بۇلتتىق قولدانىلمالى قىزمەت وتەۋ ونىمدەرى جۇيەسى قۇرىلىسىن جەدەلدەتتى

日期:2023年02月02日
来源:新疆日报
【字体:

حۇڭيوۋ جۇمساق بولشەگى:

  بۇلتتىق قولدانىلمالى قىزمەت وتەۋ ونىمدەرى جۇيەسى قۇرىلىسىن جەدەلدەتتى

  □ انار بۇلت \ شينجياڭ گازەتىنىڭ ءتىلشىسى ۋاڭ يايۇن

  ”8 - ايدا 4 - توپتاعى مەملەكەتتىك ارنايىلانعان، كەمەلدەنگەن، ەرەكشە، جاڭا ’شاعىن قۋاتتى‘ كاسىپورىن بولىپ مويىندالدى. 12 - ايدا مەملەكەتتىك ونەركاسىپ ينتەرنەت APPى بويىنشا تاڭداۋلى شەشۋ جوباسى سيلىعىن الدى...“ 1 - ايدىڭ 16 - كۇنى سەرىكتەستىكتىڭ 2022 - جىلى قول جەتكىزگەن ىلگەرىلەۋشىلىكتەرىن ءبىر - بىرلەپ اۋىزعا العاندا، حۇڭيوۋ جۇمساق بولشەك جارنا شەكتى سەرىكتەستىگىندەگى (تومەندە قىسقارتىلىپ ”حۇڭيوۋ جۇمساق بولشەگى“ دەلىنەدى) ءاربىر ادام كوكىرەك تولى سەنىمگە يە ەدى.

  تەحنيكالىق تىرەك ”حاۋىپسىزدىك جەلىسىن“ بەرىك ورناتتى

  ”ينفورماتسيالاندىرىلعان نەگىزدىك قۇرىلعىلاردىڭ قالىپتى اينالىمىن قامتاماسىز ەتۋ ءبىزدىڭ قىزمەت جاۋاپكەرشىلىگىمىز“. حۇڭيوۋ جۇمساق بولشەگى ينتەرنەت ساندى مالىمەت ورتالىعى (IDC) كاسىپ ءبولىمىنىڭ ءبولىم ديرەكتورى لي جى بىلاي دەدى: ىندەت كەزىندە ولاردىڭ ۇجىمىنداعى 8 ادام قارامايلى قالالىق ورتالىق شيپاحاناسىندا تۇرىپ، مىڭ قانشا نەگىزدىك قۇرىلعىلار مەن ماشينا بولمەسىندەگى جابدىقتاردىڭ حاۋىپسىز، ورنىقتى اينالىمىن قامتاماسىز ەتتى.

  حۇڭيوۋ جۇمساق بولشەگىندە لي جى سياقتى ىندەتتەن ساقتانۋ - تىزگىندەۋدىڭ الدىڭعى شەبىندە 24 ساعات بويى كۇزەتتە تۇرعان تەحنيكتەردەن 70 نەشەسى بار، ولار قىزمەت وتەۋ وبيەكتىلەرىنە ينفورماتسيا قامتاماسىزدىعىنان جان - جاقتى قىزمەت وتەپ، ىندەتتەن ساقتانۋ - تىزگىندەۋدىڭ ”حاۋىپسىزدىك جەلىسىن“ بەرىك ورناتتى.

  ”كاسىپورىن مەن قالانىڭ زەردەلىلەنۋگە قاراي تيپ جاڭالاپ دامۋىنا جاسامپازدىق سيپاتتى تۇتاس تۇلعالىق شەشۋ جوباسىن ازىرلەۋ جانە جان - جاقتى ينفورماتسيا تەحنيكالىق قىزمەت وتەۋ ءبىزدىڭ ارتىقشىلىعىمىز“. حۇڭيوۋ جۇمساق بولشەگىنىڭ القا باستىعى تان جيچياڭ ءار رەتكى داعدارىستىڭ بارلىعىن كاسىپورىننىڭ حاۋىپ - قاتەرگە قارسىلىق قۋاتىن سىنايتىن سىناق دەپ بىلەدى.

  قارامايلى قالاسى حۇڭيوۋ جۇمساق بولشەگىنىڭ باس شتابىندا سەرىكتەستىكتىڭ داڭق كورمە قابىرعاسى ولاردىڭ قاجىرلى ەڭبەگىنىڭ كۋاسى: اۆتونوميالى رايوننىڭ ستراتەگيالىق جاڭادان گۇلدەنگەن كاسىپ سالاسىنداعى ماڭىزدى تىرەكتى IT كاسىپورنى، جۇڭگو ەلەكترون كاسىپتىك قوعامىنىڭ ”دامۋ كومەسكى قۋاتى ەڭ زور كاسىپورىن“...

