وتباسىلىق شيپاگەرلەر قىزمەت وتەۋ اترەتى اتتانىسقا كەلدى

日期:2023年02月02日
来源:新疆日报
【字体:

تارباعاتاي ايماعى

  وتباسىلىق شيپاگەرلەر قىزمەت وتەۋ اترەتى اتتانىسقا كەلدى

  □ انار بۇلت \ شينجياڭ گازەتىنىڭ ءتىلشىسى ءرايدا

  1 - ايدىڭ 29 - كۇنى وتباسىلىق شيپاگەرلەردىڭ توقتام جاساسقان بۇقارانى مەرزىم بويىنشا دەنساۋلىعىن تەكسەرەتىن جانە دەنساۋلىق جاعدايىن ۇعىساتىن كۇن. تاڭەرتەڭ ەرتە شاۋەشەك قالاسى حىپيڭ ءمالىسى الەۋمەتتىك اۋماق دەنساۋلىق ساقتاۋ بويىنشا قىزمەت وتەۋ ورتالىعىنىڭ وتباسىلىق شيپاگەرلەر قىزمەت وتەۋ اترەتىندەگى ەمدەۋ - كۇتىمدەۋ قىزمەتكەرلەرى شينحۋا الەۋمەتتىك اۋماعىنىڭ تۇرعىنى ليدانىڭ وتباسىنا كەلىپ، جوعارى قان قىسىمى ناۋقاسىنا شالدىققان ليدانىڭ سوزىلمالى اۋرۋ جاعدايىن ۇعىستى.

  قان قىسىمىن ولشەپ، قانداعى قانت قۇرامىن تەكسەرىپ، سوزىلمالى اۋرۋعا پايدالاناتىن دارىلەر جونىندە ءجون كورسەتىپ، كۇندەلىكتى ازىقتانۋ مەن دەنە شىنىقتىرۋدا ءمان بەرەتىن ىستەردى قاداعالادى... وتباسىلىق شيپاگەرلەردىڭ مۇقياتتىلىعىنا ءدان ريزا بولعان ليدا: ”وتباسىلىق شيپاگەرلەرمەن ’توقتامعا قول قويعاننان‘ كەيىن، ولار ۇنەمى تەلەفون جالعاپ تۇراتىن بولدى، سىرقاتتانىپ قالساڭ، توقتامعا قول قويعان شيپاگەر ءدارى - دارمەك جەتكىزىپ بەرەدى. مەرزىم بويىنشا ۇيگە كەلىپ قىزمەت وتەۋدەن سىرت، ازىقتانۋ جاعىنان دا كەڭەس بەرىپ تۇرادى، جايسىزدانعاندا تەلەفون بەرسەڭ دەرەۋ جەتىپ كەلەدى، وسىنداي زەيىن سالا قىزمەت وتەپ جاتقاندارىنا ءدان ريزامىز، الاڭسىزبىز“، - دەدى.

  قازىر شاۋەشەك قالاسىندا ەتەنە قىزمەت وتەۋدەن يگىلىكتەنىپ جاتقان ليدا سياقتىلار 99 مىڭ ادامنان اسادى.

  جاقىنعى جىلداردان بەرى، تارباعاتاي ايماعى وتباسىلىق شيپاگەرلەردىڭ توقتامعا قول قويىپ قىزمەت وتەۋ ءىسىن ۇزدىكسىز ىلگەرىلەتىپ، وتباسىلىق شيپاگەرلەردىڭ قىزمەت وتەۋىن نەگىز ەتكەن العاشقى دياگنوزدى نەگىزگى ساتىدا شىعارۋ، قوس باعىتتا ەمدەۋ، شۇعىل اۋرۋ مەن سوزىلمالى اۋرۋدى ءبولىپ ەمدەۋ، جوعارى مەن تومەن بىرلەسىپ اتتانىسقا كەلۋدەي ەمدەۋ جۇيەسىن قالىپتاستىرىپ، ءار ۇلت بۇقاراسىنىڭ دەنساۋلىعى ءۇشىن اناعۇرلىم جوعارى ءونىمدى، جىلدام سالاماتتىق باسقارۋعا قىزمەت وتەدى.

