شينجياڭعا كەلىپ جۇمىس ىستەۋشىلەر ارناۋلى پويەزى ۇرىمجىگە جەتتى

日期:2023年02月02日
来源:新疆日报
【字体:

شينجياڭعا كەلىپ جۇمىس ىستەۋشىلەر ارناۋلى پويەزى ۇرىمجىگە جەتتى

  انار بۇلت \ شينجياڭ گازەتىنىڭ ءتىلشىسى كاڭ حاۋيان 2 - ايدىڭ 1 - كۇنى ۇرىمجىدەن حابارلايدى. 2 - ايدىڭ 1 - كۇنى ساعات 12دەن 14 مينۋت وتكەندە لانجوۋدان جولعا شىققان، 956 جۇمىسكەر وتىرعان T3295 كەزەكشى پويەزى ءۇرىمجى ۆوگزالىنا جەتتى، بۇل بيىلعى تۇڭعىش شينجياڭعا كەلىپ جۇمىس ىستەۋشىلەر ارناۋلى پويەزى بولىپ، شينجياڭعا كەلىپ جۇمىس ىستەۋ ورلەۋىنىڭ بەتاشارى باستالعاندىعىن اڭعارتادى. جۇمىسكەر جولاۋشىلار اعىنىنىڭ شينجياڭعا كەلۋ جوعارى ورلەۋى مەجەمەن 3 - ايدىڭ ورتا شەنىنە دەيىن جالعاسادى.

  ”كوپشىلىك ەنتەلەمەڭىزدەر، ۆوگزالدان تارتىپپەن شىعىڭىزدار. جولشىباي كولىك اۋىستىراتىن جولاۋشىلار مۇندا جينالىڭىزدار، قولايلى ارنامەن كۇتۋ زالىنا كىرىڭىزدەر“. جولاۋشى تاسىمالى قىزمەتكەرلەرىنىڭ ەسكەرتۋ جاساۋىمەن جاۋ ليگاڭ بىرنەشە اۋىلداسىمەن بىرگە بۋىنشاق - تۇيىنشەكتەرىن كوتەرىپ، ادامدار اعىنىنا ىلەسە ۆوگزالدان شىقتى.

  ۇرىمجىدە ءۇي اشەكەيلەۋمەن شۇعىلدانعانىنا 10 نەشە جىلدىڭ ءجۇزى بولعان جاۋ ليگاڭ بيىل اۋىلىنا قايتىپ كوكتەم مەرەكەسىن وتكىزگەننەن كەيىن، شينجياڭعا بۇرىنعى جىلدارداعىدان كۇنى بۇرتىن قايتا ورالدى. ”كوكتەم مەرەكەسى كەزىندە بىلتىر كەلىسىپ قويعان قاريدارمەن بايلانىس جاساپ، ءۇي اشەكەيلەۋ جۇمىسى قامىنا كىرىستىم. بيىل ەرتەرەك كەلىپ، جاقسى ىستەپ، ىندەت ىقپالىنان تۋىنداعان بۇرىنعى شىعىننىڭ ورنىن تولىقتاپ الۋعا قۇلشىنامىن“، - دەدى جاۋ ليگاڭ نىق سەنىممەن.

  كوكتەم مەرەكەسىنەن كەيىن زور توپتاعى جۇمىسكەرلەردىڭ شينجياڭعا كەلۋىنە ىلەسە، شينجياڭ تەمىر جولى ”كوكتەم مەرەكەسى سوڭعى تاسىمالىنداعى“ جولاۋشىلار اعىنىنىڭ جوعارى ورلەۋىنە ءدوپ كەلدى. گانسۋ، شانشي، حىنان سياقتى شينجياڭعا كەلىپ جۇمىس ىستەيتىن جۇمىسكەرلەر اعىنى ۇلكەن ولكەلەرگە باعىتتاي وتىرىپ، تەمىر جول تاراۋلارى جۇمىسكەرلەر كەزەكشى پويەزىن ىركەس - تىركەس مولايتتى، قازىرگە دەيىن لانجوۋ، شي - ان، جىڭجوۋ سىندى 3 باعىتتان باستاۋ الىپ ۇرىمجىگە قاتىنايتىن، شينجياڭعا كەلەتىن جۇمىسكەرلەرگە ارنالعان ۋاقىتشا جولاۋشىلار كەزەكشى پويەزىنەن 30 كەزەك جۇرگىزۋدى تۇراقتاندىردى، سونىمەن بىرگە وسى 3 باعىت بويىنشا شينجياڭنان قايتاتىن جولاۋشىلار اعىنىنا قاراتا، جولاۋشىلار كەزەكشى پويەزىنەن ۋاقىتشا 30 كەزەك جۇرگىزدى.

