شينجياڭ 2023 - جىلى سىرتقا 116 ميلليارد 58 ميلليون كيلوۆات ساعات ەلەكتر جەتكىزۋ ساۋدا كەلىسىمىن جاساستى
سايكەس مەزگىلدەگىدەن ％95. 5 ارتتى
انار بۇلت \ شينجياڭ گازەتىنىڭ ءتىلشىسى چىن چياڭۋي 2 - ايدىڭ 1 - كۇنى ۇرىمجىدەن حابارلايدى. بەيجيڭ ەلەكتر قۋاتى ساۋدا ورتالىعى شەكتى سەرىكتەستىگى جاريالاعان ساۋدا ساندى مالىمەتىنە قاراعاندا، 1 - ايدىڭ 28 - كۇنىنە دەيىن شينجياڭ 2023 - جىلى سىرتقا 116 ميلليارد 58 ميلليون كيلوۆات ساعات ەلەكتر جەتكىزۋ ساۋدا كەلىسىمىن جاساسىپ، بۇل بىلتىرعى سول تۇستاعىدان ％95. 5 ارتىپ، جاقسى باستامانى جۇزەگە اسىرعان.
شينجياڭنىڭ ەلەكترىن سىرتقا جەتكىزۋ ساۋداسى ۋاقىت جيىلىگىنە قاراي جىلدىق ساۋدا، بىرنەشە ايلىق ساۋدا، ايلىق ساۋدا جانە قولما - قول ساۋدا دەپ بولىنەدى، ساۋدا ءتۇرى، باستىسى، ەلەكتر قۋاتى جاعىنان شينجياڭعا كومەكتەسۋ بويىنشا سىرتقا جەتكىزۋ، ولكە ارا جاسىل ەلەكتر قۋاتى ساۋداسى، سايكەستى ەلەكتر بايلىعىن سىرتقا جەتكىزۋ، ت. ب. 1 - ايدىڭ 28 - كۇنىنە دەيىن شينجياڭ 2023 - جىلعى شينجياڭنىڭ ەلەكترىن سىرتقا جەتكىزۋدەگى جىلدىق ساۋدانى جانە 1 - ايداعى، 2 - ايداعى ايلىق ساۋدانى ورىنداپ بولدى.
بيىل مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى شينجياڭنىڭ ەنەرگيا بايلىعى قۋاتى باسىمدىعىن تياناق ەتىپ، شينجياڭنىڭ ”ىشكى جاقتى قامدايتىن ءتورت ساقينالى توراپ، سىرتقا جەتكىزەتىن ءتورت ارنا“ سىندى نەگىزگى تور جۇلگەسى جۇيەسىنە تايانىپ، ۇكىمەت ارا كەلىسىمدى تياناقتاندىرۋدى بار كۇشپەن ىلگەرىلەتىپ، ەلەكتر قۋاتى جاعىنان شينجياڭعا كومەكتەسۋ ساياساتىنىڭ جەتەكشىلىك رولىن تولىق ساۋلەلەندىرىپ، شينجياڭنىڭ ەلەكترىن سىرتقا جەتكىزۋ بويىنشا 39 رەت جىلدىق ساۋدا جۇمىسىن ۇيىمداستىرىپ، سايكەس مەزگىلدەگىدەن ％4 ارتتىرىپ، شينجياڭنىڭ ەلەكترىن سىرتقا جەتكىزۋ بويىنشا جىلدىق ساۋدا ەلەكتر مولشەرىن 114 ميلليارد كيلوۆات ساعاتقا جەتكىزىپ، 2023 - جىلى شينجياڭنىڭ ەلەكترىن سىرتقا جەتكىزۋدىڭ نەگىزىن ورنىقتىردى.
2023 - جىلى شينجياڭنىڭ ەلەكترىن سىرتقا جەتكىزۋ بويىنشا جىلدىق ساۋدانى جوعارى ءونىمدى ۇيىمداستىرۋدى قامتاماسىزداندىرۋ ءۇشىن، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى بۇكىل ەلىمىزدەگى 20 ولكە، قالاداعى ساۋدا قۇرىلىمىمەن سايكەستىرۋ تەبىنىن ارتتىرىپ، شينجياڭنىڭ ەلەكترىن سىرتقا جەتكىزۋ ساۋدا جوسپارىن الدىن الا ساپالى جاساپ، شينجياڭداعى ەلەكتر تاراتۋ كاسىپورىندارىنىڭ ساندى مالىمەتىن قورعاپ، ساۋدا جۇمىسىن ۇيىمداستىرۋدان ىلگەرگى دايىندىق قىزمەتتەردى ويداعىداي ىستەپ، شينجياڭ بازارى تۇلعاسىنىڭ 2023 - جىلعى شينجياڭ ەلەكترىن سىرتقا جەتكىزۋ ساۋداسىنا ورنىقتى، ءتارتىپتى ات سالىسۋىن قامتاماسىز ەتتى.
”بيىل ءبىز، ءبىر جاعىنان، جاڭادان قۇرىلعان ەلەكتر اگراگاتتارىنىڭ اينالىمعا ءتۇسۋ كومەسكى كۇشىن تولىق اشىپ، ەلەكتر قاينارىمەن قامداۋدى ويداعىداي ۇيىمداستىرامىز، ەندى ءبىر جاعىنان، سىرتقا جەتكىزۋ ارنالارىنىڭ ەلەكتر جەتكىزۋ قۋاتىن ارتتىرىپ، ەلەكترمەن قامداۋدىڭ، جونەلتۋدىڭ ءبىر كەلكى بولۋىنا شىنايى كەپىلدىك ەتۋگە كۇش سالىپ، شينجياڭنىڭ ەلەكترىن سىرتقا جەتكىزۋدىڭ ءساتتى ورىستەتىلۋىن ىلگەرىلەتەمىز“، - دەدى شينجياڭ ەلەكتر قۋاتى ساۋدا ورتالىعى شەكتى سەرىكتەستىگى ساۋدا ءبولىمى ولكە ارا ساۋدا ۇيىمداستىرۋ جۇمىسىنىڭ ارناۋلى جاۋاپتىسى جاڭ جۇن.
مۇنان سىرت، ساۋدا ۇيىمداستىرۋ جاعىندا، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ولكە ارا ەلەكتر قۋاتى بازارىنان شينجياڭ ەلەكتر ەنەرگياسىن قابىلداۋ ءورىسىن ۇزدىكسىز اشىپ، ۇكىمەت ارا كەلىسىمدى تياناقتاندىرۋ مەن ولكە ارا بازارلانعان سىرتقا جەتكىزۋ جوسپارىنىڭ ۇشتاسۋىن كۇشەيتىپ، شينجياڭ كولەمىندە ەلەكترمەن قامداۋعا كەپىلدىك ەتۋ العى شارتىندا، شينجياڭنىڭ ەلەكتردى سىرتقا جەتكىزۋ قۋاتىن ءتارتىپتى اشادى.
