ولار ەلسىز وڭىردە ءجۇز شاقىرىمدىق تەمىر جولدى تاپجىلماي قورعادى

日期:2023年02月02日
来源:新疆日报
【字体:

ۋتۇڭشۇي ۆوگزالى

  ولار ەلسىز وڭىردە ءجۇز شاقىرىمدىق تەمىر جولدى تاپجىلماي قورعادى

  □ انار بۇلت \ شينجياڭ گازەتىنىڭ ءتىلشىسى ۋي يۇڭگۇي

  ىزعىرىق سۇيەكتەن وتەدى، يەن دالا جىم - جىرتتىققا شومعان، زەڭگىر اسپان، قيىر جەر. يەن دالادا تەمىر جولدىڭ شەتىنە كولدەنەڭدەگەن ۋتۇڭشۇي ۆوگزالى وسىناۋ قۇبا ءتۇزدى ونان ارى قۇلازىتىپ تۇرعانداي.

     تەمىر جولدىڭ ماڭىندا جاسىل سيگنال شامى جاندى. پاراۆوزدىڭ گۇرىلدەگەن داۋىسى ەمىس - ەمىس جەتىپ، ۆوگزال مەن جاپان دالاعا اپساتتە جان بىتىرگەندەي بولدى.

  1 - ايدىڭ 18 - كۇنى ساعات 14تەن 30 مينۋت وتكەندە، تيانجين پورتىنان اتتانعان جۇڭگو - ەۆروپا كەزەكشى پويەزى دابىلداي جەتىپ، گۋدوك داۋىسى جاپان دالانى ءزىلزالا ەتتى. تەمىر جول ماڭىندا حاۋىپسىزدىك شارلاپ جۇرگەن ءۇرىمجى تەمىر جولى قوعام حاۋىپسىزدىگى مەكەمەسى قۇمىل قوعام حاۋىپسىزدىگى ۋتۇڭشۇي ۆوگزالى ساقشى بولىمشەسىنىڭ باستىعى جاڭ ليجۇن، حالىق ساقشىسى لي يۇيمين ورىندارىندا تىك تۇرىپ، كەزەكشى پويەزگە قۇرمەتپەن قارادى.

  ۋتۇڭشۇي ۆوگزالى لينحى - قۇمىل تەمىر جولى ماڭىنداعى ءبىر شاعىن ۆوگزال. جاقىنعى بىرنەشە كۇندە وسى شاعىن ۆوگزالدان ءار كۇنى 3 تە 4 كەزەك جۇڭگو - ەۆروپا كەزەكشى پويەزى ءوتتى، وعان كومىر تاسىپ ارى - بەرى قاتىناعان ارناۋلى پويەزدەردى قوسقاندا، كۇنىنە 10 نەشە كەزەكشى پويەز وسى ارادان ءوتىپ، شاعىن ۆوگزال يەن دالادا بولعانىمەن، دىر - دۋمانعا شومادى.

  لينحى - قۇمىل تەمىر جولى 2016 - جىلى سالىنعان، جالپى ۇزىندىعى 1390 كيلومەتر، شىعىستا ىشكى موڭعۇل اۆتونوميالى رايونىنىڭ باۋتوۋ - لانجوۋ تەمىر جولىنىڭ (باۋتوۋ - لانجوۋ) لينحى ۆوگزالىنان باستالىپ، باتىستى بەتكە الىپ جۇييانحاي مەن بادان جيلين قۇمدىعىن ەندەي ءوتىپ، گانسۋ شەكاراسىنا كىرەدى، باتىستا چيليانشان تاۋىنا ءوتىپ، قۇمىل قالاسىن تۇتاستىرادى، حۋابەي وڭىرىنەن باتىس سولتۇستىككە باراتىن تىكە جول ءارى تيانجين پورتىن الدىڭعى قامال ەتكەن ەۆروپا - ازيا قۇرلىق كوپىرىندەگى 2 - جاڭا قولايلى ارنا بولىپ، جۇڭگو - ەۆروپا كەزەكشى پويەزىن وتكىزۋ جانە شينجياڭنىڭ كومىرىن سىرتقا تاسۋ سىندى ماڭىزدى مىندەت ارقالاپ وتىر.

