپ، حالىق بۇقاراسىنىڭ ءۇمىتىن اقتايتىندىعىن ءبىلدىردى.

  مەملەكەتتىك ساياسي كەڭەس ساۋدا - ونەركاسىپشىلەر بىرلەستىگى سالاسىندا، ليۋ ۋي مەملەكەتتىك ساياسي كەڭەستىڭ شينجياڭدا تۇراتىن بىردەن - ءبىر مۇشەسى، ول بورىشىنىڭ داڭقتى ەكەندىگىن تەرەڭ سەزىندى. بيىل ول ىجداعاتتىلىقپەن ءبىر ۇسىنىس جوبا دايىنداپ، شارۋاشىلىق - ساۋدا ورتاسىن باعالاۋ جۇيەسىن ورناتىپ، شارۋاشىلىق - ساۋدا ورتاسىن ونان ارى ساپالىلاندىرىپ، ورتا، شاعىن، ۇساق كاسىپورىنداردىڭ دامۋىنا دەم بەرۋگە ۇندەدى. ”مەن مۇشە بولۋ مىندەت جاۋاپكەرشىلىگىمدى تولىق اتقارىپ، ۇكىمەت ىسىنە بەلسەنە ات سالىسىپ، كەڭەس بەرىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە شىنايى اقىل - كەڭەس، تاماشا شارا ۇسىنامىن“، - دەدى ول.

  مەملەكەتتىك حالىق قۇرىلتايىنىڭ شينجياڭداعى ۋاكىلدەرى، مەملەكەتتىك ساياسي كەڭەستىڭ شينجياڭدا تۇراتىن مۇشەلەرى كوكىرەك تولى تەبىرەنگەن كوڭىل كۇيمەن سالتاناتتى ءماجىلىستىڭ اشىلۋىن كۇتتى. ۋاكىلدەر، مۇشەلەر مىنالاردى ءبىلدىردى: بەلسەندىلىكپەن مىندەت جاۋاپكەرشىلىگىمىزدى وتەپ، جاۋاپكەرشىلىك ارقالاپ، جاۋاپكەرشىلىگىمىزدى ادا ەتىپ، ءىس جۇزىندىك ارەكەتىمىز ارقىلى جالپى بارىستىق حالىق دەموكراتياسىن امالياتتا ايگىلەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا كۇش - قۋاتىمىزدى قوسامىز.