رايونىمىز ”سەگىز ءىرى كاسىپ سالاسى شوعىرى“ قۇرىلىسىن بار كۇشپەن ىلگەرىلەتەدى

日期:2023年02月02日
来源:新疆日报
【字体:

  انار بۇلت \ شينجياڭ گازەتىنىڭ ءتىلشىسى ما ينيڭ 2 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ قىزمەتى ماجىلىسىنەن ۇعىسۋعا قاراعاندا، بيىل رايونىمىز ”سەگىز ءىرى كاسىپ سالاسى شوعىرى“ قۇرىلىسىن بار كۇشپەن ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك ورەسىن جوعارىلاتىپ، جاساۋ كاسىبىنىڭ وزىق، زەردەلى، جاسىل دامۋىن ىلگەرىلەتىپ، ونەركاسىپ پەن ينفورماتسيالاندىرۋدا ساپانىڭ ءونىمدى جوعارىلاۋى مەن مولشەردىڭ لايىقتى ارتۋىن جۇزەگە اسىرادى ەكەن.

  2022 - جىلى كولەمنەن جوعارى ونەركاسىپتىڭ ارتقان قۇنى %1. 7 ارتىپ، بۇكىل ەلدىڭ كولەمنەن جوعارى ونەركاسىبىنىڭ ارتۋ جىلدامدىعىنان 5. 3 پايىز جوعارى بولىپ، بۇكىل ەل بويىنشا 7 - ورىندا تۇرىپ، بۇكىل رايوننىڭ GDPىنىڭ ارتۋ جىلدامدىعىنان 9. 3 پايىز جوعارىلاپ، ونەركاسىپ ەكونوميكاسى بۇكىل رايوننىڭ ەكونوميكاسىنىڭ ورنىقتى ارتۋىنداعى نەگىزگى كۇشكە اينالدى.

  بيىل اۆتونوميالى رايون مۇناي - تابيعي گاز بايلىعىن بارلاۋ، اشۋ جانە زاپاس قورىن مولايتىپ ءونىم مولشەرىن ارتتىرۋ سەرپىنىن ارتتىرىپ، ”شينجياڭنىڭ مۇنايىن شينجياڭدا وڭدەۋدى، وڭدەلگەن مۇنايدى ازايتىپ، حيميا ونەركاسىبى ونىمدەرىن كوبەيتۋدى“ جەبەپ، ولەفين، ارەن كاسىپ سالاسى تىزبەگىن كۇش سالا جەتىلدىرىپ، تۇلعالاپ، وزىق پولي ولەفين، ينجەنەريالىق پلاستيكا، قۋاتى جوعارى تالشىق سياقتى جوعارى ۇستەمە قۇندى ونىمدەردى زور كۇشپەن دامىتىپ، مۇناي - تابيعي گاز ءوندىرۋ، وڭدەۋ كاسىپ سالاسى شوعىرىن جەتىلدىرەدى، زورايتادى. سونىمەن بىرگە، كومىر، كومىر ەلەكتر، كومىر حيميا ونەركاسىبى كاسىپ سالاسى شوعىرى مەن جاسىل كەن كاسىبى كاسىپ سالاسى شوعىرىن جەدەل قۇرىپ، كومىر حيميا ونەركاسىپ كاسىپ سالاسىنىڭ جاسىل دامۋىنا جەتەكشىلىك ەتىپ جانە ونى قولداپ، كومىردى تازا دا جوعارى ءونىمدى پايدالانۋدى وزەك ەتكەن قايتالامالى كاسىپ سالاسى تىزبەگىن قۇرادى. كەن كاسىبى بايلىعىن جاسىل، جوعارى ءونىمدى اشۋدى، پايدالانۋدى ىلگەرىلەتىپ، تومەنگى بۋىنداعى جىنتىكتەي وڭدەۋ كاسىپ سالالارى تىزبەگىن بەلسەنە ۇزارتىپ، باستاپقى وڭدەۋدى نەگىز، جىنتىكتەي وڭدەۋدى باستاماشى ەتكەن جاسىل كەن كاسىبى كاسىپ سالاسى جۇيەسىن كۇش سالا ورناتىپ، ستراتەگيالىق سيپاتتى بايلىقپەن قامداۋ، قامتاماسىزداندىرۋ قابىلەتىن جوعارىلاتادى.

  ”جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالاسى شوعىرىن دامىتۋ ءۇشىن جاسىل، كرەمني نەگىزدى تۇتاس كاسىپ سالاسى تىزبەگىن بەلسەنە قۇرىپ، كرەمني نەگىزدى فوتوۆولتتىق كاسىپ سالاسى تىزبەگىن ۇزارتىپ، الۋەتتەندىرىپ، كرەمني تاسىمەن قامداۋعا كەپىلدىك ەتۋدى جانە ەلەكتر قۋاتىمەن قامتاماسىزداندىرۋدى كۇشەيتىپ، الەمدىك كرەمني نەگىزدى فوتوۆولت كاسىپ سالاسىنا جەتەكشىلىك ەتەتىن تەحنيكادا جاڭالىق اشۋدىڭ بيىك بەلەسىن تۇلعالاۋ كەرەك“، - دەدى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باستىعى نيجات سىمايىل.

  بيىل اۆتونوميالى رايون تاعى حيميالىق تالشىق، گۇل باسۋ - بوياۋ، كيىم - كەشەك، ءۇي توقىمالارى، ءبىز توقىماشىلىعى جانە جوبالاۋ سياقتى كاسىپ سالاسى تىزبەگىنىڭ، قامداۋ تىزبەگىنىڭ ولقىلىقتارىن تولىقتاپ، ءبىر توپ كەلەلى نىسان قۇرىلىسىن ىلگەرىلەتىپ، ەرتەرەك وندىرىسكە قوسۋدى، ەرتەرەك ونىمدىلىگىن كورۋدى جەدەل جۇزەگە اسىرىپ، ماقتا جانە توقىماشىلىق، كيىم - كەشەك كاسىپ سالاسى شوعىرىن جەدەل قۇرادى. مۇنان تىس، استىق - ماي كاسىپ سالاسى شوعىرىن، جاسىل، ورگانيكالى جەمىس - جيدەك، كوكونىس كاسىپ سالاسى شوعىرىن، ساپالى مال شارۋاشىلىعى ونىمدەرى كاسىپ سالاسى شوعىرىن تۇلعالاۋعا قولداۋ كورسەتەدى. ماقتا ءشيتى مايىن جىنتىكتەي ايىرىپ وڭدەۋ جانە جالپىلاي پايدالانۋ ونىمدىلىگىن جوعارىلاتىپ، تومەنگى بۋىنداعى استىق - ماي ونىمدەرىن وڭدەۋ جۇيەسىن بايىتادى، كەمەلدەندىرەدى. شينجياڭ جىبەك جولى ءجۇزىم شارابى فەستيۆالىن ويداعىداي وتكىزىپ، سارا ماركا جەتىلدىرۋ جانە بازار اشۋ سەرپىنىن ارتتىرادى. سويىس قوي، سويىس سيىر، ءسۇت شارۋاشىلىعى سياقتى باسىمدىققا يە، ەرەكشە كاسىپ سالالارى تىزبەگىن ۇزارتۋدى، تىزبەگىن كۇشەيتۋدى جەدەل ىلگەرىلەتەدى.