  ”ءار كۇنى كەزەكشى پويەزدەردى قابىلدايمىز - جونەلتەمىز، حاۋىپسىزدىكتى شارلايمىز، اپتا سايىن حاۋىپسىزدىكتەگى كومەسكى كىناراتتارعا ءبىر - بىرلەپ تەكسەرۋ جۇرگىزەمىز، ەرەكشە قاربالاسپىز“. جاڭ ليجۇن بىلاي دەدى: ۆوگزالدىڭ توڭىرەگىندەگى 100 شاقىرىم جەردە جان پەندەسى جوق، ادەتتە قارا قۇيرىق، قۇلان، تۇلكى جانە قاسقىردى كوپ كورەمىز، ”كومەسكى كىناراتتاردى ءبىر - بىرلەپ تەكسەرۋدە ءبىر ماڭىزدى ءتۇيىن − جابايى حايۋاناتتاردىڭ قورشاۋدىڭ استىنان ءوتىپ تەمىر جولعا كىرىپ، قاتىناعان پويەزدەردىڭ حاۋىپسىزدىگىنە ىقپال جەتكىزۋدەن ساقتانۋ“.

  ۋتۇڭشۇي ۆوگزالى ساقشى بولىمشەسىندە 5 حالىق ساقشىسى بار، ولار 109 كيلومەترلىك جەلىنىڭ حاۋىپسىزدىگىن قورعاۋ مىندەتىن ارقالاپ وتىر. بەكەت 2016 - جىلى سالىنعاننان باستاپ، حالىق ساقشىلارى وسى ارانى تاپجىلماي كۇزەتتى. بىرنەشە جىلدان بەرى ولار جەلى بويىنداعى ويلى - شۇڭقىرلاردى تۇگەلدەي باستى.

  ”تۇتاس جەلىدە نەشە ون تەمىر جول كوپىرى، 100دەن استام سۋاعار، ءبىر ەرەكشە ۇلكەن كوپىر بار“. جاڭ ليجۇن بىلاي دەدى: جەلىنى شارلاۋ جاپالى قىزمەت، جولى ناشار، جازدا قاپىرىق ىستىق، قىستا قاقاعان اياز، ماڭىزدى جەرلەردە اۆتوكولىكتى توقتاتىپ جاياۋ شارلايمىز، ءبىر كۇندە 10 نەشە ساعات جۇرگەنىمىزدە شارشاعاننان ساۋدىراپ قالعانداي سەزىنەمىز، ”ءبىر ءتاۋىرى، قازىر ارتقى شەپ قامتاماسىزدىعى كوپ جاقساردى، سۋ جانە اۆتوموبيلدىڭ مايى تۇگەلدەي قامتاماسىز ەتىلدى، ىلگەرى شارلاۋ جۇرگىزىپ جارتى جولعا جەتكەندە جەيتىن، ىشەتىن نارسە قالمايتىن جاعداي كەلمەسكە كەتتى“.

  سۋدى اۋىزعا العاندا، حالىق ساقشىلارىنىڭ ايتار ءسوزى كوپ ەدى. ۋتۇڭشۇي دەگەن اتى جاقسى بولعانىمەن، بۇل ارادا شىنار دا، سۋ دا جوق، ىشەتىن، ىستەتەتىن سۋلاردى تۇگەلدەي ارتقى شەپ مەرزىم سايىن استاۋ كولىكپەن جەتكىزىپ بەرەتىن. سۋ كەلگەننەن كەيىن سۋ قامباسىنا ساقتالادى، قابات - قابات سۇزگىدەن وتكىزگەننەن كەيىن بارىپ ىشۋگە بولادى. سۋ ۇنەمدەۋ ءۇشىن، پويەز ۆوگزالى سۋمەن شەكتى ۋاقىتتا قامدادى، ءار كۇنى تاڭەرتەڭ، ءتۇس، كەشتە سۋمەن 2 ساعات قامدايدى. جوپەلدەمەدە سۋ تاپشىلىعى شۇعىل جاعدايىنا توتەپ بەرۋ ءۇشىن، ساقشى بولىمشەسىنىڭ اسحاناسى مەن سۋحاناسىنا ۇلكەندى - كىشىلى سۋ كۇبى، شەلەك جانە تەگەنە دايىنداپ سۋ ساقتاۋعا پايدالاندىق. ”2022 - جىلى كوكتەم مەرەكەسىندە ءورت ءسوندىرۋ، ورتتەن ساقتانۋ سۋ قۇدىعى جارىلىپ، بەكەتتە 3 كۇن سۋ توقتادى. ءبىر ءتاۋىرى، ساقتاپ قويعان سۋ تاماق جاساۋعا جەتتى، كوپشىلىك 3 تە 4 كۇن جۋىنا المادى، ءبىر وزگەشە كوكتەم مەرەكەسىن وتكىزدىك“، - دەدى جاڭ ليجۇن كۇلىمسىرەي.