  ءۇرىمجى ۆوگزالى دەر كەزىندە قىزمەتكەر شىعارىپ، ۆوگزال ايالداماسى، ۆوگزالدان شىعۋ وتكەلى سياقتى شەشۋشى بۋىندارعا كومەكتەسىپ، جەتەكشىلىك ىستەپ، جولاۋشىلار اعىنى جوعارى ورلەۋگە كوتەرىلگەن ساتتەگى حاۋىپسىزدىك ۇگىتتى، ۆوگزالعا كىرۋ - شىعۋعا ۇيىمداستىرۋدى كۇشەيتتى، سونداي - اق جولاۋشىلار تاسىمالى قىزمەتكەرلەرىن ۆوگزال تەكشەسىندە تۇرىپ، ورتا جولدا بەكەت اۋىستىراتىن جولاۋشىلاردى كۇتۋ اۋماعىنا تىكەلەي كىرۋگە جەتەكشىلىك ەتۋگە ورنالاستىرىپ، جولاۋشىلاردىڭ سول جەردىڭ وزىندە ۆوگزالدان شىقپاي - اق وڭتۇستىك، سولتۇستىك شينجياڭعا باراتىن پويەزگە اۋىسۋىنا قولايلىلىق جاسادى. كۇيتۇن، قۇلجا، كورلا سياقتى جەرلەرگە ورتا جولدا بەكەت اۋىستىراتىن جۇمىسكەر جولاۋشىلار ءبىرشاما كوپ ۆوگزالداردا ارناۋلى ادامدى جول نۇسقاپ، جەتەكشىلىك ىستەۋگە ورنالاستىرىپ، جۇمىسكەرلەردىڭ ءتارتىپتى قاتىناۋىنا شىنايى كەپىلدىك ەتىلدى.

  شينجياڭدا مەرەكەدەن كەيىنگى جۇمىسكەر جولاۋشىلار اعىنى، نەگىزىنەن، ءۇرىمجى، تۇرپان، كۇيتۇن سياقتى بەكەتتەرگە شوعىرلانعان. تۇرپان سولتۇستىك ۆوگزالى پارتيا باس ياچەيكاسىنىڭ شۋجيى ۋاڭ يابيڭ بىلاي دەپ تانىستىردى: بيىل كوكتەمگى تاسىمال كەزىندە، تۇرپان سولتۇستىك ۆوگزالىنىڭ جولاۋشىلاردى جونەلتۋ مولشەرى بىلتىرعى سول تۇستاعىدان %2. 62 ارتتى. تاياۋدان بەرى شينجياڭعا كەلەتىن جولاۋشىلار اعىنى بىرتىندەپ ارتتى، مۇنىڭ ىشىندە وسىندا جەتكەن %70 جولاۋشىنىڭ ورتا جولدا وڭتۇستىك شينجياڭ باعىتىنا اۋىسۋىنا تۋرا كەلگەندىكتەن، ۆوگزال جولاۋشىلار مول اعىنى تاسىمالىن ۇيىمداستىرۋ جوباسىن ىسكە قوسىپ، بەلەت ساتىپ الۋ، پويەز كۇتۋ جىلدام ارناسىن اشىپ، جولاۋشىلاردىڭ ورتا جولدا تەزدەن بەكەت اۋىستىرۋىنا قولايلىلىق جاسادى.