انار بۇلت \ شينجياڭ گازەتىنىڭ ءتىلشىسى چىن چياڭۋي 1 - ايدىڭ 31 - كۇنى ۇرىمجىدەن حابارلايدى. 2022 - جىلى شينجياڭداعى 4 كەشەندى باجىسىز اۋماق جوعارى ساپالى ”جاۋاپناما“ تاپسىردى، جالپى يمپورت - ەكسپورت قۇنى 85 ميلليارد 20 ميلليون يۋان بولىپ، سايكەس مەزگىلدەگىدەن ％9. 435 ارتىپ، بۇكىل شينجياڭنىڭ يمپورت - ەكسپورت قۇنىنا قوسقان ۇلەسى ％5. 34 بولدى.
بىرنەشە جىلعى قۇرىلىس جۇرگىزۋدىڭ ارقاسىندا ءۇرىمجى، قاشقار، الاتاۋ، قورعاس كەشەندى باجىسىز اۋماعى رايونىمىزدىڭ اشىق ەكونوميكاسىنىڭ ماڭىزدى دانەكەرىنە اينالىپ، سىرتقا ەسىك اشۋ تۇعىرىنىڭ رولى كۇن سايىن كورنەكتىلەندى.
بىلتىر قاشقار كەشەندى باجىسىز اۋماعىنىڭ دامۋ قارقىنى كورنەكتى بولدى، نەگىزدى كۇشەيتۋ، نىساندى يگەرۋ، كاسىپ سالاسىن گۇلدەندىرۋ، فۋنكتسيانى كەڭەيتۋ، تۇعىردى بەكەمدەۋ ارقىلى، تۇتاس جىلدا سىرتقى ساۋدا يمپورت - ەكسپورت قۇنى 28 ميلليارد 280 ميلليون يۋانعا جەتىپ، سايكەس مەزگىلدەگىدەن ％8. 661 ارتتى، يمپورت - ەكسپورت قۇنى مەن ارتۋ قارقىنى تۇگەلدەي 4 كەشەندى باجىسىز اۋماقتىڭ ىشىندە ەڭ الدى بولدى. قورعاس، الاتاۋ ساعاسى جانە ءۇرىمجى كەشەندى باجىسىز اۋماعىنىڭ يمپورت - ەكسپورت قۇنىندا دا قاۋىرت ارتۋ جاعدايى جارىققا شىعىپ، جەكە - جەكە سايكەس مەزگىلدەگىدەن ％2. 550، ％5. 192 جانە ％3. 635 ارتتى.
1 - ايدىڭ 28 - كۇنى، قاشقار كەشەندى باجىسىز اۋماعى وتكەلىندە اۆتوكولىكتەر قايشالىستى، جۇك اۆتوموبيلدەرى توقتاۋسىز كىرىپ - شىعىپ، قاربالاس كۇيدە بولدى. شارۋاشىلىق - ساۋدا ورتاسىنىڭ ۇزدىكسىز ساپالىلانۋىنىڭ ارقاسىندا، بىلتىر قاشقار كەشەندى باجىسىز اۋماعىندا جاڭادان 143 كاسىپورىن كوبەيىپ، كاسىپورىنداردىڭ كولەمى ارتىپ، ومىرشەڭدىك كۇشى بارىنشا قاۋلادى. قاشقار كەدەنىنىڭ ساناعىنا قاراعاندا، حالىقتىق كاسىپورىندار كەشەندى باجىسىز اۋماقتىڭ ％9. 99 يمپورت - ەكسپورت قۇنىنا ۇلەس قوسقان.
كەشەندى باجىسىز اۋماقتىڭ جوعارى ساپالى دامۋىن ۇزدىكسىز ىلگەرىلەتۋ ءۇشىن، ءۇرىمجى كەدەنى بيىل كاسىپورىنداردىڭ ”ماسەلەنى نولگە ءتۇسىرۋ“ مەحانيزمىن ۇزدىكسىز اتقارىپ، ارالاۋ، تەكسەرۋ - زەرتتەۋ جۇرگىزۋ، ينتەرنەت جەلىسىندە سۇراۋ - جاۋاپ جاريالاۋ سياقتى تاسىلدەر ارقىلى كاسىپورىنداردىڭ بيىلعى ءوندىرۋ، مانەرلەۋ جوسپارىن يگەرىپ، باعىتتامالى تۇردە شارالاردى ناقتىلاندىرادى، كەدەننەن وتۋدە قولايلىلىق جاساۋ شارالارىن ساپالىلاندىرىپ، رەتتەپ، كاسىپورىنداردىڭ ءتۇرلى ساياساتتاردىڭ پايداسىنان تولىق، ويداعىداي پايدالانۋىنا جەتەكشىلىك ەتىپ، ەسىك اشۋ دەڭگەيى اناعۇرلىم جوعارى، ىقپال رولى اناعۇرلىم كۇشتى ىشكى - سىرتقى ساۋدانى ءبىر تۇلعالاندىرىپ دامىتۋ تۇعىرىن قالىپتاستىرادى.