  ”ۋتۇڭشۇيدەن وتەتىن تاسىمالدىق قامتاماسىزدىق كولىگى 5 كۇندە ءبىر قاتىنايدى، ۇيگە قايتۋعا ءبىرشاما قولايلى. الايدا ساقشى بولىمشەسىندە ادام تەگىننەن از، ۇيگە ءبىر رەت قايتساق، 5 كۇننەن كەيىن قايتا ورالامىز، قىزمەت ءبىرشاما اقسايدى. كەزەكپەن دەمالۋدان سىرت، كوپشىلىك نەگىزىنەن ساقشى بولىمشەسىندە كەزەكشىلىك وتەپ، مىندەتكە دايىن تۇرادى“. جاڭ ليجۇن بىلاي دەدى: تۇرمىستاعى قيىنشىلىقتارعا شىدامدىلىق كورسەتسەك وتە شىعادى، قيىنى ءبىر سارىندىلىق پەن قۇلازۋعا ءتوزۋ، ”كەزەكپەن دەمالعان كەزدە قۇمىل قالا رايونىنا بارسام، باسقاشا الەمگە كىرگەندەي بولام، قالانىڭ ەرەكشە دۋماندى ەكەندىگىن سەزىنەمىن، ءبارىمىز ادام كوپ جەرگە بارىپ ارالاۋدى ۇناتامىز“.

  ”ساعات نولدەن 43 مينۋت وتكەندە لوتوچۋانزى ساقشى بولىمشەسىنىڭ 9622Χ كەزەكشى پويەزى ساعات 3تەن 09 مينۋت وتكەندە ۋتۋڭشۇيدەن وتەدى دەگەن تەلەفون حابارلاندىرۋىن قابىلدادىق“... ”بۇگىنگى قىزمەت: جالپى بەتتىك دەنە قۋاتىنا جاتتىعۋ، بەكەتكە توقتاعان كەزەكشى پويەزدەردى شارلاپ تەكسەرۋ، جالپى بەتتىك تازالىق ىستەۋ، ساياسي نازاريا ۇيرەنۋ“... لي يۇيمين بيىل 58 جاستا، ساقشى بولىمشەسىنىڭ جاسى ۇلكەنى، ساقشى بولىمشەسى قۇرىلعاننان باستاپ وسى ارادان تاپجىلماي كەلەدى. 6 جىلدان اسا ۋاقىتتا، ول قىزمەت ەستەلىگىن ءبىر توبە جازدى. ەستەلىك داپتەرىن اقتارساڭىز، ءار كۇنگى قىزمەت مازمۇنىن قاعىس قالدىرماي، ەرەكشە ىجداعاتتىلىقپەن ەستەلىككە الىنعاندىعىن كورەسىز.

  وسىنداي ەستەلىك داپتەرى ءاربىر حالىق ساقشىسىنىڭ بارىندە بار. جاڭ ليجۇن بىلاي دەدى: بارلىق حالىق ساقشىسى ”قاتاڭ، ناقتى، ۇقىپتى بولۋداي“ قىزمەت داعدىسىن قالىپتاستىردى، كوپشىلىك وزدەرىنىڭ قاراپايىم قىزمەتىن جاقسى ىستەگەندىكتەن، باسقارۋ اۋماعىنداعى تەمىر جول اينالىمىندا شىرعالاڭ تۋىلمادى، ”بۇل ءبىز جونىنەن ەڭ ماڭىزدى سيلىق“.

  ”ءبىز بىرنەشەۋىمىز پويەز ساقشىسى بولعانبىز ءارى ۆوگزال ساقشى بولىمشەسىندە قىزمەت ىستەگەنبىز، ۋتۇڭشۇيدىڭ شارت - جاعدايى ەڭ جاپالى“. 1 - ايدىڭ 3 - كۇنى ەندى عانا مىندەتكە وتىرعان ساقشى بولىمشەسىنىڭ ساياسي جەتەكشىسى لي حۇڭۋي بىلاي دەدى: تەمىر جول جەلىسى مەيلى قاي جەرگە سالىنسا، تەمىر جول ساقشىلارىنىڭ قادامى سول جەرگە جەتەدى. بۇل ارا ەلسىز ءوڭىر، ءار الۋان قيىنشىلىق بولعانىمەن، ساقشى بولىمشەسىندەگى حالىق ساقشىلارى قىزمەتتى قاي - قاشان دا مۇقيات كىرىسىپ ىستەپ، ەجەلدەن جاپا تارتتىم، شارشادىم دەگەن ەمەس، ”بەينە رەليس شەگەسى سياقتى ءوز ورنىنا مىقتى قادالىپ، جەلى مەن كەزەكشى پويەزدەردىڭ حاۋىپسىزدىگىن، ىركىلىسسىزدىگىن قورعاۋدا“.