يانجى:
جالپى قوسقان قارجىسى ءبىر ميلليارد 600 ميلليون يۋاننان اسىپ، ساۋداگەر شاقىرىپ قارجى ەنگىزگەن نىساندارعا توپتىق قول قويدى
انار بۇلت \ شينجياڭ گازەتىنىڭ ءتىلشىسى دۋ جيانحۇي، ەرىكتى ءتىلشى ما يۋە 1 - ايدىڭ 31 - كۇنى يانجىدان حابارلايدى. تاياۋدا بايىنعولين موڭعۇل اۆتونوميالى وبلسى يانجى حۇيزۋ اۆتونوميالى اۋدانى 2023 - جىلى ءبىرىنشى ماۋسىمداعى ساۋداگەر شاقىرىپ قارجى ەنگىزۋ نىسانى بويىنشا كەلىسىمگە توپتىق قول قويۋ سالتىن وتكىزدى، ساۋداگەر شاقىرىپ قارجى ەنگىزۋ بويىنشا جيىنى 14 نىسانعا قول قويىلىپ، جالپى قوسىلعان قارجى ءبىر ميلليارد 612 ميلليون يۋانعا جەتتى.
بۇل رەتكى قول قويىلعان نىسانداردا جاڭادان ەنگىزىلگەن سالا باستاماشى كاسىپورىندارى دا، تىزبەكتى ۇزارتۋ، تىزبەكتى تولىقتاۋ سايكەستى نىساندارى دا بار، نىسانداردىڭ تەحنيكالىق قۇرامى جەتكىلىكتى، بازار كەلەشەگى جاقسى. ءتۇيىندى نىسانداردان چىنگۋاڭ بيولوگيالىق عىلىم - تەحنيكا توبى جارنا شەكتى سەرىكتەستىگىنىڭ يانجى سەرىكتەستىگى جىلىنا 350 مىڭ توننا ماقتا شيتىنەن بەلوك مانەرلەۋ نىسانى، شيڭمەي كەن شارۋاشىلىعى شەكتى سەرىكتەستىگىنىڭ وتە از كۇلدى تازا كومىردى قايتا جۋۋ نىسانى، شينجياڭ تيانساي شاراپ قورجاسى شەكتى جاۋاپكەرشىلىك سەرىكتەستىگى 2 - مەرزىمدىك اۋىل - قىستاق باۋ - باقشالارىنىڭ جالپىلىق تۇلعاسى نىسانى قاتارلىلار بار.
”2 - مەرزىمدىك اۋىل - قىستاق باۋ - باقشالارىنىڭ جالپىلىق تۇلعاسى نىسانى بيىل جۇمىس باستايدى، سالىنىپ بولعاننان كەيىن سەرىكتەستىكتىڭ ەكونوميكاسىن ارتتىراتىن جاڭا تۇيىنگە اينالىپ، سەرىكتەستىكتىڭ ساياحات بولىگىن جاڭا دامۋدى جۇزەگە اسىرۋعا جەتەكتەيدى“. شينجياڭ تيانساي شاراپ قورجاسىنىڭ جاۋاپتىسى چىن ليجۇڭ بىلاي دەدى: تاياۋ جىلداردان بەرى اتالعان سەرىكتەستىك ءجۇزىم شارابىن اشىتۋ تەحنولوگياسىندا ۇزدىكسىز جاڭالىق اشىپ قويماي، تاعى تيانساي مادەنيەت - ساياحات سەرىكتەستىگىن قۇردى، ”ءجۇزىم شارابى مادەنيەتى + ساياحات“ شارۋاشىلىق ۇلگىسىن بەلسەنە قاراستىرىپ، ءۇزۋ باعى، باعىمشىلىق الاڭى، ءوز كولىگىمەن ساياحاتتاۋ لاگەرى سياقتى ساياحات قۇرىلعىلارىن سالدى، اۋىل - قىستاق ساياحاتى جالپىلىق تۇلعاسىن تۇلعالاپ، 1 - مەرزىمدە سالعان اۋىل - قىستاق باۋ - باقشالارى جالپىلىق تۇلعاسى مەملەكەتتىك 3A دارەجەلى ساياحات كورىنىس ءوڭىرى بولىپ باعالانىپ، 1 - ، 2 - ، 3 - كاسىپتەردىڭ توعىسا دامۋىن العاشقى قادامدا جۇزەگە اسىردى.
يانجى اۋداندىق پارتكومنىڭ شۋجيى لي ميڭ مىنالاردى ءبىلدىردى: كەزەكتە يانجى تيبىن وزگەرتىپ، قارىشتاپ دامۋدىڭ شەشۋشى كەزەڭىندە تۇر، يانجى باستان - اياق ساۋداگەرلەرگە باسا ءمان بەرۋ، ساۋداگەرلەردى جاقىن تارتۋ، ساۋداگەرلەردى سۇيەمەلدەۋ ۇستانىمىنان جازباي، ماڭداي الدى شارۋاشىلىق - ساۋدا ورتاسىن قالىپتاستىرىپ، كاسىپورىنداردىڭ قارجى قوسىپ، شارۋاشىلىقتى گۇلدەندىرۋىنە بىرەگەي قىزمەت وتەپ، سەلبەستىك جاساپ، تەڭ يگىلىككە كەنەلۋدى جۇزەگە اسىرادى.