  ينتەرنەت سەلبەستىگى ورنىقتى دامۋدى جۇزەگە اسىردى

  ”سەرىكتەستىك تەحنيكالىق ۇجىمداردى ۇيىمداستىرىپ ينتەرنەتتە سەلبەسىپ اشۋ تۇعىرىن قۇرىپ، تۇتاس زەرتتەۋ - اشۋ ينتەرنەتىنىڭ جيناقتىق ورتاسىن ىركىلىسسىزدەندىردى“. حۇڭيوۋ جۇمساق بولشەگىنىڭ تەحنيكالىق ورىنباسار باس باقىلاۋشىسى چىن حايشيا بىلاي دەپ تانىستىردى: ىندەت كەزىندە ۇيدە جاتىپ جۇمىس ىستەگەن پروگرامميستەر ءار كۇنى ءوز كومپيۋتەرىندە شارتتى سيفر اشىپ، ونان كەيىن سەرىكتەستىكتىڭ قىزمەت وتەگىشىنە جولداپ جيناق سىناعىن جۇرگىزەدى، ينتەرنەتتە سەلبەسىپ جۇمىس جۇرگىزەتىن مۇنداي قىزمەت ۇلگىسى 2022 - جىلداعى بارلىق اينالىم نىسانداردىڭ قالىپتى جۇرىلۋىنە شىنايى كەپىلدىك ەتتى، ۋاقىتى كەشەۋىلدەۋ سياقتى جاعدايلار تۋىلمادى.

  ”2022 - جىلى سەرىكتەستىك جۇڭگو مۇناي حيميا توبىنىڭ قامداۋ ساۋداگەرلەرى قاتارىنا ءساتتى قوسىلىپ، جۇڭگو تەڭىز - مۇحيت مۇناي توبى شەكتى سەرىكتەستىگىنىڭ بازارى ۇزدىكسىز كەڭەيدى، جۇڭگو مۇناي توبىنىڭ بازارى دا تىڭ سەرپىلىس جاراتتى“. تان جيچياڭ بىلاي دەدى: 2022 - جىلى سەرىكتەستىكتىڭ ءارقايسى ءوندىرىس تاراۋلارى بازار قىسىمىنا توتەپ بەرىپ، جالپى 152 توقتامعا قول قويىپ، توقتام بويىنشا قول قويىلعان كىرىس جالپى 150 ميلليون يۋان بولدى.

  حۇڭيوۋ جۇمساق بولشەگى سيفرلى مۇناي الابى مەن قالالاردىڭ ينفورماتسيالانۋ قۇرىلىسىنا ىلەسە ۇزدىكسىز تولىسا ءتۇستى. شينجياڭ مۇناي الابىن بۇكىل ەل بويىنشا تۇڭعىش سيفرلى مۇناي الابى ەتىپ قۇرىپ شىعۋعا كۇش ۇستەۋدەن، قازىرگى تاڭدا مۇناي كاسىبىن ينفورماتسيالاندىرۋداعى وزىق كاسىپورىنعا اينالىپ، بازارى جۇڭگو مۇناي توبى، جۇڭگو تەڭىز - مۇحيت مۇناي توبى شەكتى سەرىكتەستىگى، جۇڭگو مۇناي حيميا توبى، يانچاڭ توبى سياقتى ەل ىشىندەگى كاسىپورىنداردى جانە امۋحى، اكىجيۋبين سياقتى شەتەلدىڭ مۇناي - گاز الاپتارىن، سونداي - اق شينجياڭنىڭ ءارقايسى ايماق، وبلىس، قالالارىن شارپىدى.

  شينجياڭداعى اعالاپ العا شىققان جۇمساق بولشەك كاسىپورنى رەتىندە، حۇڭيوۋ جۇمساق بولشەگى زەردەلى مۇناي الابى جونىندە تەرەڭ ەڭبەكتەنۋدەن سىرت، زەردەلى ۇكىمەت ءىسى، زەردەلى قوعام حاۋىپسىزدىگى، زەردەلى قاتىناس، زەردەلى باقشا رايونى سياقتى جاڭا سالالاردا دا تىڭ ءورىس اشتى.

  دارىندىلار كۇش ۇستەپ، جاڭالىق اشۋ جەتىستىگىن كادەگە جاراتتى

  ”كەزەكتە حۇڭيوۋ جۇمساق بولشەگى جوعارى، جاڭا تەحنيكا كاسىپورىندارىنىڭ كاسىپورىننىڭ تابىس سالىعىن ازايتۋ، كەشىرىم ەتۋ تيىمدىلىگىنەن يگىلىكتەنىپ، %15 بويىنشا تاپسىردى“. سونىمەن بىرگە جاڭا تەحنيكالاردى، جاڭا ءونىم، جاڭا تەحنولوگيالاردى اشۋدا جۇمسالعان زەرتتەۋ، اشۋ قاراجاتتارى تاپسىرۋعا ءتيىستى سالىق تابىس سوماسى قامتىلمادى“، - دەدى تان جيچياڭ.

  ”ۇنەمدەلگەن“ قاراجاتپەن نەلەردى ىستەدى؟ بۇعان ءبىر ءجۇرىس ساندى مالىمەتتەر تۇسىنىك بەرەدى: تاياۋ 3 جىلدا حۇڭيوۋ جۇمساق بولشەگىنىڭ زەرتتەۋ - اشۋ ۇسىنىلىمى تيجارات كىرىسىنىڭ %2. 7ىن يەلەدى، وتكەن جىلى %76. 11كە جەتىپ، بۇكىل شينجياڭنىڭ ورتاشا دەڭگەيىنەن باسىپ وزدى.

