شينجياڭ سازدىقتاردى دارەجەگە ءبولىپ باسقارۋ جۇيەسىن ورناتتى
8 ماڭىزدى سازدىق تۇراقتاندىرىلدى
انار بۇلت \ شينجياڭ گازەتىنىڭ ءتىلشىسى ساۋ حۋا 2 - ايدىڭ 1 - كۇنى ۇرىمجىدەن حابارلايدى. 2 - ايدىڭ 2 - كۇنى − 27 - رەتكى دۇنيە جۇزىلىك سازدىق كۇنى، نەگىزگى تاقىرىبى ”سازدىقتى قالپىنا كەلتىرۋ“. شينجياڭ ىشكى قۇرلىقتاعى قۋاڭ وڭىرگە ورنالاسقانىمەن، سازدىق بايلىعى مول، كوپ ءتۇرلى، جەر اۋدانى مەملەكەت بويىنشا 5 - ورىندا تۇرادى، سازدىقتاردى دارەجەگە ءبولىپ باسقارۋ جۇيەسىن ورناتۋ ارقىلى 8 جەردەگى اۆتونوميالى رايوننىڭ ماڭىزدى سازدىقتارىن تۇراقتاندىرۋ جانە ولاردىڭ ەسىمدىگىن جاريالاۋ قىزمەتى ىستەلىپ بولدى.
”سازدىقتاردى قورعاۋعا، باسقارۋعا ساياتىن تاراۋلار كوپ، وبيەكتىلەر كوپ، باسقارۋ ەداۋىر قيىن“. اۆتونوميالى رايوندىق ورمان شارۋاشىلىعى جانە جايلىم مەكەمەسى سازدىقتاردى باسقارۋ باسقارماسىنىڭ 4 - دارەجەلى تەكسەرۋ - زەرتتەۋشىسى يان بەيبەي بىلاي دەدى: دارەجەگە ءبولىپ باسقارۋ جۇيەسىن ورناتۋ ارقىلى ءار دارەجەلى سازدىقتاردىڭ ءىس ۇقىعى مەن شىعىس جاۋاپكەرشىلىگىن ءبولۋدى ونان ارى ايقىنداۋ سازدىقتاردى باسقارۋ جاۋاپكەرشىلىگىن تياناقتاندىرۋعا ءتيىمدى، سازدىق بايلىعىن قورعاۋدى كۇشەيتۋ ارقىلى سازدىق بايلىعىنىڭ ماڭگى پايدالانىلۋىنا، اقاۋسىز دامۋىنا شىنايى كەپىلدىك ەتۋگە بولادى.
تاياۋداعى جىلداردان بەرى، شينجياڭ سازدىقتاردى دارەجەگە ءبولىپ باسقارۋ جۇيەسى قۇرىلىسىن بەلسەنە قاراستىرىپ، ىركەس - تىركەس «اۆتونوميالى رايوننىڭ ماڭىزدى سازدىقتاردى تۇراقتاندىرۋ ءادىسىن»، «اۆتونوميالى رايوننىڭ سازدىقتاردى قورعاۋ، قالپىنا كەلتىرۋ قىزمەتىن اتقارۋ جوباسىن»، «اۆتونوميالى رايوننىڭ سازدىقتار ەسىمدىگىن باسقارۋ ءادىسىن» ىلگەرىندى - كەيىندى شىعارىپ، سازدىقتاردى دارەجەگە ءبولىپ باسقارۋ جۇيەسى قۇرىلىسىنا نەگىز ازىرلەدى. مۇندا 2017 - جىلى شىعارىلعان «اۆتونوميالى رايوننىڭ سازدىقتاردى قورعاۋ جانە قالپىنا كەلتىرۋ قىزمەتىن اتقارۋ جوباسىندا» سازدىقتاردى دارەجەگە ءبولۋ جۇيەسىن ورناتۋ ايقىن العا قويىلعان، شينجياڭنىڭ سازدىقتاردى قورعاۋ جوباسى جانە سازدىقتاردىڭ ەكولوگيالىق يقۋاتى، ورگانيزمدەردىڭ الۋان تۇرلىلىگىنىڭ ماڭىزدى ءتارتىبى بويىنشا، شينجياڭ سازدىقتارىن مەملەكەتتىك ماڭىزدى سازدىق (حالىقارالىق ماڭىزدى سازدىقتاردى قامتيدى)، اۆتونوميالى رايوندىق ماڭىزدى سازدىق جانە ادەتتەگى سازدىق دەپ ءبولىپ، تۇرلىشە دارەجەدەگى سازدىق ەسىمدىگىنە ەنگىزىپ، شەكتى مەرزىمدە جاڭالاپ تۇردى.
2021 - جىلى شينجياڭ بۋرىلتوعاي اۋدانىنداعى ۇلىڭگىر كولى، التاي ايماعىنداعى قاناس، قابا اۋدانىنداعى كوكتوعاي، بۇراتالا موڭعۇل اۆتونوميالى وبلىسىنداعى ەبينۇر كولى، بۇراتالا قالاسى سايرام كولى، اراسان اۋدانىنداعى سالاماندىرا، باعىراش اۋدانىنداعى باعىراش كولى، موڭعۇلكۇرە اۋدانىنداعى اعاياز سياقتى 8 جەردەگى 1 - توپتاعى اۆتونوميالى رايوندىق ماڭىزدى سازدىقتار ەسىمدىگىن جاريالادى، بۇل سازدىقتاردى دارەجەگە ءبولىپ باسقارۋ جۇيەسى قۇرىلىسىنىڭ ماڭىزدى ىلگەرىلەۋشىلىككە قول جەتكىزگەندىگىن بەينەلەيدى. قازىر 2 - توپتاعى اۆتونوميالى رايوندىق ماڭىزدى سازدىقتار ەسىمدىگى اشىق جاريالانىپ جانە پىكىر الىنىپ بولدى، ءساتى تۇسكەندە جاريالانادى.
بىلتىر جاريالانعان «مەملەكەتتىك سازدىقتاردى قورعاۋ جوباسىندا (2022 − 2030 -جىلى)» شينجياڭ كوكسۋ، ەبينۇر كولى سازدىعى جانە قاناس، كوكتوعاي، سايرام كولى سازدىقتارى مەملەكەتتىك ماڭىزدى سازدىق (حالىقارالىق ماڭىزدى سازدىق) كانديدات وڭىرىنە ەنگىزىلدى.
سازدىق قىمباتتى ەكولوگيالىق بايلىق، سازدىقتاردى ويداعىداي قورعاۋ وڭىرلىك ەكولوگيالىق حاۋىپسىزدىك قالتقىسىن قالىپتاستىرۋ جونىنەن ەرەكشە ماڭىزدى رولعا جانە مانگە يە. ”14 - بەسجىلدىق“ كەزىندە، شينجياڭ سازدىقتاردى قورعاۋ سەرپىنىن ۇزدىكسىز كۇشەيتىپ، 2025 - جىلى سازدىقتاردى قورعاۋ سالىستىرماسىن ％55كە جەتكىزىپ، مەملەكەتتىك باتىس بولىكتەگى ماڭىزدى ەكولوگيالىق حاۋىپسىزدىك قالتقىسىن اناعۇرلىم بەكەمدەپ، سازدىقتاردى ادامدار مەن حايۋاناتتار تەڭ يگىلىكتەنەتىن ەكولوگيالىق جەر ۇيىعىنا اينالدىرادى.