  ”نەشە كۇننىڭ الدىندا ەنەمنىڭ باسى اينالىپ، قان قىسىمى ءبىراز جوعارىلاپ قالدى. شيپاحاناعا اپارۋدى ويلاستىرىپ جاتقان كەزىمىزدە وتباسىلىق شيپاگەرىمىز بىلگەندەي تەلەفون جالعاپ، ونان سوڭ ىلە - شالا ۇيگە جەتىپ كەلدى. وتباسىلىق شيپاگەر تەكسەرىپ كورىپ، ىشەتىن دارىلەردى كورسەتىپ بەرگەننەن كەيىن، ەنەم تاۋىرلەنە قالدى“، - دەدى ءدوربىلجىن اۋدانى ءدوربىلجىن قالاشىعى شاۋەشەك جولى الەۋمەتتىك اۋماعىنىڭ تۇرعىنى گۇلجاۋھار مامەت.

  گۇلجاۋھاردىڭ ەنەسى رازيا وشۇراحۇن بيىل 80 جاستا، جۇرەك اۋرۋى بار، ونىمەن توقتامعا قول قويعان وتباسىلىق شيپاگەر − ءدوربىلجىن اۋداندىق قازاق شيپاگەرلىگى شيپاحاناسىنىڭ شيپاگەرى لي لي.

  وتباسىلىق شيپاگەر رەتىندە، لي لي 2 شاعىن اۋماقتى كوتەرمەگە العان شيپاگەر، ول تۇرعان اۋماقتا قارتتار كوپ. كۇندەلىكتى قالىپتى قىزمەتتەن سىرت، تەلەفون جالعاپ ۇعىسۋ مەن ينتەرنەت جەلىسىندە تەكسەرۋ دە لي ليدىڭ ماڭىزدى قىزمەتتەرىنىڭ ءبىرى، جاعدايى ەرەكشە تۇرعىن بولسا، ول ءوزى ۇيىنە بارىپ كوزىمەن كورگەننەن كەيىن بارىپ كوڭىلى ورنىعاتىن.

  ”كۇندەلىكتى قىزمەت بارىسىندا ءبىز وتباسىنا بارىپ قىزمەت وتەۋ ءتاسىلى ارقىلى توقتامعا قول قويعان تۇرعىنداردىڭ قان قىسىمىن، قانداعى قانت قۇرامىن ولشەپ، ولارعا سالاماتتىق جاعىندا جەتەكشىلىك ىستەپ، سالاماتتىق قاجەتىن ۇعىسىپ، جاندارىندا بولىپ ءجون كورسەتىپ، دەنساۋلىق جاعدايلارىن بىلۋىنە مۇمكىندىك جاساپ، وزىندىك ساقتانۋ جانە كۇندەلىكتى ماشىقتى جاقسى جاساۋ جاعىنان كەڭەس بەرەمىز“، - دەدى لي لي.

  تارباعاتاي ايماعىندا ۆاكسينا ەگۋدەن دەنساۋلىعىن تەكسەرتۋگە، حاۋىپ - قاتەردى ساراپتاۋدان سالاماتتىعىن كۇتۋگە دەيىن وتباسىلىق شيپاگەرلەر باستان - اياق تۇرعىنداردىڭ جانىندا بولادى.

  ”وتباسىلىق شيپاگەرلەرمەن توقتامعا قول قويىپ قىزمەت وتەۋ قىزمەتىن ونان ارى تياناقتاندىرۋ ءۇشىن، وتباسىلىق شيپاگەرلەر توقتامعا قول قويىپ قىزمەت وتەۋدى اتقارۋ جوباسىن جانە باعالاۋ ەرەجەسىن شىعارىپ، قىزمەت جاۋاپكەرشىلىگىن، جۇمىس ءبولىسىن ايقىنداپ، قىزمەت مەحانيزمىن كەمەلدەندىرىپ، اۋدان، اۋىل، قىستاقتا توقتامعا قول قويىپ تەگىن قىزمەت وتەۋدى اتقاردى، قازىرگە دەيىن وتباسىلىق شيپاگەر توقتامعا قول قويۋ اترەتىنەن 1012سىن ۇيىمداستىرىپ، توركوزدەندىرىپ، اۋماققا ءبولىپ كوتەرمەگە الۋ، ءبىر تۇتاس باسقارۋ ۇلگىسى بويىنشا قىزمەت وتەيمىز“، - دەدى تارباعاتاي ايماقتىق دەنساۋلىق ساقتاۋ - سالاماتتىق كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى شان شياۋچيڭ.

  قازىرگە دەيىن تارباعاتاي ايماعىندا وتباسىلىق شيپاگەرلەر توقتامعا قول قويىپ قىزمەت وتەيتىن 773 مىڭ 500 ادام بار، توقتامعا قول قويۋ سالىستىرماسى %08. 71، مۇنىڭ ىشىندە توقتامعا قول قويعان ءتۇيىندى ادامدار 262 مىڭ 300، توقتامعا قول قويۋ سالىستىرماسى %39. 85.