  كەزەكتە حۇڭيوۋ جۇمساق بولشەگىندە شينجياڭ بۇلتتىق ەسەپتەۋ قولدانىلمالى ءتۇيىندى تاجىريبەحاناسى، شينجياڭ بۇلتتىق ەسەپتەۋ ينجەنەريالىق تەحنيكا زەرتتەۋ ورتالىعى سىندى اۆتونوميالى رايون دارەجەلى ەكى جاڭالىق اشۋ تۇعىرى بار، 60تان استام تاپقىرلىق پاتەنتىنە ءوتىنىش ەتكەن، 37 تاپقىرلىق پاتەنت ۇقىعىن العان، 13 قولدانىلمالى جاڭاشا پاتەنتكە يە بولدى، 200 نەشە ءتۇرلى جۇمساق بولشەكتىڭ اۆتورلىق ۇقىعىنا يە.

  تەحنيكادا جاڭالىق اشىپ، تىڭ ناتيجە جاراتۋ دارىندىلاردىڭ كۇش ۇستەۋىنەن قول ۇزە المايدى. 2022 - جىلى حۇڭيوۋ جۇمساق بولشەگى ەل ىشىندەگى 10 كاسىپتىك ماماندى كاسىپورىنعا قوسىلىپ، قىزمەتتەرگە جەتەكشىلىك ەتۋگە ۇسىنىس ەتتى، ينفورماتسيا سالاسىن قامتيتىن 17 ىشكى بولىك مامانىن باۋلىدى ءارى دارىندىلاردى ساتىلى باۋلۋ مەحانيزمىن ورناتىپ، الدىڭعى لەكتەگى تاقىرىپتاردى جانە كۇندەلىكتى ءوندىرىس بارىسىندا جولىققان ”القىمداعان“ قيىن ماسەلەلەردى بىرگە زەرتتەپ، عىلمي زەرتتەۋ جەتىستىگىنىڭ تاۋارلانۋىن جەدەلدەتتى.

  30 قىزمەتكەرمەن جۇمىس باستاۋدان قازىرگى قىزمەتكەرى (سەرىكتەستىكتى قامتيدى) 651 ادامعا جەتكەنگە دەيىن حۇڭيوۋ جۇمساق بولشەگى قىزمەتكەرلەردىڭ كاسىپورىندى قۇپتاۋىن جانە ادالدىعىن جوعارىلاتۋعا باسا ءمان بەردى. 2022 - جىلى حۇڭيوۋ جۇمساق بولشەگىنىڭ ەڭبەكاقىسىنىڭ جالپى وزىندىك قۇنىنىڭ ارتۋ مولشەرى %7. 9 بولىپ، قىزمەتكەرلەرگە ءتۇرلى ساياساتتىق تولىقتاما قاراجاتتان جالپى 820 مىڭ يۋان ءوتىنىش ەتىپ، قىزمەتكەرلەردىڭ مامىلەسى مەن نەگىزگى تۇرمىس قامتاماسىزدىعىن ءونىمدى جوعارىلاتتى.

   ”تەك ايالسىز جۇرە بەرگەندە عانا باسقا جول اشۋعا بولادى. ’14 - بەسجىلدىق‘ كەزىندە ءبىز جاڭاشا نەگىزدىك قۇرىلعى قۇرىلىسى، سيفرلى ەكونوميكانى دامىتۋ سياقتى ورايلاردى يگەرىپ، ەنەرگيا، جاساۋ كاسىپتەرىنىڭ سيفرلانۋعا قاراي تيپ جاڭالاۋىن جانە سيفرلى جۇڭگونىڭ كەلەلى سۇرانىسىن قوزعالتقىش ەتىپ، زەردەلى قالا، زەردەلى مۇناي الابى قۇرىلىسى سىندى ەكى ءىرى نەگىزگى كاسىپتى ارقاۋ ەتىپ، قالالاردىڭ سيفرلانۋعا قاراي ويىسۋىن، ونەركاسىپ كاسىپورىندارىنىڭ زەردەلىلەنگەن ءوندىرىسىن بەتكە العان بۇلتتىق قولدانىلمالى قىزمەت وتەۋ ونىمدەرى جۇيەسى قۇرىلىسىن جەدەل قالىپتاستىرىپ، شينجياڭنىڭ بۇلتتىق ەسەپتەۋ قولدانىلمالى ءتۇيىندى تاجىريبەحاناسىن، شينجياڭنىڭ بۇلتتىق ەسەپتەۋ ينجەنەريالىق تەحنيكاسىن زەرتتەۋ ورتالىعىن تۇعىر ەتىپ، رايون ىشىندە ىقپالعا يە جاڭالىق اشۋدىڭ بيىگىن جانە عىلمي زەرتتەۋ جەتىستىگىن كادەگە جاراتۋدى جالپىلاستىرۋ بازاسىن جەدەل قالىپتاستىرامىز“، - دەدى تان جيچياڭ.