چەرشەن اۋدانى وييايلاق قالاشىعى:
جاڭا كيىمدەرىن كيىپ، سەلبەستىك كووپەراتيۆىنىڭ پايدا ءبولىسىن الدى
انار بۇلت \ شينجياڭ گازەتىنىڭ ءتىلشىسى دۋ جيانحۇي، ەرىكتى ءتىلشى ۋاڭ شۋن
”تايىر، بول، جاڭا كيىمىڭدى كي، سەلبەستىك كووپەراتيۆىنە بارىپ پايدا ءبولىسىن الامىز“، - دەدى 1 - ايدىڭ 31 - كۇنى تاڭ اتىسىمەن تۇرسۇن توحتى كورشىسىن پايدا ءبولىسىن بىرگە بارىپ الۋعا شاقىرىپ.
تۇرسۇن چەرشەن اۋدانى وييايلاق قالاشىعى سارىقول قىستاعىنىڭ تۇرعىنى. 2021 - جىلى ول ۇيىندەگى 20 قويىن جارنا رەتىندە سەلبەستىك كووپەراتيۆىنە قوسقان، بۇل ونىڭ 2 - رەت پايدا ءبولىسىن الۋى.
سول كۇنى وييايلاق قالاشىعىنداعى 5 قىستاقتىڭ سەلبەستىك كووپەراتيۆى سۇتەڭ قىستاعىندا 2022 - جىلعى پايدا ءبولىسىن ۇلەستىرۋ قيمىلىن وتكىزدى. پايدا ءبولىسى ۇلەستىرىلىپ جاتقان ورىندا شاتتىققا شومعان داۋىستار كوتەرىلدى، پايدا ءبولىسىن العان قىستاق تۇرعىندارى قولدارىنداعى اقشالارىن ءماز - مايرام بولىپ ساناپ، جۇزدەرىنەن قۋانىش كۇلكىسى ەستى.
”2022 - جىلى سەلبەستىك كووپەراتيۆىنىڭ پايداسى وتە جاقسى بولدى، مەنىڭ العان پايدا ءبولىسىم 7000 يۋاننىڭ ۇستىندە بولىپ، الدىڭعى جىلداعىدان 5000 يۋان كوپ بولدى“، - دەدى تۇرسۇن قۋانا.
وييايلاق قالاشىعىنىڭ سۋ - ءشوپ بايلىعى مول، تابيعى جايلىمى ءبىر ميلليون 870 مىڭ مۋعا جەتەدى. بەرتىنگى جىلدارى وسى قالاشىق مال شارۋاشىلىعى، باعىمشىلىق ابزالدىلىعىن ساۋلەلەندىرىپ، قىستاق پارتيا ياچەيكاسى باس بولىپ قۇرعان باعىمشىلىق سەلبەستىك كووپەراتيۆىن تۇتقا ەتىپ، سيىر - قوي ءناسىلىن جاقسارتۋدى مىقتى يگەرىپ، ولشەمدەنگەن باعىمشىلىق شاعىن اۋماعى مەن ءسۇت ونىمدەرىن مانەرلەۋ زاۆودىن قۇرىپ، مال شارۋاشىلىعىن جەدەل دامىتىپ، پايداسى كورنەكتى بولىپ، ەگىنشى - مالشىلاردىڭ كىرىسىن جىل سايىن ارتتىرۋعا جەتەكتەدى.
2022 - جىلى وييايلاق قالاشىعىنداعى 5 قىستاقتىڭ سەلبەستىك كووپەراتيۆىنىڭ ساۋداعا سالعان سيىر - قويى 20 مىڭنان اسىپ، تازا پايداسى 3 ميلليون 504 مىڭ يۋانعا جەتتى، تابىس پايداسى 2 ميلليون 585 مىڭ 700 يۋان بولدى.
”بەلگىلەمە بويىنشا، سەلبەستىك كووپەراتيۆىنىڭ پايدانىڭ ءبىر ءبولىمىن الىپ كووپەراتيۆ مۇشەلەرىنە پايدا ءبولىسى ەتىپ ءبولىپ بەرىپ، كووپەراتيۆ مۇشەلەرىن دامۋ جەمىسىنەن بىرگە يگىلىكتەندىرسە بولادى“، - دەدى وييايلاق قالاشىعى پارتكومىنىڭ ورىنباسار شۋجيى، قالاشىق باستىعى ءماردانجان تۇيعۇن، - كەزەكتە پارتيا ياچەيكاسى باس بولىپ قۇرعان سەلبەستىك كووپەراتيۆىنىڭ باۋراۋ قۋاتى بارعان سايىن جوعارىلاپ، 5 سەلبەستىك كووپەراتيۆىنە جارنا قوسقان قىستاق تۇرعىنى 561 وتباسىنا جەتىپ، ءبىر وتباسى ەڭ كوپ بولعاندا 300دەن استام قويىن جارناعا قوستى.
”سەلبەستىك كووپەراتيۆىنە العاش قوسىلعان كەزدە، مەن تەك قانشا اقشا تابۋعا بولاتىنىن سىناپ كورەيىن دەپ ويلاعان ەدىم، سەلبەستىك كووپەراتيۆىنە قوسىلعان 3 جىلدا جىل سايىن پايدا ءبولىسىن الامىن دەپ ويلاماعان ەدىم“، - دەدى وييايلاق قالاشىعى سۇتەڭ قىستاعىنىڭ تۇرعىنى مامەت ءتۇمۇر قۋانا.
سول كۇنى 5 سەلبەستىك كووپەراتيۆىنىڭ تاراتقان پايدا ءبولىسى جيىنى 800 مىڭ يۋاننان استى. ءماردانجان تۇيعۇن مىنالاردى ءبىلدىردى: وييايلاق قالاشىعى سەلبەستىك كووپەراتيۆتەرىنىڭ دامىپ، زورايۋىنا جەتەكشىلىك ەتەدى جانە كومەكتەسەدى، سەلبەستىك كووپەراتيۆتەرىنىڭ ەگىنشى - مالشىلاردىڭ كىرىسىن ارتتىرىپ، بايۋعا جەتەكتەۋ رولىن اناعۇرلىم ساۋلەلەندىرەدى.
