انار بۇلت \ شينجياڭ گازەتىنىڭ تىلشىلەرى چىن چياڭۋي، لۋ فىڭباۋ 1 - ايدىڭ 31 - كۇنى ۇرىمجىدەن حابارلايدى. الاتاۋ ساعاسى ۆوگزالىنىڭ ساناعىنا قاراعاندا، 1 - ايدا الاتاۋ ساعاسى تەمىر جول وتكەلىنەن وتكەن زات مولشەرى ءبىر ميلليون 114 مىڭ تونناعا جەتىپ، سايكەس مەزگىلدەگىدەن ％8. 12 ارتقان.
باستالعان جىلدىڭ العاشقى ايىندا شينجياڭ تەمىر جول تاراۋلارى كوكتەم مەرەكەسى دەمالىسى سىندى ەرەكشەلىككە ۇشتاستىرا وتىرىپ، كەزەكشى پويەز كەزەگىن ۇيلەسىمدى رەتتەپ، جۇڭگو - ەۆروپا كەزەكشى پويەزى تاسىمالىن ۇيىمداستىرۋ جوباسىن كەمەلدەندىرىپ، قايتقان كەزەكشى پويەزدەر سانىنىڭ ارتۋىنداي ءىس جۇزىندىكپەن ۇشتاستىرا وتىرىپ، ”جەدەل تيەۋ، جەدەل ءتۇسىرۋ“ پرينسيبى بويىنشا، اۋىستىرىپ تيەۋ قامباسىنا ەنگەن پويەزدەردى دەر كەزىندە اۋىستىرىپ تيەۋگە ۇيىمداستىردى.
جۇڭگو - ەۆروپا كەزەكشى پويەزدەرىنىڭ كەدەننەن ءوتۋ ونىمدىلىگىن جوعارىلاتۋ ءۇشىن، الاتاۋ ساعاسى كەدەنى الاتاۋ ساعاسى ۆوگزالىمەن بايلانىستى، سايكەسۋدى كۇشەيتىپ، كەزەكشى پويەزدەردىڭ وتكەلدە ايالداۋ ۋاقىتىن قىسقارتىپ، سيفرلانعان وتكەلدى قولدانۋدى، تەمىر جولدىڭ تەز قاتىناۋىن، كەدەن − تەمىر جول ىركىلىسسىز ارناسى سياقتى تەمىر جول وتكەلىنىڭ جاڭا ۇلگىسىن ورتاق ىلگەرىلەتتى، باستالار جەردەگى كەدەنمەن ”ءتۇيىندى تۇيىنگە جالعاۋ“ بايلانىس جاساۋ، سايكەسۋ مەحانيزمىن ورناتىپ، كەزەكشى پويەزدەردىڭ كەدەننەن وتۋدەگى قيىن تۇيىندەرىن دەر كەزىندە شەشتى.
قازىر الاتاۋ ساعاسى ۆوگزالىنان شەكارادان شىعاتىن جۇڭگو - ەۆروپا كەزەكشى پويەزدەرىنىڭ كەدەننەن ءوتۋ ۋاقىتى 5 ساعاتتىڭ ىشىنە قىسقاردى، شەكارادان ەنگىزىلگەن زاتتار ينفورماتسياسىن وتكەرمەلەۋ بارىسىنىڭ جىلدامدىعى 4 ساعات تەزدەتىلدى، ءار رەتكى كەزەكشى پويەزدەردىڭ ولشەمدى رەليستەردە تيەۋ ۋاقىتىن ءبىر جارىم ساعات ىشىندە مەڭگەردى. كوكتەم مەرەكەسى كەزىندە جۇڭگو - ەۆروپا كەزەكشى پويەزدەرى تاسىمالىن تاۋلىك بويى توقتاتپاۋدى جۇزەگە اسىردى.
”جۇڭگو - قازاقستان ەكى جاق ستانسياسىنىڭ جۇمىس جۇرگىزۋ جاعدايىنا جانە اۋىستىرۋ - تيەۋ قۋاتىنا نەگىزدەلە وتىرىپ، ءبىز تيەلگەن زاتتاردىڭ تۇرلەرىن يكەمدى رەتتەپ جونەلتىپ، جۇمىس جۇرگىزۋ جەلىسىنەن پايدالانۋدى جاقسارتتىق، تاياۋدان بەرى ءار كۇنى جۇڭگو - ەۆروپا كەزەكشى پويەزىنەن 16 كەزەك شاماسىندا قابىلدادىق، جونەلتتىك“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى الاتاۋ ساعاسى ۆوگزالى تيجارات باسقارۋ ءبولىمىنىڭ كومەكشى ينجەنەرى جاڭ بين.
