”سايىپ قىرانداردى“ كەلۋگە ۇسىنىس ەتىپ، دارىندىلاردى ەرەكشە قادىرلەۋ سيگنالىن تاراتتى

日期:2023年02月02日
来源:新疆日报
【字体:

”سايىپ قىرانداردى“ كەلۋگە ۇسىنىس ەتىپ، دارىندىلاردى ەرەكشە قادىرلەۋ سيگنالىن تاراتتى

  □ شۇي چيڭگۋاڭ

  تاياۋدا اۆتونوميالى رايوندىق عىلىم - تەحنيكا مەڭگەرمەسى 2022 - جىلعى ”قابىلەتتىلەر باستاماشى بولۋ“ عىلىم - تەحنيكا نىسان تىزىمدىگىن جاريالادى، شينجياڭداعى 17 نىسان بۇكىل ەلگە اشىق جاريالانىپ، جالپى سوماسى 160 ميلليون يۋاننان استى. قامال الۋعا ءتيىستى ”القىمداعان“ شەشۋشى تەحنيكالىق نىساندار بويىنشا بۇكىل ەلدەن جارامدىلاردى قابىلدايتىندىعىن اشىق جاريالاپ، دارقان كوڭىلدى، اشىق، كەڭ پەيىلدى ايگىلەپ، ءبىر سارىندىلىققا بوي ۇرمايتىن ادام ىستەتۋ باعدارىن جەتكىزىپ، دارىندىلاردى ەرەكشە قادىرلەۋ كۇشتى سيگنالىن تاراتتى.

  جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، شينجياڭنىڭ جوعارى ساپالى دامۋىن جۇزەگە اسىرۋدا، ءسوز جوق، عىلىم - تەحنيكادا جاڭالىق اشۋدىڭ پارمەندى تىرەگىنە سۇيەنۋ كەرەك. اماليات − مەيلى ستراتەگيالىق جاڭادان گۇلدەنگەن كاسىپ سالاسى بولسىن، الدە ءداستۇرلى كاسىپ سالاسى بولسىن، يدەيانى ازات ەتىپ، كوزقاراستى جاڭالاپ، توڭىرەكتىڭ ءتورت بۇرىشىنان كۇش - قۋات توپتاپ، اناعۇرلىم كەڭ كولەمنەن، اناعۇرلىم كەڭ كەڭىستىكتەن لايىقتى ”سايىپ قىران“ قاراستىرۋدىڭ عىلىم - تەحنيكادا جاڭالىق اشۋدى جانداندىرۋعا سەپتىگىن تيگىزەتىندىگىن دالەلدەدى.

  دامۋى نەعۇرلىم كەنجە وڭىرلەر جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدى سولعۇرلىم قاجەت ەتەدى. ”عىلىم - تەحنيكادا جاڭالىق اشۋدىڭ 26 تارماعىن“ العا قويعاننان ”دارىندىلار قىزمەتى جونىندەگى 25 تارماقتى“ بەلگىلەگەنگە دەيىن، شينجياڭ عىلىم - تەحنيكادا جاڭالىق اشۋدا بارلىعىن مەنشىكتەنۋگە ۇمتىلماسا دا، كادەگە جاراتۋعا تالپىنىپ، ”دارىندىلار پاراسات قامباسىن“ قۇرىپ، ”قابىلەتتىلەر باستاماشى بولۋ“، ”ات بايگەسى“، ”اسكەري سەرت“ سياقتى تۇزىمدەردى اتقارىپ، شينجياڭنىڭ ءىشى - سىرتىنان، ەل ءىشى - سىرتىنان جارامدىلاردى قابىلداۋدى اشىق جاريالادى، بۇل ءىشىنارا كاسىپ سالالارىنداعى شەشۋشى تەحنيكالارداعى كىلتەڭ ماسەلەلەردىڭ شەشىلۋىن ىلگەرىلەتىپ قانا قويماي، شينجياڭداعى ءتۇرلى دارىندىلاردىڭ جاڭالىق اشۋ، جاسامپازدىق جاراتۋ ومىرشەڭدىك كۇشىن ءونىمدى تۇردە قاۋلاتتى.

  مىڭ سارباز وڭاي قولعا كەلەدى، ءبىر قولباسشىعا قول جەتكىزۋ قيىن. ”قابىلەتتىلەر باستاماشى بولۋ“ مەحانيزمىنىڭ رولىن ەڭ زور دارەجەدە ساۋلەلەندىرۋ تاماشا عىلمي زەرتتەۋ ورتاسىن جاراتىپ، قابىلدانعانداردىڭ بار زەيىنىمەن زەرتتەۋمەن اينالىسىپ، الاڭسىز ىستەۋىنە مۇمكىندىك جاساۋدى قاجەت ەتەدى؛ سونداي - اق عىلمي باعالاۋ مەحانيزمىن ورناتىپ، جاقسى ىستەگەندەردى سيلاپ، ناشارلارىن جازالاپ، جاقسىسىن ەڭ قاجەتتى جەرگە ىستەتۋگە شىنايى كەپىلدىك ەتىپ، ءىس جۇزىندىك ماسەلەلەردى شىن مانىندە شەشىپ، ناقتى ونىمدىلىككە قول جەتكىزۋدى قاجەت ەتەدى.

  بيىل اۆتونوميالى رايوننىڭ ۇكىمەت قىزمەتىنەن بايانداماسىندا ”دارىندىلار ارقىلى جەتەكشىلىك ەتۋدەن، قوزعاۋشىلىق ەتۋدەن جازباي، دارىندىلار جاعىنان قۋاتتى رايون قۇرۋ ستراتەگياسىن ىشكەرىلەي اتقارىپ، اناعۇرلىم بەلسەندى، اشىق، ءونىمدى دارىندىلار ساياساتىن اتقارۋ كەرەك“ دەپ اتاپ كورسەتىلدى. نازاردى ەكونوميكالىق، قوعامدىق دامۋدىڭ قاجەتىنە شوعىرلاندىرىپ، ءتۇرلى دارىندىلاردىڭ ءوز ورنىن تاۋىپ، ءتۇرلى دارىندىلاردىڭ ءوز ارتىقشىلىعىن بارىنشا ايگىلەۋىنە مۇمكىندىك جاساعاندا عانا، عىلىم - تەحنيكادا جاڭالىق اشۋدىڭ قوزعاۋشى قۋاتى، ءسوز جوق، اناعۇرلىم جەتكىلىكتى، اناعۇرلىم كۇشتى بولادى.